انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 4 من 4

قصةتستحق القراءةموطبيعية(الله يحفظنا)

(نافذة إجتماعية - منتديات لكِ النسائية - الأرشيف)
...
  1. #1
    بنوته قموره's صورة
    بنوته قموره غير متواجد النجم الفضي
    تاريخ التسجيل
    Nov 2008
    الموقع
    المملكةالعربيةالسعودية**الأحساء**
    الردود
    1,385
    الجنس
    أنثى

    news قصةتستحق القراءةموطبيعية(الله يحفظنا)

    السلام عليكم ورحمة الله وبركاته





    اثناء الملكه وانا اوقع عالدفتر حق الشيخ فجأه نزل مني دم غير طبيعي
    غريبه لاهو وقت دوره ولا قد صار لي كذا والله اني وانا اكتب في دفتر الشيخ اني احس بشي حار ينزل مني ويوم رحت الحمام الا ذاك الدم حاولت انسى الموضوع
    ويوم راحو الناس جاتني حاله هستيريه وقعدت ابكي بدون شعور وحسيت بضيقه ضيقه ضيقه مايعلمها الاربي
    وطول ذاك الليل وانا اصيح لدرجه ان اهلي خافوا علي وودوني المستشفى
    طبعا الدكتور في الطوارىء حولني عالطب النفسي لانه مالقى فيني شي
    وبعد مارجعت البيت جاتني حاله الصداع لدرجه اني عاصبه راسي واصرخ وبطني اسهال
    واستفراغ لدرجه ان امي شكت فيني تحسبني حملت من زوجي يوم شافتني ادوخ واستفرغ
    ياحليلها امي 00 وشلون احمل وانا توني متملكه
    المهم كرهت الرجال وكرهت سيرته وكنت ناااااااااااااااسيه تماما موضوع الأذكار ووووو
    احسب اني صرت طيبه
    اثارني بأول المشوار



    كرهته يابنات واتصلت عليه وقلت طلقني 00 تخيلوا مالي يوم من تملكت 00الغريب انه هو بعد عنده نفس الشعور
    يقول حتى انا كنت اعد الأيام عشان نتملك ويوم تملكنا ضاق صدري واحس شي يصدني عنك
    قلت احسن يالله ارسل ورقتي
    ما تتخيلون وش كان موقف اهلي وش كان شعورهم محد مصدق اللي صار لي ولا احد مستوعب
    ويوم جاتني ورقتي حسيت اني في غيبوبه 00 وقلت انا وش سويت في نفسي
    وش صارلي ؟؟ وش فيني انا ادري في داخل نفسي انو فيني بلا بس ماودي اصدق لاني عارفه اني بتعب
    المهم بعد الطلاق اهلي جزموا ان فيني بلا اما مس ولا سحر
    وانا رجعت لخرابيطي 00اغاني وووووووووووووووووو
    والأكثر من كذا 000 قمت اترقص قدام المرايه في نص الليالي
    وصرت ما احب اتزين الا في الليل 00 وطول اليوم قدام المرايه بس اتفرج بنفسي مدري وش فيني والله ماكنت كذا لا واكثربعد
    استغفر الله بغيت اكفر 00 قمت اوسوس بربي واقول مافيه رب
    وبغيت اعبد الشمس توقعتها ربي وصرت اميل للمسيح كثير
    وكنت ناويه اشتري الصليب واللبسه طبعا كل هذا من المس 00 ياربي عفوك بس
    صرت اكره اصلي واكره الأذكار 00وفي يوم جاتني عمتي وعطتني رقم شيخ
    وقالت كلميه ضروري جدا جدا 00 قلت وش اكلمه ابي فيه
    قالت كلميه وقولي له كل اللي تحسين به وهو بيعلمك
