في المدرسه
لطالبات
ابلا شوفي هذي تضربني
ابلا شوفيها سحبت شعري
ابلا شوفي اخذت دفتري
ابلا شوفي دفتني
فجأه تصيح طالبه من اخر الصف
سلامات وش فيه؟؟
ابلا تقول لي كذا وكذا

المعلمه
اوقفي ... وش اسمك؟

الطالبه
اسمي لميس ههههههههههههه وتتميع شويه
الطالبات كلهم ميتين ضحك
تتمالك اعصابها المعلمه
وتسأل مره اخرى
اسمك؟؟
تضحك الطالبه ساخرهـ
نور
المعلمه تصيح وبنظرات غضب
اسمك؟؟
اسمي نوره


في البيت

الام في غرفتها على تلفزيونها
الاب سرحان في سوق الاسهم
البنت
ضربت جميع اخوانها الصغار وسكتتهم
ومتابعه
لميس ويحي
ونور ومهند


جا اخوها الكبير
متابعه ماشاء الله
والله لو باقي اشوفك تتابعين المسلسلات هذي لاضربك
تروح لامها
امي
فلان ويقول
ويقول ويقول
الام
ياحيوان...............
وتطلق لسانها بجميع الالفاظ السوقيه
وتختمها
والله لو تنكد على اختك لانكد عليك

الولد
يروح غرفته
يذاكر
يلعب بلايستيشن
يفتح النت
يطلع مع الاصحاب

البنت
امي ابغى جوال
الام
من عيوني
فلان
من بكره تروح الاتصالات تجيب لاختك شريحه

الولد
امي اختي باقي صغيره
ويبغالها مراقبه
ولازم نسكر القنوات هذي
او نمنعها من انها تشوفها
يا امي تابعيها
اختي مراهقه
ولازم ننتبه لها
البنت بتضيع
والله اني استحي لما احد يسألني اهلك يتابعون سنوات الضياع؟
وش اقول؟
اكذب عليهم؟
والا اقول الصدق؟
يا امي ....

الام
تنكتم
ونصايحك هذي اتركها لنفسك
ما ابغى منك نصايح
انا واثقه في تربيتي
ومو محتاجه احد يعلمني كيف اربي بنتي
بنت فلان وبنت علان معاهم جوالات
مو احسن من بنتي
جيب الشريحه وانت ساكت
والا ودني اطلعها انا بإسمها !!!!!!

7
7
7

تجي البنت اخر السنه ساقطه

امي احس نفسي مليت من الدراسه
من جد مظلومه في هذي المدرسه
يا اما افصل
او تدخلوني خاصه

الام
الله ينكد عليهم
الله يظلم عليهم في قبورهم
ظلموك وعقدوك الله يعقدهم
وتنقل بنتها مدرسه خاصه
7
7
7
اخر السنه للاسف نفس النتايج

امي والله ما ابغى ادرس
المعلمات حاطين دوبهم ودوبي

الام الحنون
الله لا يوفقهم يابنتي
اقعدي لين يجيك ولد الحلال

7
7
7

امي اليوم بأطلع مع صديقاتي الملاهي
خلي فلان يوديني

الولد
امي ماراح اوديها
ماعندنا بنات يطلعون لحالهم
اطلعي معاها اوديكم

الام
حسبي الله عليك
تعقني؟
بتعقد اختك؟
بتحبسها؟
مو كفايه انها محرومه من الدراسه
بتحرمها من انها تشم هواء؟

