انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 39 1234511 ... الأخيرالأخير
عرض النتائج 1 الى 10 من 381

الموضوع: أكتشفت زوجي في الاتوبيس ................. قصه حقيقيه

  1. #1
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)

    L36 أكتشفت زوجي في الاتوبيس ................. قصه حقيقيه


    السلام عليكم ورحمة الله وبركاته

    غاليتي واخوتي العضوات والزائرات

    كنت قد نقلت لكم قصه حدثت بالفعل كتبتها اخت غاليه تدعي مشاعر غاليه من كتر ما أعجبتني استأذنتها في نقلها بأسمها لكي يستفيد منها اكبر عدد ممكن من البنات

    والحمد لله نالت اعجاب الكثيرااااااااااااااااات من العضوات وايضا الزائرات وهذا ما ظهر جليا في عدد القراء ما شاء الله

    http://www.lakii.com/vb/a-13/a-803495/

    بارك اللهم فيك يا مشاااااااااااااااااااعر انتي اكثر من رائعه أسلوب عقل تربيه واخلاق انتي كاااااااااااااااااااااااااااااتبتي المفضله

    لا أهدف من النقل قراءة قصه مسليه

    ولكن القصه حدثت بالفعل بها من عبر الحياه وتجاربها الكثيررررررررررررر والكثيررررررررررر

    ينهل من تجربه من مروا بها العبره والاحتياط سؤاء كان أب ، أخ ، زوج

    بناااااااااااااااااااااااااااااااااااااااااااااااا ت في عمر الزهور يعيشون الان علي المسلسلات التركيه بكل ما فيها من رومانسيه يشتاقون اليها ولا يرونها في الحياه الطبيعيه


    بالله عليكم خذوا العبره من القصه الاتيه. ولا تتركوني وحيدة بالصفحات تواصلوا معي


    والان اخواتي الحبيبات ... المجتمعين في هذا الصوان.. من سالف العصر والأوان.. أسلم .. المفتاح الذهبي للباخرة نورماندي تو...........ههههههههههههه قصدي القصه الثانيه للكاتبه مشاعر غاليه


    أكتشفت زوجي في الاتوبيس



    أم رودي


    آخر مرة عدل بواسطة omrody2005 : 05-05-2013 في 09:59 PM

  2. #2
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)
    أخواتى القمرات مش هطول عليكوا فى المقدمات
    أحببت أن أقدم لكم شىء يرضى رب السموات
    أحترت ولكنى أفتكرت صديقه قصتها هتنفع البنات ويارب تستفيوا منها يا عسلات وسكرات
    مش عارفه ليه بحس ان سكرات دى لغه عثمانى
    ما علينا خلينا فى الحدوته اللى جايه أحكيها
    دى قصة حقيقية لصديقه كانت قريبه منى جدا أثناء أحداث هذه القصه وسوف احكيها لكم بأذن الله كما حدثت لن يتغير شىء الا الاسامى فقط
    دمتم فى رعاية الله




    مشاااعر غاليه

  3. #3
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)


    الجزء الاول

    أنا منى فى المرحله الثانويه معرفش أصلا يعنى ايه مراهقه
    فى مدرسة بنات طبعا أعيش فى مصر فى مكان متوسط الحال محجبه أعيش مع أبى وأمى ولى أخين أكبر منى الكبير متزوج وعايش قريب من بيتنا والصغير مسافر وانا وحيدة جدا
    جدا جدا أبى دايما فى عمله او مع اصدقائه وده الغالب وأمى ست طيبه متقدرش تفتح بؤها بكلمه الا حاضر فقط وطبعا احنا كمان
    حاض حاضر حاضر
    علشان كده كانت شخصيتى مهزوزه ولا القناه الثالثه زمان
    وبقلد أى حد وأى حاجه وعمرى ما بصيت لنص الكوبايه المليان دايما كنت ببص للنصف الفاضى علشان كده عمرى ما حمدت ربنا على عطاؤه وده كان سبب كل مشاكلى فى الدنيا
    ماليش غير صديقه واحده أكبر منى سنا وعامله فيها ست الشيخه (مشاعر غالية )
    ملحوظه منى كانت دايما تقولى بركاتك يا ست الشيخه ما علينا
    _____________________________