    قلت بسم الله علي مافيني شي 00 والله انكم مجانين 00 طبعا هذي عمتي من اول ماشافتني وانا صغيره وهي حاسه اني فيني شي
    لزمت علي واصرت علي اكلم الشيخ ونبهت على اهلي وحرصتهم وقالت لهم خلوها تكلم الشيخ ضروري
    وطبعا امي ياحليها على طول شحنت لي جوالي وقالت كلميه 00مو من عوايدها تشحن لي
    المهم كنت خايفه وضايق صدري لاني داريه انه بيقولي اشياء تضيق الصدر
    واتصلت وقلت له كل شي حتى عن ميولي للمسيح
    وقالي اني معشوقه من جني حسبي الله عليه وقالي انه مستقر في بطني وما بيخليني حتى احمل
    وانه بيتعبني كثير
    ولازم لازم اقراء على نفسي وقالي قرايتك على نفسك افضل من الذهاب للمشايخ
    وقالي قومي اقري سوره الحشر وعلميني وش تحسين 00 وقال كلميني لو الفجر بس ظروري تعلميني وش حسيتي
    وقريتها يابنات وبغيت اموت من ظهري وبطني واكتافي وارحامي 00 وكلمته وقلت له
    قالي المرايه غطيها بمنشفه او شرشف كبير من العصر لين الفجر ولا تتمنظرين واجد ولا توقفين قدام المرايه كثير لان الجن يشوفونك من المرايه
    ولا تتعرين
    ولا تسمعين اغاني
    واقري في ملح وكبيه في زوايا بيتكم
    ولا تنامين لحالك ولاتجلسين لحالك 00الجن ما تأذي الا الشخص الوحداني مثل الذئاب تأكل القاصيه من الغنم
    وقالي اشتري زيت زيتون واقرء فيه سوره البقره والمعوذات وادهن جسمي من اعلى راسي لين اصابع رجولي بالزيت يوميا
    وفعلا سويتها 00 الله لايوريكم 00قمت الصبح وعيوني متنفخه ويطلع منها صديد 00طبعا انا محسوده على عيوني 00 وشعري كله جروح
    وجسمي كله حبوب 00 يالطيف
    طبعا كلمته وقلت له قالي استمري 00 الغريب يابنات اني كنت اشم ريحه مقرفه في الزيت
    ريحه جيفه وريحه دم 00 وقريت التاريخ طلع الزيت جديد 00 واقوم وادور بالزيت على كل اهلي واقول لهم شموا
    وكلهم يقولون مافيه ريحه الا انا الوحيد ه اللي اشم الريحه الشينه 00 واتصلت بالشيخ وعلمته
    قالي الجن اللي فيك يكرهك بالريحه عشانك اذيتيه بالزيت والرقيه
    وقالي لازم لازم تكملين دهن جسمك
    والله يابنات اني اتلثم وادهن جسمي عشان لااشم الريحه وان شميتها احس بغثيان فضيع
    بس ما افتكيت قام يأذيني بالنوم والله اني صرت اخاف انام والنوم هذا بالنسبه لي عذاب
    احلام وكوابيس وقطاوه تعضني واشياء مخيفه
    المهم قالي لازم اقرء سوره البقره كامله بجلسه وحده وفعلت قريتها وانواع العذاب
    انتفخ بطني كني حامل وقمت اسمع نبض وطقطقه في بطني والله والله اني احس به وهو يتحرك في بطني لين قريت لاني احرقته بالقرايه
    وصار يأذيني بطريقه ثانيه 00 اذا جيت اقرء يكبس علي النوم حتى لوني توني صاحيه
    صرت احيانا انام وانا اقرء 00قالي الشيخ حاولي ماتنامين لانك اذا نمتي ماتستفيدين من القرايه
    وحذرني من النوم وقت المغربيه او بين العصر والمغرب لانه وقت تطلع فيه الشياطين
    وكملت قرايه وقام يطلع مني دم اسود
