سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
>اللهم صلي وسلم على عبدك ورسولك وحبيبك وحبيبنا وسيدنا محمد وعلى آله وصحبه وسلم تسليماً كثيراً
>
>
>
>
>
>هل تحبون البنات
>
>معلمه في احد مدارس الرياض جميله وخلوقه سألوها زميلاتها في العمل لماذا لم تتزوجي مع انك تتمتعين بالجمال ؟؟ فقالت....
>
>هناك امراه لها من البنات خمس فهددها زوجها ان ولدت بنت فسيتخلص منها وفعلا ولدت بنت فقام الرجل ووضعها في المسجد بعد صلاه العشاء وعند صلاه الفجر وجدها لم تؤخذ فاحضرها وكل يوم ياخذها ووبعد الفجريجدها وسبعه ايام على هذه الحال وكانت والدتها تقرا عليها المهم مل الرجل فاحضرها وفرحت بها الام … حملت الام مره اخرى وعاد الخوف من جديد فولدت هذه المره ذكرا ولكنها ماتت البنت الكبرى وولدت ايضا ذكر وماتت البنت الاصغرمن الكبرى وهكذا الى ان ولدت خمسه اولاد وتوفيت البنات الخمس وبقيت البنت السادسه التي يريد والدها التخلص منها وتوفيت الام وكبرت البنت وكبر الاولاد .
>
>قالت المعلمه اتدرون من هي هذه البنت التي يريدوالدها التخلص منها ؟؟؟؟؟
>
>انها انااااااا....تقول لهذا السبب لم ارد الزواج حيث ان والدي ليس له احد يرعاه وهو كبير في السن وانا احضرت له خادمه وسائق اما اخوتي الخمسه فيحضرون لزيارته منهم من يزوره كل شهر مره ومنهم يزوره كل شهرين اما ابي فهودائم البكاء ندما على ما فعله بي حتى انه من كثر البكاء على خديه حدود سودااااء
>
>مارايكم يا من يحزنون لولاده البنت...؟؟؟
>

أنا أمووووووووووووووووووووووووت على البنات

وأتمنى من الله أن يرزقني ببنت

أدعو لي

سبحان الله مافي قناعه

الله يهديها ويرزقها زوجا صالحـــا .

وانا بعد اتمنى الله يرزقني ببنوته حلوة
ويش فيهم البنات البنات رحمة من عند الله
{ يهب لمن يشاء اناثا ويهب لمن يشاء الذكور } سورة الشورى

لا حول ولا قوة إلا بالله


قصة محزنة بالفعل


رعاك الله وبارك في نقلك

الحد لله أناعندي وأقول الله أكبر الله أكبر الله أكبر عندي 6 بنات الله يحفظهم وان شاء الله يكون لي فيهم 6 قصور في الجنة 3منهم ملتزمات والباقي لسة على الفطرة وكلشىء يجي من الله خير ونعمة قال تعالى >>لان شكرتم لأزيدنكم<<