خلاص
خلاص
باوديها

7
7
7

لاترجع لي
باخلي صديقتي ترجعني

7
7
7

الساعه 3 الفجر
حبيبها مرجعا

طبعا كل اهلها نايمين
7
7
7
وعلى هذا المنوال طول عمرها
وسيرتها على كل لسان


اعزائي
كالعاده اعتذر لاني من جد طولت
بس بصراااحه
هذي تربيت عيال هاليومين
انا بنفسي ايام التربيه العملي دخلت فصل
وكل ما سألت بنت عن اسمها
قالت لميس
اخيرا وبعد مافاض بي الكيل صحت فيهم
وقلت
لميس مو من مستواكم
انتوا اطهر واشرف منها
انتوا ربي عزكم بالاسلام
وكرمكم ببلاد الحرمين
انتوا حافظتوا على جمالكم الرباني
وسترتوه في بيوتكم
اما هي انسانه تافهه وسافله
وكل من فتح التلفزيون شافها
بس انتوا غاليات ومو كل من يقدر يشوفكم

**********************************************

اعزائي
الموضوع حساس
ومنتشر
اتحدى لو ان الاجانب يتابعون مثلنا

حبايبي
يشرفني مروركم
ولكن مايسعدني اكثر
حين ارى تفاعلكم
وردودكم
الهادفه والبناءه

اختكم
الصمت الخجول

اختي بصراحه موضوعك اكثر من رائع

وفي الصميم ~

للأسف أصبحت هذه المسلسلات هي الشغل الشاغل لفتياتنا الا من رحم ربي

ولازال الغزو الفكري وتقليد الغرب .. اقوى سلاح ضد شبابنا وفتياتنا ~

نسأل الله الهدايه للجميع ..

الصمت الخجول جزاكِ الرحمن خير على هذا الطرح ~

لاعدمناكِ

عن جد موضوع أكثر من رائع
جزاكي الله كل خير

والله تصدقين لو قلت إني عملي ماتتبعت هده المسلسلات المدبلجة بكل أنواعها
ربنا يعينا على تربية أولادنا التربية الاسلامية الصحيحة



لكن عندي سؤال:
لمادا دائما التركيزعلى الفتاة
هل الولد هو معصوم من الانزلاق مع موجات العصر
????????????

اشعر ان الموضوووووووووووووع برغم مصداقية الكثير مما ورد الا ان هناك بعض المبالغة

خاصة في اخر نقطة

بناتنا تحتاج الى ثقة مدعومة بالوعي

تحتاج الى ام تعرف اين الخط الاحمر ولا تتعداه


وتربي ابنتها على تجنبه

وليس التحايل عليه


احيانا علينا ان نعترف بتقصيرنا وخطأ اولادنا

حتى يتعلموا ويفهموا



بوركتِ اختي

حبيبتي انا راح اتابع موضوعك بصمت
لان بنتي الله يحفظها لسه صغيره
اللهم اعنـــــــا على تربيتهم تربية صحيحه
لاكن عندي مداخله بسيطه
وهو اين دور الأب فهو راعي ومسؤول عن رعيته!!
لكي ودي

موضوعك روووووووووووووعة

تسلمي الله يستر بنات المسلمين

السلام عليكم
حقا مهمه التربيه صعبه ماهى سهله
ربنا يعينا جميعا يارب
سلمتى اختى الصمت الخجول

موضوع جميل
وهي المسلسلات فعلا اثرت بالبنات كثير وبالاولاد كمان........
الله يرحمنا برحمتة

غاليتي موضوعك عن جد حساس أنا عندي بنتي عمرها خمس سنوات تسألني ماما هذه ليه تطلع مع هذا بالسيارة أخوها ولا زوجها يو ماما شوفي هذه تروح تبوس الرجال هذا أبوها ماما ماتلبس عباية ماما وماما ... المشكلة احنا نعلمهم مبادئ ونتفرج على هالمسلسلات باعجاب والله فعلا مشكلة خطيرة صرت أستحي من حالي أتفرج على هالمسلسلات حتى العربية منها و الأدهى والأمر حتى أفلام الكرتون صارو يتعدو الحدود الله يحمي لنا أبنائنا وبناتنا من كل شر ويهديهم يارب ويعينا على تربيتهم التربية الصالحة السوية