    وانا اقرء واقرء 00 في البدايه كنت ابكي ويضيق صدري لكن بعدين خفت الحاله الحمد لله
    لكن النوم عندي عذاب لانهم يأذوني بالنوم 00 حسبي الله عليهم وصرت اترجى خواتي ينامون عندي وفعلا ناموا عندي لكن الجن ماخلوني بحالي صاروا يأذون خواتي بعد لدرجه ان اللمبه تصير تولع وتطفي من نفسها 00 في البدايه كنت احسبه كهرب او اللتماس لكن بعدين عرفت
    واي وحده من خواتي تنام عندي يأذونها لين صاروا خواتي مايدخلون غرفتي ابد ابد
    وصرت احب الخشوم عشان احد ينام عندي 00 مافيه فايده
    وصرت اغريهم بالفلوس مافيه فايده 00لدرجه اني صرت انام عند امي من الخوف 00تخيلوا
    والله اني صادقه 00 وفي يوم كنت جالسه تحت مع خواتي طبعا خلاص حرمت اجلس لحالي
    المهم نزلت وحده من خواتي وقالت لي غرفتك فيها اغاني 00 استغربت وخفت
    وقلت وشلون انا ماشغلت المسجل ابد
    وفعلا طلعت غرفتي واسمع من وراء الباب الأغاني وخفت مره 00ودخلت وسكرت الأغاني وحطيت سوره البقره
    تعبت تعبت تعبت تعب 00مايعلمه الا ربي
    وش استفدنا من التعري وش استفدنا من الأغاني وش استفدنا من التزين والشياكه غير الحسد والعيون
    الشيخ قالي انو حتى لو انتي قاريه اذكارك ومحافظه على صلاتك وتسمعين القرءان كل شويه
    بس جلستي لحالك او حزنتي بشده او فرحتي بشده ممكن يجيك المس
    اعوذوا بالله 00
    نسينا كلام جداتنا يوم يقولون لاتطولون بالحمامات موزين ونسينا يوم يقولون لاتجلسون بغرفكم لحالكم
    ونسينا كل الوصايا والتحذيرات 00والله انهم صادقين مير الله يغفر لنا ويرحمنا ولا احنا في غفله
    المهم 00 الدوره وقفت معي استمريت عالقرايه 25يوم والدوره ماجات مو من عوايدها تتأخر كذا
    تأخرت علي حول شهرين غريبه 00 قلت ابسأل الشيخ 00 وفعلا سألته قالي اقري سوره البقره على زيت زيتون واشربي الكاس كامل بنفس واحد وامسكي نفسك ولا تستفرغينه
    وسويتها 0000000ااااااااااااااااه اااااه من العذاب اللي شفته
    بغيت اموت 00
    قالي الشيخ اني في ظرف ساعه راح اروح للحمام وانتو بكرامه وراح ينزل كل اللي في بطني
    وحتى الجن اللي مستقر في بطني بيروح
    وحتى دورتي بتنزل 000 هذا طبعا اذا كان الجني ضعيف اما اذا هو قوي والقوي الله فأن الموضوع مطول
    وقعدت يابنات 3 ايام ما اروح للحمام 00انا بالعاده كل يوم بس من بعد الزيت مارحت ابد
    واتصلت بالشيخ وقلت له
    قالي استمري عالزيت اشربيه 000000يخ
    طعم ماتتخيلونه 00 وسويتها مرتين والحمد لله نزلت دورتي مثل النافوره
    بغيت اموت ذاك اليوم 00 والشيخ قد قالي مااترك سوره البقره طول حياتي حتى لو على الدوره اللبس قفازات واقرء
    لان المس ممكن يرجع خصوصا اذا صار عاشق تشوفينه يتربص لك لين يرجع لك ويدور اي وقت واي فرصه حسبي الله عليه
    وبعد ماتميت 50 يوم من قرايتي تحسنت بشكل ملحوظ الحمد لله ماشاء الله تبارك الله