بصراحه اصبح الولد ديكور وصوره امام الناس لانفع منها الا ماندر بحيث اننا لو دخلنا بيت كل اسره وسائلنها ماذا قدم الولد للاسره لاشي الا انه صوره امام الناس ان عندي ولد الامن رحم الله
بالله عليكن شوفوالبيت من يزينه الا البنات
البنت تتزوج وتتعلق باهلها اكثر ولاتستغني عنهم ابدا وتحتاجهم في كل صغيره وكبيره وخلال الاجازات على طول البنت عند اهلها مع عيالها ماتترك والديها ابدا وكذللك تحنن الزوج على والديها بكل اسلوب حتى يصبحون مثل ابويه(مومثل زوجات الابناء شوف امك اش قالت وشوف اختك اش قالت ) الا من رحم الله
وكذللك حبها وحنانه لوالديها يفوق اي شي اخر فالوالدين في الكبر لايحتاجون الا فقط المحبه والحنان النابع من القلب هذه هو الذي يحتاجه الوالدان فالبنت لو مرضوا امها او ابيها تعالوا شوفوا كيف يصير حالها بخلاف الولد يعتبر ان هم خلاص كبروا وهذه سنه الله في خلقه
تعالوا نشوف الولد اش حاله مع اهله طبعا طول الاسواق والشوارع وان كلمه ابوه رد عليه بكل وقاحه وقالها انا رجال ماني بولد صغير وتقعد امه واخواته يستنون ولي العهد لين مايقضي لهم اغراضهن والا راحوا مع سواق الجيران او الليموزين ازين على قول المثل (هين قرشك ولاتهين نفسك)المهم اذا جاء الولد بيتزوج ارهق والديه لين ما يجمعون له المال والشقه والاثاث والراتب والمهر بخلاف البنت اللي يجي مهرها لحد عندها ولاتخسر اهلها كل شي يجيلها وهي معززه مكرمه من الله لانه اكرم المراءه ومع ذللك يقول الناس طبعا لان العادات الجاهليه مازالت مترسخه في عقول البشر رغم خطئها وعدم صوابها الا اننا ما زلنا نكررها كالبغبغاء
ان البنت تكلف ومصاريفها اكثر من الولد ولو جاءنا في الحقيقه ودرسنا الموضوع من كل جهه لوجدنا ان مصروف الولد يفوق مصروف البنت في كل شي
بصراحه انا تحاورت مع امراءه ورجل من اقربائي يحبون خلفة الاولاد ويعتبرونها مفخره وان البنت تتعب اهله ومصروفها كثير طبعا انا ما سكت وطلبت منهما ان نتحاور بعقل في تللك المساله بحيث نحسب ما تصرفه بنتي وما يصرفه ولدهم من يوم ولادتهم الى بيت الزوجيه طبعا وافقوا بكل تاكيد انهم هم الفائزين في تللك المحاوره
قلت هل يختلف الطفلين بنتي وولدهم عند الولاده طبعا انظروا الى الفروق تكلف البنت شاه واحده ويكلف الولد اثنين
2-الحليب والحفائظ والملابس نفس السعر لكل منهما طبعا استوينا
3طبعا انا قلت لهم مقابل كل شي للبنت يقابله شي للولد حتى في الملابس الداخليه فالبنت والولد يستويان في ملبوساتهم واسعارهم عفوا على تطرقي لتللك الامور ولكن حتى توضح الصوره للجميع
4دخلو المدرسه نفس الكتب نفس الاغراض لكل منهما ولازياده بالعكس الولد يكلف لانه يحتاج بدل رياضيه غير الثوب الابيض البنت يكفيها في اسوء الحالات الاسره ان كانت فقيره مريول واحد تغسله وتلبسه والولد يحتاج لكذا ثوب لانه الثوب يتوسخ ويتقطع من كثر الغسيل فيلزمه كذا ثوب لان اللون الابيض يتسخ بسرعه
5- وصلوا لمرحله الشباب البنت ترضى باقل حاجه لو كانو اهلها على قدهم واذا اهلها ماعندهم فلوس لشراء الفستان رضيت وجلست في البيت حتى ولو كانت متضايقه الا انها لالاتتصرف بحماقه طبعا في حالات شاذه للبنات ولكني اتكلم على الاغلب لكلا الطرفين لكن الولد يحتاجله مصروف كل يوم عشان انه هو بيخرج مع اصحابه ولا يقدر يكون اقل منهم والا يروح يسرق والله اني اعرف من الاولاد من يفعل كذللك المهم طبعا الوالد المسكين يظطر انه يصرف عليه ويعطيه عاد احسبوا كم ياخذ في الاسبوع هل البنت بالله عليكم تاخذا كل يوم مصروف غير مصروف المدرسه وهو عباره ان ثلاث ريالات
6-الولد يبغى سياره الولد يبغى بنزين الولد يبغى فلوس عشان السكن اللي بيسكنه لمن يتغرب ويروح يدرس الجامعه او الكليه وفلوس عشان الكتب والمراجع الولد يبغى فلوس عشان يلبس غير الثوب والغتره لانها اصبحت نادر ما يلبسها الاولاد الافي المناسبا ت ويبغون الملابس الغربيه البنت تكفيها تنوره في اسوء الحالات سوداء وتلبسها مع كل بلوزه
7_الولد يبغى يعزم اصحابه ويبغى بيجر وجوال
8 يبغى سياره شوفوا لمن يكبر الولد على يطلب ابويه توفير سياره ويحن ويزن لين ما تجيه سياره اقل حاجه 40 الف للسياره من غير البنزين هذه طبعا على حساب الاب لين ما يتوظف الولد
7_الولد يبغى يتزوج اقل مهر 30 الف غيرالشقه غير صاله الافراح غير الذبائح والهدايا المقدمه من الولد لااهل العروس تقريبا 70 الف اقل شي يكلفه من جيب ابوه والا اذا الاب انتظر ولده لين ما يتوظف عز الله ان ماراح يتزوج ابدا الولد عشان كذه تشوفون نسبة العزوبيه لدى الشباب لقله المال لديهم والوظيفه وانهم يحتاجون المال بخلاف البنت كما قلت مهرها لحد عندها يجيها وتقضي فيه مستلازماتها غير الهدايا اللي بتجيهامن اهل العريس
8-طبعا الى الان وانا متقدمه على اقربائي فقالو لي ان البنت تكلف اهلها ذهب قلت لهم هذاك اول الان اصبحت الموضه غير الذهب وان حصل00 اللي بتعطيه لولدك مصروف للبنزين خلال شهر اعطي بنتك تشتري فيه ذهب لازم احنا نعدل في المصروف والا لا
ولقد تحاورنا حتى خرجت باذن الله منتصره عليهم بفروق لم يكونوا يتوقعونها
9- تصدقوا لدرجه انهم قالولي ان الولد ينفع ابوه عندما يموت يحمل جنازته انظرو بالله تفكيرهم فرردت هل من عنده بنات لم تحمل جنازته وبقي من غير حنازه ولا قبر فسكتوا وقالوامام الناس على الاقل قلت لو انهم فخر اوشرف لا اكرم الله نبيه بالاولاد ولم يعطيه البنات لانه افضل خلق الله لم يكن لديه الا البنات وهذه في حد ذاته شرف لمن عنده البنات
طبعا الولد لمن يتزوج وتجيه زوجه تلهيه بالدلع والدلال والعيال تنسيه اهله وكل عيلته لان الولد بطبيعته يستغني عن الام والاب من اول ما يبلغ ويروح الجامعه فخلاص يعتبر ها الشي عادي
الزوجه تاتي لزيارة اهل زوجها ساعه اثنين وبرسميات وبعدها تطلب ان يذهب بها عند والديها مسرعه متلهفه على والديها فتخيلو ان لم يكن عند الرجل والمراءه الاذكور كلهم ومافي ولا بنت اش تتوقعون يكون حال الابوان عند الكبرالزوجات والاولاد ساعه اوثنتين ويالله ادينا خلاص الواجب وراحوا وخلو الابوان في هدوء ووحشه وكل زوجه ابن يوديها زوجها عند والديها لانهالاتستغني عن اهلهاوتقعد طوال اليوم عند والديها بالله عليكن مو هذا اللي حاصل بيننا ترى حنا حريم ونسوي هالشغلات ولانستغني عن اهالينا اكيد بتقولون صح كلامك
على العموم ان اطلت عليكم وقد اكون مخطئه وقد اكون مصيبه فيما قلت اسئل الذي لا اله الاهو ان يرزقنا ذريه صالحه تقر بها عيننا عند الكبر والله اني لولا الاطاله لااكملت الفروق ولكن
لضيق الوقت اعتذرواكر ان الكلام اللي قلتها ينطبق في اغلب الاحوال على مانشاهده في ارض الواقع واسئلل الله السداد فيما قلت وسامحوني ان اخطئت

