السلام عليكم اخواتي
انا بأمس الحاجة للنصيحه العاجلة لاني بورطة كبيرة
وماني عرفانة كيف اتصرف
انا يوم الجمعة ولدت وجبت بنوته والحمدلله
انامن اول حملي قلت لزوجي اذا بنت بدي اسميها
على اسم امي ندى. المهم هو ما كان عندو اعتراض
واتفقنا ولما عرفت انها بنت قلت للناس بدي اسميها
ندى. ولما ولدت عرفت حماتي انو امي اسمها ندى
لانو ما كانت تعرف قبل. وعملتلنا مشااااكل وبدلت
رأي زوجي

انا ماني مع زوجي انا ولدت ببلد اهلي وبكره اخر
يوم للتسجيل ولما ماما عرفت القصه زعلت وقالت
انتوا هيك رح تخجلوني قدام الناس وهاد قله احترام
الي وانا بين ناريييين اهل زوجي وامي

بس بنفس الوقت هي بنتي وانا اللي تعبت فيها ماحدا
غيري ومن حقي سميها انا

برأيكم لو سجلتها من عندي بكرة وحطيتهم تحت الامر
الواقع فيها شي؟؟ شوروا علي الله يخليكم

اختي سمر الحمدلله على سلامتك
و مبروك بنوتة ربن يقر عينك بها امين

لا طبعا ما بيصير تحطيهم تحت الامر الواقع اطلاقا
هي بنته لزوجك ايضا و من حقه يسميها قبلك باعتباره ابوها
و الله اعلم انا سمعت ان التسمية من حق الاب شرعا
لذلك يجب ان تتفقي معه على اسم مشترك
و لو سميتيها لحالك راح تكبر المشكلة و تصير ورطة حقيقية
و معروفة حساسية الاسماء عند عائلة الزوج
بحيث يفضلون ان يسمى الابناء على اسماء ابوي الزوج
لذلك ان لم ترغبي في التسمية منهم عليك ان تسمي اسم حيادي
لا من طرفك و لا من طرفه
هكذا تتجنبين الحساسيات
و الاسماء الحلوة كثيرة
فكري باسم حديث و جميل له معنى طيب تحمله بنتك معها طول عمرها ان شاء الله
و يكون لها منه نصيب

و اما والدتك فهي تعرف ان الامر ليس بيدك
و تعرف ان حماتك هي من ابدت رد فعل على الموضوع
لذلك لا بد ان تتفهم حتى لا تضعك انت في موقف صعب
و ايضا انت من جهة اخرى طيبي خاطرها فهي والدتك
و لها حق عليك و المفروض من البداية عملتهم حساب هذا الشيء
و لا فيها احراج لوالدتك و لاشي كلها عادات بالية
البنت باسم مين ما كان تكون هي في الاخر حفيدتها و حفيدة اهل زوجك
الاسم لا يزيد و لا ينقص شي

و ممكن حل آخر ان تسموا البنت اسم مركب من اتنين تضعوا فيه اسم حماتك ووالدتك معا
و لكن عندي احساس انك وقتها لن يعجبك اسم حماتك و لن ترغبين به
لذلك فكري ان ترضي جميع الاطراف بحل وسط
و فكري من ناحية زوجك و اهله ايضا كما فكرت من ناحيتك و اهلك

موفقة ان شاء الله

لا تسميها على اسم امك ولا اسم امه اذا انتي بتحبي امك مش شرط تسمي اسمها
انا ار قض هذا وليش امك تزعل اذا ما سميتي اسمها لازم تراعي مشاعر اهل زوجك
سميه فرح عشان يفرح الجميع فيها
من اولها المشاكل ما في داعي ولا حد اله الحق في التسميه الا انت وابوها فقط

اولا حمدا لله على سلامتك انت والبيبي


لا تجعلي من الاسم يفرق بين اهلك واهل زوجك او بين اهله وبينك


هو في النهاية مجرد اسم


وانصحك ان لا تقولي لاهلك ان زوجك رافض بناء على زعل اهله


هاتيها بطريقة لطيفة لا تريدوا تسمية الطفلة باسم الاقارب احتراما لهم

واعتبارهم اشخاص لا مثيل لهم

اختاري اي اسم اخر والافضل ان لا يكون له علاقة بحماتك حتى لا تزعل والدتك اكثر

اعتقد الحل الوحيد
ان امك تختار اسم جديد
علشان ما تزعل انكم ما سميتوش البنت على اسمها