    وارتحت كثير واللتزمت وصرت ما اسمع الأغاني ابد ولا اطيقها
    وصرت اتستر واتحشم تغيرت كثير يابنات 00 خصوصا بعد ماقالي الشيخ انو الجن والشياطين يجتمعون عند اللي يشغل اغاني ويقعدون جمبه ويصفقون ويرقصون
    تخيلي نفسك وانتي تتسمعيت اغاني والجني جمبك يرقص ويصفق اعوذوا بالله بسم الله علينا
    المهم
    انخطبت الحمد لله وتم الموضوع على خير واول مره ما احس بشي لاصداع لاتعب لاغثيان
    ياربي من فضلك الحمد لله ماشاء الله تبارك الرحمن
    وجااااااااااات يوم الملكه وانا ما تأدبت ولا اتعضت
    فكرت اني خلاص طبت ومافيني شي ونسيت الشيخ يوم يقولي لاتتعرين ولاتتزين كثير ولا توقفين عند المرايه
    ومن وقاحتي بعد اتصلت بالشيخ وقلت له انا بتملك وابي اللبس فستان عريان
    قالي لا لاتتعرين انتي تبين تتعبين مره ثانيه ماتعلمتي من خطاك
    تبين البلاوي ترجع لك مره ثانيه 00000؟
    قلت له السوق مافيه الا كذا وانا وش اسوي يعني
    بعدين في بنات اجمل مني وابيض مني واحلا مني ويتعرون ويتزينون ووووو
    بس ماصار لهم شي 00وش معنى انا
    قالي مو كل الناس سوا 00 البعض يتأثر بالعين على طول والبعض الأخر لا
    سبحان الله الناس مو مثل بعض
    فيه ناس بسرعه ينحسدون وبسرعه يتعبون وفيه ناس لا ماتأثر فيهم العين
    حتى ولو مايقرون اذكارهم وحتى لو ماهم مسلمين 00شوفي الغرب لاصلاه ولا عباده
    بعضهم فيهم مس والبعض الأخر مافيه الا العافيه
    بعدين مو شرط الناس يصير لهم مثل بعض
    بعضهم فيه مس لكنه متزوج وعنده عيال
    وبعضهم فيه مس وماهو قادر يتزوج وبعضهم مسحور وعنده عيال ومتزوج وبعضهم مسحور مو قادر يقوم من فراشه 00 الناس مو مثل بعض
    فيه ناس تجيهم عين بالصحه في ناس بالشعر فيه ناس بالجلد فيه ناس بالفلوس فيه ناس بالعيال فيه وفيه وفيه
    الله يشفينا ويشفيهم
    المهم انا عقلت وقلت خلاص 00 ابنتبه لنفسي والحمد لله لبست لبس ساتر وقريت اذكاري
    وتملكت والحمد لله مشت الأمور على خير
    وصرت ادرس بالتحفيظ وصرت اعرف اكثر عن السحر والمس والعين وبعدين اشتغلت مع مطوع يقراء عالناس وصرت متطوعه معه وعلمنا اشياء كثير وصرت اعرف المعيون والممسوس من اول نظره بسم الله علي
    وتزوجت 00 وتركت التحفيظ بحكم ظروف الزواج وتركت بعد الشيخ اللي كنت اشتغل معه
    ولهيت بحياتي 00 وقمت اتزين واتكشخ واتمنظر 00 احسب اني طبت
    اصلا تركت القرايه لاني انشغلت 00خصوصا بشهر العسل
    وصاروا الناس يزوروني وكل وحده تطلع وهي راصعتني بذيك العين اللي على كيف كيفك
    طبعا انا من اول ماشفت زوجي وانا حاسه انه فيه شي
    بس اني ساكته واقول ان شاء الله مافيه الا العافيه 00طبعا زوجي الله يهديه يسمع اغاني
    واذا ركبنا السياره شغل اغاني 00 ورجع لي المس 00
    كيف عرفت ؟؟ طبعا اذا فيك شي لاحظي نفسك راح تحسين ان جسمك من جهت اليمين يقشعر
