السلام عليكم ورحمة الله

لا بد أن المعظم تعرض لأسئلة محرجة حول أمور خاصة !!

فقد تفاجئك جارتك , سلفتك , حماتك , صديقتك أو غيرهم بسؤال مباشر(صاروخ أرض أرض) يتعلق بحياتك الخاصة , أو زوجك ,أطفالك أو أهلك ....
وأنت لا تحبين الحديث في الخصوصيات وإفشاء الأسرار ...

البعض لديهم القوة في الرد بحيث يرد رد مفحم ومخجل لصاحبة السؤال ...

ولكن الكثيييييييييير (وانا منهم ) بيتلخبط وبيرتبك وما بيطلع معه جواب يهرب من الموقف ... وبصيروا خدودي حمر وخجلانه كإنه أنا الغلطانه

لا أخفي عليكم مع البعض بطنّش السؤال ...مثلا قد تسألني صديقة سؤال مباشر عن زوجي(وانا أعتبر هذا قلة أدب- اعذروني-, فأتجاوز سؤالها واتحدث بموضوع آخر دون أدنى حرج)

ولكن قد تكون السائلة امرأة كبيرة , تحرجين من تطنيشها ...

اذكروا لنا مواقف حدثت بهذا الصدد تصرفت فيها تصرف جيد ورددتِ رد دبلوماسي أخرجك من المأزق بنجاح ...

موضوع جميل ويستحق المشاركه
بالنسبه لي حدث موقف عمري ماأنساه لأنه كان محرج أنا بطبيعتي هادئه وما عندي سرعة بديهه وخجوله نوعاً ما مره كنت خالسه مع مجموعه من الزميلات في العمل وصديقاتي كان الهدوء يخيم على الجميع ماعدا ثلاث من الزميلات لهم أحاديث جانبيه وفجأه وبدون مقدمات قالت لي وحده من الزميلات أنتِ كذا في البيت ساكته ماتتكلمين ماينسمع صوتك وغيرها من الكلمات الي نسيتها من الصدمه والمفاجئه بدون تركيز ومن الشعور بالإحراج والتدخل في شخصيتي وخصوصيتي النفسيه قلت لها مالك دخل في شيء مايخصك sid
بس لحد الحين في خاطري كلام أبي أقوله لها وأبرد قلبي فيها بس شعقبه مايجينا الرد إلابعدين

بصراحة ردك رهيب , مع إنه طلع من هول المفاجأة
اكيد زميلتك بعدها صارت تستحي تتطلع فيك ...

ذكرتيني بموقف صار أول ما وصلت هون للسويد وتعرفت على مجموعة أخوات, أزواجهم أصحاب زوجي ....
كنا جالسين مجموعه تقريبا 4 نساء , وكان في وحده ما بعرف مالها بتحب تعرف عني تفاصيل التفاصيل , حتى وصلت فيها مرة دخلت غرفة نومي بدون إذن !!!
المهم كنا جالسين فجأة وبدون مقدمات سألتني : إنتو بتحوشوا (فلوس يعني)؟؟ ههههههههههههههههههههههه
لليوم نفسي اعرف شو بهمها الموضوع ؟؟؟؟

المهم أنا انحرجت كتير , وما بعرف كيف طلع مني الرد مع إنه وجهي كان بالألوان : قلتلها : هاي بلد بعرف الواحد يحوش فيها !!!! كلها مصاريف بمصاريف!!

عجبي!