ملوفة ..تشكرين حبيبتى على الموضوع الطيب


بدون اسم ..الله يسامحك كل هذا فى العيال والله انهم كلهم بركة بل بل العكس احيانا يطرح الله البركة فى الاولاد اكثر من البنات والمسألة ليست بهذا القياس بل بالصلاح والتقوى والبركة التى يطرحها الله فى الذرية ..

على العموم تشكرين على الاضافة

حبيبتي كروان
لقد كررت في موضوعي ان كلامي ينطبق على الاغلبيه وليس الكل
وهناك من البنات من هي خزي وعار على اهلها
ولكن اناا تكلم على من يتسخط ويزعل من خلفة البنات ويقول ان الولد خير من البنت
وان البنات مافيهم منفعه
والله هو الواحد القدير الذي يقدر لكل الناس امورهم فمن يرزقه البنات فهو خير له ومن يرزقه الاولاد خير له ومن يجعله عقيم خيرله
ولكن ردي علىمن يفخر بالولد ويهين قدر البنت لان الاغلبيه ينظرون بان من يخلف ذكور سعيد الحظومن يخلف البنات مسكين وحظه عاثر ولن ينفعنه البنات ولن يحملن اسمه مع ان النبي عليه السلام نسله وسللالته من فاطمه بنته
واسئل الله لي وللجميع السداد وان يتجاوز عنا سيئاتنا واخطائناوسامحوني

انا اقدر كلامك اخيتى بدون اسم والذى جعلنى ارد لانى انجبت الذكور وهناك من يعارينى دوما بانهم ليسوا لى وانهم بمجرد زواجهم سينسونى ويذهبون الى اهل زوجاتهم

وجزاك الله خيرا على التعقيب