ام القادة
تسلمي يا قلبي
وفعلا هو هاد الفرق بينها وبين مشاعر
الوازع الديني فقط

حطيلنا آخر جزء بين ما تجي مشاعر
مو حلوة تجي تلاقي قصتها ناقصة
الله يرضى عليكي

كتبت بواسطة شـآم

حطيلنا آخر جزء بين ما تجي مشاعر
مو حلوة تجي تلاقي قصتها ناقصة
الله يرضى عليكي

هههههههههههههههههههه عيووووووووووووووووني يا رقيقتي


يارب الادارة تخلص تفعيل الاشتراك الان ياااااااااااااااااااااا رب


مشاعر مشغوله وخايفه تهرب منا

الفصل الثلاثون

كنا جميعا فى غاية البهجة والسرور والسيارات تسابق بعضها البعض ونحن فى طريقنا لترتيب منزل العروسة
خلاص الفرح بعد اربع أيام ولكن فجأه أنتفضت منى من مكانها

فنظرت لها فوجدتها تنظر يمنه ويسره ثم تعود لتنظر من زجاج السيارة مرة أخرى ثم سألت أدهم الذى كان يجلس خلف عجلة القيادة هى الشقه فى المنطقة دى؟

أدهم بحماس:أه عجبتك
منال :انا عارفه ايه خلاك تبعد عننا كده كنت خدت شقه قريبه
أسندت منى ظهرها الى المقعد مرة أخرى ووضعت كفها على وجهها وأغمضت عينيها

وكنت أجلس فى المنتصف بينها وبين منال لم استطع التخمين وقتها فسألتها بصوت منخفض:مالك يا منى؟ فى حاجه
مالت على أذنى وقالت:دى نفس منطقة سماح ونفس المربع تقريبا

يا الله معقوله سبحانك يارب أحبته وسكنت بجوار بيته ولكن مع رجل آخر
:ولا يهمك ..

وصلنا ودخلنا شقة منى وأدهم كان يفتح لنا الغرف فى حماس وسعادة وهو يقول:ها يا جماعة ايه رأيكم فى ذوقى انا شطبتها على ذوقى محدش يعيب ها

وبالفعل ذوقه كان جميل جدا الالوان مبهجه وتدل على شخصيته الرومانسية وتوزيع الاضواء كان هايل جدا وكأنه مهندس ديكور
ولولا قربها من منزل سامح لكانت منى أسعد بنت بجمال بيتها

وسمعنا الزغاريد فجأة من خلفنا وصلت امهاتنا الطيبات سلام مربع..أمى وام أدهم وأم منى وانا ومنى ومنال قمنا بالواجب فى البيت بعد ان تركنا أدهم وهشام وانصرفوا فأصبح عش الزوجين أكثر أشراقا وجمالابألوان الاثاث المتماشى مع ألوان الحوائط
وخصيصا غرفة النوم التى أصبحت كغرف الأميرات والتى صممها أدهم بشكل خاص ووضع فيها أضواء خافته حالما بليالى مشرقة مع عروسة التى يحبها

عدنا الى بيوتنا مرهقين جدا ولكن انا شخصيا كنت فى منتهى السعاده وقد تخيلت منى وهى ملكه فى بيتها تنظمه كيف تشاء لا يتحكم فيها أحد كما كانت تعانى من قبل

ولكن رغم تعبى لم أستطع النوم فلقد جال الشيطان بخاطرى وصال وتصورت منى وهى تقابل سامح صدفه فى طريق او مواصلات او ماشابه ومنى ضعيفه تجاهه ..يا الله مشكلة ليس لها حل

وفى اليوم التالى بشرتى أمى اجمل بشرى فى حياتى والتى كنت أنتظرها من وقت طويل وهى أننا سوف نذهب لبيت الله الحرام لقضاء العمرة ..نسيت كل مشاكل فرحا بهذا الخبر الرائع