جزاك الله خير والله فعلا موضوع جميل
وانا مثلك وكان التدخل من اخت زوجي وهي متزوجه
كذا مرة سالتني اسئله مالها فيها دخل واخر شي طفشت ومسكت
اختها الي اصغر منها وهي في سني تمام وفهمتها الوضع وراحت
وقالت لها وبعدها حسيت انها تحسنت لكن الان في انتكاسه
وشكرا لك على طرح هذا الموضوع

آه يا فنونة على اٌل لما وحدة تسألك انتوا بتحوشوا أهون من اللي انا بنسأله

تخيلي مرة كنت قاعدة مع مجموعة بنات اعرفهم في الجامعة طبعا في منهم قريبة لي
وناس أول مرة بشوفهم ووووو.. المهم وحدة منهم لها قرابة بعيدة ولها أخوات جالسين
معانا.. تخيلي يا فنّو تقول لي وانا ماشية على بيتي: سلمي لي على زوجك

هدا الكلام كنت أشوفه وأسمعه في مجالس كتيرة بس مو اي مجلس لا مجالس العائلة
خاصة عائلتي اللي هنا طيب هيا على اي اساس تسلم عليه شو هي أخته أو حتى
بنت عمه!!! لا..

هدي كانت تلعب معاه وهم أطفال.. طبعا هم عادي عندهم كـــــــل رجال
الدنيا اخوانهم ما تفرق هدا ابن مين وهدا ابن مين.. يتكلموا مع كل
الناس.. المشكلة كمان انه زوجي وأهله نفس الشيء>>> عااااااااااااااااااااااااااااادي..
هم يعرفوها طبعا بس معرفة عائلية..

صرت بعد كدا أقول لزوجي فلان كان يلعب معانا برجون وفلان صاحبك كنا وعائلته
close على بعض وفلان كان جارنا وفلان قريبنا لحد ما عرف انه بس بدي اغيظه
حتى يعرف انه ما تعجبني حركات السلامات هدي وهو بالفعل بعض الشباب أصحابه
كانوا أساساً أصحابي لما كنت صغيرة

--------------


اللي يقهرني أكتر وأكتر لما تيجي وحدة مابيني وبينها اي صلة تعارف يااااااااااادوب
زوجها صاحب زوجي.. زارتني وحدة منهم على البيت وبيتنا 3 أدوار والكل عارف
انه البيت هدية من ماما تخيلي تقول لي: ليش ما تنقلوا على شقة اصغراريح لك في الشغل

قلت لها في اختراع اسمه شغالة تيجي في الاسبوع مرة تساعدني وتمشي
قالت: يعني زيادة مصاريف على الفاضي!!

انا انقهرررررررررررررررت وقمت من مكاني وجبت الحلا






اتكلمت كتير



تسلمي فنو

السلام عليكم أيتها الأخوات
بصراحة من قرائتي للردود ولا واحدة تعرضت لسؤال محرج مثل الذي تعرضت له وممن من أخت زوجي الكبرى.
سألتني سؤال حتى الآن العجز عن فهم سببه ولم كان
السؤال يا أخواتي..(زوجي والحمد لله يتمتع بطول 198سم وجسم رياضي بمعني الكلمة وأنا يادوب 160 سم )
سألتني فجأة وامام ابنتها التي لم يتجاوز عمرها حينها ال12سنة، كيف أخوي معاك (طبعا انتن تفهمن قصدي مش دفش والا بيعاملك بنعومة) بصراحة أحسست بصدمة وبلا وعي خرج من الجواب (لم أجرب غيره حتى أقول لك إن كان ناعما أو قاسيا). وصدقا حتى اليوم لا أعرف من أتتني الجرأة لمثل هيك جواب. ولكن والحمد لله من يومها لم تعد تتدخل في حياتي بعد أن كانت تتدخل في كل صغيرة وكبيرة، حتى راتبي كانت تحاول معرفة كيف أصرفه علما بأنني من النوع الخجول والمسالم ولكن للضرورة أحكام.

موضوع حلو يا فنو الله يحلي ايامك و يقومك بالسلامة ( و البيبي يقلب ) >>> مين جاب سيرة البيبي؟

انا كتير مرات بتعرض لهيك مواقف و بتمنى الارض تنشق و تبلع اللي سألتني ( مش تبلعني ) و كل اللي بعمله يا اما بضحك ضحكة هبلة او بطنش .. و بعدها بصير الوم حالي : ليش ما طسيتها ( يعني اعطيتها جواب في العضل)

و بنفس الوقت ما بحب احرج حد خصوصا اذا مان في معنا ناس ..

