السلام عليكم ورحمة الله وبركاته
عايزة اخد رايكم في مشكلتي وياريت تفيدوني برايكم عشان انا خلاص مش عارفة اتصرف ...انا متجوزه من 6 سنين وعندي ولدين
مشكلتي مع زوجي هي باختصار اني احسه غير سعيد معي مع اننا اجوزنا عن حب بس ظروفنا غريبه شويه فانا اكبره ب 3سنين ...وهو لديه مشكله انه تعثر في دراسته ولم يكملها مع العلم انه كان في كلية من كليات القمة اما اانا فحاصله علي الماجيستير بردو في كلية من كليات القمه ...هو يعمل عمله الحر و ناجح فيه وانا اعمل وكل لديه ميزانيته وليس لدينا اي مشاكل ماديه ...وبعد الجواز التحق بكلية اخري في تخصص عمله وهو الان في السنه الثانية ولكن لدية دائما احباط واكتئاب وحسرة وندم علي ضياع هذه السنين وعدم حصوله علي الشهاده في وقتها ....حاولت منذ جوازنا ان نتخطي هذه الفروق علي اساس اننا بنحب بعض وموضوع السن ده غير ملحوظ تماما وموضوع الدراسه بحاول اشجعه عشان يخلص ويحصل علي الشهاده الي هو عايزها ...كمان احب اقولكم حاجه انا تخينه ووزني زايد ...اتجوزنا وكنت مليانه شويه بس بعد الحمل والولاده زدت كتير وخصوصا الحمل الاخير ومنذ حملت من سنه تقريبا وانا اسعر ببعد جوزي عني فهو متغير في كل حاجه يمكن كان بينا مشاكل كتير بس كنت حاسه انه بيحبني ....كان بينا مشاكل اكتشفتها بعد الجواز بسبب علاقاته علي النت والشان ..اتخانقت شويه ...زعلت وهو اعتذر وقالي انه بيتسلي وطلبت الطلاق ورفض وحاول يصلح علاقتنا ويبقي انسان كويس وعذرته وقلت يمكن بسبب احباطه الدائم وفراغه بالرغم انه بيشتغل بس شغله بمزاجه وفي ناس بتساعده في شغله هو بيشرف عليهم بس ...واتكرر المضوع ..موضوع الخيانه والشات واتكررت العتذارات ونفس المسلسل كل مره.....وكل مرة اسامح والتسله الاعذار و مابين كده وكده ووجود الاطفال كمان خلاني اسمر معاه السنين ديه وخصوصا اني بحبه كمان هو كويس معايا في كل حاجه حنين وطيب وكريم وبيخاف علي مشاعري قدام الناس وقدام اهله وبيحتمني ويقدرني وكمان كنت حاسه انه بيحبني ...وده الي كنت فكراه ....كانت علاقتنا الحميميه عاديه ومستمره بس كنت بحس بيه انه مش مبسوط لانه عمرة ما طلبني ولا اثر فيه بعدي اواني ارفض بالعكس انا كنت بستحرم اني ارفض عشان تعبانه او عشان زعلانه ..بس هو عودني ان العلاقه دي تكون تلقائيه من غير ترتيب ولا حساب ...احيانا تكون علاقه جيده وزي اي زوجين ....بس في النه الخيره وبعد الحمل بقت نرات القاء قليله جدا وعلي فترات متباعده يمكن مره في السهر الي ان وصلت الي مره كل 3شهور وكمان انا الي اطلب وانا الي اشتكي من البعد ومن الحرمان كل هذه الفتره ووصل بينا الحال انها اصبحت معدومه واصبحت اعاني من الحرمان ..تناقشت معه قال انه لم يقصر في شئ وانه على حسب ما قال انه سايبني في حالي ومعملش حاجه تزعلني حاولت افهمه اني حاسه انه بعيد ومبقاش يحبني بقه يسكت لحد ما كلمني بصراحه وقالي انه من يوم ما تجوزنا وفي حاجات مضيقاه بس مني وانه بيحاول حياتنا تمشي وانه فكر في الانفصال بس تراجع عشان ميظلمنيش واهو الي يعرفه احسن من الي ميعرفوش وانه خايف يبدا حياة جديده مينجحش فيها .....اتفقنا علي التغيير وكل واحد يحاول يتغير ويتحسن عشان التاني .....سالته طب ايه الي مش عاجبك فيا قال حاجات زي اني نكديه وغيورة واني بصر علي راي وبس طب فيه حتجه تاني قالي حاولي تفكري انتي وتعرفي لوحدك ....قلت يمنكن وزني لانه زاد جدا مع الحمل الاخير مع العلم اني لسه والده من شهرين ومش راضيه عن شكل جسمي وربنا العالم بحاول بس بقل حاجات بسيطه واديني بردو مستمرة برغم كل الاحساس بالظلم منه والقهر فهو هاجرني بالفراش ولا يلنسني حتي لمجرد الطبطبه ولا ينظر اليا نظرة اعجاب او كلمة حب يقولها مثل اي زوج المفروض انه بيحب مراته ...ولا يطلبني وينام في حجره لوحده ويسهر ساعات علي موبايله هو قافل باب الاوضة ...حتي اوضتي بقيت اخلها باستاذان ...مع العلم اني متاكده انه مش متجوز عليا لانه مبيروحش حته غير شغله الي في نفس البيت وقليل الخروح جدا غير انه بيلجا للعاده السريه وانا علي علم بذلك فهو تقريبا بيفرغ حاجته عندما يحتاج وانا اعرف وواجهته بيها فسكت وحاولت ان ابعده عنها ولكني لم افلح ،،اتخانقت معاه كتير ..طلبت الطلاق اكتر من مره وهو بيحاول ياجل ويقولي ؤبنا يسهل حنشوف بعظين ...حاولت اصلح ما بينا لكن بدون حدوي حتي انه قالي لو عايزه تنفصلي خليكي في بيتم ونعيش زي ما اخنا عشان الاولاد .،رضيت اني اعيش كما انا هو في اوضه وانا في اوضع عشان الولاد لسه صغيرين ومضتش اخرمهم من ابوهم ...محكيتش لحد من اهله ولا اهلي عن حاجه ..،حاولت احافظ علي الي بينا من باب الستر عليه ....بس مش قادره تعبت الحرما ن وحش وخصوصا لما اكون بحبه وبدعي ربنا انه يهديه ..حاولت اتقرب وافهمه انه كده بيهيني ويجرح كرامتي اما يرفضني لكن دون جدوي كان بينه وبيني جدار سد كانه ..بيتعامل معايا كانه بيعامل اخته ولما اتكلم معاه واعيط يقولي انتي كويسه انتي مفكيش عيب يبعدني عنك ،،انا الي مش مضبوط انا الي مش كويس ...قلتله يروح لدكتور نفساني قالي ربنا يسهل ....بقيت اشتكي له واتجنن من ردوده الي كلها بقت معلش وربنا يسهل. .....مش عارفه اعمل ايه ...معلش طولت عليكم بس كان لازم تعرفو تفاصيل كتير عشان تساعدني في مشكلتب