    كل يوم وانا رايحه المدرسة الاحظ أخويا بيراقبنى يوه بقالى تلت سنين شيفاك وبرضه مبيتعبش دايما شاكك فى الستات والبنات حتى مراته ونفسه يمسك على اى حد اى حاجه سبحان الله طب ليه ميمشيش جنبى ويوصلنى المدرسه ويحسسنى كده انه أمانى وحمايتى ويقرب منى ويحسسنى أخويا الكبير فعلا ومسؤل عنى
    بدل ما دايما يحسسنى انى لسه طالعه من السجن وعليا حكم مراقبه
    طبعا انا كنت مستسلمه للى بيحصل ولا بتكلم ولا بعلق على حاجه فى بيتنا دايما كان كل همى اى اخرج من البيت ده وخلاص
    ماليش صحبات فى المدرسه زميلات فقط




    قبل أمتحانات آخر السنه حصلت فى بيتنا مشكله كبيرة أوى ومكناش عارفين حتى نتنفس دخلت الامتحان وجبت درجات يدوب تدخلنى كلية الشعب طبعا مش هكدب وأقول انى كنت شاطره فى المدرسه بس ساعتها مكنش عندى هدف اصلا وبحلم بحاجه معينه علشان كده مكنتش بذاكر كويس وجت المشكله دى وكملت عليا
    المهم دخلت الكليه وبما أنها كلية الشعب فكانت زحمه جدا جدا وانا طبعا كنت زى اللى كان فى جره وطلع بره أندهشت جدا ايه د كل دول ولاد كانوا فين دول وطبعا زاد أنطوائى وخفت أكتر وبقيت فى حالى أكتر اروح الكليه أقعد فى حالى أحضر وأمشى ولا سلام وكلام مع حد خالص وأصلا انا مبعرفش أكلم حد مكنتش اعرفه قبل كده
    لحد ما قبلت سماح دى كانت زميلتى فى المدرسه وكنت بشوفها من بعيد لبعيد ونبتسم لبعض وخلاص قت أخيرا لقيت حد أعرفه
    طب أروح أكلمها ازاى اقولها ايه يعنى انتى كنتى معايا فى المدرسه ممكن تقولى أهلا وتمشى وممكن متتطلعش هى اصلا دى شكلها متغير وحاطه حاجات على وشها كده غريبه الوان كتير ولبسه لبس فظيع لا بلاش أكلمها لسه بفوق من سرحانى لقيت اللى بتجرى عليا وبتقولى أنتى كنتى معايا فى مدرسة ( ) صححح وخدتنى بالحضن بصراحه كنت هعيط


    فى يوم وليله بقت سماح صاحبتى الانتيم وبقيت بقلدها فى كل حاجه متنسوش انى شخصيتى مهزوزه وبتلكك علشان أبقى واحده تانيه غيرى وكنت باخد علبة الميكب معايا ولما نروح الكليه أغرق وشى ألوان وطبعا هى علمتنى ازاى اغير خلقة ربنا بطريقه عصريه على الموضه يعنى
    لكن اللبس طبعا كان نفسى فيه هو كمان لكن متنسوش المخبر اللى عينه عليا دايما وانا خارجه من البيت مش عارفه ليه قاعد عندنا اومال اتجوز ليه ده
    طبعا كنت بحاول اتجنب صاحبتى أم مخ مقفل 0 مشاعر غالية ) مش ناقصين وجع دماغ يا ست الشيخه والنبى أه أه معلش نسيت قصدى بالله عليكى طيب ما علينا
    سماح بقت هى بوصلتى أمشى وراها وه كانت مبسوطه انها لقت واده عجينه طري تشكلها زى ما تحب
    طبعا مش بنحضر المحاضرات كن بنتقابل فى الكلية وبعدين نخرج نتفسح ونتشى او ندخل سينما كانت اول مره فى حياتى ادخل سينما وكنت منبهره جدا وحاسه انى بتمرد على نفسى وأتعلمت الكدب واللف والدوران
    كل ده وانا كنت فاكره انى اعرف كل حاجه عن سماح لكن بعد كده عرفت عنها حاجات كتير وبصراحه أتهزيت شويه وكنت عاوزه ابعد عنها لكن هى خلاص كانت عرفت مفاتيحى وبقت تعرف تدخلى أزاى


