السلام عليكم ورحمة الله وبركاتة

حبيباتى مرتادات النافذة الاجتماعية
نافذتى العزيزة ..

انا عايزة آخد رأيكم فى حاجة

بإختصار شديد

انا كان ليا عم بينة وبين بابا وباقى اعمامى مشاكل على طول
هو ماشاء الله كان ربنا موسعها علية وكان دابما شايف ان اخواتة والناس كلها طمعانة فية
المهم انة كان فية مشاكل كتيرة لدرجة انة لما اعمامى الاثنين ماتوا محضرش الدفنة ولا العزاء ولا حتى اتصل بأخواتة
طبعا زى ما هو كان مقاطعنا اولادة كمان كانوا بيعملوا نفس الحاجة
دلوقتى عمى دة اتوفى قبل رمضان بكام يوم
واولادة دفنوة واقاموا العزاء من غير ما يبلغوا اخواتة
واحنا عرفنا بالصدفة انة مات .... وطبعا زعلنا جدا لأن مهما كان حجم المشاكل اللى بينهم .... هو خلاص مات ولا تجوز علية غير الرحمة ...

المشكلة دلوقتى انى وانا بتصفح الفيس بوك من فترة ... لقيت الاكونت بتاع بنت عمى دة ... واخواتها الصبيان كمان (اولاد عمى)
وفكرت انى ابعث لها برسالة واقولها على هويتى واعزيها ... واقولها ان اللى كان عامل مشاكل بينا راح لعند ربة واحنا اولاد العم اللى باقيين لبعض
خف ربنا يحاسبنى على صلة الرحم ... وانى عرفت اوصل لها وموصلتش رحمى
بس رجعت نفسى صعبت عليا
لأنها ولا مرة كانت تتصل ... ولا حد فيهم بيسأل ... حتى فى بداية المشاكل دى لما كنت انا اتصل بيها كانت مبتردش عليا وبعد كدة معظمهم غيروا ارقامهم
والتواصل بينا بقى شبة مستحيل ... وفكرت يعنى هى ولا مرة حاولت تدور علينا؟؟؟ مع ان هى من السهل انها توصل لينا لأن ارقامنا متغيرتش

بس انا على طول بفكر فى الموضوع ... خصوصا بعد ما عمى اتوفى ...
بس خايفة ابعت لها رسالة ... او احاول اوصل لها ... وتصدنى او متردش عليا ...
الصراحة بينى وبينكم انا كرامتى مانعانى انى ابعت لها

انتوا اية رأيكم ؟؟؟؟
ياريت تساعدونى

حبيبتي جزاك الله خير على تفكيرك و محاسبتك لنفسك بهذا الشكل الجميل
الذي يمنعك من الاتصال هو الشيطان و ليس كرامتك
حبيبتي مهما كأن هو عمك توفى الله يرحمه و اخد معاه خيره و شره
و موته المفروض يكون عبرة لكم و لاولاده
بأن الدنيا لا تدوم لآحد و اكيد الكل يعرف عواقب قطع الرحم
و تأكدي غاليتي ان لا احد يقطع و يقول انا قاطع للرحم
لا
بل هي سلسلة تصرفات من انقطاع اتصالات - كرامة تمنع الانسان - تفكير بانك غير مذنبة الخ

فاصرفي عنك كل تلك الافكار و اتصلي و بأسرع وقت عزي و تصرفي عادي
و اطلبي مواصلة التواصل من بنت عمك
و مهما كان رد فعلها لا تندمي ابدا
بل استشعري لذة تغلبك على هوى نفسك و الشيطان

بارك الله فيك و جزاك خيرا

حبيبتى الله يرحمه ويرحم جميع اموات المسلمين ويرحم ابى يارب
انا من رايى انك تحاولى تكلميهم مره واتنين وثلاثه على فترات
يعنى اتصلى الاول وبعد فتره او فى اى مناسبه ابعتى رساله او اتصلى وكده فى كل مناسبه واجعلى نيتك لوجه الله ومتبصيش رد فعلهم عامل ازاى
اتصلى برده وخليكى فى تواصل
مع الوقت الدنيا هترجع طبيعيه وواحد هيجيب التانى ده رايى واهو كله فى ميزان حسناتك
بس طبعا متقليش لها ان اللى كان سبب المشاكل مات لانه فى الاول والاخر والدهم هم ممكن يحسوها من نفسهم
وطمنينا عليكى

اختى انجى
شيمة الحب
جزاكم الله كل الخير

اختى انجى
انا فعلا كنت قبل كدة اتصلت بيهم ايام خطوبتى لكن هى مردتش عليا ... ورجعت اتصلت تانى وتالت وعاشر
ومكانتش بترد وفى الاخر غيرت رقم موبايلها
يعنى انا كنت قدمت السبت اصلا
علشان كدة بقول انى متخوفة من رد الفعل.

