السلام عليكم بنات شخباركم
بنات ماطول عليكن انا عندي وحده من صديقاتي شكت علي موضوع وهي تبجي وتقول وش اسوي الحمدالله نصحتها لوجه الله وقلت اعرض موضوعج ع بنات منتدى لك ومايقصرن اعرف انكن راعيات واجب
اسمعوا للمشكله طبعا هاذي سالفتها
البنت ماشالله عليها وربي يابنات ماحد شاف منها الا الخير ملتزمه وخريجة شريعه اسلاميه وغير البنات في كل شي تستغرب من قصص البناتاللي تغازل واللي تطلع مع واحد وكانت ماتصدق هالكلام طبعا هالشي لين دخلت الكليه وللحين وهي اخلاق وتحب تساعد الناس واللي بيدها مو لها تعطي غيرها وتقصر على نفسها عشان تسعدهم تحب تسمع المحاضرات وتحضرها تشتري اشرطه اسلاميه حتا اغاني ماتسمع وماهي متبرجه حجابها ساتره تصوم الاثنين والخميس والايام البيض ويوم عرفه وصلاتها مواضبه عليها وخجوله فجاءه يابنات جتها وحده من قريباتها ودقت قدامها ع رقم مودري كم بالضبط مطافي او اسعاف يعني من هالخدمات وبلاش طبعا وقام يلعب عليها ولد يعني يالكلام وشخبارج ومن هالشي سمعت ودقت من رقم صديقتي وصار يبلشها واحد شاب عليه مره هاوشته ومره هددته وقفلت بوجهه الين تعودت عليه وصارت كل ليله تكلمه من باب التسليه طبعا هي مو راضيه على هالشي ومو مرتاحه وتبجي وتندم وتتوب وتتركه يومين وترجع تكلمه وعجزت تتركه وطبعا هي تسوةي هالشي تقول وربي اني خايفه من الله واخاف يصيرلي شي واتخيل اني اموت وانا اكلمه وخاتمتى سيئه تعبت تعبت تقول عجزت اتركه وتعودت عليه وندمت وتابت وغيرت رقمها مرتين وكمان تقول رجعتله وتقول للشاب ترا اللي نسويه حرام ومايجوز ونعصي ربي والله ماراح يقيل مني صلاتي ولاعبادتي وانا اعصيه وتتركه وترجع تقول من غير شعور كنه ساحرني
وتقول وهي تبجي وش اسوي
اعرف انه حراااااااااااااام
ومايجوووووووووووووز
وربي موراضي علي
وماني مرتاحه وانا اكلمه
بس عجزت اتركه
بالرغم انها محافظه على صلاتها للحين وتختم القران بالشهر مرتين
وتنصح الجميع وتدعي واعتمرت ودايم تبجي وتدعي ربها يبعدها عنه ماهي قادره
تقول ودي اكره هالشي وعشان ربي كمان
وش اسوي ساعدوني
الروابط المفضلة