    كل اللى فات كوم واللى جاى كوم تانى
    علشان كده هحكى بتفاصيل أكتر
    أنا كنت فاكرة أنى كده عملت كل حاجه تقريبا خرجت وأتفسحت وزوغت من الكليه والمخبر زهق منى طبعا أبواب الجامعه كتير هيقف فين ولا فين
    وفى يوم جات سماح وقالتلى ها تحبى تروحى فين النهارده
    منى:مش عارفه أنتى المرشد السياحى أقترحى أنتى
    سماح:أنا زهقت من الفسح والخروج ماتيجى نغير شويه
    منى:أزاااااااااى
    سماح:تيجى نروح عندى البيت أوريكى غرفتى أفرجك على ألبومات صور من ساعة ما كنت صغيرة لحد دلوقتى ونقعد فى البلكونه أحكيلك على مغامراتى يعنى أهو نضيع وقت وخلاص
    منى:أممممممم لا يا ستى هكسف من أهلك
    سماح:متبقيش هبله بابا وماما عساسيل خالص ومتفتحين وبعدين أحنا هنقعد فى غرفتى يعنى هنبقى براحتنا تعالى بس
    منى: ____ ماشى
    وروحنا بيتهم بصراحه كان مكان جديد عليا وطبعا بما أنى مش راضيه بحالى لقيت نفسى قانته على بيتى لا وكمان على أهلى أيه ده أبوها وأمها فرى خالص وسايبينها براحتها
    بس مش ده المهم المهم الى جاى
    آخر مرة عدل بواسطة omrody2005 : 05-05-2013 في 10:27 PM

  4. #4
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)


    الجزء الثاني

    دخلنا غرفة سماح بصراحة حلوة أوى وواسعه مش زى غرفتى يادوب السرير والدولاب والكمبيوتر
    سماح : أيه يابنتى فوكى كده وخاليكى براحتك أنتى فى بيتك
    منى: أفك أيه
    سماح : فكى الحجاب أستنى أجيبلك هدوم علشان تقعدى براحتك
    منى: لالالالالا هدوم أيه وبعدين مينفعش أفك الحجاب يمكن حد يدخل علينا ( قال يعنى اللى أنا لابساه ده حجاب)
    سماح: محدش هيدخل أيه اللى هيجيبهم هنا وأخويا مش بيصحى الا المغرب
    منى: أخوكى أنتى مش قولتى أنه معندوش أجازات النهارده
    سماح: منا كنت فاكره كده ولما جيت هنا ماما قالتلى أنه جه الصبح ومن كتر تعبه دخل نام أصله يعينى منامش طول الليل بيتعبوا أوى بتوع الجيش دول
    الحمد لله أن أحنا بنات معندناش جيش
    منى: أنتى بتستهبلى والله يا سماح وكمان عايزانى أفك الحجاب
    سماح : بقولك أيه هتعمليلى فيها أم الشعور خلاص ياختى خاليكى كده حرانه وزهقانه ها أعملك أيه تشربيه يا برنسيسه
    منى: أى حاجه
    سماح: طيب (وخرجت)
    فضلت ألف فى الغرفه أتفرج عليها وعلى هدوم سماح ومجموعة الميكب بتاعتها والصور على الحيطان
    وفجأة
    سماااااااح أنتى جيتى أمتى يا ا
    ألتفت وانا مخضوضه لقيته واقف عند باب الغرفه وبيبصلى باستغراب فضلنا نبص لبعض أنا بخضه وهو باستغراب
    هو:أنا أنا أسف مكنتش أعرف أن سماح معاها حد
    وهو بيلف علشان يطلع دخلت سماح
    سماح: حبيبىىى أنت صحيت أمتى حمدالله على السلامه
    (وهات يا أحضاااان )
    بصتلى سماح وقالتلى معلش يا منى مكنش يعرف أنك هنا
    ده سامح أخويا متتخضيش كده
    سماح: شوف بقى يا حبيبى دى منى صاحبتى الانتيم
    سامح: بابتسامه أهلا وسهلا نورتى
    منى: بهز راسى من غير ما أتكلم يعنى أهلا
    سامح: بيكلم سماح مقولتليش يعنى يا سماح ان عندك صاحبات حلوين كده
    سماح بتضحك وانا بلف وشى الناحيه التانيه وحاسه أن حد خبطنى على راسى
    سماح : ايه يا منى أنتى هتكسفى من سامح ده زى أخوكى
    سامح: طيب أنا هسبكوا على راحتكوا تشرفنا يا أنسه منى
    وخرج من الغرفه بسرعه
    (خرجت سماح وراه شويه تقريبا كانت بتجيب النسكافيه وجات
    سماح: أيه يا منى مردتيش عليه ليه
    منى: أنتى تسكتى خالص كده يا سماح كده
    سماح: والله ماكنت أعرف انه صاحى وهو مكنش يعرف انك هنا هى جات كده معانا خلاص بقى متوجعيش دماغى تعالى أشربى النسكافيه
    منى: طيب يا سماح هنشرب النسكافيه ونمشى أنا محرجه جدا
    سماح : نعم ياختى انا هضرب المشوار ده كله علشان النسكافيه كنا شربناه فى اى حته البيت بعيد يا منى بلاش أستعباط
    منى: خلاص تعالى بس ورينى اروح ازاى وارجعى تانى
    سماح : مش هنزل دلوقتى يا منى ريحى نفسك
    فى الاخر أستسلمت طبعا لسماح والنسكافيه بقى غداء
    بعد الغداء الباب خبط