    خصوصا اذا سمعتي اغاني او احد طرى لك قصه مس او عين او او
    وكل يوم كنت اقول ابرجع اقرء ابرجع اقرء ولا فيه فايده
    وزوجي حكايته حكايه طبعا النوم هذا مانعرفه
    يفزز وهو نايم وحالته حاله 00 واحيانا يقول احس اني وسط غساله والدنيا تدور بي
    واحيانا اذا قلت له قم صل قعد يبكي 00ويقول ودي بس فيه شي يمنعني
    ااااااااه حسبي الله ونعم الوكيل
    ومره كان نايم بالغرفه وانا جالسه بالصاله وفجأه قام يناديني قلت له وش فيك ؟؟ قال انتي دخلتي علي قبل شوي ؟؟
    قلت له لا والله مادخلت ولاجيت
    قال كان فيه وحده واقفه عندي وكنت احسبها انتي وقلت لها سكري اللمبه ولا ردت علي
    وقتها دريت انه ممسوس
    وصرت اقرء عليه تخيلو ان رجله تنتفظ وانا ماسكتها وكان يحس بكتمه وضيقه
    واحيانا يبكي من رجلينه ولا يقدر يمشي
    اااااااااه يابنات دعواتكم لي
    المهم قعدت اقرء على زيت وادهن جسمه كل يوم لين تحسن
    لكن الأغاني مو راضي يتركها والأذكار مايداوم عليها
    قلت مافيه الا خلطه الرومي 00 جبتها وتسبحت بها انا بغيت اموت من ارحامي وزوجي يبكي من رجلينه وتكه بصدره
    طبعا الخلطه تستخدمينها 7 ايام ورى بعض قبل المغرب ويوم جاء اااااااااااخر يوم
    وتنقطع المويه في بيتنا 000ونرجع على طير ياللي والله اني حسيتها من الجن حسبي الله عليهم
    طبعا اذا قطعتي يوم من السبعه ايام لازم تعيدينها من جديد
    والله انها بحب الخشوم على مايدخل ويتحمم 000
    المهم قلت مافيه الا اني اكلم شيخ واقوله 00 وقلت له كل السالفه 00عن زوجي
    قالي اقري سوره البقره وانفثي بماء واشربي انتي وزوجك ولاتعلمينه انك قاريه فيه
    وسويتها 00 طبعا قالي الشيخ اذا تبين الحمل اقري سوره البقره يوميا على طول
    لانك فيك مس وطبعا مستقر في بطني
    وفعلا قريتها شهرين
    ااااااااااااااااه يابنات والله اني اكتب لكم وابكي
    قريتها وتعبت وتبهذلت
    وكانت النتيجه اني
    حملت 000 اي والله حملت 00 يوم سويت التحليل المنزلي ماصدقت عيوني ورحت الدكتوره وسوت لي تحليل دم وطلعت حاااااااااااااااااااامل وقعدت ابكي واصرخ في المستشفى
    واسجد سجود الشكر وحتى الممرضه قامت تبكي 00 حملت وانا الحمل كان بالنسبه لي مستحيل
    كل دكتوره تحط فيني عله 00 لي سنتين وانا من دكتور لدكتور00 وكل واحد يحط بي عله
    طبعا انا جاتني الغده من اول ماتزوجت على سبه عين 00
    المهم يابنات ادري انك بتصفقوني لكن اسمعوا السالفه
    طبعا قلت لامي واهلي 00 وكلنا فرحنا 00 وطبعا يوم اني حملت خلاص نسيت كلام الشيخ مع اني المفروض احرص اكثر من اول
    لكن ياليتني اتعلم 00
    تركت سوره البقره ونسيت كلام الشيخ يوم قالي 00ان المس يرجع
    وطبعا زوجي الله يهديه هو وذا الأغاني 00 الله يهديه ادعوا له يابنات
    المهم تركت القرايه بالمره صرت بس اقرء الأذكار واحصن نفسي
