كل عام و انتم بألف خير
الحمد لله حمدا كثيرا طيبا مبارك فيه كما ينبغي لجلال وجهه و عظيم سلطانه
الف حمد و شكر لله تعالى ، ان الموضوع انتهى على خير
أسال الله العظيم ان يجعل ما اصابك من هم و حزن في الأيام الماضية في ميزان حسناتك
وان شاء الله القادم اجمل يا غالية
سوف تزول الغمة و تعود الأمور احسن من ذي قبل ان شاء الله تعالى
لا نملك سوى الدعاء ،و الله سبحانه وتعالى هو القادر على ان يغير الحال لأحسن حال
يااارب .... اللهم آمين .

كتبت بواسطة كنزى احمد

حبيبتى نجلاء كنت هجنن عليكى واستنيتك كتير وبعتالك رسالة عالخاص لما مدخلتيش امبارح

معلش يا نجلاء ازمة وتعدى

وفعلا اللى كبر الموضوع معكم هو العند من الطرفين

وحلو جدا نقطة انك قلعتى النقاب علشان مرض مش بطلب من زوجك

هذة نقطة مهمة علشان محدش من الاهل يدخل او يقول كلام

بجد يا نجلاء مش عارفة اقولك اية قلقت لما مش لقيتك بعتيلى الخاص لكن اطمنت دلوقتى عليكم
وعسى ان تكرهو شئ وهو خيرا لكم وعسى ان تحبو شئ وهو شر لكم

ورب ضرة نافعة

وحلو اوى انكم اتفقتو وفضفضت بكل ما كان جواكم

اعترفى بقى ها هتجيبى اية لبس للعيد ؟؟؟؟؟؟؟؟؟؟؟؟؟؟؟؟؟؟؟

ربنا يسعك يا نجلاء ويفرحكم ويهدى سركم يارب وتكون اخر الازمات

شكرا ليكى حبيبتى ميرو والحمد لله الموضوع عدا على خير بينى وبينك كنت مرعوبه بس ربك ستر والحمد لله

اما يا ستى على لبس العيد وحياتك نزلنا ومجبناش حاجه علشان ملفناش كتير وغدا هننزل تانى ونشوف وربنا يسهل يارب وربنا يرزقنا بحاجه حلوه لمريم لانها هتزعل اوى لو معرفناش نجيب لها حاجه

لانى للاسف مقدرتش اروح لاكثر من مكان لان دى كانت اول خروجه لى بعد العمليه التى اجريتها منذ شهر ونصف وبينى وبينك تعبت اوى ومقدرتش اكمل

والله يا بنتى نزلت مخصوش علشان مريم متزعلش

هقولك على حاجه تموتك من الضحك

لما نزلت امبارح طبعا كانت اول مره انزل من غير نقاب وكنت هموت ومفيش حد يرانى ولو كنتى شفتى شكلى كنتى هتموتى من الضحك زوجى بيقولى انتى شكلك غريب اوى

كنت مخليه الطارحه مغطيع معظم وجهى لدرجة ان زوجى قال لى انتى شكلك زى الحراميه المتخفين كنت مغطيه حواجبى كلها ومعظم خدودى وذقنى مش قادره اوصفلك شكلى كان شكله ايه

وكل ما زوجى يعلق على شكلى اقوله لو مش عاجبك هرجع للنقاب سكت ومعلقش بس لما عودنا للمنزل قال لى بجد مينفعش كده لان شكلك مكنش طبيعى بطلى هبل ومتعاقبنيش علشان النقاب

وفعلا الاولد قالوا لى ذلك ضحكت وقلت له ربنا يسهل

بس بجد الى خلانى عملت كده لانى كنت بحاول ادارى معظم وجهى لانى كنت حاسه انى زى العريانه بالضبط وكنت ماشيه ومنزله وجهى للارض بجد اليوم كان غريب اوى

بس محتاجه اوضب لبسى لانى مكنتش مستعده خالص للموضوع ده وناقصنى بعض الاشياء هحاول اكملها لان النقاب على الاذدال مكنش محتاج اى توضيب زى ما انتى فاهمه فعلا لبس النقاب مريح فى كل حاجه

يالا الله يرحم النقاب وايامه الحلوه والجميله وحسبى الله ونعم الوكيل فى من كان السبب فى ذلك

يارب ميكنش ما حدث لى بسبب ذنب قمت به دون ان اعلم ربنا يغفر لنا جميعا ويخرجنا من الدنيا دى على خير

شكرا حبيبتى على وقوفك معى فى هذه الازمه ربنا يخليكى ليا يارب ونفرح بيكى كده وانتى حامل بنونو جديد ويعوض تعبك وصبك على خير وتجيبى احلى نونو فى الدنيا

بوسيلى بودى كتيرررررررر بجد وحشنى موووووت

كتبت بواسطة DAHUBA14

كل عام و انتم بألف خير
الحمد لله حمدا كثيرا طيبا مبارك فيه كما ينبغي لجلال وجهه و عظيم سلطانه
الف حمد و شكر لله تعالى ، ان الموضوع انتهى على خير
أسال الله العظيم ان يجعل ما اصابك من هم و حزن في الأيام الماضية في ميزان حسناتك
وان شاء الله القادم اجمل يا غالية
سوف تزول الغمة و تعود الأمور احسن من ذي قبل ان شاء الله تعالى
لا نملك سوى الدعاء ،و الله سبحانه وتعالى هو القادر على ان يغير الحال لأحسن حال
يااارب .... اللهم آمين .