الحمد لله اسبوع يفصل بين الزفاف والسفر بما يتيح لى الفرصه ان أسعد برؤية صديقتى وهى بفسان الزفاف وأطمئن عليها وبعد اسبوع أسافر للعمرة
ولكنى انتبهت فجأه لشىء لم يكن بالحسبان ..ياه معنى كده ان الزفاف هيكون قبل رمضان بأسبوع واحد بس ..يا ويلك يا أدهم

الفصل الواحد والثلاثون

مالك يا طنط بتعيطى ليه
والله يا بنتى من فرحتى انا كنت بحلم باليوم ده وبدعى ربنا انى ما اموتش غير لما اشوف منى عروسه بفستان الفرح
:أحنا كده يا مصريين نفرح نعيط نزعل برضه نعيط

والدة منى:عقبالك يابنتى .. امك عاوزه تفرح بيكى هى كمان شدى حيلك بقى
:والله يا طنط شداه على الاخر بس مش لاقيه حد يشد من الناحية التانيه
والدة منى:خاليكى كده هزرى كل ما تيجى سيرة الجواز وما انتيش حاسه بأمك

:اعمل ايه طيب وانا ذنبى ايه
والدة منى:امك قالتلى انك بترفضى العرسان ولسه رافضه واحد قريب ميترفضش
:امتى ده انا مش فاكره ان فى حد اتقدملى من ايام الملك قوم واقعد


والدة منى:هو هخلص منك انا عارفه انك مش هتدينى عقاد نافع
:كل ده علشان قولتلك متعيطيش طب انا غلطانه عيطى
ضربتنى فى كتفى وسابتنى ومشيت ...

:والله يا منى انتى قمر الفستان هياكل منك حته والطرحه حتتين
منى:شوفتى صمم برضه انى البس الحجاب يوم فرحى ومرضيش يجيب فرقه قال ايه عاوز فرح اسلامى
:جوزك ده عسل والله ...استنى بس لما فرقة الاخوات تيجى وانتى هتعرفى ان الفرح الاسلامى مفيش احلى منه ...لو كنتى عملتى فرح عادى كنت هاجى اباركلك وامشى على طول

منى:طبعا فرحانه الفرح جه على هواكى
:طبعا فرحانه ..مره بقى من نفسى اعمل شعرى واحط ميكب ...بنات فى بنات بقى
شويه وجات فرقة الاخوات وبدأوا الانشاد بالدف
دار الفرح دار ...أفراح وورود .....أحلى الكلام ..الفرح جانا...دقوا الدفوف
وغيرها وغيرها من الاناشيد اللى بحبها جدا وقامت البنات بعمل استعراضات وفقرات جميله
لاحظت ان منى اعجبت بيها اوى واندمجت معاهم
:ايه الحلاوه دى منى حبت الافراح الاسلاميه

منى:بصراحه حلوه اوى مكنتش فاكراها كده
:يابنتى اى حاجه فيها طاعه لله حلوه

أنتهت الحفله بين مؤيد ومعارض للفرح الاسلامى وأهم حاجه ان العروسة اتبسطت
رجعنا أحتشمنا تانى ونزلنا نركب العروسه سيارة زوجها استعداد للذهاب لبيت زوجها بمصاحبة أهلها
وانا بعدلها فستانها جوه العربيه وبقبلها لانى طبعا مش هقدر اروح معاهم هو انا ماليش أهل ولا ايه
قولتلها فى ودنها:ها اجيلك بكره ولا مش هتفتحيلى الباب

منى:تعالى من دلوقتى مش هتفرق
الحقيقة انا افتكرتها بتهزر ولا القافيه حكمت مثلا ..بس اكتشفت بعد كده انها كانت ناوياها

المشهد اللى جاى هيبقى على لسان منى احسن بيتهيألى هى احسن واحده تتكلم عن نفسها

منى:بعد ما دخلنا البيت وأهلى مشيوا فضلت واقفه مكانى
أقبل أدهم وقبلنى على جبينى وهو يقول:مبروك يا حبيبتى