    وصرت احلم بناس يضربوني على بطني
    واحلم بحماتي تبي تطيحني وتدفني
    واحلم بناس وسيارات كلها تضربني على بطني
    وقمت من نومي مفزوعه وانا غارقه بدمي 000 بغيت انجن تمنيت الموت
    اي والله تمنيت الموت
    ورحت المستشفى
    وقالوا خلاص لازم تنظيف قعدت ابكي وابكي وقلت لامستحيل انزل الجنين خلوه فيني انا بموت
    بس لاتنزلونه
    تخيلوا الموقف
    كنت فرحانه بالحمل الا طايره 00 حتى تصوير السونار ملصقته على جدار الغرفه وبخلفيه الجوال وبخلفيه الاب توب
    وبكل مكان بالبيت في صوره للطفل المنتظر
    صرت كل يوم امسك الصور واسولف عليه
    وشريت له هدوم واخترت له اسم
    وانتو تبون تاخذونه مني 00 تبوني اسوي تنظيف
    لاوالله ماني مسويه خلوني اموت وفي بطني طفل ولا اعيش وانا بدون اطفال
    كرهت نفسي وكرهت زوجي وحسيت انه هو السبب
    كله من الأغاني كله منك
    ااااااااااااااه يابنات ااااااااااه شفتوا المس كيف يسوي
    شفتوا كيف
    لاتستهينون به يابنات
    طبعا انا مارضيت اسوي تننظيف وصارت لي حاله تسمم وبغيت اموت وياليتني مت وارتحت
    وبعدين سويت تنظيف والى يومكم هذا وانا احسب واقول 00 لو اني ما اجهضت كان اللحين انا والده
    ووو
    استغفر الله ياربي تعوضني
    والى الأن وانا محتفظه بصوره الطفل وكل يوم ابوسها واحضنها واحضن ملابسه واغراضه
    وابكي وابكي وابكي 00 انا اللي ضيعت نفسي
    حسبي الله ونعم الوكيل 00حسبي الله على من اذاني في جسدي حسبي الله على اذاني في نفسي
    حسبي الله ونعم الوكيل
    فوضت امري الى الله يحكم بيني وبينكم يوم القيامه
    وحسبي الله على كل شخص يرى مايعجبه ولا يذكر اسم الله عليه
    حسبي الله عليه ونعم الوكيل
    حسبي الله على من يحسد الناس ويأذيتهم ويسحرهم
    حسبي الله عليه ونعم الوكيل
    يابنات لاتهملون انفسكم 00 اتركوا الأغاني
    واتركوا التعري 00
    وطيروا على اقرب عطار واشتروا خلطه الرومي
    واستخدموها
    وكسروا اشرطه الاغاني وشغلوا سوره البقره
    حملوا الرقيه الشرعيه على الكمبيوتر واسمعوها يوميا
    يالله يابنات نتعاون مع بعض ونتشارك ونحرق الجن
    سجلوا اسمائكم وخلونا نبدا حمله احرقوهم بالرقيه
    وانا معكم قلب وقالب 00 راح انزل لكم جدول نتبعه بحاذافيره لين الله يشفينامن العين والمس والسحر
    والله الله بالدعاء
    واتركوا عنكم الزواجات تراها الشر بعينه 00ترا الجن يحضرون الزواجات ويقعدون يختارون لهم فريسه ويتربصون لها ويتلبسونها
    انا سامعته بنفسي من وحده نطق على لسانها جني عند المطوع اللي كنت اشتغل معه
    يالله هذا البرنامج
    سوره البقره كاااااااااااااااامله يوميا 00 +كاس ماء وتشربينها
    زيت زيتون تقرين فيه سوره البقره كاااااااامله وتدهنين به جسمك يوميا
    الماء والملح يابنات ياليتكم تعرفون وش يسوي اقلها اقلها يطرد الجن
