بسم الله الرحمن الرحيم

السلام عليكم ورحمة الله وبركاته

عاملين ايه يا بنات
يارب تكونوا بخير
وكل سنة وانتم طيبين
مش هطول عليكم
بس رجاء عايزة مساعدتكن
باختصار
انا عندى تقريبا 26 سنة ومتزوجة من حوالى 8 أشهر وشوى
وكنت مرتبطة بزوجى حوالى 5 سنين قبل الزواج
منهم سنتين تقريبا كتب كتاب
كان زوجى قبل الزواج في بداية التعارف رقيق جدا
وحنون ويحسسنى انى اهم شىء في حياته
لدرجة اى احببته بجنون
واعتبرته اهم شىء في حياتى
وعندما تأكد من حبى واهتمامه به ازدادت علاقتنا وحبنا جدا
وكنا وقتها في الجامعة
ولكن لم يكون حب مراهقة بل حب صادق
وبعد كام سنة بدأت أشعر انه يتغير
لا أعلم هل حبى قل في قلبه ام تأكد من حبى فلم يعد بحاجة لان يشعرنى بحبه
بكلماته الجميلة كما كان يفعل من قبل
ام ان الحياة اخذته وبدأيخطط للزواج
وبالفعل تزوجنا بفضل الله اولا واخيرا
وبعد الزواج اصبح عصبي جدا
ممكن يتعصب على شىء تافه و يكبر الموضوع
و بدأت اشعر ان اهتمامه بي يقل
فهو يظل وقت طويل في عمله وانا اكون بفردى في البيت
واشعر بوحدة فظيعة
وعندما يعود يكون متعب وجائع ويريد النوم
في الوقت الذى اكون بانتظاره على فارغ الصبر
لاتحدث معه و يشعرنى بحبه وحنانه
وعندما أراه هكذا أحزن كثيرا
لانه لا يريدنى ان اعمل
ونحن متزوجون في محافظة اخرى غير محافظتنا التى فيه اهلى واصحابى
وانا وحيدة هنا
ليس عندى غيره ولا ااجد ما اشغل نفسي به عنه
وفي نفس الوقت هو ينشغل عنىجدا بعمله
واحيانا قليلة اصدقائه والنوم طبعااااااااااا من التعب
انا مش عارفة اعمل ايه
وفى حاجه كمان
انا حساسة شوية
ولما بيعمل حاجه تزعلنى من الحجات دى او غيرها
ببقى عايزة اعاتبه أصفى من ناحيته
فلما بعاتبه او بزعل هو بيضايق
وممكن يزعق ويتخانق معايا لما يلاقينى مكشرة او زعلت من حاجه
هو شايف انها عادى
وشايف انى كده ببقى نكد
انا مش عارفه اعمل ايه
مفيش حاجه غيره تشغلنى ومش مدينى فرصة اشتغل ولاحتى اروح جم ولا ليا اصحاب اخرج معاهم وازورهم و يزورونى
ولا لاقية طريقة اتعرف بيها على ناس
ولا عايزنى اشتغل
الحاجة الوحيدة اللى بعملها انى بروح دار وبحفظ قران الحمد لله
ارجوكم ساعدونى اتعامل معاه ازاى ومتقوليش اكبر دماغى لانى مش بقدر
غصب عنى

اختي كيوت دولي
اهلا و سهلا بك معنا
مفيدة و مستفيدة ان شاء الله

أختي انت لا زلت حديثة الزواج
بارك الله عليكما و بارك لكما و جمع بينكما في خير

هذه الامور و الخلافات تحصل في اول الزواج كثيرا
تحتاج صبر ووعي لتغييرها
انتما مختلفان تماما
انسانان من بيئتين مختلفتين مهما عرفتما بعض سنواااات
فالعشر غير و الزواج غير
و انت لآنك عرفتيه مدة طويلة و رايت اهتمامه بك قبل الزواج
خاصة ان فترة خطوبتك طويلة جدا كانت
و معرفتك به اطول

