السلام عليكم ورحمة الله
كيف حالكم ياناس ياللي بهالركن ترى هذي أول مشاركه لي في ذا ....حبيت أفرفشكم شويه
================================================== =======
تسذا ... المعنى واضح يعني كذا ولازم تقوليها وانت ماده براطمك لتحت
فيذا .... يعني فيذا . هنا . " حط العشا فيذا " يعني هنا
مير .... والله الورطه وش معناها ذي
غديه او غديها .... يعني كوده او كودها ... (( يعني بيفهمون الثانيه )) ,,,,,,,,, مثل ما يقول الابو لولده التسبر " رح ادرس كود اخوانك يغارون منك ويذاكرون " او رح ادرس غديك تنجح باتسر وتطلع دختور ...
صزز ..... يعني صدق والا صززيه يعني صدقيه
زلابه ,,,,, يعني بطه مالها معنى ثاني
دبوووووووجه ,,, ؟؟؟؟؟؟؟؟ بس انها شينه يعني اذا وحده قالتها لك تراها تسبك
منهو .... من هو وانتهينا
اشبك البلا فشكلك ..... مهيب تبعنا هذي حقت الحجاز
مهيب والا مهوب ... بالعربي ( ليس ) مثل " هذا التفتر مهوب لتس يانوير هذا التفتر لاختس دليّل "
هق! وتي .... يعني ( اظن ) مثل " هقوتي انه فيذا "
توحي ..... تسمع ,,, اذا جيتي تسلمي على عجوزٍ من عجزكم تهزع على راسه وتقوله مساك الله بالخير بتقول لك وشوووو ,, بتقولي له انت توحي (( في وسط اذنه على تسمعك ) وبتقول لك من انت بنته ... الخ "
ابووو ,,,,, هذي مالها معنى صزز بس ممكن تسمعيها من البزران اذا قال واحدن منهم ابوو اللي شاف دوكفليد في الشارع امس وتسمع هالبزارين كلهم يقولون ااابوووو ,,,,, علشان ما يقهرهم .
تباوووو ,,,, هذا اذا بزارين يلعبون كوره (( ولازم تكون كورة صب )) لازم يروح كل اثنين يتباوون , ويقول الاول انا بردقانه والثاني تفاحه ويرجعون ويقولون يابردقانه ياتفاحه (( والله لو يستخدمونها في كاس العالم اصرف من هالقرعه ))
يوووووووووووووه نسيت اهم كلمه ,,,,, كتر ,,, ويقول الواحد لاخوه وهم يتغدون من صحن واحد " لا تاكل من كتري " تشلق ,,, يعني تشلق وشلون اقولها ذي ؟؟؟؟ المهم عكسها غط .... اكيد واضحه يعني وانت تاكل فول فيه فرق بين انك تشلق شلق ولا تغط غط ,,,,,,
-جغمه ,,,, يعني جغمه !
-بصرك ,,,, يعني بكيفك .... تقولي لوحده تعالي معنا ... وتقول لك لا منيب جايه ,, تردي عليه "بصرك "
-بعدي ...... مهوب بعدي يعني بعدي بس بعدي .... يعني مثلا يقول الابو لولده ,,, بعدي ابوي بس مدري وشلون تنشرح
-امصع ..... يعني اسحب بقووووووه مثل الام اذا قالت لولدها تراني بمصع اذنك لو ما درست
-امحق ... هذي محتارين فيها العلماء بس انشالله خير وبيطلعون لها تصريفات للماضي والمستقبل ,,,, واللي عنده مثل عن امحق يلحقني لاني تورطت بهالكلمه
-يدربي ...... يعني يدحرج .... مثل واحدن من الشباب اسمه مدربي رويسه ....
-دنينه .... سياكلنا من اول (( ااااان اااااااان )) ترا الاصوات لازم اللاعب هو اللي يطلعها (( حلوه اللاعب ,, اقصد المبزره اللي يلعبونها من اول ))
-دبق .... اسالو البنات القديمات في الاقلاع يعلمونكم اللعبه وطريقتها ..... كل ما ضاع زرار والا صاموله والا اي شي من القطع الصغينونه ,, دوره عند البنات ,, يجمعونه ويلعبون بها دبق
-كنادر .... جزمه
-زبيريه ..... نوع من النعال وهو احسن مبيد للصراصير والضواطير ! والحشرات الزاحفه الاخرى
-سرسري ....... يعني سربوت سربوت ........ يعني داشر داشر ,,,,,,, يعني صايع في الشوارع وهو اسهل واحد يطيح في التتن تتن ......... دخان
برندا ..... ميراندا,, لان اول واحد قالها في الرياض كان مزكم وقال براندا محلي ......... مصدي ياخزياه ....... اكثر من يقولها العجز الله يخليهم لنا ولا يحرمنا من حتسيهم
ديرمه ....... روج الاولين
يصطر ......... يصفق مثل ترا ابصطرك كف يعني بصفقك كف
-سماط ,,,,, مفرش ناكل عليه ومنول نسميه سفره
-ملاس ,,,, ننتسب به الغدا
ترم ترم ,,,,, فلم كرتون نسميه منول ترم ترم وبعض البزران يسميه ابو تتنه (! ( اللهم لك الحمد )) وغيرهم يسميه ابوذنب (( ياربي لك الحمد )) وعيال النعمه يسمونه النمر الوردي
الروابط المفضلة