انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 2 12 الأخيرالأخير
عرض النتائج 1 الى 10 من 11

الموضوع: ساعدوني كيف اتصرف بهالموضوع اللي شاغل بالي

  1. #1
    تاريخ التسجيل
    Oct 2009
    الردود
    76
    الجنس
    امرأة

    ساعدوني كيف اتصرف بهالموضوع اللي شاغل بالي

    السلام عليكم,
    ان شاءالله تكونوا جميعا بألف خير يارب,, انا دايما برجع الكم بعد رب العالمين عشان تساعدوني بحل مشاكلي لاني بالغربة و وحيدة وانتوا اخواتي اللي بتنصحوني بالخير دايما..جزاكم الله كل خير يارب..
    انا انتقلت بمكان جديد اعيش فيه انا وزوجي و برده بالغربة الحمدلله على كل حال,, زوجي قبل ما نحنا نتزوج كان عايش بهالبلد واله معارف واصدقاء..

    مشكلتي الحالية انه في واحد من اصدقاء زوجي زمااان قبل ما نتزوج انا و زوجي خبره عن اخت مرته عشان يخطبها وهاي البنت كانت عايشة ببلد اخر مو بنفس البلد اللي نحنا فيه حاليا,, المهم زوجي وقتها راح وما صار نصيب و كان الرفض من طرف زوجي وقلي شو السبب..

    هلأ القصة انه صديق زوجي و مرته بدهم يجوا عنا عشان يسلموا علينا ويتعرفوا علي بما اني زوجة صديقه,, انا مو حابة اتعرف عليهم نهاااااااااااائيا لاني بصراحة شديدة غيرانة من الموضوع القديم مع انه ما كان في لا خطبة سابقة ولا كتب كتاب ولا شي بس مجرد طلب عادي وما تم النصيب..
    مو حابة اتعرف على الزوجة لانه ما بدي تنقل اخباري لاختها انه اتعرفنا اليوم على مرت فلان اللي اجى طلبك زمان و لا بدي تعرف شي عن حياتي و تصير تقارن بيني وبين اختها لاي سبب من الاسباب مع العلم انه ما بعرف شو صار بالبنت تزوجت لليوم او لا ما بعرف شي بس الموضوع اله سنين..

    عم بفكر اصارح زوجي بمشاعري بعدم التعرف عليهم بس خايفة يقلي اني غيورة كتير وبمنعه من صديقه واني كتير عم ببالغ بما انه موضوع وما تم من الاساس,, مع انه ما عندي مشكلة يضل صحبة مع صديقه لحالهم من غير ما تصير العلاقة عائلية وبنفس الوقت الناس اتصلوا كتير عشان يجوا لعنا وانا بضل ءأجل الموعد بحجة اني مشغولة بترتيبات البيت و ازا اتعرفت عليهم حاسة انه هالشي بمس كرامتي وانا بعرف حالي مارح احبها للمخلوقة بأي حال لاني انسانة غيورة جدااااااا و وجودها بحياتي رح يزكرني بشي بدايقني..
    مو عارفة شو اعمل اوافق اتعرف عليهم وبعدين اقطع العلاقة ولا من الاساس ما اتعرف و ما افتح على حالي هالباب ولا احكي لزوجي رايي بصراحة؟؟؟؟؟ علما اني خايفة من انه هالموضوع يعمل مشاكل بيني وبينه وانا جاية جديد عالبلد وبحاجة قوية لزوجي هاي الايام لاني مش مرتاحة وقلقانة من حياتي الجديدة وخايفة كمان انه الموضوع ما يكون بباله من الاساس وانا ازكره فيه واخليه يصير بباله!!!!!
    يارب الفرج من عندك..

    ساعدوني بحل الله يرضى عليكم جميعا

  2. #2
    تاريخ التسجيل
    May 2011
    الموقع
    الرياض
    الردود
    826
    الجنس
    امرأة
    والله يا أختي ربي يعينك ..