حبيتي انتي سوي اللي عليكِ وما تفكري مرتين المهم هو رضا رب العالمين
انتي ابعتي واسألي حتى اذا ردت عليكِ بالصد ولا عبرت بس انتي لا تنسي انتي سويتي هالشي لأجل الله
وليس لشيء آخر
اتوكلي على الله وابعتي
مو مهم اذا ما ردت عليكِ
بس هي اكيد ربنا بيهديها وبيهدي اولاد عمك
والله يصلح الاحول بينكم جميعا يا رب

ومع ذلك
ابحثي عن أرقامهم واتصلي وقومي بالواجب واكسبي حسنة صلة الرحم
لأن القطيعة تولد الندامة وفيها ذنب عظيم ؛
لا تقولي أخاف من ردّ فعلها فهي مسؤولة عنه ؛
أمّا أنت فواجبك أمام الله ثم نفسك أن تصلي الرحم وتحتسبي الأجر عند الله .
وإن لم تلقي استجابة فلا إثم عليك ؛ وعلى الأقل حتى يطمئن قلبك أنّ الخطأ ليس منكم .
ثم حاولي الاتصال بطرف مشترك بينكم لتوسيطه لتسهيل التواصل ،
يا أختي الشيطان لا يدخر جهدا في تفريق الأهل والأصحاب
لأن سعادته في خراب البيوت والعلاقات : أعوذ بالله من الشيطان الرجيم
وفقك الله .

حبيبتي ام حنونة ما راح ازيد على الي قالوه البنات جزاهم الله خير
انت اعملي الي عليك و اتصلي بيها و عزيها و بلاش الجملة الي كان عامل المشاكل راح
لانه زي ما قلتي ما يجوز عليه غير الرحمة
و الله يجمع شملكم و يبعد عنكم الشيطان

عزيزتي صلة الرحم بر و لا يحتاج أن تستشيري في البر
وصلة الرحم أن تصل من قطعك و تعطي من منعك و أما زيارة بزيارة و سؤال بسؤال فهذه مكافأة
إنت استعيني بالله و اسألي مرة على مرة و ابعثي سلام بالمناسبات و لا عليك إذا ردوا و لا لا
إحتسبي الأجر عند الله و كوني ممن قال الله فيهم لا نريد جزاءا و لا شكورا

أعانك الله على طاعته و مرضاته

والله من وراء القصد

ما كنت ساضيفه اضافته الاخت يارا جزاها الله خيرا
هي هذه الجملة " الي كان عامل المشاكل راح "
هناك ستخلقين مشكل اكبر بكثير لان هذا في حد ذاته الخوض في الماضي
عوض ان تقولي هذه الجملة قولي الله يسامح لنا و يغفر لنا جميعا
اي الغرض هو تحقيق صلة الرحم و ليس من السبب في هذه التفرقة
لهذا يا اختي اول شيء تقومين به ابعثي لهم رسالة تعزية هذه اول خطوة
المفروض حتى اهلك يقومون بهذا لما عرفوا بالخبر لا يهم ردة فعل الاخرين
مهما كانت ردة فعلهم فانتم لكم الاجر و الثواب .
توكلي على الله و تصرفك هذا لا ينقص من قيمتك و لا يمس كرامتك اطلاقا .

دكرتني باحدى اقاربي كانت زوجته على خلاف مع اختها فكان يستغل المناسبات
خصوصا الاعياد وياخذ زوجته و يذهبون لهم يقول لزوجته انا ما ارغب فيه هو الاجر
زوج اختك رغب او لم يرغب مسألة تخصه ان شاء الله نقف عند الباب و نحييهم و نبارك لهم العيد
فعلا استمرت الزوجة على هذا تتصل هاتفيا و تقوم بالزيارة الخفيفة التي لا تتعدى 5 دقائق كل هذا
بفضل تشجيع الزوج لها الله يبارك فيه و في امثال .

مرت الايام و الايام بدأت الاخت و زوجها يزورونهم هم ايضا و بنتهم تتصل هي الاخرى
صحيح النفوس ليست صافية لكن الحمد الله مع الايام لا بد ان تعود المياه الى مجاريها .
وفقك الله

السلام عليكم أختي
أنا رأي إتصلي بيها ولو رفضت ترد عليكي لازم تفرحي لأنك عملتي إلي عليكي وهي الغلطانة
بس نصيحة لا تقولي صاحب المشاكل راح لأنو بيفضل أبوها وهي هتفكر إنك بتعيريها
الله يلم شملكم تاني وترجعو لبعضكم ويبعد عنكم الشيطان