خواتي نبي منكم حبايبي مساعدة انسانه عزيزه علي الله يخليكم في مشكله انا وايد محتاره فيها ما ادري شقولها بس رجاءا تحسون المشكله وتعيشونها كانها لا قدر الله مشكلتكم او مشكلة احد ما اهلج لانها وايد تعبانه
هذي المره مو صغيره لها من العمر 40 يعني تعرف تحكم الامور وعندها عيال كبار
متزوجه من 20 سنه وزوجها دايم مشاكل معاها يعني دايما نسمع عنهم متزاعلين ويردون يشك فيها لدرجه جنونيه حتى من الهوا وهي مره مؤمنه ومعروف عنها حرصها على البيت والاطفال وجميله وعدله عمرنا ما سمعنا عنها شي للامانه بس هذا زوجها الله يهديه كانه مريض معاها المهم ما اطول معاكم وصل موضوعهم الحين انه يتهمها انها مع رياييل وطلع كلام ما اقدر اقوله وهي وايد مجروحه بشكل وصارت تصيح تقول ظلمني بالتهمه علي وهذا يعتبر رمي المحصنات الله مو راضي عليه
تقول ما ابيه خلاص لمن هالحد ويتهمني بشرفي وانا مخلصه طول عمري ما عرفت احد وتصيح وايد والله انها تقطع القلب وحلفوه اهله انت شايفها مع احد يقول لا بس ابي احرها
الحين خواتي اهلها يقولولها حاولي تنسين كلامه علشان اليهال واستمري معاه هي تقول لو طلب مني الله الموت او ارجع له ما ارجع له خلاص ما اقدر اعطيه شي ولا اقدر اعيش معاه واليهال ما عليهم شر راح طول عمري اكرس حياتي لهم بلا مشاكل الي مخربه نفسية الاطفال
تبون الصج انه معاها بس ما ابي اقول لها شي استاثم عليه
الحين عطوني رايكم الله يخليكم تقول انا متمسكه براي بس انه غلطانه؟؟؟؟؟

السلام عليكم
اختي معها كل الحق ماذا تمتلك المراة سوى عفتها وشرفها واذا طعنت فيهما وبقيت عنده الكل يصدق ما اتهمها به .
وخاصة انه رجل لا يخاف الله مثل هذا الاتهام يحتاج الى اربعة شهود او لا ينطق به اصلا فكيف وهو يقول اريد ان احرها .يعني غدا الله اعلم ايش يطلع عليها علشان يحرها ..
ما بنصحها تبقى عنده ولا ثانية اللهم الا اذا كانت بتركه لن تجد حياة افضل من تلك .
الاطفال لهم الله الذي لاينسى احدا ...

هذي يبلها رد

بمزاج رايق

مو بسرعه

لي رجعه بإذن الله

تسلمممممممممممممممممين

خواتي زينب وبنت بلدها شاكره لكم نصايحكم مثل ما انا قلت نقس الاحساس انه حرام العيش معاه بس بنت بلدها وينج ما رديتي والباقي دشوا قروا وطلعوا هذي مو وصفه طبيه لازم خبره بس شنو احساسكم معاها ولا ضدها علشان اشوف راي الاغلبيه وياريت السرعه
الحاله عندها كلمالها تدهور وهي مو قادره تصبر وخايفه على اليهال تقول اخاف يتزوج واليهال يضيعون لان الصغار عندها بس الكبار مع ابوهم وقالها انه على طول راح يتزوج
والله الحياه هذي صعبه ولمن يشوف حال الناس يحمد ربه
بس الله يخليكم ردوا علي .....