    اذن كاس ملح خشن +5لتر ماء وتتغسلين به بعد ما تتسبحين يوميا يوميا
    راح تحسين بتعب بس استمري
    يعني تتسبحين عادي بعد ماتخلصين وقبل لاتطلعين من الحمام كبي الماء والملح على جسمك من والى بعدين اجلسي شوي بعدين غسليه واطلعي
    +
    خلطه الرومي مفيده جدا
    +
    الأستغفاااااااااااااار
    الاستغفار
    الأستغفار
    يفتح الأقفال
    ولا تنسون الأذكار يوميا
    ودعواتكم
    دعواتكم يابنات دعواتكم
    على فكره فيه وحده تعرفت عليها بالمنتدى ونصحتها بالرقيه والبرنامج هذا وانتوا بأنفسكم اسألوها وش صار فيها
    انا بقولها تجي تكتب قصتها لكم
    نسيت اقولكم اني مع القرايه كان ينزل من خشمي دم
    دعواتكم يابنات بظهر الغيب دعواتكم بظهر الغيب

    منقولةللفائدة
    والقصةمش صايرةلي هذي قصةحقيقيةحصلت لواحدة((بعيدالشرعني انشاءالله))مرةأقص لهم قصةقاموايدعون لي بالشفاءيظنون الشخصيةأنا
    هذه قصةحقيقيةناقلتهالكم هذه بنت أخرى


  2. #2
    بنوته قموره's صورة
    بنوته قموره غير متواجد النجم الفضي
    تاريخ التسجيل
    Nov 2008
    الموقع
    المملكةالعربيةالسعودية**الأحساء**
    الردود
    1,385
    الجنس
    أنثى
    الله يشفيهاويعافيهاولايبلانا

  3. #3
    مجد الاقصى's صورة
    مجد الاقصى غير متواجد زهرة لا تنسى
    تاريخ التسجيل
    Jan 2009
    الموقع
    بين احبائي في منتدى لك ..........
    الردود
    7,463
    الجنس
    امرأة
    التكريم
    • (القاب)
      • مبدعة ركن الحلويات
      • جوهرة الحنان
      • متألقة ركن المعجنات
    (أوسمة)
    الله يشفيها ويعافيها

  4. #4
    o0o كتكوتة o0o's صورة
    o0o كتكوتة o0o غير متواجد النجم البرونزي
    تاريخ التسجيل
    Dec 2009
    الموقع
    أحلى مكة
    الردود
    719
    الجنس
    أنثى
    الحمدلله ع العافية
    الله يشفي كل مريض و ممسوس و مسحور
    o0o كتكوتة o0o

مواضيع مشابهه

  1. التوكل على الله ......يحفظنا
    بواسطة ليتك تعرف غلاك في ركن التغذية والصحة والرجيم
    الردود: 5
    اخر موضوع: 21-09-2009, 03:44 PM
  2. تعالوا نحاول ننقذ مايمكن انقاذه والله يحفظنا يارب .. لاحول ولا قوة الا بالله ..
    بواسطة المعتزة بالله** في العناية بالشعر وتصفيفة - تسريحات, عروس, قصات, صبغة
    الردود: 13
    اخر موضوع: 15-05-2008, 01:16 AM
  3. أنا لاأحب البرتقال <<<قصةتستحق التمــــــيز>>>
    بواسطة شذا الجوري في الملتقى الحواري
    الردود: 9
    اخر موضوع: 12-05-2007, 08:07 PM
  4. جلطة دماغية...الله يحفظنا
    بواسطة كلمة الطيبة في ركن التغذية والصحة والرجيم
    الردود: 0
    اخر موضوع: 26-11-2006, 01:37 PM
  5. الردود: 13
    اخر موضوع: 22-08-2005, 01:08 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96