عندي مشكلة اعتقد انها فعلاً تحتاج الى حل من الآن قبل ان تكبر (مع انها كبيرة من الأصل) .. قبل كل شي اوضح العنوان للي ما فهموه .. سلفتي بتكون زوجة أخو زوجي .. هيك احنا بنسميها .. انا من جديد صرت اعرف سلفتي من حماتي من كنتي ...
المهم ندخل بالموضوع.. اخو زوجي خطوبته الخميس القادم ان شاء الله (مع انه بالامس بس عرفنا) و انا مشكلتي بتتلخص في اني مو قادرة اتفرج بوجهه هو و لا العروس اللي هي سلفة المستقبل.. و بدي حل قبل ما فعلا اكرههم (اذا ما كنت فعلا بكرههم حالياً) و قبل ما يبين اني بكرههم و تصير حزازات و احزاب .. (و المشكلة انها كمان صايرة بالعيلة من هلا)...

طبعا انا ما بكرههم لله بدون سبب.. مو لهالدرجة يعني .. و السبب خايفة عليكم تنصدموا لما تعرفوه .. بس لازم تعرفوه عشان ما تحكوا هاي دندوش مجنونة ... (ياااااا كتر كلامك يا دندوش فوتي بالموضوع )..

القصة انه انا و زوجي سكنا من خمس اشهر تقريبا بشقة جديدة قريبة شوي من اهله .. يعني بنفس المنطقة، و باول سكنا احتجنا لمساعدة اخوته الشباب بامور مثل تركيب الثريات و البويلرات و الامور هاي .. و طبعا هالحكي ما اخد اكتر من اسبوع ... و بعدها ما حد منهم دخل البيت (او عالاقل هيك كنت بفكر) ..
لحد ما قبل فترة قصيرة (اقل من شهر) زارتني زوجة مالك العمارة و عملت معي شي بيشبه التحقيق .. سألتني مين الناس اللي بييجوا عالبيت في فترة غيابي انا و زوجي... اول شي فكرت انه سؤالها ما اله معنى و انه قصدها يا حرام في ناس بييجوا يزورونا و ما بيلاقونا . و بعدين فكرت انه زوجي بييجي و معاه ناس .... فقلت لها على علمي ما حدا بييجي بس ليش؟؟ فقالت لي انه تقريبا كل يومين تلاتة في شب و بنت بييجوا عالبيت عنا .. بمجرد ما نطلع من البيت انا و زوجي (يعني سبعة و نص الصبح تقريباً) ... و بيقعدو شي ساعتين بالبيت و بينزلوا بعدين !!!

بالله لو كنتو مكاني شو بيصير فيكم ؟ :confused

اول ردة فعل صرت بدي ابكي .. و سالتها عن مواصفاتهم و كانت واضحة انها لاخو زوجي و صديقته اللي بتزورهم دايما بالبيت و حماتي حتموت عليها و السيارة اللي بييجوا فيها بيصفوها على باب العمارة هي سيارته .. بالاول ما حكيت لها اني عرفتهم .. و قلت لها انا ما بعرف اذا في حدا بيجي .. طبعا ما بدكم تشوفو نظرات الشك و الاتهام ... حسستني انه احنا و العياذ بالله فاتحين مكان لهيك اشياء مخصوص ... بس الصدمة اللي على وجهي صدقت بعدها انه انا عالاقل (طبعا هي بقيت شاكة و الحق معها ) ما عندي فكرة عن الموضوع .. و طبعا سمعتني كلام بيسم البدن (هاي عمارة سمعتها محترمة و طول عمرنا الناس ما حكوا علينا شي).... يعين و الله العظيم ما في حدا بالدنيا بيستاهل اسمع بسببه هالكلمتين هدول..
المهم وعدتها انه رح نغير اقفال الباب و طمنتها هالشي اكيد ما حيصير .. و حكيت لزوجي اللي انصدم طبعا و عرف انه اخوه نسخ المفتاح بفترة ما كان يساعدنا بالبيت اول ما انتقلنا .... لا و اخوه بكل وقاحة بيحكي له احنا ما بنقعد غير عشر دقايق (على بالي عشر دقايق احنا عالطابق الرابع بنطلع الدرج و بننزله بنص ساعة )

طبعا هو ما حكى لاهله ما بعرف ليش و انا ما حبيت احكي كمان قلت شو دخلني بينهم .. بس و الله يومها قرفت من بيتي و غرفتي و سريري و كل شي و انا طبعا على علم باخلاقه المنحطة و هي كمان مطلقة مرتين (مع كل احترامي لاي مطلقات بس اكيد ما بيعملوا هيك) ... و العلاقة اللي بينهم شي مقزز و انا ما استحملت يكون هالشي صاير ببيتي ... لا و بطلع و برجع ما في شي بالبيت متغير .. (او من التسطيل بعد غياب 10 ساعات عن البيت اكيد ما حانتبه اذا في شي بسيط متغير)..