كان الله في عونك يا أختي .... الله يجعلك قرة عين لزوجك وهو قرة عين لك ويصلح حالكما وأن يراكي أجمل النساء يارب وأنتي ترينه أفضل الرجال...... اختي لا تطلبي الطلاق مرة اخرى ولا تذكري هذه السيرة ... هو من كلامك يبدو أنه يحبك لكن هناك أشياء تبعده عنك فقط .... كما أن بينكما اطفال ويا أختي كل الازواج بينهما مشاكل فلا داعي للتفكير بالطلاق.
بالنسبة لوزنك .... اعملي ريجيم لكن من الآن لا تفقدي ثقتك بنفسك والبسي اجمل الثياب حتى و‘ن كنتي بدينة وحاولي أن تغيري من شكل شعرك مثلا اصبغيه وقصيه قصة جميلة تجعل زوجك يتفاجأ... وارتدي ملابس يحبها هو..... والعبي رياضة .. سجلي في فيتنس منه للريجيم ومنه لتغيير نفسيتك .
هو يقول عنك نكدية ... أنا أقول لك كل الازواج يقولون عن زوجاتهم نكديات .. وأنا منهم ههههه حاولي ألا تكثري من الالحاح عليه هم لا يحبون منا الحاحنا وعيشي بدون ان تفكري كثيراً ولا تتحسسي من تصرفاته ... كوني فقط راضية عن نفسك أمامك نفسك وأمام ربك .. من ناحية العبادة والشكل والمعاملة الطيبة معه والاهتمام به .... رتبي سهرة رومانسية بينكما ... مثلا ليلة تحضرين بها الشموع وتكوني باجم الثياب والعطر واحضري الجاتوه وحلويات .... واطلبي ان تسهروا معاً وتتسامروا ....
اختي حتى لو انك اكبر منه ب 3 سنوات هذا ليس مشكلة صديقاتي اكبر من ازواجهن ب 5 سنوات ... لا يهم ... عندم يتحدث زوجك إليك ويقول أن سنين العمر راحت وأنه تاخر في الدراسة ... هوني عليه وقولي له أن الإنسان يتعلم طالما هو على قيد الحياة وأن العمر ليس عائق ... واخبريه أنك ستكونين بجانبه ....
انسي فكرة الدكتور النفسي ولا تذكريها له ثانياً... اطلبي منه أن يكثف علاقته بربه فقط وان يضع مخافة الله أمامه في كل شيء.... وأنتي اتلي القرآن وادعي لك وله دائماً واطلبي من الله أن يدبر أموركم ..
لا تحزني اختي ولكن زوجك يحتاج إلى تقرب إلى الله اكثر فقط .... ابدئي من نفسك ثم زوجك ثم اطلبي من الله العون وستنحل مشكلتك ان شاء الله