أولا حمد لله ع السلامة

ثانيا ولا في ورطه ولا شيء والأمر بسيط جدا ما تعملي عليه مشكلة مع زوجك

وأم زوجك من حقها تتحسس لما تجد ابنها سمي على اسم حماته ولم يسمي

على اسمها أمامك خيارين

1- تسمي اسم حيادي

2- تسمي هذه المرة على اسم حماتك أو ما يختاره زوجك على أن تسمي المرة الجاية

على اسم والدتك أو تسمي ما تختارينه أنت تتفقي مع زوجك على ذلك

و الله ما انا عارفة شو هالشغلة تحججي لامك انو بكرة اذا سميت على اسمك ما بتحمل حد يحكي معها بطريقة غير لائقة او يناديها باسلوب غلط و احكي لامك تختار الاسم و ما بنصحك تحطيهم تحت الامر الواقع بتخافي الامور تتطور لما لا يحمد عقباه و اسمها ربنا كاتبه الها ربنا يباركلك فيها و يعينك يارب و استخيري و توكلي على الله موفقة يا قلبي

اختي اياك وتسمي بنتك باسم امك لانك انت في غنى عن المشاكل الي بتصيرلك من ورا اسم والاسم ماليشي قيمة امك حبها في قلبك ياختي حتى من البنت حتتعقد حيكون فيها العناد وهما بيقعدو بيضيحو على بنتك باسم هما بيحبوه وانت بتناديها باسم انتي بتحبيه والبنت المسكينة حتتلخبط مابين الاتنين هدا ماصار مع ابن عمي زمان الابن صار عنده اسمين والاهل ديما في مشاااكل لحين ما هداهم ربي

فانا انصحك اقنعي امك وارضيها بحاجة حلوة وعلى قولة الاخت سميها باسم حلو محايد ولو امك اختارت اسم قولي لهم انا اخترته حتى ماتصير فيه غيرة
الله غالب سايري الكبار احيانا الغيرة بتقتلهم وكان الله في عونك
وعلى العموم

الفففففففففففففف مبروك تتربى في عزكم يارب

ما شاء الله البنات ما قصرو اللي ردت اقوله هن ذكروه قبلي

انتي وييييييييييينك خبرينا ايش آخر تطورات الاسم وامك وحماتك؟؟؟

الف الف شكر الكم عالنصاءح يا بنات
انا لسه بالمستشفى وكانت ايام صعبه بسبب هالموضوع لخبط علي الدنيا
طبعا الموضوع تطور وزوجي حكا معي وشرحلي موقفه بهدوء
قلي والله انا ما بتفرق معي وما كان عندي اي مانع باسم امك
بس اعلي فجأه لما عرفوا جنوا وقالوا مو حلوة بحقك الناس بتحكي عليك
فهو قلي الله يخليكي راعي شعوري وبنفس الوقت اختاري الاسم اللي بتحبيه
وقلي ازا بدك خلي امك تختار الاسم اللي بتحبو وانا موافق على أي
اسم هي بتختارو شو ما كان
بس للاسف امي اخدت الموضوع انو اهل زوجي مسيطرين علي ومالي كلمة
ومالي قدر عندهم لانهم ما احترموا رغبتي باختيار اسم امي
وللاسف انجرحت من كلامها قالتلي هم معتبرينك الة تجيبي الاولاد وبس
مع انهم الصراحه ما حد فرض علي اي اسم بس المهم ما يكون اسم امي
والله اني زعلانه لاني زعلتها كان بدي ابسطها بالاسم وما حسبت حساب
الامور تتطور لهالدرجه والله شاهد ما كنت اعرف ابدا انو اسم ام الزوجه لهالدرجة
بيسبب مشكلة لاهل الزوج لو كنت اعرف ما كنت فكرت بالموضوع من البداية

المهم انا ببالي اسم جود شورأيكم؟