المهم .. وجعت لكم روسكم ؟؟؟ المهم انه من يومها انا مو طايقة اشوفهم مع العلم انها من فترة كانت معزومة على عرس لعيلة (معتبرينها من العيلة من زمان اصلا) و اجت على الطاولة اللي انا عليها سلمت عالكل الا انا ... اصلا اي وحدة محلها المفروض تكون مخزية من عملتها و ما الها عين تحكي معي .. ولا اللي زي هيك اصلا ما عندهم خجل ...

هلا انا اول شي بدي احكي لزوجي اني ما رح اروح على حفلة الخطبة .. بكون غلطانه او لا؟؟ و تاني شي هل مفروض مني اني اخبر اهله بالي صار لتبرير اني ما رحت و لا احكي اني تعبانة من الحمل و ما بقدر على الدوشة و الزحمة ؟؟ مع العلم حماتي و حماي الله يصلحهم ما رح ينكروا هالشي كتير بالعكس .....

و اخر شي كيف ممكن اتقبلهم طالما انه ربنا امر و رح تصير سلفتي و من العيلة و كيف لطريقة اللي لازم اتعامل معها فيها .. ؟

ااااااااسفة كتير طولت عليكم بس موضوع مهم و بيهمني كتتتتتتييييييير و ما في حد اسأله غيركم ...

:

عزيزتي دندوشه
افيدك بحاجة وحده
الاســــــــــــــــتــــــــــــــخاره
استخيري وشوفي ايش الله يكتب
ـ واستشيري فما خاب من اشتشار ـ

أنا أرى أن تذهبي الى الحفل فهذه مناسبة خاصة لأهل زوجك و من حقك حضورها و المشاركة و لا تنعزلي عن أي شيء يخصهم و لأي سبب كان و سلفتك عامليها عادي جدا و لا تعمقي معها العلاقة و لا تقطعيها خليها علاقة رسمية بدون أي حزازات. والله يهديها

دندوش يا دودو...أول شيئ إهدي علشان نحكي..
ok خلص إهديتي.."علشان العيال"

شوفي يا ستي..أنا أكيد إمقدرة شعورك..وبصراحة يمكن لو أنا أعرف أن سلفي بيفوت بنات علي بيتي يمكن أعملها قصة لاكن حبيبتي تذكري شيئ..
جاء علي لسانك (طبعا هو ما حكى لاهله ما بعرف ليش و انا ما حبيت احكي كمان قلت شو دخلني بينهم .. بس و الله يومها قرفت من بيتي و غرفتي و سريري و كل شي و انا طبعا على علم باخلاقه المنحطة و هي كمان مطلقة مرتين (مع كل احترامي لاي مطلقات بس اكيد ما بيعملوا هيك) ... و العلاقة اللي بينهم شي مقزز)))...حرام إنك إتشكي بعلاقة غير شرعية بينهم مادمت لم تري ذلك رأي العين وإلا وقعت في المحظور من رمي إمرأة مسلمة بجريمة الزنى.

ثانيآ هو إختارها زوجة له فخليه يقلع شوكوا بإيدوا وتذكري أن الطيبون لطيبات والخبيثون للخبيثات..وربما أراد الله سترة هذه المرأة علي يد سلفك والله أعلم.
رأي إرجعي لعمل ما يريح ضميرك..يعني لو مش مرتاحة لروحة الخطبة لا تروحي. وحاولي تجنب التعامل معهم.
وفهمي زوجك أنك مش راح تسمحي لسلفك بدخول بيتك بدون علمك وغيري قفل الباب لو أمكن.

والله يريحك ويهدي سرك ويبعد عنك شر وكيد سلفك وزوجته.

