ياااااااااااه قلبتى عليا المواجع

اه من السلايف مع انى عندى سلفة واحدة بس

بصى يا غالية والله معاملة الحماة والحما واخوات الزوج اسهل بكتير من معاملة السلايف

لانهم اكيد بيحبوا ابنهم واخوهم ويتمنوا ليه كل الخير والسعادة فى حياته مع زوجته

اما السلايف مش شرط طبعا انهم يحبوا سلفهم ولا سلفتهم علشان كده توقعى منهم كل حاجة

نصيحتى ليكى بعد 8 سنين زواج خلى علاقتك بسلايفك رسمية جدا مفيش تعالى اشربى شاى معايا ولا الكلام ده

والله كلامى ده عن تجربة انا جربت الطريقتين انى اعتبرها اختى وافضفض واحكى وانزلها طبق حلو

وطبعا فى الاخر اخدت على دماغى

بعد كده اتعاملت رسمي جدا معاها لدرجة انى نزلت اجازة بلدى بعد سنة ونصف غربة ما قابلتها ولا كلمتها

الا مرتين ثلاثة بس والله مش انا الى عملت كده معاملتها معايا كانت باردة اوى فبعدت انا تلقائي

وخلى بالك انتى مفيش بينك وبينهم صلة رحم يعنى انتى مش مجبرة على الود والبر معاهم

طبعا دى مش نصيحة لاى حد انا لو سلفتى كويسة كنت برتها اكتر من اختى

بس للاسف فى سلايف عقارب ربنا يكفينا شرهم

فى بين زوجك واخوته وحاولى دايما تكون علاقة زوجك باخوته طيبة حتى لو زوجاتهم بيكرهوكى

اما حماتك وحماك اعتبري انهم زي والدك ووالدتك بالظبط وانتى ان شاء الله ترتاحى

بس مش فى كل النقاط طبعا اقصد فى الود والمحبة واخدميهم على اد ما تقدرى واحتسبي عند الله هتلاقى صحتك وقدرتك على العمل احسن من الاول ان شاء الله

بصى هوكل البنات بتقول كده انا مش اد خدمة وشغل البيت وكده

بس ما شاء الله بعد الزواج والانجاب تلاقى نفسك لازم تعملى ده وتسوى ده بتكتسبي خبرة وقوة فى شغل البيت

انا اتزوجت 19 سنة وكنت فافى خالص وما بعرفش اعمل اى حاجة كنت دلوعة اوى فى بيت بابا

غير الكلية والدراسة بس والله سنة ورا سنة لقيت نفسى ورايا شغل لازم اعمله واتقنه وما ينفعش غيرى يعمله واتعلمت من الانترنت حاجات كتير

والحمدلله دلوقتى ست بيت 10 على10مش اوى يعنى ههههه

اتمنى اكون افدتك واسفة على الرغى الكتير ده بس انا قلتلك فى الاول قلبتى عليا المواجع فانتى السبب

ما شاء الله عليهم الاخوات قالو كلام عين العقل .. انا صحيح معنديش سلايف لان اخوات زوجى بنات .. لكنهم قايمين بالواجب وزيادة الحمد لله ههههههههه
اما عن الحماة .. لا تعليق .. اى كلمة هتطلع منى هتبقى دعوة .. عليها مش ليها

الحمد لله على كل حال
انتى نفذى الكلام اللى قالوه الاخوات من ناحية انك تتجنبى الرغى الكتير .. تحكى فى اى شئ عادى الا اسرار بيتك وزوجك والا الكلام عن المستقبل .. يعنى ما تقوليش هنشترى كذا او هنسافر الى كذا .. لا .. اياك
اكتر حاجة تجنن سلفتك انها تحس انك احسن منها او انك بتتفوقى عليها فى حاجة او عندك حاجة مش عندها او انها تحس ان زوجك بينفذ لك كل طلباتك وهى وضعها مش كده مع زوجها ...
بالنسبة للحماة فاعملى على ادك .. ودلوقتى الدنيا سهلة .. يعنى يوم خدى السجاجيد لفة بالمكنسة .. يوم شطبى المطبخ .. يعنى انتى وشطارتك ومش كل يوم .. لانك لو عملتى كده كل يوم هى هتعتبره فرض عليكى .. ومن الضرورى تكون فاهمة انه مش فرض .. لا دا تفضل منك ..واحترام ومودة .........الخ
حبيت بس ازيد حاجة .. الرسول صلى الله عليه وسلم قال " تهادوا تحابوا"
مش اقصد تكلفى نفسك .. لكن مثلا عملتى كيك حلو هاديها منه - اقصد حماتك- طبق .. بتعرفى تشتغلى تريكو مثلا اعملى لها شال للشتا على ذوقك .. حاجات بسيطة كده بس بتقرب بين الناس وبعضها .. وطالما اختك عارفاها كويس وبتقول انها ست كويسة وطيبة خلاص عامليها بالحسنى واحسنى الظن بالله وربنا يهديها لك.. ويفرحنا فيكى - اقصد بيكى قريب ان شا الله