    آخر مرة عدل بواسطة omrody2005 : 05-05-2013 في 10:29 PM

  5. #5
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)




    الجزء الثالث
    بعد الغداء الباب خبط


    أنا عدلت بسرعه من طريقة قعدتى
    سماح :أدخل
    أتفتح الباب ودخل سامح راسه من فتحتة الباب بطريقه تضحك أوى وقال تشربوا شاى معايا
    سماح: أه أعملى معاك
    سامح: بصلى وكلمنى كأنه يعرفنى من زمان ( وأنتى يا منى تشربى؟)
    منى: بكسوف لا شكرا
    سامح :ليه مش بتحبيه
    منى: لا مش بحبه
    سامح: يا عذابه
    أتحرجت جدا من الكلمه
    بعد ما خرج قولت لسماح انا عاوزه أمشى بقى يا سماح
    سماح: أستنى لما أشرب الشاى
    شويه ودخل سامح بالشاى والعصير اللى مطلبتوش وحط الكوبايات على المكتب وقال ممكن أزعجكوا شويه وقعد معانا
    سماح: بتستأذن مؤدب أوى يعنى
    وانا ولا حس ولا خبر
    سماح أحكيلى بقى محمد صاحبك عامل أيه
    سامح: كويس الحمد لله بيحاول يشيل السلاح بس فى الغالب السلاح هو اللى بيشيله
    لقيت نفسى ببتسم غصب عنى وفى نفس الوقت أندهشت جدا أيه ده بتسأله على صاحبه عادى كده وهو بيرد عليها عادى خالص ده أنا لو أخويا عرف أنى فاكره أسم صاحبه يقتلنى
    خرجنى من أفكارى سؤال سماح التانى
    سماح: هو محمد مش جاى معاك الاجازه دى ولا أيه
    سامح: لسه نازل بكره
    سماح: يخساره لسه بكره ده قعدته ميتشبعش منها
    سامح : بكره ياختى هيجى عندنا طول اليوم يقرفنا أبقى أشبعى منه براحتك وريحينى من أزعاجه
    دماغى لفت ينهار أسود عادى كده هما فيهم حاجه غريبه ولا أحنا اللى عايشين فى كهف
    وفضل طول مهو قاعد يحكى مواقف تموت من الضحك وانا مكنتش قادره أمسك نفسى من الضحك
    طبعا الكسوف راح واحده واحده وأتعودت على وجوده بقيت كمان أشارك فى الحوار والقفشات
    فى الاخر قامت سماح بتدور على دواء مسكن
    سماح : أه يا دماغى مصدعه أوى أهو لقيته وأخدت حبايه
    منى : مالك صدعتى
    سماح: أه مش شايفه قدامى
    منى :طيب انا هقوم أروح بقى
    سامح: ليه ما لسه بدرى
    منى: معلش أتأخرت أوى
    سماح: أنا مش هقدر خالص يا منى معلش
    منى : بصوت واطى (مش قولتى هتيجى تعرفينى أروح أزاى أنتى بتستهبلى)
    سماح بعصبيه: أيه يا منى بقولك مش شايفه دماغى هتفرقع وتابعت وهو توجه كلامها لسامح أخوها
    معلش يا سامح ممكن تنزل مع منى تعرفها الطريق أصلها أول مره تيجى هنا
