السلام عليكم ورحمة الله وبركاتة

بنات انا بكتبلكم وربنا وحدة عالم جرحى اد اية

انا حبيت جوزى جداااااااااااااااا ومش مقصرة معاة بادنى شئ

لكن للاسف من شهور قليلة عرف موقع شات ادمنو وبقى علية ليل ونهار وطبعا عالشات ما اجمل الاختلاط بين الولاد والبنات

وكان معرفهم انه مجوز ودخلنى معاة الشات لان فى بنات عوزين يعرفونى وانا دخلت واتكلمت معاهم عادى رغم اعتراضى انو يكلمهم وقلتلو قالى انا لو بعمل غلط مكنتش قلتلك قلتلو لو شايف كلامك مع بنات وستات حلال براحتك

المهم من ضمن اللى بيكلمهم واحدة قالت انها حبتنى اوى وقالتلى اسمها الحقيقى وطلبت منى مش اقولو لحد خاصة جوزى وقالتلى ميلها نتكلم علية وانو برضو سر

للحظ الحلو ان زوجى كان قاعد وانا روحتلو فجاة لقيتو بيكلمها عالميل باسمها الحقيقى الله يسامحها ويهديها

طبعا نسيت اقلكم المفاجاة انها متجوزة وعندها ولدين

وانا زعلت منها انهم خبو عليا وكدبو ومقالوش انهم بيكلمو بعض عالنت

المهم جوزى قالى خلاص وعد مش هكلمها تانى

وقبلها كان اغلب مشاكلنا بسببها لانو بيطول جدااااااااااااااااااااااا فى الكلام معاها فنا اضايقت

واما لقيتو مسجلها عالميل زعلت وقلتلو انت وعدتنى مش هتكلمها تانى قالى خلاص اخر مرة وانا بحبك وبموت فيكى انتى وشوية كلام حلو سمعهونى

النهاردة الصبح فتحت الجهاز بعد ما عملتلو فطار وبجهز نفطر سوا لقيت صفحة شات طلعتلى بدون مقدمات ولقيتو كتبلها

رقم تليفونو
وانو خد تليفونها
وانو بيحبها جدا
وهتوحشينى
وعمرى ما هنساكى
وانى هدخل كل اليوم الشات اشوفك هنا ولالا
وانو دعالها امبارح اصلو كان صايم

بجد حسيت وقتها انى اتشليت وختو وريتو الصفحة

تخيلو يرد يقولى انا اة ادتها رقبمى عادى يعنى حتى مهموش انى اجرح ولا بزعل

والعجيب يقولى انا قلتلها الكلام عادى يعنى

ونزل شغلو

وبصراحة انا فى قمة زعلى وجرحى

ومش عوزة اسيب البيت لان بنا طفل
لان مقدرش اكون عبء على اهلى بابنى

بس مجروحة ومش قادرة اسامحو
ارجوكم ساعدونى بجد

اختي كنزي
ربنا يفرج همك و يكشف غمك
و يصلح حالك و يسعدك و ييسر لك الخير امين

اختي مادام اظهرت لك معرفتك بما يفعل
يبقى لازم تأخذي موقف مهم جدا و حازم
معرفته انك عرفت و لم تحركي ساكنا ستجعله يتمادى و يستمر
الان لا شيء يجعله يتوقف ان شعر انك في الجيب
و مهما عمل فأنت بجانبه
لا يعني ذهابك عند اهلك ان تطلبي الطلاق حقا
لكن اجعليه يشعر بالخطر و تصرفي اي تصرف يشعره بذلك
حتى لو لم تكون لك نية حقيقية
شعوره بالخطر او الخسران هو ما سيردعه
لآن للاسف واضح ان خوفه من ربه لم يردعه
فعليك ان تكوني في موقف قوة و ثقة و ليس خنوع و ذل

الا يعرف زوجك انه كما يدين يدان ??

كل المسلم على المسلم حرام : دمه و ماله و عرضه

و هو الان يعتدي على عرض احد اخوانه المسلمين
زوجة و محرم رجل اخر
و لا حول و لا قوة الا بالله

الا يخاف ان يصيبه نفس الشيء ?

الا يخاف ان يرد له و يؤذى في عرضه ?

هي آفة متفشية ربنا يلطف في المسلمين و يعافي الجميع

لكنه ليس بالامر الهين

و بما انه اكتشف معرفتك يبقى لازم يرى لك ردة فعل
القرار فيها يعود لك
انت الاعرف و الافهم بطبيعته و ما يؤثر فيه

احيانا تدخل الاهل يصلح الامور و احيانا امور اخرى تلزم في مثل تلك الحالة

فكري و استخيري و قرري و كوني قوية و واثقة من نفسك
لانه هو من عمل الغلط و ليس انت

ربنا يعينك و ييسر لك الخير

و طمنينا عليك اختي

تصدقى خايفة من انتقام ربنا لية
فعلا اختى انجى كلامك صحيح

لكن اهلى على طول انا امدح فية قصادهم وبخبى كل عيوبة وبطلع نفسى غلطانة علشان يحبوة ويحترموة

