أخياتي.......
بطرح عليكم مشكلتي بدون مقدمات وساعدوني في حلها لأني ماألقى متنفس الا بهالمنتديات وبالذات ان العلاقه بيني وبين خواتي شبه رسميه وان اتكلمنا مانتكلم الا عن المثاليات في حياتنا.....
المهم.. انا معلمه هادئه وخجوله غالبا مايكون تعليقي على السواليف اما بأبتسامه او تعليقات بسيطه لكن اني اطرح سالفه او احكي موقف يتطلب بضع دقائق ...لا هذا الا ماقدر عليه ... احب اجلس لوحدي كثير .. تسيطر علي احلام اليقضه كثيرا فبمجرد مااختلي بنفسي اقعد اتكلم مع الناس اللي قابلتهم وامثل ردة الفعل اللي كان ودي انها صارت .. فكثير ارجع لبيتي وانا غير راضيه عن ردات فعلي واحس بالذنب اني ماخذت حقي ... بأختصار ضعيفه... احس لو احد بيزمر علي بكيت .. لكن طبيعتي تختلف مع طالباتي حازمه شوي وماحب احد يتكلم عندي .. ولا اتكلم معهم
الى الان ماجتكم المشكله الرئيسيه....
عندي طالبه هاديه وشاطره ومؤدبه.. ماشألله عليها
المهم اني كنت معجبه بأخلاق طالبتي هاذي ودايما احاول ارفع من معنويتها واثني عليها بالمدح ... الى حد ماصرت افرح اذا شفتها ... واتحجج بأي شي عشان اخليها تجين .. هااتي الدفاتر .. اجمعي الاوراق ..الخ
واحس اني ودي اخدمه بأي شي ... لو تقول ابي عيونك اعطيهيها.. لايروح بالكم بعيد والله ويشهد الله على كلامي ماعندي اي اغراض شاذه بس احس اني حبيته وابي اخدمه بعيوني .. لدرجه اني قلتله اذا بغيتي اي خدمه انا مستعده.... بس اللي محزنني انها دايم على بالي احاول اشغل نفسي بالاستغفار بس البنت قدامي .. واحس ودي اسولف معهه واخدمه بس ..مأحس بأي شي ثاني
المهم احس البنت لاحضت وتحاول تتهرب مني ....
البنت زي ماقلتلكم خلوقه تعتقدون هذا حب في الله او اعجاب والعياذ بالله
جزى الله من تساهم في حل مشكلتي خيرا واسكنها فسيح جناته
الروابط المفضلة