سيداتي الراقيات شكرا على الردود اللي بلت قلبي وريحتني
انا نفسي كنت بكتب الموضوع وانا بلوم حالي لانو ومشان هيك ما حكيتو لأي مخلوق بس كنت حاسة حالي رح اختنق
بتمر علي لحظات بيزيد عندي هالاحساس ولحظات بحسو خف ..... الحمدلله عيشتي ممتازة جنب غيري خصوصي مع اللي
عم يصير بسوريا مع العلم انو زوجي فقد شغله بسبب الازمة بسوريا لانو كان بيشتغل بالتجارة والاستيراد من سوريا
ومن سنين وهو بهالشغل وفجأة فقد شغله وانا متعاطفة معه وزعلانة عليه بس هو مشكلته اساء التصرف وما قدر يحافظ
على اكتر من وظيفة جديدة صحتلو ولسه مستني تنحل الاوضاع ويرجع لشغله هاد اللي زاعجني فيه اكتر شي
وحتى اقامتي انتهت وما قدر يجددلي ياها وصار علي مخالفات ومشان هيك ما بقدر سافر ولا بقدر اشتغل الا لما تنحل هالمشكلة
طبعا الحمدلله على كل حال والله خليتوني ارجع اعيد التفكير وهاد كان هدفي من الموضوع لاني بعرف انو هالمنتدى في ناس
عاقلة وكنت محتاجة بسسس كلام واعي يخليني ارتاح الله يألف بيني وبينه ويساعدني لتجرع مشاعري متل الاول ويفرجها على جميع العباد
الروابط المفضلة