منى:شكرا ...لو سمحت عاوزه أغير هدومى
أدهم:طب تتعشى الاول مش جعانه ولا ايه

منى:اه هتعشى بس اغير الاول
أدهم:تحبى اساعدك
منى :لا شكرا
خرجت بعد شويه ووجدت على ووجه ادهم علامات الاندهاش وهو ينظر لى
ويقول:ايه ده بجامه؟

منى:اه بجامه مش حلوه ولا ايه
أدهم:حلوه بس ....... بس يعنى فى حاجات احلى
منى:لا اصلى مبعرفش انام غير كده

جلسنا لنأكل سويه مد أدهم يده ليطعمنى فى فمى حاولت أخذ الطعام من يده ولكنه اصر على اطعامى بيديه وقال:بغض النظر عن انى بحبك لكن الرسول عليه الصلاة والسلام كان بيعمل كده يعنى دى سنه كمان امر الرجال بكده يعنى حسنه
شوفتى بقى النبى كان حنين ازاى مع زوجاته

منى: اه طبعا انا عارفه
لاحظ أدهم توتر الذى اشعر به والذى يظهر حليا على علامات وجهى وحركات جسدى وانا اتحاشى النظر اليه حتى انتيهنا من الطعام
فقال :مش عاوزه تنامى ولا ايه؟

فانتفضت من مكانى وقلت :لاء انا هقعد هنا شويه لو عاوز تنام انت خش نام
أدهم :هنام لوحدى
منى:أه انا اصلى مش جايلى نوم

فأبتسم وأمسك يدى وقال تعالى عاوزه اتكلم معاكى شويه وأخذنى الى حجرة المعيشة
وجلس أمامى وجعل ينظرلى فترة من الوقت وانا قلبى يدق من شدة الخوف والرهبه ثم وضع كفيه بحنان على خدى وقال:
انا عارف ان انتى خايفه ومتوترة وقلقانه وبصراحه معاكى حق
وكمان عارف انك لسه مش متعوده عليا وبتسألى نفسك مية سؤال
وانا الحقيقة كان عندى امل تكونى عندك استعداد تتقبلينى اكتر من كده النهارده
لكن البجامه دى وشاور على هدومى وهو مبتسم :البجامه دى قالتلى لاء لسه
خايفه منك

سكت ولم أرد ولكن قلبى بدأ فى الهدوء والاسترخاء قليلا على أثر كلماته
تابع كلامه وهو يتفحص معالم وجهى ويمسح على شعرى بهدوء:أطمنى انا عمرى ما هقرب منك الا لما احس انك راضيا بيا وقلبك مرتاحلى
منى :اخدت نفسى وانا مش مصدقه اللى بسمعه :----- انا بس

أدهم :متقوليش حاجه ..انا قولتلك قبل كده انا مش صغير ولا مراهق
انا عارف كويس ان تحديد معاد الدخله مكنش على هواكى

وانه جه فجأه بعد ما كنتى مرتبه نفسك بعد سنتين ..تعرفى انا كمان اتفجأت بالمعاد وكنت هرفض واقول لاخوكى لاء رغم ان الشقه جاهزة زى ما شوفتى
لكن انا كنت عاوز السنتين دول علشان تعرفينى كويس وتتعودى عليا
لكن قولت خلاص على بركة الله ماهى ممكن تتعود عليا برضه وهى فى بيتى

منى بسخريه:اللى اعرفه ان البنت بتتعود الاول وبعدين تتجوز مش العكس
أدهم:اعتبرى نفسك متجوزتيش... بس فى الموضوع ده بس ها
منى:يعنى ايه

أدهم:يعنى بصراحه كده مش هقدر ألمسك وانتى مبتحبنيش انا مش حيوان
....خلاص ارتاحى كده وعيشى حياتك كأننا لسه كاتبين الكتاب..ماشى

مكنتش مصدقه وافتكرته بيضحك عليا معقوله فى راجل ممكن يعمل كده
طب وأهله هيقولوا ايه وأمه هتعمل فيا ايه وياترى هو هيقدر يوفى بوعده ده قد ايه

