سلام بنوتات كيفكم؟؟

انا مخنوقة باخر هالليل ومحتاجة افضفض
انا حامل بالشهر الخامس ومن 3 شهور تقريبا
جيت عند أهلي (انا ببلد وهم ببلد) مشان أعمل
أوراق اقامتي بالبلد اللي فيها زوجي .. والاوراق
اخدت وقت وما خلصت الا من اسبوعين ..
بعد ما خلصت الاوراق كان المفروض ارجع عند زوجي
بس للأسف حصلت معاه ضائقة مالية كبيرة كتير
لدرجة انو ما عاد قادر يرجعني هالفترة وطلب مني
انتظره شوي حتى يحلحل مشاكله وانا بصراحة صايبني
اكتئاب شديد انا اشتقتله ومحتـــــــــــــاجته محتاجة
وجوده جنبي محتاجة نعيش أيام الحمل سوا يوم بيوم
انا خايفة تروح هالايام وما ترجع مرة تانية لأنو بيقولو
أو حمل غيــــر ...

شو رأيكم اركب الطيارة واروح عنده من غير ما يعرف؟
ولما اوصل اتصل فيه من المطار واحطو تحت الامر الواقع؟
لو انتوا محلي بتعملوا هيك ؟؟؟

ومين حالتها متلي ؟؟ يعني حامل وزوجها بعيد عنها

ادعولي الله يخليكم يجمعني رب العالمين بزوجي عن قريب

ربنا يجمعكوا ببعض يارب عن قريب ان شاء الله

حبيبتي احمدي ربك على وضعك وما اصابك لم يكن ليخطئك انتي على الاقل عشتي معه اول فترة حمل والضا\قة المالية هي المانع فقدري ظروقه لكن انا شخصيا عشت التجربة نفسها لكن بطريقة اكتر مرارة لاني كنت ببلدي بستنى الفيزا عشان اسافر لزوجي وورق الفيزا اتاخر ليطلع ولما طلع كنت جبت ولد يعني مرحلة الحمل كلها قضيتها من غير زوجي جنبي صحيح كان يجي كل تلات شهور لكن ما حضر معي اهم اللحظات لكن ربنا رزقني بمخلوقة الله يديمها علي نعمة هي امي كانت جنبي وما حسستني بالوحدة ولما خلفت ابني اضطريت اتركه واجي على زوجي لانه الفيزا قربت تخلص وكان لازم اعمل ورقي هون يعني من الاخر حبيبتي انتي من غير زوجك وانا بزوجي لكن من غير ابني شفتي الفرق فياريت تستعيدي بالله من الشيطان الرجيم والكل معرض يمر بضائقة مادية الدوام لله والعز له وحده وشوفي مصايب غيرك رح تهون عليكي مصيبتك

ربي يفرجها عليكي وعلى زوجك ان شاء الله

الله يفرجها عليكي ياعمري ويبعد عنك كل مركوه باذن الله
وان شاء الله مادام ضائقه ماديه فأكيد راح تفرج
ومابعد الضيق الا الفرج

اصبري وباذن الله يتصل فيكي عن قريب يقولك انو تفضلي تعالي لعنده

وربي يريح بالك يارب

ربي يفرجها عليك
تعالي نروح للنافذة الاجتماعية
حتى تلاقي اجابات اكثر للموضوعك
لانه مناسب هناك اكثر من ركننا
ربي يتمملك على خير

شو هو بالحمل تكونوا سوى لو ولادنة ايه بس بالعكس الحمل احلى عند امك في حدا يدير باله عليكي وفي حدا يطلع عليكي
اما بالحمل شو هو الحلو انا زوجي اكتر شغلة بيكرها او الحمل لان وحامي موت مو سهل ابدا
بكرة بتنحل الامور باذن الله وانت لسى شهر الخامس يعني لسى في وقت اكيد ما راح يتركك لتولدي كلها شهر او اقل وبترجعي يعني اتركي كلشي على الله وادعيله الله يسهل اموره ويسرها بسرعة وبكرة راح يقلك تعي فورا باذن الله

.،


قلوبنا معاكِ ياغالية
وربنا يجمع بينكم على خير ..

إذا انتِ لديك استطاعَة ماليّة سافري
مثل ما قلتِ ..
أكيد هوة مشتاق لك كمان وينتظرك لكن ما
يستطيع يجيبك
غير كدى لازم تكوني واقفة معاه بضائقته ..

الله يجمعكو عن قريب
استغفرى الله كثيرا وادعى بقيام الليل
وان شاء الله فرجة قريب

سمورة حبيبتي
معك حق كتير صعب الوحدة تبعد عن جوزها فترة طويلة
بس كله خير
يمكن خير بحقك ما تطلعي هالفترة
برايي ما تطلعي من غير علمه يمكن طلعتك تضيق عليه ظروفه المادية اكتر
توكلي على الله واستني ويارب يجمعك بجوزك عن قريب
اهم شي يكون موجود لما تولدي ويشوف الولد ويكطمن عليكم هي اهم من الحمل
ربي ييسرلك وتنجمعو عن قريب يارب