    لكن اللي حتجي مش اللي كان ناوي يخطبها .. اللي حتجي أختها .. وما بتعرفي يمكن هي تكون وحدة طيبة وما تجرحك ولا ما تقارن .. فانتي خايفة من شي خيالي مش واقعي

    ممكن تسألي عنها هي كيف منيحة ولا شو هي بتحكي كتير ولا لا يعني تعرفي على صفاتها من حدا يعرفها لو قالوا لك عنها انها كويسة خلص ما تخافي إن شاء الله خير .. لكن لو طلعت بتحكي وهيك خلص ما تقابليها .. لأنك لو قابلتيها حتدوم العلاقة وما حتنقطع .. لأن بتصير خلص من معارفكم ..
    لو كنتي حساسة لهالدرجة منها .. يعني أنا بحط حالي مكانك لو كنت حساسة من أي موضوع بحكي لزوجي بصريح العبارة وخليه يقول انك بتغاري لأنك فعلا بتغاري .. قولي له ان خلي صداقتك فيه مش عائلية .. يعني هو هيك حيفهم مشاعرك .. لو حكيتي له الصراحة ..

    واستخيري أختي .. ربي يريد لك الخير دايما .. ولو خير حتجي لو مش خير ربي بيبعدها عنك

    الله يكون معك ..

  3. #3
    تاريخ التسجيل
    Oct 2009
    الموقع
    سوريا الله حـــــاميها
    الردود
    1,952
    الجنس
    امرأة
    حبيبة قلبي اكيد انت معاكي حق نحن نسوان ومافي امرأه مابتغار
    بس ياقلبي هالشي راح ومضى اله سنين
    واهم شي انك انت زوجتو الحالية وانت عندو بالدنيا كلها ..ماشالله عنك والله يديم حبك انت وزوجك بس اللي فات مات وبلاش الغيرة من هيك شغلات انت زوجتو وحبيبتو وهو اكيد مو متذكر القصة من اصلها
    استعيذي بالله من الشيطان ووساوسو واستقبليها واهلي وسهلي وشيلي من راسك هالافكار ..ولو انت مو مرتاحة ممكن متل ماقالت الاخت قبلي استشيري زوجك واحكيلو مشاعرك وشوفي شو رأيو
    الله يهدي بالك ويطمنك ياقلبي

  4. #4
    تاريخ التسجيل
    Aug 2006
    الردود
    345
    الجنس
    أنثى
    انا حصل معايا نفس الموقف بس الي جات عندي هي نفس البنت الي كان زوجي هيتزوجها بس هي جات بحكم القرابه واكثر الفضول بس كانت اول مره اشوفها وكان زوجي هو الي رفض الارتباط بس عاملتها كويس واحنا دلوقتي اصحاب وهي كمان اتجوزت وعلي فكره اكتشفت انها انسانه طيبه جدا
    سيبيها علي الله كان حقك تغيري لو زوجك كان عايزها ثم اصلا انت مش هتشوفيها فانت كده هتعملي مشكله من مفيش
    زياره تفوت ولا حد يموت

  5. #5
    تاريخ التسجيل
    Dec 2007
    الموقع
    في ارض الله..جارة البحر
    الردود
    13,440
    الجنس
    امرأة
    التدوينات
    1
    التكريم
    • (القاب)
      • درة صيفنا إبداع 1432هـ
      • حوارية متميّزة
      • متألقة صيفنا إبداع 1431 هـ
      • نبض وعطاء
      • مبدعة صيف 1429هـ
      • متألقة الحرف
    (أوسمة)
    مرحبا أختي فلسطينية
    شرح الله صدرك وأبعد عنه نار الغيرة


    *زوجك رفض الزواج من أخت زوجة صديقه ؛
    أي أنّه لا يفكّر فيها ؛ لأنّه إن كانت تعني له شيئا لكان تزوّجها هي .