أخواتي الغاليات ...
صدى الذكريات : الف شكر على المرور و النصيحة و اكيد الخير في اللي ربنا بيختاره ...
و انا ما بقدر استشير ناس كتير لانه بيبقو بيعرفو البنت و ما بدي ينعرف الخبر . بس انتو ما بتعرفوها قلت ما الي غيركم

أم محمد: مشكورة على النصيحة و بصراحة انا مو بس مشكلتي الحفلة و الخطبة انا مشكلتي اني اتقبل الانسانه نفسها بعد اللي صار .. و الله بيعين ان شاء الله

أم شهد حبيبتي لا معصبة و لا شي انا coooool ....
بس انا يمكن ما وضحت كلامي (او من كتر الحكي بطل واضح) ... بس من ناحية علاقة غير شرعية انا ما كنت رح اشك لحالي بس الله يهديه و يصلحه سلفي هو اللي حاكي لزوجي ... و هو للاسف على علاقة بكثيراات مو بس هالبنت ... و اهل الشب بيعرفو (يعني حماي و اسلافي) بس اللي بيقهر انه ما عندهم اي مشكلة بالموضوع...
و بصراحة ما اظن واحد بهيك سلوك بيجيب بنت على بيت ناس بغيابهم ليتسامر معها .. يعني بالسيارة لفوا قد ما بدكم و اعملو اللي بدكم ياه... عني انا ما ستنتجت شي من عندي هو بكل وقاااحة بيعترف و بيحكي ,,,

و بالنسبة لاختياره انا بتمنى ربنا يهديهم الاتنين و هو يبطل هالشغلات .. بكون كتير سعيدة .. لكن انا فعلا بدي ما تصير مشاكل لما اتجنبهم و بنفس الوقت ما بقدر الا اني اتجنبهم يعني ما بعرف اجامل حدا مو طايقته .. بس ما بدي حدا يفكر انها غيرة مثلا او غيره... لانه في ناس بلشوا يلمحوا اني رح اغار منها لاني انا اخر وحدة بالسلفات و هلا هي الجديدة (يعني تقولوا انا فارقة معي ) ..
رجاااء اللي عندها نصيحة شو اعمل لا تبخل علي و الصبايا ما قصروا اكيد

صراحه ما أدري شنوا أقول والله مثل الصدمه

يعني لو كنت مكانك كنت قومت الدنيا عليهم ...........كيف يدخل بيتي ...........والله قلت أدب ..............ووقاحه كبيره .............
وبعدين هم كيف بيعرفوا أنكم طالعين؟؟؟؟؟؟؟؟؟؟؟
.وكيف بيعرفوا أنكم بترجعوا بعد هذه المدة ؟؟؟؟؟؟؟؟؟؟؟؟؟
وكيف لم تلاحظي تغير المكان إلا إذا كان ماخذين راحتهم وعندهم بخبر بوقت العوده ؟؟؟؟؟؟؟؟؟؟
يعني أحس الأمر فيه إن؟؟؟؟؟؟؟؟؟؟؟؟؟؟؟
فيه شيء غلط ؟؟؟؟؟؟؟؟؟؟؟؟؟؟؟


أما بالنسبه لك وإن عندهم حفل ؟؟؟؟؟؟؟؟؟؟
فسبحان الله أنت تخجلين !!!!!!!!!!!
وأنت لم تفعلي غلط.. بينما هم لا يخجلون
لالالالالالالالالا إذهبي وبيني لهم إنك إنسانه واثقه من روحك
بس هي لا تعطينها وجه .......... من ترضي تدخل البيت من الخلف لا تستحق أن تكون محترمه .........يعني كيفها تعمل بنفسها شو ما تعمل بس تدخل بيت مش بيتها قلت الأدب والعياذ بالله
وكمان ممكن تعمل لك مشاكل وتقول عنك حكي فأحسن شيء روحي للحفل
وبعدين خذي حذرك منها وبلاش يكون بينك وبينها علاقه قويه يعني سلام وسلام





وكان الله في عونك
تسلمممممممممممين

مرحبا يا اخت دندوووووش
والله اول ما شفت اسمك دخلت لاني معتبرك زي اختي وبدك الصراحه
اول اشي ولا تمس بدنك صحيح اشي بجلط انه حدا يدخل الدار في غيابكم بس غيري القفل والمفتاح وكمان واهم اشي هدي حالك علشان التوام لانه الحامل ما بصير تزعل وتتنكد بياثر عليها واستخيري واسالي زوجك اذا هو حابب انك تروحي او لا
ولو مني منك بروح وبجلطها وبقهرها كمان وتعاملي معاها عادي لانه هي اللي على غلط مش انتي
وكمان مره ولا تسمي بدنك علشان اللي في بطنك

حبيبتي بنت بلدها ..