انتزعنى أدهم من أفكارى المحتاره وقال:يالابقى ندخل جوه
منى:جوه فين
أدهم:أوضة النوم
منى بفزع:ليه
أدهم بابتسامه :متخافيش كده...اصل انا ان من احلامى انى اصلى بزوجتى ركعتين
فى أوضة نومنا ليلة البناء وانا بقى مستعد اتنازل عن كل حاجه الا ده فاهمه ولا لاء..يالا ادخلى أتوضى وحصلينى
وتابع بطريقة مضحكه ..ده انا ههريكى قيام

صلى بى ركعتين خاف وكان صوته عذبا فى قراءة القرآن
بعد الصلاة جلس يدعو وطلب مني أن أؤمن على دعائه فجعلت أؤمن على دعائه وشعرت بسمو روحى وراحه نفسيه لم اشعرها من قبل
ومن ضمن الادعية التى لا انساها ابدا عندما قال
(اللهم احفظ لى زوجتى وبارك لى فيها وان كتبت علينا الفراق يوما ما فأقبضنى قبل ذلك اليوم )

وأنهى الدعاء وألتفت الى ووضع كفه اليمنى على جبينى وقال
(اللهم إني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه)

ثم ضحك فجأة ضحكات عاليه متواصله وقال عارفه يا منى مره واحد صاحبى نسى الدعاء ده
بعد ما حط ايده على جبين زوجته بقى مش عارف يقول ايه
فقال سبحان الذى سخر لنا هذا وما كنا له مقرنين

ضحكت رغما عنى وأختلطت ضحكاتى بضحكاته حتى هدأنا
فأمسك يدى بحنان وقبلها وقال تصبحى على خير ..أه صحيح

ممكن أخد البجامه بتاعتى ولا انام بالبدله
أخذ ملابسه وخرج من الغرفة وأستلقى على الاريكه ونام

نظرت اليه فترة من الوقت لأتأكد انه نام ثم عدت أغلقت الغرفه بالمفتاح ونمت
وانا اقول انا حاسه انى بحلم

ياسلام ياسلام فى كدة
هههههههه ههههههههه
لازم تكملى يا ام رودى اوعى تسبينا كدة

إرسلت من GT-I9300 باستخدام برنامج منتديات لكي النسائية

كتبت بواسطة ام اروى 86

حبيبتى ام رودى
بفضل من الله ونعمة ارتدى النقاب من اولى جامعة
اسال الله ان يثبتنى عليه حتى الممات
وان يكون سببا فى وقايتى من النار
اللهم ارزق بنات ونساء المسلمين العفة والطهر والنقاء

ماشاء الله ربي يثبتك

كتبت بواسطة dodo90

ياسلام ياسلام فى كدة
هههههههه ههههههههه
لازم تكملى يا ام رودى اوعى تسبينا كدة

إرسلت من GT-I9300 باستخدام برنامج منتديات لكي النسائية

لا بقي هو انا عشااااااان طيوبه تطمعوا فيا كده ههههههههههههه


بس والله لعيونك اخر جزئين هنقلهم الان ونكمل غدا ان شاء المولي

الفصل الثانى والثلاثون



ومازالت منى تكمل قصتها فتقول

صحوت على صوت طرقات خفيفه على باب الغرفه يأتى من وراءه صوت أدهم وهو ينادى ..منى ..منى
منى :ايوه ايوه
أدهم:يالا الناس اتصلوا وجايين فى السكه يالا علشان نلحق نفطر
أنتهيت من حمامى وخرجت لاجهز الفطار سريعا ولكنى وجدته قد سبقنى وأعده
وجالس ينتظرنى وهو يقلب قنوات التلفاز

منى:انا كنت هخلص وأحضره
أدهم:يا ستى مفيش فرق بينا يالا بقى بسرعه علشان تلحقى تلبسى قبل ما يهجموا علينا
منى:هما جايين بدرى كده ليه