    برقتلها جامد وعينى أحمرت
    سامح: معلش ليه يا سماح مفيش مشكله خالص انا فاضى
    منى: بعصبيه مكتومه لاء معلش أنا هعرف أروح لوحدى شكرا يا سماح
    سماح: يووووووه بقى
    سامح: ايه بس أنتوا عاملين أزمه ليه
    وبصلى وهو بيكمل كلامه مالك بس يا منى فيها أيه لما أوصلك هو انا مش زى أبن خالة مرات عمك ولا ايه
    لقيت نفسى ببتسم وانا فى عز الازمه
    وكأن الابتسامه كانت بمعنى الموافقه
    خلاص أنا هنزل أستناكى تحت هسخن الدبابه على ما تنزلى
    ومشى
    أخدت شنطتى ورمقت سماح بنظرة كلها غل وعتاب ومشيت
    نزلت لقيته تحت مستنينى أول ما شافنى أدانى التحيه العسكريه
    سامح: تمام يا فندم حاولنا نسخن الدبابه بس وأحنا بنسخنها نسيناها فى الفرن فأتحرقت من على الوش يا فندم
    كل مره كانت ابتسامتى بتزيد وتحولت لضحكات
    مشينا طريق طويل شويه لحد ما وصلنا لمكان العربيه
    طبعا د بتاعة باباهم محدش فيه عنده عربيه خاصه
    كنت عاوزه أقعد فى الكنبه الخلفيه بس هو قالى بطريقه عسكريه أنا كده هبقى سواق حضرتك يا فندم
    ضحكت وركبت جنبه
    وده كان أول تنازل من صديقتى منى مع واحد من الجنس الاخر
    وأحنا مروحين جاله تليفون رد عليه وفضل يتكلم مع واحده بطريقه وحشه أوى فهمت أنه كان بيحبها وهى لسبب او لاخر هجرته ومكنتش سامعه غير صوته العالى وصوت واحده بتعيط بصوت عالى بس طبعا طنشت وقعد اتفرج على الشجر والطريق شبه الصحراوى
    حقيقى المدن الجديده دى جميله أحسن من زحمة القاهره
    وهواها نقى بس فاضيه برضه حاجه تخوف
    أنتزعنى سامح من افكارى بسؤال مباغت
    سامح:منى نبقى أصحاب
    منى: أزاى يعنى
    سامح: بكل جرأة وثقه أدانى تليفونه وقالى سجلى رقمك هنا
    اخدت التليفون قلبت فيه شويه وانا بفكر مش عارفه اعمل ايه
    سامح: على فكره سماح اختى معاها رقم محمد صاحبى وهو كمان معاه رقمها وبيكلموا بعض عادى
    منى:بتقول كده ليه
    سامح:علشان انا عارف دماغك
    منى:لحقت تعرف دماغى
    سامح :بجديه مضحكه (انتى بتتعاملى مع اذكى جهاز مخابرات فى العالم يا منى)
    منى: باستسلام ضحكت وسجلت رقمى زى ماأكون مسحوره

  6. #6
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)
    دي بقي للي جعانين ومش عايزين يقومواااااااااااااا ههههههههههههه بالهنا والشفا اهووووووو مش حرماكم من حاجه