لن تري نفس الانسان لآن الحياة اصبح فيها ما يشغله اكثر
و خاصة ان عمله طويل يتعب و ينعس و لا يجد وقت الا للنوم
هذا لا يعني ان تستمر الحياة بنكم هكذا
لكنه توضيح يعينك على اعتبار الامر ليس كارثيا كما تشعرين
لا تجعلي من العبوس و الخصام معلما لحياتكم
اجعلي الحوار هو اساس علاقتكم
قد لا يفهم زوجك فعلا ما يزعجك لآن الامر بالنسبة له عادي
و انت اهتماماتك و اولوياتك ستختلف عنه
فهميه لماذا تزعلين و لماذا تشعرين بالحزن
اشعريه بحاجتك له و لقربه بشكل هادئ و لطيف يجذبه و يجعله يتفهم
و بالحوار تستطيعين تحقيق الكثير ان شاء الله
و لا تنسي تفهم ظروفه هو ايضا خاصة انه يعمل وقت طويل
في المقابل يجب ان تجدي ما يشغل فراغك
خاصة انك بعيدة عن اهلك
الفراغ يعمل الكثير من المشاكل
حاولي اكمال دارساعت عليا او العمل في عمل نسائي تطوعي ان لم يرغب ان تعملي في مكان مختلط
تحايلي عليه و حاولي اقناعه بعد الاستخارة طبعا
بالاشياء التي يمكنها ان تخفف مللك و تشغل وقتك بالمفيد

موفقة ان شاء الله

و الله الاخت انجي كفت و ووفت و كلامها كلو درر بارك الله فيها
و يا رب يرزقك الهناء و العيشة السعيدة مع زوجك و ان شاء الله كل هذه المشاكل تلقولها حل الله يبارك لك في زواجك و يرزقك اولاد صالحين

جزاكن الله خيرا أختى انجى وام ولاء
بس للاسف هذا ما أحاول فعله بلا جدوى
ادعولى الله يرزقنا بالذرية الصالحة ويوفقنا ويبعد عنا كل سوء

غاليتي .. كيوت .. اسمحي لي أن أدلي برأيي وان كان خيرا فمن الله وان كان غير
ذلك فأسأل الله الغفران ..
*أرجو ألا يكون زوجك هو محور حياتك .. بل يجب أن يكون جزءا من حياتك
فانتظارك طول اليوم له .. لا معنى له عنده .. بل ان داومتي على ذلك
لربما اعتبره بعد زمن حق مكتسب من حقوقه وهو ليس مخطئ فأنت
وهبت له هذا الحق طواعية من البداية
هذا توضيح أحببت أن أوضحه لك ..
*أما اقتراحاتي فهي كثيرة أشدها نفعا هو أن تحققي ذاتك
وباستقلال وأول خطوة هيا ما قومتي به
من متابعتك للحفظ ف دور القران
تابعي وقد أبدعت أختنا انجي في ضرب الامثلة
ابدأي بتكوين مجتمع نسائي خاص بك من الجيران
وزميلات دور القران فهن خير صحبة باذن الله
ثم حاولي معه أن توضحي له ما تمرين به من وحدة وفراغ
إن لم يستطع أن يساعدك فلا يمنعك مما قد ينفع
وضحي له أن خروجك م المنزل لن يؤثر على اهتمامك به
وواجباتك تجاه المنزل سواء خرجتي للعمل
أو لتحضير الدراسات العليا أو حتى لأخذ كورسات
تنمية بشرية مفيدة أو حتى كورسات لغة أو كومبيوتر
غاليتي المجال أمامك مفتوح .. اختاري ما تحبي ويناسبك
ويناسب ظروف زوجك .. ولكن الأهم أن توضحي له
وتتفاهمي معه ومفتاح ذلك كله هو الدعاء
نعم غاليتي ادعي الله أن ييسر لك مايشغلك
ثم اعقدي العزم وبادري بالحديث والمناقشة الهادئة مع
زوجك مرارا وتكرارا .. الى أن يفتح الله لكِ السبيل
وجزيت خيرا أن تقبلتي مني كلماتي

