كتبت بواسطة
أم ريوضي
وعليكم السلام ورحمة الله وبركاته
موضوعك اليوم كثير كثير مثير ومهم يا رودينا
بارك الله فيكِ
انا بذكر مرة كنت انا وجارتي خارجين نتمشى بجنب البيت ومعنا ابني وقتها كان عمره سنة ونص وابن جارتي كان عمره 7 سنوات
فـ ابني كان متعلق بـ ابن جارتي وكان ماسك ايده وبيتمشوا معنا
وفجأة اختفوا من جنبنا فـ قالتلي جارتي لا تهتمي ابني كبير وبيفهم هسة بيرجعوا بتلاقيه جاي يلعبه بالمرجيحة
قلتلها لا لازم اقوم اشوف وانا وقايمة اجه ابن جارتي لحاله سالته وين رياض قالي ما بعرف ما شفته لانه ما كان معي اصلا
وطبعا صرت اجري من جهة وجارتي من جهة
والمنيح انه كانت منطقتنا منطقة سكنية ما فيها شوارع فيها سيارات الا بعد مشي شي 5 دقائق
فـ قلت خلاص ابني لحق يروح للشارع ورحت بالشارع ادور عليه وما لقيته رجعت على منطقتنا قلت يمكن متخبي ورة شجرة او شي لانه كان بيحب لعبة الاختباء ولما وصلت بجانب باب البناية تبع بيتنا لقيت ابني واقف بيبكي خلف باب البناية
رحت له بسرعة وحضنته وجارتي كانت بتلوم ابنها فـ قلت لها الحق مو عليه الحق علي اني اعتمدت عليكم
لانه هي جارتي ظلت تزن علي وتقولي لا تخافي ابنك راح مع ابني وابني بيفهم وكبير وعنده مسؤولية
ومن هذاك الوقت ما عاد امنت على ابني مع اي احد
حتى لو كان قريب
لانه في بعض الناس ما بيتحملوا مسؤولية وبياخذوا كل شي ببساطة
طولت كثير بس من جد هالموقف مأثر فيني من هذاك الوقت وطبعا جارتي خفت علاقتي فيها لانها بتحب تخرج ونتمشى سوا وانا صارت كل ما تقولي تجي نطلع نتمشى
بقولها لا مشغولة او ابني نايم او اي عذر والحمد لله غيرت مدينتي بعد فترة وهسة ساكنة بجنب بيت اهل زوجي
الروابط المفضلة