يارب يارب تزول هذه الغمه على خير يارب ونفرح جميعا بنصر يريح بالنا وينتقم لنا ممن كانوا السبب فى ذلك


اختى الحبيبه ربنا يكرمك يارب ويسعدك ويسترها معاكى فى الدنيا والاخره

اشكرك على دعواتك الغاليه ونصائحك التى كلى امل ان يجعلها الله فى موازين حسناتك

ربنا ما يحرمنى منك يارب اشكرك من كل قلبى على وقوفك معى فى هذه الازمه مش لاقيه كلام اقوله ولكنى ادعوا لكى عن ظهر الغيب دائما

احبك فى الله اختى الحبيبه

الحمد لله أن المشكلة اتحلت ..

ادعي ربنا دايما أنه يسترك دنيا و آخرة و أنت بت صلي ..

معلش معرفتش أرد امبارح لأن الكهربا عمالة تقطع ..

و كل سنة و أنت طيبة ..

كتبت بواسطة آيـة

الحمد لله أن المشكلة اتحلت ..

ادعي ربنا دايما أنه يسترك دنيا و آخرة و أنت بت صلي ..

معلش معرفتش أرد امبارح لأن الكهربا عمالة تقطع ..

و كل سنة و أنت طيبة ..

ولا يهمك حبيبتى كلنا وحياتك قطع النور مبهدلنا وبيطول اوى

الغريبه ان محدش بيعلق من الاخبار ولا حاجه زى ما كانو بيعملوا ايام الدكتور مرسى كلهم مخروسين الان وملهمش حس لانعم مجرد عبيد لاسيادهم حسبى الله ونعم الوكيل فيهم

بس انا خايفه اوى على اخوتنا الى فى رابعه والنهضه حاسه ان فى مجزره هتحصل فى حقهم الناس دى هيه الى هترجعلنا كرمتنا وحريتنا تانى ربنا يسترها معاهم يارب

اشكرك اختى ايه واتمنى لكى السعاده والستر فى الدنيا والاخره حبيبتى وسعيده جدا بمعرفتك يا قمر ربنا يمعنا دائما على حبه ورضاه

قرار صعب عليك

أنا لو مكانك أشيل النقاب وأبس نظارة كبيرة شوي وخلاص لغاية ماتهدأ الأمور

فكري شوي في بيتك وعيالك ،‘نتي كدة مش تعصي ربنا بالعكس

طاعة الزوج واجبة وهي نابعة من خوفه عليك

الله يستركم دنيا وآخرة

غاليتى نجلاء وحشتينى ووحشتنى مموضوعاتك اعتذر عن التأخير عليك ولكن دخولى المنتدى كان تقريبا معدوم فى ررمضان كل سنه وانت طيبه

لا أتحدث كثيرا ولكن الأخوات وفو وانت وقفتى مع نفسك وقفه حلوه ولخصتى الموضوع
المواجهه خير وسيله للدفاع اجلسى مع زوجك واعتذرى له عما بدر منك من قسوه وهجوم عليه
احوال البلد واضحه وخاصه فى الأماكن الشعبية ونحن أدرى بأحوال بلادنا وأحوال من حولنا
انت تركتى عملك إذن نصف اليوم انت فى المنزل وخروجك يحكون قليل للحاجه وربنا يبارك لك فى أبنائك
اعلم ان زوجك يخاف عليكم وقل لن يصيبنا إلا ما كتب الله لنا ولكن لا ترمو بأيديكم إلى التهلكة
ليه حق يخاف على بنتك إلى ممكن تتشد منك ويخطفوها للغل فقط والثأر من لا ذنب له
فالاحتقان ملأى الدنيا وزى ما فى ناس اقتتلا واتعذبت والجزيرة نقلت أخبارهم فهناك من عذب ولم يذكرهم احد
وللاسف شفت بعينى محدش قالى فالناس متخبطة
بعيد عن اسلاميه وعلمانية فنحن شعب عنده تخبط ومحدد طريق حد أعملة الصالح الذى لا يوءذى احد
ولا ضرر ولا ضرار

انت شخصيه محترمه حتى من غير نقاب مش حتبحلقى فى الناس وغضى البصر وعند الخروج البسي نظاره وأمسكت منديل على فمك والله المستعان
أهدى واستخيرى ولمى حالك فى بيتك وتحدثى مع أسرتك ولا تستعينى إلا بالله

بالنسبة للظروف الإجرامية التى تحيط بك ، فأرى أنه ينطبق عليك قوله سبحانه
{مَن كَفَرَ بِاللّهِ مِن بَعْدِ إيمَانِهِ إِلاَّ مَنْ أُكْرِهَ وَقَلْبُهُ مُطْمَئِنٌّ بِالإِيمَانِ وَلَـكِن مَّن شَرَحَ بِالْكُفْرِ صَدْراً فَعَلَيْهِمْ غَضَبٌ مِّنَ اللّهِ وَلَهُمْ عَذَابٌ عَظِيمٌ } النحل106
التفسير الميسر/ إنما يفتري الكذب مَن نطق بكلمة الكفر وارتدَّ بعد إيمانه, فعليهم غضب من الله, إلا مَن أُرغم على النطق بالكفر, فنطق به خوفًا من الهلاك وقلبه ثابت على الإيمان, فلا لوم عليه, لكن من نطق بالكفر واطمأن قلبه إليه, فعليهم غضب شديد من الله, ولهم عذاب عظيم;
-
أسأل الله لك التوفيق إلى ما يحبه الله ويرضاه
-

10انا اول مرة اقرا الموضوع بجد حزينة جدا