السلام عليكم ورحمه الله وبركاته
ازيكم يا فتوكات
انا في مشكله حقيقيه محتاره ما بين ارضاء زوجي وامي ححكيلكوا عشان تفهموا
انا حامل في الشهر الثامن في تاني طفل ومعايا بنت داخله السنه ديه ان شاء الله المدرسه حتدخل كي جي ون في مدرسه ازهريه لغات وقالولي ان المدرسه ان شاء الله حتدخل يوم 12-9 وانا المفروض حولد قيصري ان شاء الله في اخر شهر 9 او اول اسبوع من شهر 10 لحد دلوقت يكده تمام انا من اسكندريه وبنات اسكندريه حيفهموني اكتر بصوا بقى انا مامتي بانيه بيت في منطقه اسمها كينح مريوط والمنطقه ديه بعيد عن اي عمار وكمان بعيد قوي جدا عن المستشفى اللي حولد فيها وعن دكتور الاطفال وعن مكتب الصحه فماما مصممه اني اولد واطلع عليها وطبعا ده معناه ان البنت حتغيب من المدرسه وده انا رافضاه تماما عشان انا اللي ختعك في اللي حيفوتها ديه نقطه وكمان تطعيم البيبي وغير كده بقى بنتي اتولدت وعندها الصفرا وكنا بنتابع يوم ويوم وزوجي رافض رفضا تاما اني اطلع على ماما ولو طلعت على ماما حيشيل ايده من كل حاجة ووجه نظره ان هو مش عارف يمشي كلمه في بيته يبقى اللي عايز يمشي بيته يشيل المسئوليه بقى ومش عايز يسمع مني بعد كده اي شكاوى لا مش عارفه اخلي البنت تلحق فصلها عشان الغياب اللي حتغيبه ولا اي شكاوى عايز يسمعها المستشفى في جليم والدكتور في ساباباشا ومكتب الصحه اللي انا تبعه في الابراهيميه عشان انا ساكنه في الابراهيميه ماما بقى رافضه رفضا تاما انها تيجي تقعد معايا وحتى شقه اختي تحتيا واختي مسافره وبرضه رافضه رفضا تاما انها تيجي وتقعد فيها على الرغم من انها هيا صاخبه العماره كلها وهيا اللي جايبالنا الشقق لا وايه عايزاني اروح اقعد عندها اسوبعين بحالهم اقعد البنت من المدرسه واقعد بالبيبي الصغير في المكان البعيد ده وقال ايه هيا حتتولى النزول بالطفل لوحدها للتطعيم او لمتابعه الصفرا لو نزل بيها طيب ازاي حتسوق العربيه ومعاها بيبي واصلا الموضوع حيطول قوي في الوقت يعني الطفل حيجوع وانا طبعا والده قيصري مينفعش انزل معاها وماما اصلا غريبه قوي لانها لما اختي نزلت تولد طبيعي من سنه قعدت معاها في شقتها اسبوع قبل ما يروحوا بيت ماما طيب اشمعنى جايه عليا انا قوي كده
هيا فتحت معايا الموضوع لما كنت في الرابع وبصراحه متناقشتش قوي معاها عشان مكنتش لسه الرؤيا كلها بانت ومكنتش عارفه المدارس امتى لكن دلوقتي كله وضح
انا بجد محتاره والمشكله ان جوزي واخدها مساله عند عشان هو بيقول انه مش عارفه يمشي كلمته في بيته وهو وعدني اني لما اطلع على بيتي هو حياخد اجازة ويخدمني وانا ولله الحمد وما شاء الله في بنتي قمت بعد تالت يوم عادي وكنت بتحرك وبعمل كل حاجة
تفتكروا بقى اعمل ايه؟؟؟؟؟؟؟؟؟؟؟؟؟؟ جوزي ولا ماما؟؟؟؟
الروابط المفضلة