اكتر سؤال بتعرضله انه ليش لهلا ما في حمل ؟؟ طبعا دايما الجواب ضحكة هبلة و هزة راس .. ولا شي ... ما بعرف

اخر مرة لما رحت عالصالون اعمل تغيير في منظري ( بنت عمي صاحبة الصالون) سألتني .. انت بتحطي مكياج في البيت .... جاوبتها و انا وجهي الوان ( بعرفش ليش استحيت) اه طبعا بحط مكياج...
قالت شو بتحطي (زادت الالوان اللي في وجهي) ... ولا شي .. كحل و شوية روج
صرخت... بسسسسسسسسسسسسسسسسس؟؟؟؟؟؟؟؟؟؟!!!!
و طبعا كل البنات اللي في الصالون ( و اغلبهم معرفة) فكرو في شي خطير.. ولا هي بتقوللي :بكرة الزلمة بطفش و بدور على وحدة تانية ... طبعا انا ارتعبت من صراخها مش من الكلام و حاولت افهمها انه زوجي ما بفضل المكياج التقيل و اني بروح من الشغل تعبانة و بضل اشتغل في البيت لليل ... و ابدا ولا هي هون ولا راضية تسكت ... و البنات بتطلعو في كاني شي غريب .. اخر شي صرخت فيها عشان تفصل .... قلتلها هو اشتكالك شي... سكتت و قالت بكل هدوء( تندمت ليش ما صرخت من الاول) لا ما اشتكالي بس انا بعرف... قلتلها يا ستي لما يشكيلك ولا يتجوز علي بصير خير .. و انا مرتاحة و راضية هيك .. نكمل شغل ولا اروح عالبيت بلاش يتجوز علي احسن.؟؟؟

و كانت هاي المرة الاولى و متهيألي الاخيرة اللي بفش قلبي و بجاوب لاني حسيت الكل صار بده يتفلسف علي..

يا لهوييييييييي قد ما بحكي..

أختي eno
من الممتاز أن تجدي من تثقين بعقليتها وأخلاقها بحيث تشتكين لها ,
وهي تدافع عنك وترد الإساءة ...وتكون واسطة خير .
بصراحة هذا واحد من الحلول الرائعة , لكن المهم أن يتوفر صاحب العقل الراجح الذي يتفهم موقفك , ويؤدي دوره بحكمة .

صدى ...
للأسف موقف الأخت اللي بتقولك سلمي على زوجك ,موقف بيضايق , لكن المشكلة لو تدققي بتلاقي هاي النوعية بتتصرف بسذاجة وما بتحسب حساب كلامها,
بتحاولي تختلقيلهم العذر , لكن بترجعي تحكي : الإنسان مفروض يحاسب على كلامه ويعرف شو بحكي (وهل يكب الناس على وجوههم يوم القيامة إلا حصائد ألسنتهم!)

أعز صديقة علي , فعلا أعزها جدا ولكنها لا تراعي هذه النقطة أبدا , يعني يوم تسألني كيف عمر؟
لازم تقول وكيف أبو عمر وشو أخباره !!!!!
صدقا أنا أستحي أسأل أختي عن زوجها وهو المحرم المؤقت بالنسبة لي! وهو قريب لي!

فأستغرب هل صداقتنا تعني رفع التكلفة لهذه الدرجة !
ومهما حاولت تطنيش سؤالها يبدو أنها لا تستطيع فهم النقطة ,

قبل عدة أيام صدمتني مرة أخرى , إذ كانت تشكي لي همها لأنها تأخرت بالزواج , فطرحَتْ مسألة جمال المرأة وأن الرجل تهمه هذه النقطة بالدرجة الأولى , وسألتني بشكل مباشر اسألي زوجك ما مقدار اهتمامه بجمال المرأة وما أولوليته !!!!
أنا طبعا صدمت من سؤالها لإنه ما علاقتها برأي زوجي في الموضوع !؟!؟!؟!؟!؟
ولا أملك سوى التطنيش واعتبار أني لم اسمع السؤال أصلا !! لإنه لو تكلمت أي كلمة رح أجرح مشاعرها , وهي أصلا حزينة وأنا ما بحب أزيد عليها .
مثل ما قلتلك دائما أفترض أنها تخطئ سذاجة , ولكن ألومها لأن الإنسان مسؤول عما يتفوه به لسانه.