وبالله نستعين

أختي الغالية ..............
عندي كم سؤال بعدين أقيم لك الحل.............رجاء جاوبي عليهم بسرعه

1- هل زوجها بخيل؟؟؟؟
2- هل زوجها كثير الضرب لها ؟؟؟
3- هلى زوجها قليل كلام الحب لها ؟؟
4- هل زوجها أنسان مو حريص على العيال ؟؟
5- هل هو كثير الخروج من البيت؟؟؟
6- هم ما يشوفونه إلا أخر الليل؟؟
7- أنسان ما عنده غير المغازل ..........ولعب العيال ؟؟؟
8- ما يقدر أهلها ولا يحشمهم؟؟
9- يضرب اعليال كثير بدون سبب؟؟
10 - يتشاجر معها أما العيال ؟؟؟ وبدون سبب؟؟
11- يذمها أمام الناس وهي موجوده ؟؟
12- ما يعطيها مصروفها الخاص ؟؟
13- ما ينفق على البيت بشكل يرضي الله ؟؟


هنا إن شاء الله

أقدر ألقلها حل

تسلممممممممممممممممممممممممين

شوفي حبيبتي بنت بلدها
على حسب خبرتي وعلاقتي معاها لانها من الاهل كانت دايما تشتكي من البخل وما يعطيها ولا فلس يعني هي شايله نفسها بس يصرف على البيت والاشياء المهمه بس الكماليات هي تصرف ولا يعطيها ولا شي حتى العيد تقول انه ما يمد عليها بشي حق ملابسها وغيره وعصبي في البيت اليهال حاسين بجفافه وايد وووووشنو بعد واهلها مو ذاك الزود معاهم بس لانها تصيرله وما شافت منه حنان ولا حب وكبير في السن ولا فيه اي عاطفه لا لها ولا لليهال وهذا كانت كله صابره عليه ولا اشتكت منه او طلبت الطلاق من هالعيوب
وبعد تذكرت عيونه زايغه وايد وقايلها كم مره انه ما يقدر لمن يشوف الحريم ما يتمالك نفسه
حشه عيوب الدنيافيه... علشان جذيه معوره قلبي صبرت عليه وفوق هذا ما قدر النعمه الناس كلها تدري انها خوش مره بس الحظ قاصر معاها
والحين امس قالتلي يصير اعيش معاه بش جذيه بدون علاقه سريريه لاني ما تفبل منه وكرهته وايد كلما اشوفه اتذكر الجروح الي سببلي
بس قتلها ما يصير اصلا حرام قالت اذا هو راضي سئليلي يصير علشان خاطر اليهال
طولت عيج بعد عمري بس تحصلين خير تجاوبيني انا ما عندي خبره كفايه
والبنات 90 وحده دشوا ولا ردوا لله بس نبي رايكم
ناطرتكم

وبالله التوفيق

من ما إتضح لي

أنها أولا:-
أنسانه حكيمه والدليل هو القرار الأخير
بارك الله فيها .................نعم...............جزاها الله كل خير

هكذا النساء ولا بلاش.................
نعم القرار الصحيح

تعود له...............مو علشانه والله لا ..............ولكن العيال ما هو ذنبهم
كم واحد تفرق أمه وأباه................وبعد الكبر أصبح يلوم أمه
نعم....كثير منهم...........يقولول لو صبرتى ......... لو...تحملتي.....

أختي الغالية.............
أصبري ...............كم من أب شرير............شرس.............غير الله من حال إلى حال
فلا بد من الدعاء..................الدعاء سلاح قاطع لشر

قاطع لكل يأس

وثانيا:
تعود لبيتها معززه مكرمه.......................كم من بيت ضاق ذرعا بمن فيه............ولو كان قطعه منهم................والناس يالله تشيل نفسها.............خليها ترجع أحسن...........وعلى قولت المثل........ظل رجال ولا ظل حيط.............

ولكن.........عليها بالهجر(( الفراش))......................لأن الهجر............إصلاح...........للمرأة والرجل.................ولا تكن فضه غليضه معه

ولتكن................لينه .....سهله........حنونه.......لأنها ........ بالأول والآخير ..يرجع عليها وعلى أعيالها بالنفع ........................

وبما أنها صبرة من الأول................فالتكمل الجميل.............لأطفالها حتي الأخير

ولتجعل هذا كله لوجه لله تعالى..................لا تنتظر جزاء...........ولا شكر من مخلوق ضعيف.............نعم.............هو جنتك ونارك...............هو جهادك.............نعم...........