وعليكم السلام و رحمة الله و بركاته

اسال الله العظيم ان يفرج همك و يبدل حزنك فرح و مسرات اللهم آمين

اختي في البدايه لا تكوني لحوحه ولا تحاولي ان تضغطي على زوجك في شيئ
اتركيه براحته ، عيشي حياتك بهدوء ، طنشي وبردي اعصابك
فقط اهتمي بنفسك بصحتك بنظامك الغذائي ، اهتمي بأطفالك وبيتك
ومع كل ذلك لا تجعلي لسانك لا يتوقف عن الإستغفار والله انه الحل السحري لجميع المشاكل و الهموم
استغفري بنيه ان الله تعالى يصلح الحال بينك وبين زوجك وان يرده اليك ردا جميلا
اكثري من لا حول و لا قوة إلا بالله ، اشغلي نفسك بالذكر و الدعاء
وان شاء الله تتغير احوالك للأفضل و ربنا سبحانه و تعالى يهدي لك زوجك
لا تطلبي الطلاق ابدا فقط اصبري والله تعالى مع الصابرين وما بعد العسر إلا اليسر ان شاء الله
لا تفتحي معه اي موضوع بل تظاهري بعدم المبالاه ربما هذه الطريقه تنجح معه
هناك ازواج ينفروا من الملاحقه و الحصار ، ربما زوجك من هذا النوع
جربي ولن تخسري ، ربما الموضوع احتاج لوقت ولكن في النهايه سوف يعود اليك ان شاء الله افضل مما كان
دعواتي ترافقك .

