السلام عليكم ورحمة الله وبركاته
كيفكم ان شاء الله الكل بخير
ماراح اطول عليكم تذكرون موضوعي هذا
http://www.lakii.com/vb/showthread.php?t=422123
راح اقولكم وش صار علي بعده
رجعت بلدي بعد العلاج والحمدلله صرت احسن صحيا لكن زوجي تغير كثير معي صار يتذمر وينتقدني وعلى اقل شي مااعجبه بتصرفاتي مع اني كنت كل همي ارضيه باللي اقدر عليه المهم هو ماكان مقصر مع الاولاد بالعكس كان مهتم فيهم ويطلعهم ومايقصر عليهم بشي ابد كنت ابي يرجع زي اول نطلع سوا لوحدنا هالشي انلغى من عنده بالفراش الكذب خيبه ماكان مقصر معي لكن قلبي كان مو متطمن وحاسه بشي غلط لانه صار يسهر برا كثير ويقول انه بمقهى مع اصدقاءه واغلب اصدقاءه اعرف انهم اما عزوبيه او متطلقين لانه كانو خونه مع زوجاتهم وكنت احاول بطرق حلوه اني انصحه لكن كان لا حياة لمن تنادي
المهم بعد فتره تقريبا شهور صار يقلل من سهره برا البيت وصار يجي مبكر بس بعد عنده خصوصيات زي الجوال عنده اكثر من واحد والعذر انه للعمل والشغل وكان واحد من الجوالات عليه باسوردولما سالته عنه ماعطاني وعملها قصه وانه لازم انا انظف مخي وهو ماعنده خرابيط
للاسف من قبل مده بسيطه اكتشفت انه ايميله بالنت بالصدفه وبدون ماادور واحوس انه يضيف بنات فيه ولما واجهته قلبها فوق راسي وصرخ ووووو وصلت بيننا لدرجة انه جلس يسبني ويهيني وضربني لاني قلت له اني شفت بعيني طبعا الاهانه اللي اهاني اياها قويه علي قالي بما معناه انتي معاقه ومو من حقك تغارين وماحد يطل بوجهك
بعدها اخذ ملابسه وطلع من البيت يقول انه بينام عند امه يعني زعل وانا بعدها اكتشفت انه يخوني من زماااااااااااااااان اكتشفت مسجات له مع بنات وصخات وكلام وصخ وكمان له علاقه ببنت له معاها 8 سنوات وانا ياغافلين لكم الله ولا اعرف وكانت هالبنت تعرف كل شي عنه
وبعد ماطلع من البيت بشوي ارسلي مسج يعتذر لي عن الكلام اللي قاله
وانا ارسلت له مسج اطلب الطلاق لاني والله العظيم من بعد كلامه وبعد اكتشافي لخيانته للمره الثانيه ماعدت احبه ولا عاد تفرق معي شي عنه
المهم اني اصررت على طلب الطلاق لكنه رافض وبعثت له مسج اني كنت اعرف بخياناته لكن كنت اعطيه نغزات وكلمات عشان يبطل ويفهم اني اعرف لكنه ماكان فاهم واني ابي الطلاق خلاص
قام بعدها وجاني البيت وقالي انه غلطان ويعترف بغلطه لكن طلاق لو شنو يصير مابيطلقني وانه اي بنت عرفت عنها ماتسوا ظفري قلت له انا مصممه على الطلاق ماعدت ابيك بحياتي واقدر اواصلها بدونك لكنه توسلني انه ارضى وانه من اليوم هو واحد جديد وطلب مني انسى كل اللي سواه وماضيه
رجعت لكني مغصوبه وبنفس الوقت فيني قهر وغصه بقلبي كل اللي اقدر اسويه اصلي وادعي ربي واستغفر واتحسب ربي فيه الحين ابي منكم حل انا تعبت نفسيا وماني مرتاحه لاني اعرف انه بالكثير شهرين وبترجع ريما لعادتها القديمه شلون مااخليه يرجع بالطيب وكمان لما رجعت قلت له الغي جوالاتك وامسح ارقام البنات ونظفها وعطني الجولات لكنه قالي انسي امر الجولات والجوال اللي تعرفينه هو اللي بيتم وغيره انسيه وطلبت الباسورد لايميله ورفض قالي كمان انسيه وابتدي صفحه جديده معي
انا مو مرتاحه ولا راضيه وماعرف كيف اتصرف معه كنت احترمه الحين نزل من عيني لانه طلع كذاب وخاين واللي يخون مره يخون الف مره وهو يطلبني الان ان انسى كل شي ولا اطالبه بشي احاول اطمن نفسي فيه لو بالكذب انه مابيرجع للسوالف هذي
اتمنى من كل وحده تعرف وعندها خبره لاتبخل علي بخبرتها بهالمجال وبارك الله بكم جميعا
الروابط المفضلة