أدهم:ده العادى عندنا فى مصر..يسهروا العريس والعروسه وفى الاخر يطبوا عليهم بدرى
منى:على فكره بقى دى عادات مالهاش اى لازمه
أدهم :صحيح مفيش حاجه فى السنه اسمها صباحيه...وبعدين كده بيحرجوا العرسان
نفرض نايمين الصبح ولا حاجه هيقوموا ازاى بدرى

منى بانفعال :قصدك ايه يعنى..قصدك ان انا نكدت عليك وانك مش زى باقى العرسان
أدهم سكت لبرهه ثم قال بصوت منخفض فيه بعض الصرامه
:أولا انا مكنتش اقصد...... ثانيا محبش مراتى تتعصب عليا وخصوصا من غير سبب
أنهينا الفطار ورفعت مكان الطعام ..سمعته ينادينى :منى
منى:نعم

أدهم: لو سمحتى بعد كده متبقيش تقفلى الباب عليكى بالمفتاح
منى بحذر:ليه

أدهم:علشان انا امبارح فضلت اخبط عليكى بعد ما رجعت من صلاة الفجر وكنت بصحيكى علشان تصلى وكنتى نايمه محستيش طبعا
منى:لو مقفلتش مش هبقى مطمنه

أدهم أحمر وجهه وهو يقول:أنتى لازم تطمنى علشان انا وعدتك لكن لازم تعرفى كويس ان انا لو عايزك الباب والمفتاح بتوعك دول مش هيقفوا قدامى ..
وتركنى وذهب للشرفه فشعرت بأنى أخطأت جدا وذهبت اليه لاعتذر منه
منى:انا اسفه مكنش قصدى
أدهم:مفيش حاجه أدخلى البسى يالا الناس على وصول ولا عاوزاهم يجوا يلاقوكى بالبجامه التفت فى طريقى لغرفتى ....أستوقفنى صوته وهو يقول
لو سمحتى يا منى لو والدتك ولا منال سألوكى على حاجه تردى عادى جدا ها
أمبارح كانت ليلة دخلتنا ..محدش يعرف اتفاقنا ده خالص فاهمه
منى:يعنى أكدب

أدهم:لا يا ستى متكدبيش بس كل البنات لما بتسألوا فى الحكايه دى ببتكسف ومش بترد اعملى كده وخلاص
دخلت غرفتى لابدل ملابسى وأضع بعض المساحيق على وجهى لاظهر بمظهر العروس

كانت زياره قصيرة مليئه بالكلمات المستترة بين السطور تغطيها الضحكات والبهجه وفعلت كما قال لى أتكسفت ومردتش
وأدهم أقنعهم بتصرفاته انها كانت ليله عاديه فكان يجلس بجوارى ويضع يده على كتفى ويجذبنى تحت ذراعه بخفه وينادينى بحبيبتى وروحى وكأننا علاقتنا حميمية

وعندما غادروا نظر أدهم لى وقال: انا اسف
تعجبت جدا مفيش حاجه حصلت قلت:ليه

قال:علشان يعنى كنت باخدك فى حضنى قدامهم وبتصرف معاكى كده..بس ده والله علشان بس ميلاحظوش حاجه مش أكتر
فتعجبت أكثر وأكثر هل لهذه الدرجه لا يريد ان يحنث وعده معى ولا حتى بهذه الاشياء البسيطه

منى:لا مفيش حاجه عادى يعنى انا مزعلتش
أدهم: طب كويس يالا بقى
منى:يالا ايه
أدهم:انتى يا بنتى مش عندك مذاكره انتى مش طالبه فى الجامعه ولامعاكى اعداديه وضحكوا عليا يالا علشان تذاكرى ولا عاوزه تسقطى ويقولوا عليا انا السبب

ثم تابع....صحيح نسيت اقولك .انا هرجع شغلى بكره ان شاء الله علشان تبقى على راحتك فى البيت وخالى بالك انتى كمان هتروحى كليتك علشان تبدأى المذاكره من الاول كده وانا يا ستى هوصلك الصبح ولو خلصتى قبل الساعه اربعه خدى تاكسى ..اتفقنا