السلام عليكم ورحمة الله وبركاته ..شكرا اخواتي علي رددوكم واهتمامكم بمشكلتي ...ربنا يعلم اني بلجا اليه في كل وقت وادعوه ان يهدي زوجي لاني لا اريد ان اخسره ..فنحن نعيش الان في بيت واحد بعد خلافات كثيرة وهو يظن اني اعيش معه من اجل الاولاد وانا ايضا عندما سالته ليه مش موافق ننفصل ونبقي كده قالي سبب من الاسباب الاولاد ومرضاش يقول اسباب تانيه ...كتير بفكر اقوله اني لسه بحبه وانه حاجه كبيره اوي عندي واني واحشني حضنه واني عايشه معاه مش بس عشان الولاد لكن عشان مقدرش استغني عنه برغم عيوبه وهجره ليا وبعده عني بس مبقدرش وبخاف ااقرب منه يفتكر اني عايزاه بس يديني حقوقي ...وصلت حتي اني بخاف البس او اعمل ميكاب او اعمل اي حاجه يفهما اني عايزه منه حاجه ...بقيت اتحفظ في كلامي ونظراتي ولبسي وانا بتعذب وبحلم بيه و بتمناه بس عزة نفسي منعاني لاني حاولت كعاه كتير ومكانش منه غير الرفض والصد والخناق والنكد ...غير كده اني بقيت اشك في كل تصرفاته من كتر ما اتعودت منه انه بيعرف غيري علي الشات وتقريبا ببقي شبه متاكد لانه بيقضي وقت كتير علي النت ودايما قافل موبايله بباسوورد وبيخاف جدا اني ااقرب من موبايله او امسكه بس انا ما بحاولش اني المسه حتي لكن بيبان من خوفه او ما ابقي جنب الموبايل وايما عامله سايلنت وحاجات من دي كتير وده مخليني دايما افكر انه يعرف غيري وممكن بيكون كمان بيحب غيري وده الي مخليه متغير من ناحيتي ....مش عارفه انا بحاول بس ممكن اكون بتصرف غلط انا بقيت محتاره ..وبقول ساعات ..لو بيعرف حد غيري سيبيه في حاله وانسيه وارضي بالنصيب وعيشي لاولادك وساعات اقول سامحيه وقربي منه يمكن انتي مقصره معاه والي محتاجه منك مش لاقيه بس بقيت مش فهماه ومش عارفه هو عايز ايه

أختي ... لا تجعلي عزة نفسك تؤثر كثيراً على تصرفاتك ..... طنشي يا أختي ولا تهتمي البسي واهتمي بنفسك كما قلت لك ولا يهمك ماذا سيفهم هذا .... عيشي وصنعي الفرحة لنفسك ولا تهتمي وتتعبي نفسيتك بسببه .. أختي زوجك يحتاج إلى هداية وتقرب إلى الله ادعي له وكثفي الدعاء ... هناك نوع من الرجل صعب فهمه كما هو زوجك لذلك لا تفكري كثيراً حبيبتي ... اعملي ما عليكي وكوني سعيدة وواثقة بنفسك ..

صديقتى اختى انا مريت بنفس مشكلتك بالضبط وانا كمان سمينة لجات لربي بالدعاء كل يوم بعد كل صلاة. والحمد لله انحلت مشكلتى ادعى هذا الدعاء بعد كل صلاة ( اللهم انى استودعك زوجي وذريتى اللهم انى استودعك روحهم وسمعهم وبصرهم وإيمانهم وفروجهم وجميع جورحهم فحفضهم اللهم انت خير حافض وانت ارحم الرحيمين ) صلي واتضرعي لربنا وأبكى وادعى الله يوفقك اختى

اختي سماء ...جزاكي الله كل خير علي مشركتك في حل مشكلتي وصدقيني انا حاولت اني اعيش لنفسب ولاولادي ولا افكر فيه ولكنه شئ صعب ويبقي دائما احساسك انك محتاج انسان بجانبك يشعر بك وبرغباتك ويعفك عن الحرام .....لقد كانت نفسيتي تعبانه جدا الايام الماضيه وانا الان في حالة متزنه وكتبت في هذا المنتدي كي استفيد برايكم وتجاربكم يمكن اقدر اغير ششئ وكمان ممكن اكون مخطئه وطريقة تعاملي معاه غلط وممكن اكون عندي حق مش عارفه ..وفي الاخر يبقي ان ادعو الله وان تدعولي ان ربنا يهديه

اختي راانيا شكرا علي مشاركتك ...احب اعرف لو هفهاش تطفل منك انتي مشكلتك اتحلت ازاي وانت اتعاملتي معاه ازاي جزاكي الله كل خير