    * مضى على القصّة سنوات وبالتقادم يسقط أيّ تفكير في الشخص موضوع الرغبة
    ـ على فرض أنّه فكّر فيها حينها.

    * صديق زوجك وزوجته يريدان زيارتكما للسلام قياما بالواجب .


    * أنت ستستقبلين زوجة صديق زوجك وليس أختها .

    *غيرتك الزائدة تجعلك تتخوّفين من أمر مستبعد الحدوث ؛
    بما أنّه لم تحدث خطوبة ولا كلام في الزواج من قبل زوجك فلا داعي للخوف ..

    *رأيي ـ والله أعلم ـ أن تتوكّلي على الله وتستقبليها ؛
    ربّما تكون إنسانة جيّدة وتكسبين صديقة في الغربة ؛
    ولا أحد يفرض عليك الاستمرار في التواصل معها إن لم تعجبك .






    {اللهم لك الحمد، وأنت المستعان وبك المستغاث، وإليك المشتكى،وعليك التكلان، ولا حول ولا قوة إلا بك}







  6. #6
    تاريخ التسجيل
    Jun 2008
    الموقع
    لملمي الجراح يا بلدي وتعالي نزرع الورد من جديد
    الردود
    7,711
    الجنس
    امرأة
    التدوينات
    22
    السلام عليكِ ورحمة الله وبركاته
    مو حابة اتعرف على الزوجة لانه ما بدي تنقل اخباري لاختها انه اتعرفنا اليوم على مرت فلان اللي اجى طلبك زمان و لا بدي تعرف شي عن حياتي و تصير تقارن بيني وبين اختها لاي سبب من الاسباب مع العلم انه ما بعرف شو صار بالبنت تزوجت لليوم او لا ما بعرف شي بس الموضوع اله سنين..
    ماهذا كله غاليتي
    ماكل هذه الوساوس والأفكار الغريبة
    ولماذا الغيرة من أساسه
    الغيرة ستقض مضجعك وتطير بعقلك بعيداً
    وتجعلك تفكرين في كل كلمة يتفوه بها زوجك أمام أي شخص
    أو تحللين نظراته إلى هذه أو تلك
    لما يا غاليتي
    ثقي بنفسك واعلمي تمام العلم بأنه لو كان يريد أن يخطب تلك الفتاة
    لكان خطبها وما كان لكِ نصيب معه أصلاً
    سبحان الله
    إستقبليهم أفضل إستقبال وكوني بشوشة ومرحبة ومضيافة
    ولا تفكري في شيء إلا كيف تحسني التصرف معهم أو مع غيرهم
    من أصدقاء زوجك
    وإياكِ أن تصارحي زوجك بما يجول بخاطرك
    وإلا فإنه سيحاول أن يثير غيرتك أكثر
    الثقة بالنفس لا تاتي صدفة وإنما تكتسبينها بالتدرب والمثابرة
    وتخطي المواقف الصعبة
    كوني أقوى من كل تلك الأفكار
    تقبلي مروري
















  7. #7
    تاريخ التسجيل
    Aug 2006
    الردود
    12,645
    الجنس
    امرأة
    التدوينات
    1
    التكريم
    • (القاب)
      • منسقة مبدعة
      • درة صيفنا إبداع 1432هـ
      • متألقة صيفنا إبداع 1431 هـ
      • نبض وعطاء
      • متميزة المقال الاجتماعي2008
      • سفيرة الدعوة
      • أفضل سفيرة لبلدها
      • صاحبة الذوق الرفيع
      • دانه متألقة
      • مترجمة مبدعه
    (أوسمة)
    اختي فعلا غيرتك مبالغ فيها جداااااا
    و لا مبرر لها