منى:طب والناس فى الشغل هيقولوا ايه
أدهم بابتسامه :متخديش فى بالك.. محدش يقدر يكلمنى فى الحاجات الشخصيه دى...شكلك لسه متعرفيش جوزك كويس

قلت فى سرى وكمان شخصيته قويه فى شغله..... طيب

عكفت على دراستى وانا احمد الله سبحانه وتعالى انهم اجلوا الفرح لبعد الامتحانات مش علشان خاطرى لا علشان الناس كلت وشهم اول ما قالوا يا فرح علشان بابا

بس انا هذاكر كده ازاى وانا لسه فى اول السنه انا مش متعوده على كده انا متعودش أذاكر اخر شهر بس
وفعلا كل يوم ننزل سوا ولو خلصت بدرى ارجع فى تاكسى بس مبقتش أشوف سماح خالص فى الكليه ..احسن برضه ده انا لو شفتها هخنقها على اللى كانت هتعمله فيا

طبعا مشاعر اتصلت بيا قبل ما تسافر للعمرة وسلمت عليا بس انا صممت اشوفها قبل ما تسافر أتقابلنا فى الجامعه وحكتلها كل حاجه من ساعة ما دخلت شقتى لحد ما شوفتها وطبعا كالعاده هزئتنى ونزلت فيا نصايح وانا كالعاده خدتها على قد عقلها ووصتها تدعيلى عند الكعبه
فى اليوم التالى رجعت بدرى وعملت الغداء لكن أدهم أتأخر

غريبه مع ان مواعيده مظبوطه أتصلت بيه قالى هاجى بالليل ..
منى:ايه بالليل ده كتير اوى
أدهم:ايه هوحشك ولا حاجه
منى:انا بخاف اقعد لوحدى بالليل

أدهم :متخافيش اقفلى الباب عليكى كويس بس محطيش المفتاح فى الباب علشان اعرف ادخل ..معلش النهارده بس اصلى عندى شغل كتير
صليت العشاء وفضلت ابص عليه من الشباك اتأخر اوى وانا خايفه

أوبااااااا الكهرباء قطعت
حسيت قلبى وقع فى رجلى وجسمى قشعر الدنيا ضلمه كحل نورت لنفسى بالموبايل بس برده مش شايفه غير بسيط اوى ..ينهار ابيض مفيش شمع مفيش كشاف

فجأه سمعت صوت الباب بيتفتح أتسمرت مكانى من كتر الرعب
حتى سمعته المطمئن ينادى:منى انتى فين
منى:انا هنا عند الشباك

أقترب مني وهو يقول معلش يا حبيبتى معملتش حسابى خالص ان الكهرباء ممكن تقطع مفيش شمع فى البيت...لم أشعر بنفسى الا وانا ألتصق به وانا ارتجف

أدهم:ايه يا حبيبتى انا اسف والله مكنتش اعرف انك بتخافى كده ..طب اهدى شويه أذكرى الله يالا قولى حسبى الله لا اله الا هو عليه توكلت وهو رب العرش العظيم لما تبقى خايفه قولى الدعاء ده

مازال الخوف يتملكنى فلم اتركه ابدا

أخذنى على الاريكه وجلسنا سويا وانا ممسكه به وهو يحتضنى تحت ذراعه بقوة جعلتنى اشعر بشىء من الامن
ظل يقرأ لى بعض آيات القرآن حتى ذهبت فى نوم عميق

أستيقظت قبل الفجر على صوته ايضا ولكنه كان يصلى القيام
وقد عادت الكهرباء وانا نائمه فى فراشى كالطفله التى نامت بين يدى اباها فحملها الى فراشها فى هدوء فعدت للنوم مرة اخرى
فى صباح اليوم التالى ايقظنى وهو جالس على طرف الفراش وقال مبتسما:صباح الخير