  7. #7
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)



    الجزء الرابع

    دخلت بيتى وانا بين السعاده والاحساس بالذنب
    وزاد أحساسى بالذنب عندما وجدت وجدت جالسه تقرأ فى كتاب الله بسكينه وهدوء يالهذه الام الطيبة المسكينه هى واثقة فى تصرفاتى وأنا أخون هذه الثقة بمنتهى الامبالاه
    سلمت على أمى بشىء من الحياء وقبلت يدها هى أبتسمت وقالتلى
    كلتى ولا لسه
    قلتلها أنى شبعانه وعاوزه أنام علشان مصدعه
    قالتلى طيب أدخلى نامى وأنا ماشيه قالتلى ربنا يبعد عنك ولاد الحرام يا بنتى
    الدعوه أخترقت قلبى أخدتها ودخلت نمت على طول من كتر التعب
    صحيت تانى يوم بدرى على غير عادتى وذهبت للكليه
    أستنيت سماح مجاتش خالص
    أتصلت بيها كلمتنى وهى نايمه قالت انها مش جايه علشان محمد جاى عندهم وهى عاوزه تقعد معاه
    أول مره أشعر أنى فعلا كنت بروح الجامعه علشان أى حاجه فى الدنيا الا الدراسة
    كنت قاعدة كئيبة ومش فاهمه حاجه وعاوزه أروح
    قعدت فى الكافتريا شويا مع زميلات لنا فى الكليه بس طبعا مش متعوده عليهم فستأذنت ومشيت
    أخدتها مشى حوالى ساعه وانا بفكر فى حالى ونفسى
    طبعا الست سماح زمانها اعده تضحك تهزر معاهم وانا هنا لوحدى زهقانه وكئيبه والحياة ملل
    تانى وثالث يوم نفس الحكايه سماح مش بتيجى أكلمها تقولى مش فاضيه هنخرج هنتفسح مش عارفه ايه وكلام يغيظنى وخلاص
    قولت والله ما هعبرك تانى يا سماح براحتك أيه هو مافيش غيرك يعنى
    وخدت بعضى ورجت لبيتنا بس مدخلتش شقتى روحت لصاحبتى (مشاعر) أصلها جارتى طبعا هى مصدقتش نفسها أيه ده بقى منى هانم أتكرمت وجات عندى يا اهلا يا أهلا أتفضلى يا شابه تحبى شربات ولا أزوزه
    دخلت سلمت على مامتها بصراحه ست طيبة زى أمى بالظبط
    قضيت معاها وقت جميل وعرفتنى على منتديات كتير كلها أسلاميه ونسائيه وشجعتنى أنى أبقى أدخل أشترك وأتفاعل معاهم وعرفتنى ان فى دراسه شرعيه عن طريق النت معاهد وحاجات
    طبعا كالعاده خدتها على قد عقلها وعدتها بالمشاركه والتفاعل والدراسه فيها كمان
    أول مره أروح البيت وانا ضميرى مستريح
    بس مفيش حاجه بتستمر على حالها



    .................................................. .............................................

    فى التالى مباشرة أستيقظت منى ولكن ليس لديها رغبه فى القيام من السرير أصلا كسل وملل طبعا ماهى مصلتش الفجر كالعادة فلابد أن ينطبق عليها حديث رسول الله صلى الله عليه وسلم (يعقد الشيطان على قافية رأس أحدكم إذا هو نام ثلاث عقد ، يضرب كل عقدة مكانها : عليك ليل طويل فارقد ، فإن استيقظ فذكر الله انحلت عقدة ، فإن توضأ انحلت عقدة ، فإن صلى انحلت عقده كلها ، فأصبح نشيطا طيب النفس ، وإلا أصبح خبيث النفس كسلان )