    خاصة ان الاخت لن تأتي فقط الزوجة
    يعني لو ان المراة المعنية هي من ستشاهديها ربما وجدنا مبرر
    لكن اختها اي زوجة صديق زوجك هي من ستأتي مع زوجها
    واصرارهم على المجيء لعمل الواجب معكم دليل على ابداء حسن النية
    فيجب ان تقبلي المبادرة بعيدا عل-ن الحساسيات

    خاصة ان الموضوع قديم
    اضافة الى انه امر طبيعي و يمكن الحدوث
    هم كانوا حابين زوجك يتزوج اختها لكن ما صار نصيب
    عادي جدااا و بتحصل كتير و بما ان زوجك هو اللي رفض يبقى ما في سبب للحساسية او الغيرة

    غير مثلا عن لو كأن زوجكحاببها او متمسك فيها و الانفصال اجا غصب عنهم

    توكلي على الله و تعاملي مع الامر بحيادية
    لو حبيتيها خلي علاقتك فيها جيدة و لو لا خليها رسمية بعيدا عن التفكير بهدا الشكل
    أستغفر الله الذي لا إله إلا هو الحي القيوم و أتوب إليه


  8. #8
    تاريخ التسجيل
    Apr 2008
    الموقع
    في الدنيا
    الردود
    5,224
    الجنس
    امرأة
    التكريم
    • (القاب)
      • سفيرة النوايا الحسنة
      • مُبدعة صيف 1430
      • درة النافذة الاجتماعية
      • عطاء وتميز في ركن النافذة الاجتماعية
      • بصمة أمل
      • كوميديا طفولية
      • ضياء مناهل النور
      • درة النافذة لشهر مايو
    (أوسمة)
    رأي الاخوات سديد جزاهن الله خيرا

    ازيد فقط اختي انك حساسة زياده عن اللازم وده شيء يتعبك في حياتك

    ويتعب من حولك حاولي تعالجي الحساسية الزايدة

    وتقدمي حسن الظن دايما في كل الامور لترتاحي


  9. #9
    تاريخ التسجيل
    Dec 2006
    الموقع
    غريبه من بعدك يابغداد
    الردود
    1,613
    الجنس
    امرأة
    حبيبتي مايحتاج هذه الغيرة كلها
    انتي الان الزوجة واصلا مثل ما قلتي ما حصل بينهم اي شي
    وانتي تفكري بشي يمكن مرت صديق زوجك واختها ولا على بالهم هذا الكلام
    خلي ثقتك بنفسك كبيرة وتوكلي على الله واعزميهم براس مرفوع

  10. #10
    تاريخ التسجيل
    Oct 2009
    الردود
    76
    الجنس
    امرأة
    اشكر كل الاخوات اللي اهتمتوا انهم يقرأوا موضوعي وينصحوني وجزاكم الله كل خير والله يبعد عنكم كل شر يارب.
    ان شاء الله رح اتحدى نفسي وغيرتي واتعرف عليها يمكن تكون منيحة متل ما قلتوا بما انهم رجعوا اتصلوا وصار استقبالهم لازم والاعتزار صعب... ربنا يجيب اللي فيه الخير..

مواضيع مشابهه

  1. أختاري من 1-10 وشو اللي شاغل بالك
    بواسطة open في ركن الألعاب والترفيه
    الردود: 7
    اخر موضوع: 23-07-2008, 12:47 AM
  2. سؤال محررج ارجو الرد سنتين شاغل بالي
    بواسطة ليمون مجفف في الحمل والولادة و الرضاعة
    الردود: 13
    اخر موضوع: 25-07-2007, 07:51 AM
  3. موضوع شاغل بالي حبيت اخد رايكم فيه
    بواسطة فارسة *^* حلوة في فيض القلم
    الردود: 6
    اخر موضوع: 28-06-2007, 08:54 AM
  4. بنات هذا موضوع شاغل بالي ودايم أفكر فية
    بواسطة هند الجزيرة في الملتقى الحواري
    الردود: 3
    اخر موضوع: 26-12-2002, 04:11 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