فصعب ادخلهم

لكن انا هتعامل معاة بحدود وبسطحية لانى بجد مجروحة وكرامتى وقلبى هو داس عليهم

اختى كنزى انا حصل معايا شى من هذا القبيل مع الاختلاف
والنصيحه بتاعتى ليكى لا تتركى بيتك ابدا لانك بتخلى الطريق ليها وليغرها.
اللى انا عملته انى تعاملت معها بسطحيه شديده كانه مش موجود بالبيت ولفتره طويله واول شى طلبته انه يغير خط الموبيل
واتصلت بها ودار بنا حوار طويل طبعا يغلبه معرفه حدود الدين وحكمه فيما تفعله.
لم اترك البيت ولم يعرف احد من اهلى او اهله لكنى ظللت فتره طويله اعتبره غير موجود بحياتى و وطبعا امتنعت عنه نهائى لحد لما زهق وقرر انهاء علاقته بها عبر الهاتف
وطبعا بعدها تحدثنا وتعاتبنا كثيرا واخذت احطياطات ان لا يتكرر ذلك منها انه لا يجلس على الكمبيوتر نهائى بدونى .
وطبعا انتى ليكى ضلع فى ذلك انك سمحتى اصلا انه يكلمها هيا او غيرها على الشات.لان اللى بيبدء صغير بيكبر

نسيت اقولك انه ان لم يرى منك رده فعل قويه شديده تهزه وتهدده فلن يتغير شى
لازم يكون فى اختيار بينك وبين اى وحده تانيه.

حبيبتي كنوزة مش مهم انك تروحي بيت تاني خليكي في بيتك واتعملي كانو هو ساب البيت افهمك قصدي ايه
اولا انت لو رحتي بيت اهلك هتفضحي خصوصياتكم وده مش محبد من وجهة نضري انا اشوف ان الست تسيب البيت لو مش هترجعلو تاني ابدا يعني زعل ومراضات وتدخلات من كل الاطراف هتزيد توسع الشرخ
علشان كدة انا هطلب منك طلب تنفديه بالحرف الواحد انتي تعملي نفسك مش شيفاه خالص يعني لو رجع متكلمهوش الا لو كان في حد تاني وياكم بالغرفة اتعملي عادي ساعتها بس بينك وبينو فهميه انو انهى موقعو في حياتك بتصرفو ده وان كل اللي فاضل بينكم ولد وصورة كويسة قدام الناس وقدام امو المريضة وانك خايفة عليها من الصدمة علشان كدة انتي مستحمل تخليه في بيتك وحطيها حلقة في ودنك بييييتك وعلها عشرين سطر احمر فهميه انو انتهى من حياتك باللي عملو وانك مستحيل تسامحيه وانك ساترة عليه بس علشان خاطر ابنو وامو المريضة وانو لو مش كدة مش هتبصي وراكي حتى وانتي بترميه من حياتك مش لانو خانك بس بل لانو سمح لنفسو يخون راجل مسلم زيو في عرضو وانو هانت عليه نفسو اوي لما سمح لنفسو يكلم وحدة متزوجة وام ومخفشي من انتقام ربنا وانساق وراء الشيطان
اختي جربي اللي قلت لك عيه بقلب جامد وهتشوفي لو هو ارتدع يعني ندم فان خير الخطائين التوابون وان لا فهو ميستهلش ابدا دمعة من عيونك ولا حتى نضرة اسى منك
واوعي لو قالك انو خلاص بطل تحسسيه انك مصدقاه خليكي على موقف انو حلف وكدب واكيد هيعدها تاني واوعي تتهوري وتكلميها او تبعتي ليها رسالة لانك بضيعي وقتك اللي من النوع دوت ملهاش وش يتبص فيه اصلا وربنا يبعت لك اللي فيه الخير

لا حول ولا قوه إلا بالله العلي العظيم

مش قادره أقولك حالي ازاي دلوقتي لإنك قلبتي عليا المواجع

كان بيحصل معايا نفس السيناريو في أول سنتين زواج ,, لا إله إلا الله

غير إنه أنا كمان وصلت معاه لتشغيل الكاميرا واكتشفتها بالصدفه

بصي يا كنزي يا حبيبي

أولا : اوعي اوعي اوعي تسيبي بيتك بأي حال من الأحوال ,, ده بيتك وبيت ابنك ,, اوعي يا كنزي

ثانيا : بلاش تقولي لمامتك أو اخواتك أو حتي صاحبتك علشان صورته متتهزش قدامهم

ثالثا : شوفي طلبات بيتك كلها كامله واوعي تقصري في شيئ ,, باكرر بيييييييييييتك

يعني تنظيف ,, غسيل ,, طبخ ,, الحاجات العاديه اللي كنتي متعوده تعمليها

رابعا : بالنسبه لزوجك اتعاملي في بيتك وكإنه مش موجود

يعني يرجع من الشغل ويكلمك مترديش عليه ,, يعني من الآخر كإنه هوا ,, هو انتي ينفع تكلمي الهوا