    فتحت أمها باب غرفتها ثم فتحت الشباك وهى تنادى على عليها
    قومى يا منى قومى يالا أخوكى ومراته زمانهم جايين النهارده الجمعه
    منى تمط شفتيها وتلويها: وايه يعنى ماهم كل يوم عندنا جمعه ولا مش جمعه هما بيقعدوا فى بيتهم اصلا
    الأم مكررة طيب يالا قومى بس مش عايزاها تيجى تلاقيكى نايمه هتقول عليكى كسلانه
    منى بعبث وهى تقوم من سريرها: قال يعنى هى اللى نشيطة أوى
    حقيقة رغم فضل يوم الجمعة لكن منى كانت بتكرهه أوى لانها مش بتحب تقعد فى البيت خالص مالص
    المهم أنجزت منى أعمال المنزل مع أمها من نظافه وطبخ
    وكل الحوار اللى دا بينها وبين أبوها صباح الخير صباح النور الاكل جاهز
    الجميع جلس للغداء وكانت منى تعبث بأطباقها ولا تأكل بشهية وهى تفكر (طب طلب نمرتى لي طالما مش هيكلمنى )
    سرحانه فى أيه يا منى أنتشلها أخوها من تفكيرها بهذه الجملة
    منى مخضوضة:ها مفيش حاجة
    زوجة الاخ: مفيش حاجة أزاى أنتى مش بتاكلى سرحانة
    منى((الله يخرب بيتك أكتر ماهو مخروب أنتى عاوزاه يقلق منى وخلاص))
    مفيش حاجة يا ستى أصل الامتحانات قربت وانا لسه مذاكرتش بجد يعنى
    زوجة الأخ بنظرة خبث :اهاااا
    الأخ: أومال بتعملى ايه من أول الدراسة هى مصاريف وخلاص
    الأب :ششششش مش عاوز دوشه عاوز أسمع الماتش هيجى أمتى
    منى تنظربقرف لزوجة أخوها والجميع يعود للأكل بصمت
    الأم تضغط على أيد منى وتنظر لها نظرة منى فاهماها معناها (كلى كلى ولا يهمك )
    بعد الغداء منى قامت بواجب غسل الاطباق ليسحبا فى الاطباق ولكن لا تريد هذه الجلسة العائلية البايخه

    دخلت زوجة أخوها المطبخ ووقفت على الباب وقالت بسماجة :منى ممكن شاااااى بد ما تخلصى
    منى وهى بتهبد الاطباق بعصبية:ما تيجى تعمليه أنتى
    زوجة أخوها بأبتسامه لزجه:أيه يا منى مالك بقيتى عصبية كده الايام دىىى
    منى بتأفف ونفخ :اللهم طولك يا روح خلاص هعملك الشاى أمشى بقى
    زوجة أخوها :أعمليلنا كلنا
    منى برخامه: حاضر هعملكوا كلكوا فى حاجه تانيه
    زوجة اخوها :لا شكرا ومشيت ببطىء لزج
    خلصت منى وعملت الشاى واحت قعدت أمام شاشة الكمبيوتر تلعب فى أى حاجه على النت وخلاص
    دخل أخوها وفى أيده كوباية الشاى بتعملى أيه يا منى على النت
    منى: ولا حاجه
    أخوها ما تذاكرى أحسن هتفضلى طول عمرك مش نافعه فى حاجه خالص كده
    منى وهى بتخبط على الماوس بعصبية :متشكرة أوى فى أى شتيمة تانيه
    أخوها أيه يا بت هتعمليلى فيها بنى أدمه ولا أيه أنا أقول اللى انا عايز اقوله متفتحيش بؤك
    منى ((هو أنت يعنى هتجيبه من بره من أنت أتربيت على كده)) _________
    هو خرج ودخلت مرات أخوها تانى
    منى((اه دول بيحدفونى لبعض ولا ايه ))
    زوجة أخوها تاخدى بؤ يا منى الشى بتاعك حلو بصراحه
    منى بزهق وعنينيها لم تغادر شاشة الكمبيوتر: شكرا ما أنتى عارفه أنى مش بحبه
    زوجة أخوها وهى تلتفت لتخرج :براحتك
    فى اللحظه دى منى أفتكرت حوار الشاى اللى دار عن سماح
    منى تشربى شاى ؟
    لا شكرا
    ليه مش بتحبيه
    لا مش بحبه
    يا عذابه
    أبتسمت منى رغما عنها وتذكرت وجه سامح وكلامه وخفة دمه فابتسمت أكتر
    نظرت الى الموبايل بجوارها وكأنها تستدعى مكالمه أو رنه أو حتى مسج ولكن لا حياة فيمن تنادى
    أمسكت الموبايل وعزمت على الاتصال بسماح
    ردت سماح وهى تضحك:الو منى أزيك يا حبيبتى
    منى :أيه يا بنتى هو أخوكى يجى من هنا وانتى تنسينى من هنا
    سماح بدلع :انا أنساكى يا منى ده كلام ده أنتى قلبى
    منى شعرت ان الكلام ده مش موجه ليها:أه وكمان بقيت سلم على اخر الزمن
    أنتى فين يا سماح
    سماح وهى لسه بتضحك:فى وسط البلد بنتفسح وبنشترى شوية حاجات
    منى بخبث:أنتى ومامتك
    سماح لاء معايا سامح ومحمد
    منى بتكمل :ايه بتشتروا هدوم يعنى
    سماح سكتت شويه زى ما يكون فى حد بيقولها حاجه
    سماح: منى أنتى فين
    منى :أنا فى البيت طبعا هروح فين النهارده الجمعة
    سماح ببطىء :طب ما تيجى معانا
    منى بضحك:وأقولهم بقى رايحه فين
    سماح :قولى أى حاجه
    منى بضيق صدر :بقولك أيه يا سماح انا مش ناقصة قلق كفايه اللى عندى
    سماح ببطىء رخم :براااااحتك بااااى
    منى وهى بتنفخ:هو انا كنت ناقصاكى أنتى كمان ترخمى عليا
    خلص اليوم على خير الحمد لله ونامت منى بدرى علشان اليوم يخلص أسرع