حبيبتي الغالية.......والله ثم والله

القلب يتقطع..............والصوت يتنقطع............والكلامات تتخبط.............ولا يسعني غير قول

اللهم سخر لها زوجها...............
.اللهم سخر لها زوجها................
اللهم سخر لها زوجها................
اللهم سخر لها زوجها................
اللهم سخر لها زوجها................
اللهم سخر لها زوجها................


فعليها بأن تكون حكيمة..............لا تجعل أطفالها يرون شيء...........لا تُقلل من هيبة زوجها عند أولادها..............فالتظهر مزاياه عندهم
حتى ولم يكن له ميزات

لأن هذا كله تجده عند الشباب..............نعم
سوف تجني ما زرعت وزرع
فلتكون أحكم منه وأعقل............
الجيل يتغير ..............
والعقول تتفتح

فالتحاول قسارى جهدها على أن تجعل صورته من أعظم شيء

والله أعرف واحده كان زوجها أقبح من هذا الرجل
ولكن
كان أعظم الرجال عند أولاده
كان سكير نكير فض القلب غليظ اللسان عصاه بيده .............
ولكنها كانت دائما تتعذر له عند أطفالها

كبر الأطفال أصبحوا رجال
والله كل منهم في مركز يحسد علية................وعندما يتحدثوا يقولون
أن والدتنا كانت
(( تتحث عن رجل عظيم............كنا نراه رجل يستحق التكريم..لم نكن نتحطم نفسيا......ولا عقلنيا.......كنا ما نراه ...غير ما نسمع معناه من والدتنا أنه شيء مختلف نهائيا كانت تتعذر له ................))

كلامهم كثير ولكن

النهاية
الأم مدرسة إذا أعددتها أعددت شعبا طيب الأعراق


فعليها أن تصبر وتحتسب
وكل شيء عن الله بقدر

هذا ما أستطيع
ولها الخيار بعد الله تعالى

تسلمممممممممممممممممممممممون

انا رائيي ماتعود با السهل حتئ ما يضن ان لها كرامه ويزيد سواء لو حست انه بيجي اهو ويطلبها يكون افضل وبشروط وان حست انه لين ومايقدر يتخلئ عنها تغلئ اشوي من اجل ان تتعدل حالتها وتشرط انه يعطيها نفقه من حقها ليش ماهي ام اعياله ليش كذا حرام ما يشتري لها ولايعطيها مصروف والله يهديه لها وعليها بدعاء والاستخاره وكثره الاستغفار والتقرب الئ الله فهي العزاء في هذه الدنياء وبتوفيق

اسفه اقصد حتئ مايضن ان مالها كرامه 0

السلام عليكم ورحمة الله وبركاته
صراحة ماأدري وش أقول
إن قعدت أهانة نفسها
وإن راحت تشتتوا العيال
الله يفرج عنها
على العموم قرارها بأنها ترجع قرار حكيم
لكن تحاول تبرد أعصابها مره ولاتهتم بالمشاكل
علشان مايجيها ضغط أو سكر أو أمراض نتيجة سوء الحالة النفسية
لاتهتم باتهامات زوجها وتحاول إنه مايكون بينها وبينه احتكاك كبير
تقرأ القرآن الكريم بكثرة وتضع لنفسها مخطط لحفظه
تتطلع إلى العلم الشرعي وتقرأ في كتب الأحاديث وشروحها
وتصبر وتحتسب
ولاتنسى أن تداوم على صلاة الإستخارة في آخر الليل يوميا تستخير الله في الأفضل لها هل هو بقاؤها في بيتها أم خروجها ولتستمر على هذه الصلاة لشهر أو أكثر فلعل الله يحدث بعد ذلك أمرا يسرها ولتداوم على الإستغفار فإن من لزم الإستغفار جعل الله له من كل هم فرجاً ومن كل ضيقٍ مخرجاً ويرزقه من حيث لايحتسب
وفقها الله لما يحبه ويرضاه
والسلام عليكم ورحمة الله وبركاته