منى:صباح النور ....هو ايه اللى حصل امبارح؟

الفصل الثالث والثلاثون


فى صباح اليوم التالى ايقظنى وهو جالس على طرف الفراش وقال:صباح الخير
منى:صباح النور هو ايه اللى حصل امبارح


بدأ أدهم فى فعل حركاته المضحكه وهو يقول :ولا حاجه الكهرباء جات ولقيتك نايمه .......
ناديت عليكى مردتيش صعبتى عليا مردتش اصحكيى شلتك على السرير .......
وقعدت ابصلك زى الاسد اللى بيبص على الغزاله ها يا واد يا أدهم تاكلها منين........
تاكلها منين من هنا ولا من هنا ولا من هنا لقيت زازوو بيقولى عيب يا أدهم بلاش تبقى اسكار خاليك طيب زى سمبا

كانت تانى مره أضحك من قلبى من طريقة كلامه واسلوبه المرح ولقد لاحظ هو ارتياح ملامحى وظهور البهجه عليها فزاد فى اسلوبه
وزدت فى ضحكاتى

وفجأة وكأنه أنقلب 180 درجه الى شخص رومانسى وهو يقول :كل سنه وانتى طيبة يا حبيبتى بكره رمضان
منى:والله بجد ..اه صحيح ده النهارده 30 شعبان

أدهم:تعرفى ده اول رمضان يعدى علينا واحنا متجوزين وفى بيت واحد ..ده أكيد هيبقى أحلى رمضان عيشته فى حياتى

ثم أنقلب مرة أخرى الى الحماس وهو يقف ويقول يالا قومى بسرعه
عاوزين ننزل نشترى طلبات رمضان اللى مالهاش لازمه دى ...

ونجيب هديه حلوه كده علشان ماما عزمانا عندهاعلى الفطار بكره
وعزمه مامتك واخواتك كمان ها .....يالا بقى قومى يا كسلانه

ابتسمت وقمت من فراشى فى حماس مشابه لحماسه
أشترينا أشياء كثيرة ووجدته أشترى كشاف نور وقال لى ده هيبقى مهم اوى فى رمضان
منى:ليه

أدهم:علشان صلاة التراويح ..لو الكهربا قطعت تانى وانا فى المسجد تلاقى حاجه تنورلك ..الا بقى لو قررتى انك تيجى تصلى التراويح معايا

كان البيت عند والدة أدهم زحمة جدا عائلتى وعائبتهم سويا ولكن ليس على مائدة واحدة بسبب وجود زوجة اخى الكبير
بعد الافطار أستأذن الرجال وذهبوا للصلاة بقيادة أدهم وظل النساء يرفعون مكان الافطار وينظفوا ما تبقى من آثار لاولاد اخى
لم نشعر بالتعب وسط الضحكات والنكات ولم يعكر صفونا الا زوجة أخى التى نالت مرة مني ومرة من منال بكلامها
الاذع

وقبل ان نعود الى بيتنا صمم أدهم على دعوة الجميع للأفطار عندنا فى اليوم التالى
كان اليوم التالى هو الجمعه لذلك لم يستطع احد ان يعتذر

جاء الجميع باكرا بعد صلاة الجمعه مباشرة وساعدتنى النساء فى الطبخ وجلس الرجال مع أدهم يتضاحكون مره ويذهبون للصلاة مره ويلقى عليهم بعض فوائد الاعمال الصالحه فى رمضان مرة أخرى

وبعد الافطار كالعادة ذهب الرجال لصلاة العشاء والتراويح فى المسجد
ولم نسلم أبدا من لسان زوجة أخى سواء انا او منال و حتى هشام
الجلسه طولت أوى

وأستأذن الاهل للذهاب ولكن أدهم صمم ان لا يذهبوا ولم يستطع أحد ان يصمد كثيرا امام حماسه المفرط الا أخى وزوجته ووالد أدهم
وبقى معنا والدته ووالدتى ومنال وهشام