    وهى مش واخده خوانه من اللى هيحصلها تانى يوم (السبت )
    ________________________________

  8. #8
    تاريخ التسجيل
    Oct 2012
    الموقع
    الجزائر
    الردود
    1,508
    الجنس
    أنثى
    التكريم
    (أوسمة)
    حكاية ومعاها حلويات

    ما أسعدنا بكي تسلمي يا قمر



    في انتظار البقية


  9. #9
    تاريخ التسجيل
    Apr 2013
    الردود
    1,277
    الجنس
    امرأة
    التكريم
    • (القاب)
      • متميزة ركن الأمومة والطفولة
    (أوسمة)
    باين عليها قصة متينة هههههههه
    انتى عارفة يا ام رودى بيصعب عليا اوى البنات الى كده
    تحسى انهم ماشيين ورا سراب
    ربنا يحفظ بناتنا وبنات المسلمين من كل سوء

  10. #10
    تاريخ التسجيل
    Dec 2005
    الموقع
    في اختبار الحياة ثبتنا الله علي طاعته
    الردود
    3,217
    الجنس
    أنثى
    التكريم
    (أوسمة)
    تعقيب كتبت بواسطة ام القادة عرض الرد
    حكاية ومعاها حلويات

    ما أسعدنا بكي تسلمي يا قمر



    في انتظار البقية



    ههههههههههههههههه انا قلت اعمل الواجب مع احلي وارق عضوووووووووووات منوره يا أم القاده ان شاء الله

    تابعيني ومن تعليقاتك ما تحرمينا

مواضيع مشابهه

  1. الردود: 21
    اخر موضوع: 15-01-2012, 12:40 AM
  2. أكتشفت أن جوزى بيقول أسرارى لأهله
    بواسطة bossy062 في نافذة إجتماعية
    الردود: 9
    اخر موضوع: 22-09-2011, 03:05 AM
  3. بدايه حقيقيه لقلوب حقيقيه
    بواسطة سعيد القاهره في روضة السعداء
    الردود: 0
    اخر موضوع: 30-12-2008, 03:44 PM
  4. الردود: 16
    اخر موضوع: 18-06-2007, 05:40 PM
  5. إغتيال عالمة لبنانية أكتشفت علاج سارس
    بواسطة دندون في الملتقى الحواري
    الردود: 4
    اخر موضوع: 24-05-2003, 10:01 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