دايما ردودك "بالعضل"
هم بيعرفوا وقت روحتنا و رجوعنا لانه انا وزوجي بنطلع الساعة سبعة عالشغل و ما بنرجع قبل الاربعة .... يعني مو بس معهم وقت ..... انا بنسى كيف كان شكل البيت لما طلعت

اما عدم ذهابي للحفل مو لاني خجلانة الحمد لله انا ما عملت شي لاخجل.. انا بس مو طايقة اشوفها لا هي و لا سلفي و لا ابارك لهم و اذا رحت و ما باركت "بحرارة" بسمع لي كام تعليق ... المشكلة بهالعيلة بيراقبو الكل ما في تصرف بيمر هيييك ...

و تسلمي يالغالية عالرد ...


هننننننلي
قبل ما نحكي بالموضوع ... "عشان اثبت لك اني رايقة و الحمد لله ما في شي بيأثر على نفسيتي" من يومين اجاني ضيوف و عملت البتي فور اللي كتبتيلنا وصفته.. و زينت قسم بشوكولاتة و قسم جوز هند و عسل و قسم مربي .... الكل حكالي انتي كل الوقت بتكذبي علينا و عاملة حالك ما بتعرفي تطبخي او تعملي حلو .. لانه هاد شغل محترفين !! و الله دعيت لك من كل قلبي وقتها

هلا خلينا هون!!

القفل و المفتاح غيرناه و ما في فرصة ان شاء الله انه يتكرر هالحكي... و الله شكلي بدي افكر اروح عالحفلة و اتعامل معها عادي و اذا حدا لاحظ شي... ترى انا على طرف لساني كل الحكي ما حدا يستفزني

و تسلمولي يا احلى بناااااات

هلا حبيبتي دندوش ...شوفي يا عيوني هذا الموضوع يبغى له قعده

الله يكون في عونك موقف صعب جداً ..

انا راح اضع نفسي مكانك ( الله لا يمررنا بمثل هالضروف ) وارد على هالأساس ..

اعتقد يا عزيزتي ان الشي الذي فعلوه خطأ كبير ...في حق الله ثم في حقك وفي سمعتك وايضاً في حق انفسهم .

ثم انه يعترف بالجرم ...ويعتقد انه شيء عادي !! ..وهنا مكمن الخطر !

انا لو كنت مكانك مستحيل اروح لحفل الخطبه

وهذا اقل رد ممكن تسويه في حقهم !!

انا اقدر وجهة نظر الأخوات اللي قالوا ما معناه تجاهلي الموضوع وروحي ...ولكن هذا في حالة انهم اعتذروا ..او على الأقل اعترفوا بالغلط !

مو وحده كمان تشوفك في عزومه وتسلم على الكل إلا انتي ..وبعد كل اللي سوته !!
بصراحه ما ادري اي اخلاق هذه !!

انابصراحه عصبت كثييير لما قريت مشكلتك امس ...وانتظرت لليوم حتى ما اكتب رد اندم عليه ..( على بالي هذا رد هادي الحين )

المهم يا عيوني ...اعتذري بتعب الحمل ..ولا تذهبي ..واجعلي علاقتك معها سطحيه جداً ..وفي حدود الضروري فقط ...فلا اعتقد ان فتاة من هذا النوع ..يستفيد الشخص من وجود علاقه قويه معها ..

إلا في حال كونها تابت وندمت ...فيتوب الله على من تاب !! كان الله في عونك

السلام عليكم غاليتي دندوشه...
طبعا الاخوات جزاهم الله خير ما قصرو ...لكن احب ان اضيف رايي المتواضع
اولا حبيبتي احضري الحفله كوجه اجتماعي لك امام اهل زوجك وتذكري ان الي هم فعلوه ماحد يعرف فيه لكن لو انت ما رحتي راح يكون وقعها مو حلو في حقك وانت ذكرتي ان حماتك طايره فيها حاولي تحافظين على مركز قوي لك عند اهل زوجك ولا تسمحين لهم ان يفسرو اي فعل منك انه غيره لانك بهذا راح تكسبين تحاملهم عليك ..لازم تكونين انت افضل منها عندهم لانك تستاهليين وبعدين عامليها معامله سطحيه جدا لانك وبكل بساطه ماراح تكسبين شي اذا ابديتي انك مو طايقتها بل على العكس راح تاخذين قيل وقال واهل الزوج بطبعهم ينتظرون من الوحده اي تصرف حتى ينتقدوه حتى لو كان هذا التصرف الصمت ..ونصيحه مهمه في اذنك لابد انك تجاملين قليل وتمشيين الامور في الحفله قليل لان علاقة الوحده مع اهل الزوج وامه بالذات مهمه في علاقتها معه وراح تثبت لك الايام اهمية هذه النصيحه ..وفقك الله ورعاك