السلام عليكم ورحمة الله...حياكن الله اخواتي الكريمات...اخوتي لدي صديقة احبها كثيراً وهي بالنسبة لي أكثر من اخت ولديها مشكلة أرجو أن تساعدوها حزاكن الله الف خير ,,,إليكن المشكلة من لسانها:
أنا فتاة متزوجة عمري 24 سنة، مشكلتي اني مقهورة ومجروحة من زوجي، واحنا طبعا اتزوجنا عن حب وهو اختارني وحتى واجه أهله لما رفضه قبل ما يشفوني وكان وضعه المادي صعب ووقفت معه في كل شيء وأخدت بايدو وكنت أسانده وأقويه وعملنا كل شي سوا لحتى اتزوجنا وحتى اهلي احترمو اختياري رغم انهم كانو يتمنو اني لو اخدت حد احسن حال منه
المهم بالاخر اتزوجنا وكنا طايرين من الفرح حتى انو احيانا ما كنا نصدق انا مع بعض، وكنت دلوعة عندو وهو كمان كنت ما اقصر معه رغم اني سريعة الزعل
وحساسة كتير وما بتحمل انه نزعل مع بعض لاني بحبه كتير كتير، لكن زوجي هلقيت اتغير وطبعا النا سنة متزوجين وحسيته سارت كم من مرة مشكلة بيناتنا من كتر ما كنا نزعل، أنا من كتر طيبتي معه حاسة انها هي السبب، وهوبدو ياني اتغير خاصة اني بزعل بسرعة وهادا بيدايقوكتير، كان هاديء وخجول بس هلقيت سار العكس
وسار يشكي مني في اشياء بسيطة جدا حتى اني انصدمت انو بيشكي لأهله منها، وسار ما يتحمل مني زعلة ودايما اقل كلمة مني بياخدها بمعنى سلبي
راجعت نفسي وحكيت بدي اسير زي ما هو بدو، وسرت فعلا انفذ يالي ناويته لكني بتفاجأ انوبيتجاوب بالعكس معي، لقيتو كل جفا وبعيد ولا حتى كلمة وحدة حلوة بيحكيلي ياها حتى في مناسبة بتخصنا، حتى سرت احسه ما بدو ياني المس ايدو ، هو مش طبيعي بجد ولا هو زوجي يالي حبيته ولا هوالانسان يالي اخترته
سار انسان تاني
وانا والله ما بقصر معه، وغيرتي عليه راح تقتلني رغم اني ما ببين هالشي لاله كتير ، بكتم في قلبي ، وانا ما بشوفه لاني بطلع على الجامعة للعصر وهو بيسهر بالليل، تعبت فعلا وحياتنا سارت كلها جفا وبكا، وأنا مقهورة فعلاً ومش عارفة شو اعمل، ونفسي أعرف شو يالي بقلبه، أموووووت واعرف بشو بيفكر؟؟؟؟ ولييييييييييش سار هيك؟؟؟؟ ليش الانسان يالي حبني وحبيته سار هيك رغم انا لسة النا سنة وسوي متزوجين؟؟؟ حد يحكيلي شو اعمل ؟؟؟؟ تعبت وايئست معه؟؟؟؟ وحاسة انوعايش معي غصب عنه؟؟؟ رغم انو اهلو بيحبوني كتير وقريبة منهم وبيفكروا انا مناح، حتى اني انا يالي قربته منهم واتحسن وضعنا كتير والحمد لله بعد ما تزوجنا، لكن ليش زوجي انقلب ما بعرف؟؟ مش معقول يالي هو فيه ؟؟؟ مش مصدقة؟؟ حكيت معه كتير ، وبعتلو رسائل حتى وهو بالبيت وشكيتلو يالي بقلبي وحكتلو اني بدي ياه الانسان يالي حبيته؟ لكن ما رد وهادا يالي قاهرني انو ساكت وما بيرد ولا بهتم؟؟؟ انا موجوعة كتير وحياتي من اولها سارت هم وغم وبكا؟؟؟ شو اعمل وكيف اعرف ماله؟؟؟؟؟؟علما اني خلفت منه بنت وهلأ عمرها 3شهور
رد مع الاستدلال
الروابط المفضلة