صمم أدهم ان تنام والدتى والدته فى غرفتنا ولكنهم رفضوا رفضا قاطعا وأختاروا غرفه اخرى كما فعل هشام ومنال
دخلت امه وامى ليناما وبقى هشام ومنال يتابعا التلفاز

وقفت فى الشرفه وانا فى حيرة من أمرى :هعمل ايه انا دلوقتى ..هنام مع بعض ازاى فى اوضه واحده
ورغم تأكى اننى لم أتكلم بصوت عالى الا اننى سمعته من خلفى يقول بهمس:متحمليش هم

منى:محملش هم ايه
أدهم:اللى انتى بتفكرى فيه...متقلقيش انا هستناهم لما يدخلوا يناموا وهخرج انام على الكنبه

منى:لاء لاء حد يخرج فجأة ويشوفك هيقولوا ايه علينا
أدهم :عندك حل تانى؟

منى:مش عارفه بس هنبقى نتصرف يعنى
أدهم:أنام جنبك على السرير يعنى ..معندكيش مانع؟ولا أقولك هبقى انام على الارض
منى:لا على الارض ازاى يعنى
أدهم بحيرة:اعمل ايه طيب ما انتى خايفه مني انتى افتكرتينى اسكار بجد ولا ايه

منى:بص انا مش خايفه منك ولا حاجه ..عموما طيب ممكن نحط بينا مخده مثلا ايه رايك
أدهم بمزاح:طب ايه رأيك نبنى حدود ومحدش يعدى الا بالتأشيرة.. ثم خبط جبينه وهو يقول :يوه نسيت اجدد الباسبور بتاعى
منى:هو انت ايه..كل حاجه هزار كده

أستأذنا هشام ومنال ودخلنا لننام فأنا متعبه فى المطبخ منذ الصباح
نام ادهم على جنبه الايمن فى مواجهتى وأبتسم وهو يرانى أضع الوسادة بيننا فى همه وقال مازحا:هى دى بقى الوسادة الخالية؟
لم أرد عليه فلقد كنت فى توتر بالغ

وضع كفه على خدى وأقترب مني وطبع قبله على خدى وقال: تصبحى على خير متنسيش تصحينى على السحور وبدأ فى قراءة أذكار النوم ثم قرأ سورة الاخلاص والمعوذتين ومسح بكفيه على جسده ثم نظر لى وقالى :هتقولى أذكار النوم ولا أكمل مسح عليكى هاا......
منى:لاء هقولها أهو
أدار ظهره لى لينام وهو يقول يخسارة ..طب والله ما هتعرفى تمسحى زيى لعلمك

فقلت له:أظبط تليفونك لحس تروح عليا نومه
فضحك وقال:انا عارف انك مش هتعرفى تنامى أصلا يا حبيبتى وسكت فترة فشعرت بدخوله فى النوم من أنتظام أنفاسه

كانت هذه هى المره الاولى التى ينام فيها أدهم بجوارى

بالفعل لم استطع النوم ابدا و قمت فى وقت السحر وأيقظت الجميع للسحور ودخلت لأيقظ أدهم وعندما استيقظ قام بحركه مفاجأة وتراجع للخلف واضع المخده امام صدره وهو يقول ايه ايه .. انا ايه اللى جابنى هنا انتى عملتى فيا ايه يا متوحشه

لم اتمالك نفسى من الضحك فهو لا يكف عن حركاته هذه ..فقام من الفراش وكأنه سيقول كلام رومانسى
ولكنه قال:اه يا مفتريه بقى واخده السرير الطرى ده لوحدك ورميانى بره

وسمعنا صوت هشام من الخارج يالا يا منى يالا يا أدهم الفجر قرب مش وقت حب
أدهم نظر لى وقال بابتسامه :شوفتى اخوكى نيته وحشه ازاى
وقبل ان يخرج من الغرفه قال بجديه :بصى انا هصلى الفجر فى المسجد وهقعد للضحى يعنى نامى براحتك بعد ما تصلى
انا مش هنام تانى النهارده