اتبعي لي راح اقوله لك ويصير خير
ادخلي صالة رياضة نقصي وزنك اكثر مما كنتي قبل الزواج يعني وصلي للوزن المثالي اللي يجب يكون عندك
غيري ستايلك 360 ملابس شعر اهتمام بالبشرة
لا تطلبيه ابدا واعطيه مساحة حرة اله يعني تحدث معاه عادي تعايشي مع الوضع
غيري شخصيتك ))) طوني بشوشة قللة الكلام مبتسمة واثقة من نفسك
لا تذكري عيوبك ابدا امام اي احد
ل تهتمي فيه كثير يعني تلصقيه على كل حاجة
قللي اسئلك
املئي اوقت فراغك
اذا عملتي هيك راح يتجدد حبكم وتكسبيه

أهلا أختي الكريمة عزة أنت كتبتي مشكلتك من عدة أشهر ونصحناك عدة نصائح ماذا فعلتي منها؟

في حاجه اسمها طب أسري فيها ايه لما تستشيري طبيبة أسرية هتفيدك أكيد

هو واضح طبعا أنه بيشبع نفسه مع أخريات ع النت وده مخليه يزهد فيك

أنا عايزة أسالك سؤال يعني هو أنت لو انفصلتي هتستفيدي ايه؟هتتزوجي ومعاك العيال؟أظن كلنا عارفين أن ده شيء صعب

أنا بقرأ كتير طلبات زواج بيبقى الرجل مطلق وعنده عيال وبيشترط ف العروسة تكون بدون أطفال ده موجود كتير جدا

هترتاحي نفسيا ؟لا أظن هو نفس الوضع بل سيكون أشد هتتحوجي كتير تطلبي منه طلباتك وهتتحملي مسؤولية العيال لوحدك

وده شيء فيه مشقة كبيرة ليك والعيال مش هيقدروا يشفوه كل يوم أقصد أقولك فكرة الانفصال ليس فيها الا خسارة لك من كل النواحي

فمفيش داعي تجيبي سيرتها تاني ولا تطلبيها

أيام السلف كانت المرأة ممكن تشتكي إن زوجها مقصر معاها جنسيا ولم ينكر عليها أحد فلو رأيتي أنه ينفع تكلمي

حد تثقي فيه والأفضل يكون من المحارم يتكلم معاه ويشوفلكم حل تكلمي وده حل شرعي لأن ربنا تعالى قال (حكما من أهله وحكما ن أهلها )

حتى لو الموضوع محرج لكن أثره عظيم على نفسيتك فمن حقك تدخلي حد يكلمه لازم يعطيك حقك

ليس عندي جديد أقوله لك غير أن قلبه واصلاحه بيده تعالى لا تيأسي من كثرة الدعاء ولا من تأخير الاجابه وكثرة الاستغفار

بالنسبة للوزن سمعت أمس مقطع لمعالج اسمه عبد العزيز المعيوف التميمي بعنوان علاج الابهر هاتيه من ع النت

بيقول ان المشي حافي كل يوم ربع ساعه بيسيح الدهون ويعالج أمراض ويخرج الطاقة السلبيه اللي ف الجسم

والمشي يكون على حصى أو أرض متعرجة دي معلومة جديدة بالنسبة لي وكمان معلومة سمعتها من الدكتور

ماهر صيدم معالج أيضا بالابر الصينية هتلاقي حلقاته ع النت مفيدة جدا بيقول الجسم أحيانا مش بيحرق

حتى وانت عاملة رجيم وحامة نفسك وبتعملي رياضة وما تخسي أبدا وده جربناه فهو بيقول بنعمل تفتيح مسار (يعني الشراييين بتبقى مسدودة)

وده بيخلي الجسم يحرق بطريقة سريعة جدا فأنت لو تيسرلك تروحي لطبيب بيعالج السمنه بالابر الصينية روحي واطلبي منه يعملك تفتيح مسار

مع المشي وعبد العزيز قال نظام غذائي مهم ولو تقدري ماديا تعملي تكميم معدة بيكون أفضل أو تغيير مسار لأن تخسيسك صعب

وهتعاني كتير لازم تدخلات أخرى غير الرجيم والرياضة وسمعت كمان أفضل شيء جهاز تفتين الدهون لانه بيفتتها ومترجعش تاني

احتمال يكون بينفر من الوزن أو اجتهدي تعرفي منه ايه اللي بينفره منك وربنا يصبرك يارب ويفرج كربك