-----------

موقفك الثاني مثال جيد للنقطة التي أردت طرحها ,

وهي أن مجرد الرد على أول سؤال ومحاولة الدفاع , ستجلب المزيد من التدخلات ...

يعني لإنك بررتي كبر البيت واقترحت حل , هي وجدته مدخل جديد لتدخل آخر !!!

يا جماعة، ما بعرف صراحة من وين بتلاقوا هذول الناس
أنا من النوع الغير خجول وأقصد بهذا الجراءة في الرد... ورغم إني ما مريت بناس يسألوني أسئلة في صميم خصوصياتي، إلا أني تعرضت لكذا موقف، الناس تحب تعرف شيء وأنا ما بدي، مثل لما كنت حامل، سألوني شو معك؟ كل الناس بتسأل هالسؤال، الجواب ما عرفت أقوله إلا بالانجليزي it is for me to know and for you to guess
يعني أنا علي أعرف، وانت عليك تحزري، وأستأذن وأمشي
عادة ما عندي مانع، لكن كان هذه المرة زوجي منبه ما أحكي.. ومشياً على رغبته فعلت

لكن إنها واحدة تسألني بخصوصياتي في البيت وأسكت لها؟ ما رح تحصل.. فوراً ببادرها بسؤال ألعن منه! وبخليها هي اللي ما تعرف تجاوب..!

كله كوم، والملاحقة حتى أنجب كمان مرة كوم ثاني، كل واحدة تتصل فيي تقول: شو مش ناوية تجيبي بعد؟ يا إلهي بحياتي ما سألت واحدة إذا بدها تحمل أو ليش ما حملت أو من هذه الخصوصيات الحساسة!!!! أنا ماااااااااااالي... ليش أسأل هالسؤال؟ صراحة الجواب لأنه ما بيهمني!!! بسأل السؤال اللي جوابه مهم بالنسبة لي شخصياً... غير هيك، ما لي علاقة في أي شيء!!! ما بعرف ليش الناس بيكون عندها هالفضول للمعرفة بأمور لا تعنيهم!!!!

بتعرفوا في بنت صبية، جاءت زارتني في بيتي حتى تباركلي في زواجي، أدخلتني غرفة نومي حتى تتفرج عليها، مع أني بكره اللي بيطلب يشوف الغرف وما عمري اهتميت أشوف بيت حدا، وسألتني سؤال والله أخجل حتى إني أتذكره تذكر... وهي بنت لم تتزوج بعد.. وأنا كنت بريئة وصغيرة، ما جاوبت بس ارتبكت واحمريت واخضريت وطلعت لباقي الضيوف!!!

في عندي صديقات بعرفهم من سنوات طويلة جداً، وبيقولوا عادة سلمي على زوجك والأولاد، عادة لا أوصل السلام، ولا يضايقني صراحة من الناس اللي بعرفهم تمام المعرفة، لأنها كلمة عابرة لا تعني لهن شيئاً، ولكن طبعاً ما بحب أوصلها لزوجي، تخيلوا وأنا قايلة: فلانة بتسلم عليك!!!!!!!!!!! هزلت!!


دندون، ردك عجبني جداً جداً جداً، يعني في الصميم..


أهم شيء، عدم الخجل، سؤلت سؤال مخجل أو محرج، صدي السائلة بلا خجل، لأنه إذا هي ما استحت من كلامها ليش انت تستحي من الرد؟! ساعتها بتعرف حدودها وإلا ستستمر