جزاك الله خيرا أختى alnawraspooh
صدقت في كلماتك
وبالفعل ما يضايقنى بالفعل انه صبح محور حياتى
ولا اجد ما يشغلنى في الوقت الذى ينشغل هو فيه عنى
وللاسف هولا يحبنى ان اخرج بفردى
غير اروح الدار
وحتى الدار فرصتى قليلة في عمل علاقات
لان نظامهاغريب كل واحدة تيجي تسمع وتمشي
وكنت بقوله على عمل خيري وجبتها بهزار عشان منتخانقش زي خناقات الشغل انى عايزة اشتغل
وطبعا كان رفض
حتى كنت عايزة اروح جيم مش رااااااااااااضى
ومتقلوليش اتكلم واقنعه لانى من ساعات متجوزنا بتكلم لحد لما يأست
بكل الطرق
بخناق و باستعطاف و بعياط و بجدية وباقناع و براحة
مفيش فايدة
ادعولى يا بناااااااااااااااات بليز عايزة دعواتكم الله يصلح بينا
ويرزقنا بالذرية الصالحة عاجلا غير اجلا ان شاء الله
جزاكن الله خيرا

الوضع الذي حكيتيه سواء قبل الزواج أو بعده هو وضع أغلب الناس

وشيء طبيعي انه ينشغل بشغله وكل الازواج كده يرجع ياكل وينام

يرتاح هو الفراغ اكتر حاجه تعباك لكن خلاص لا تفكري في حلول من خلاله

أنت اشغلي وقتك بنفسك في معهد علوم شرعيه للشيخ الحويني

ممكن الاشترك فيه من بعد عن طريق النت وفي معهد في جده ايضا

وفي اكادميه في قناة المجد بتسمعي الشروح من الشيوخ ممكن تلتحقي وتتابعي وتتعلمي أكتر انا مش بتابع عشان كده مش هقدر اقولك على مواعيد

لكن اسألي أو هو يسالك

ممكن للي بتحفظيه تقرئي تفسيره وممكن تشوفي اخت ترتاحي لها تاخدي

منها رقمها وتتواصلي معاها ع التليفون

ممكن تكلمي اهلك وصدقائك كل يوم واي وقت ع النت صوت وصورة

أنا جارتي ماشاء الله كل يوم تكلم امها بالساعات صوت وصورة وبيحكو لبعضهم

جميع تفاصيل حياتهم

ممكن ن شاء الله لحين ربنا يرزقك طفل تقرئي هنا في قسم الطفوله

تعرفي كل حاجه عن رعاية وتربية الأطفال وده بياخد وقت طويل

ولتعليم الان هيوفر ليك تعب كتير بعد الولاده

وبصراحه كل الأقسام هنا رائعه لو تابعتي هتنشغلي جدا ومش هتقدري تقومي

وشوفي قسم تعليم التريكو وهذه الأشياء يعني هتتعلمي كتير

اطلبي من زوجك يختار جار صالح واتعرفي على زوجته وتواصلي معاها

ابحثي في النت عن افكار تشغلي بيها وقتك مفيده وهترتاحي كتير

ربنا يرزقك يارب بالذريه الصالحه هتنشغلي بيهم كتير

وكمان أظن هنا قسم لتعارف الأخوات من بلد واحده وفي قسم

للمصريات بيتعرفوا على بعض وبيحكوا اتعرفي عليهم وتواصلي معاهم

أظن في قسم الترحيب أو قسم آخر ابحثي وفي قسم الرشاقه

أخوات بيتفقواا مع بعض على ممارسة الرياضه وأمور أخري مع بعض

من أجل التشجيع شوفيه كمان عوض عن الجيم

جزاكن الله خيرا على اقتراحاتكم أخواتى الفاضلات

عزيزتي انا مثلك في غربة الكويت ولكن مشغولة بالاولاد وربنا يرزقك بالذرية تملي حياتك

انا الوقتي بتعرف علي جيراني واصحاب اتعرفت عليهم في دار القران

ربنا يكرمك