لازم تاخدي موقف قوي وحازم ,, لإنك لو عديتي الموقف واتعاملتي عادي المره الجايه هيقابلها ويقول عادي وسامحيني

وخلي بالك إنك ممكن تضغطي عليه في البيت في الدخول علي النت ويطلع أي سايبر نت ويكلمها ,, غير إنه كمان دلوقتي مش محتاج سايبر

خليه كده شويه لحد لما يحس بغلطه ومفيش مانع إنك تهدديه بإنك هتبلغي أهلك لو فضل علي حاله

وربنا يهديه ويصلح له الحال

دايما ادعي يا كنوزه

اللهم سخر لي زوجي كما سخرت البحر لسيدنا موسي

لا حول ولا قوه الا بالله
حبوبه كنوزه الله يفرج همك وكربك ويبعد عنك وعن زوجك كل سوء
والله يرجع زوجت لعقله

السلام عليكم ورحمة الله وبركاته..
أخيتي كنزي ..
أعانك الله ويسر أمرك وفرج همك ..
أخيتي اسمحي لي أن لا أعلق الآن على الحل ..
بل لك حدث مسبب .. ربما الكلام على النت وفتح المجال للأخرى بأن يتناقش معها ويدردش ويتواصل معها كلاميا يجعله يشعر بالتجديد لحياته وعلاقاته الإجتماعية .. فربما لم يكن الأمر أكثر من بحث عن التواصل ، ولا علاقة له في الحقيقة بالرغبة في الخيانة .
أخيتي إسمحي لي أن أضع بعض النقاط التي قبل شيء عليك أن تراجعيها ..وأنا لا أقصد بها شخصك الكريم بشكل خاص بل أتكلم بشكل عام لتعم الفائدة على الجميع..
أخيتي بعد أن تأكدتي من موضوع تكلمه وتبادله الكلام وأرقام الهاتف مه تلك المرأة ..
عليك ان تتريثي قليلا وتحكمي عقلك وأن لا تنسي برغم هذه التصرفات من زوجك إلى إن عنده العديد من الصفات الحسنه التي كان يتعامل بها معك ولا تركزي تفكيرك على خصاله السيئة .. ولا تحملي نفسك المسؤولية فتصبحي متشددة لأمر من أمران كلاهما تطرف وتحيز..
لذلك عزيزتي عليك مراجعة 3 نقاط مهمة لتستطيعي أن تلمي بالمشكلة وأسبابها...
1. صفات زوجك :النفسية وميوله ورغباته..
2. صفاتك الخاصة: الجسمية والنفسية والاتصالية..
3. علاقتكما معا ويجب عليك أن تقيمييها بموضوعية وبدون إنفعال..
حاولي أن تحصري كل الاخطاء وما أثر على علاقتكما من ناحيتك أو ناحيته أو من الناحية الخارجية(التلفاز او اهله أو ظروفه الاقتصادية أو النت)..
عليك عزيزتي أن تقومي بمواجهته ولا تقومي بإدخال أي طرف آخر بمشكلتكما لكي لا تزيد التحليلات والمشاكل وأيضا لكي لا يشعر زوجك أن تريدي إحراجه أو فضحه..
أخيتي عليك أن تفهمي سبب قيامه بهذا الشيء.. إن استطعت أن تقومي بفتح نقاش معه بهدوء فلا بأس..
أهم شيء أن لا تتركي البيت ..
لن أقول لك ان تطنشي زوجك أو لا تعيريه انتباها .. لأنني بصراحة لا اعرف ما نفسية زوجك وكيف يتعامل مع الأمور..
فبعض الرجال يفيد معه أسلوب الإهمال وبعضهم الآخر يفيد معهم أسلوب الاهتمام والتقرب وسدد الثغرات والحنية..

أتمنى أن نصل لحل ما يريحك ..

اراء الاخوات حكيمة ما شاء الله

متفقة معاهم بعدم خروجك من البيت

وضرورة معاملته كانه هواااااااااااااااااا


والبنت اللي بيكلمها لازم تتأدب كمان

يعني لو تعرفي عنها حاجة تلفون عنوان

لازم حد يهددها

طبعا ما يكون رقمك ولا رقم حد زوجك يعرفه ولما يهددها ما يحكي عن شخص محدد

يقولها انا عارف انك بتخوني زوجك ولو ما بطلت راح احكيله ومعي الدليل


وكمان بعد فترة مش بنفس الوقت تصل زوجك رسالة تهديد انك عامل علاقة مع بنات ومتزوجات ولو ما بطلت بحكي لاهلك

او بخبر زوج صاحبتك وهو يتصرف معاك

لانه لو هي تركته ممكن يصاحب غيرها لانه تولع بالشات

خلي قرارك قوي وما تقبلي اي تنازل خليه يشعر بغضبك وان احترامه بقلبك راح

ولازم يتعب حتى يرجع تاني

ما بيكفي وعد منه انه يقطع علاقته بيها ولا يبطل يدخل شات لان العلاقة وصلت للموبايل

وممكن من سيبر يعمل اللي يحبه

خلي ينشوي على نار هادية

هداه الله وألف بين قلوبكم وابعده عن الحرام