كتبت بواسطة ساكنة الغيوم

اختي العزيزه لن ازيد على ماقالوه الاخوات جزاهم الله خير.
خذيها نصيحه من مجربه خلي علاقتك رسميه جداً مع سلايفك واذا التقيتيهم كوني منصته لهم حتى لايوقعوك بالكلام وليكن لقائك بهم بالمناسبات .
ولاتحدثي زوجك على سلايفك حتى لو اخطأو بحقك لان هذا ممكن ان يعمل مشاكل بين الاخوه قد تصل الى حد الخصام والقطاع وهذا حرام ولايجوزفهم اخوه .
عامليهم بذمه ودين ولاتسيئي لهم ولاتتحدثي عنهم بسوء واذا آذوك فادعي الله ان يجنبك شرهم ومكرهم وينصرك عليهم.
اما حماتك وحماك عامليهم كما تعاملي امك وابوك والله سيحبونك وهاديهم على فكره الكبار بالسن يفرحو بالهدايا حتى لو لم يكونو محتاجين يشعرو انه لسا في حد مهتم فيهم ويحبهم.
اذا سويتي طبخه نفسهم فيها او حتي طلعت معاك حلوه نزلي لهم منها حيحسو انك بنتهم اللي ماخلفوها وخلي زوجك يزورهم قبل مايروح الشغل وبالليل على شان يطمن عليهم ويرضوعنه ويبارك له الله وهم حيحسو ان ابنهم ماتغير عليهم بعد زواجه يعني زوجته مافي اروع منها وحيحبوك .
ماتنزلي كل يوم عند حماتك لانك لو عودتيها حتجيبي اولاد وحتكبر مسؤوليات ومش حيكون معاك وقت ولو في يوم مانزلتي حتزعل منك حماتك .
لو مرضت حماتك شيليها في مرضها تلاقي لماتكبري اللي يشيلك في كبك لو احتجتي الدنيا سلف ودين اللي نسويه بشبابنا نلاقيه بكبرنا ححكي لك حكايه حدثت كان في زوجه ابن تعامل حماتها العجوز اسوأ معامله وتخليها لوحدها مع انها عايشه معاهافي نفس البيت وهي محتاجه لها محتاجه لحد يأكلها ويشربهالانها مقعده كانت تخليها لحالهاوتروح عند صحباتها .ماتت الحماه وكبرت زوجه الابن واصبحت حماه عاملتها زوجه ابنها بالمثل وقالت صاحبه الحماه للحماه ليش زوجه ابنك تعمل معاك هيك قالت لاني عاملت حماتي نفس المعامله.
صدق رسولنا الكرم كما تدين تدان.
لاتتهيأي نفسياً انك داخله على حرب لانك حتفسري كل كلمه انها هجوم عليك وكل موقف انه مقصود اهانتك اذلالك ولن ترتاحي في حياتك ابداً.
اتمني من الله ان توفقي في حياتك ويحبب فيك خلقه .
دمتي بخير.

جزيتِ خيراً يا قلبِ~
يارب حماتى فقط تعاملنى مثل أمى او النصف
دعواتكِ يا غالية بظهر الغيب
تسلمى لنصحيتك الرقيقة
الله يكتب أجركِ ويسعدكِ دنيا وآخرة ()()()

ما شاء الله الاخوات حكوا كلام بلسم لو هالكلام فكرت فيه قبل 6 سنين كان غيرت كتير بحياتي
من وحدة مجربه هالاشي بتمنى تاخدي بكلامهم اهم شي الرسميه مع الك و الله يوفقك

عزيزتي ارتواء
الاخوات قاموا باجمل الكلام واعذب العبارات المشجعة ولكني اساوثق كلام من خلال تجربتي الشخصية
الزواج عبارة عن رحلة طويلة مليئة بالحلو والمر والرياح والسكون والصفاء والامطار فهذه سنه الله سبحانه وتعالى
فعلينا ان نستعمل المجاديف والسلالم السليمة لكي نكون دائما على بر الامان لا تحملي في طيات تفكيرك وتملئك قلبك السعيد
بالزواج والعلاقة الطيبة الجميلة التي منحك الله ايااها لتعكري صفوها بتلك الافكار او الاحداث الخارجية التي تحدث من خلف نافذتك
تاكدي حبيبتي طالما كل مواضيع الدنيا خارج باب منزل فليس لها قيمة من ان تجعليها تعكر صفو حياتك انت وزوجك
اول اهتمامتك هو زوجك وبيتك واجعلي بيتك قبرك تدفنيين فيه كل ما يخصك حتى الى اقرب الناس اليك فاعلمي ان من يكون خارج نطاق بيتك
لا يكون اهتمامه الاول هو مشاكلك او ما يخصك بالدرجة الاولى لكل شخص اهتمامته الاوليه فثقي تماما ان زوجك وبيتك هما اساس حياتك
فاجعلي علاقتك بالاخرين صافية ونقية لوجه الله تعالى ولا تحاولي اثارة زوجك لمواجهة المشاكل لعل ياتي اليوم ويزهق ويمل بل خليك دائما
الصدر الحنون الذي يجعل من اكبر مشكلة لا قيمة لها طالما لا تخص حياتك انت وزوجك اجعليهم ثانويين بحياتك دون الاكتراث الى ما يدور
في ذهنهم وتوكلي دائما على الله واستودعي حياتك انت وزوجك عند الذي لا تضيع ودائعه
اما بالنسبة لحماك وحماتك فعامليهم بما يرضي الله واجعلي مخافة الله بين عينيك واعلمي ان الدنيا كما تدين تدان وازرعي جيدا عزيزتي
في حياتك لتحصدي جيدا في كبرك واعلمكي ان هذه الحياة زائلة ولا تسوى شي الا من عمل فيها عمل خالص لوجه الله واجل الاعمال
طاعة الله تعالى وتليها طاعة زوجك وسعادتها وبعنايتك واهتمامك لو بالقليل باهله وعدم زرع البلبلة بينه وبين اخوته ووالدية
صدقيني ستكبري في نظرة وتكسبي رضا الله
وربنا يجعله زواج سعيد ويرزقك ربي الذرية الصالحة ويوفقك.

شفت زينة منورة
قلت اسلم عليها

اسم الله كلامك درر