السلام عليكم ورحمه الله وبركاته

ازيكم يا اخواتى عاملين ايه

تقبل الله منا ومنك صالح الطاعات وكل عام وانتم بخير لقدوم شهر رمضان المبارك


كان عندى مشكله صغيره وعايزه اعرف ارائكم

اعمل ايه واتصرف ازاى فيها


البعض عارف انى مكتوب كتابى

وهو عنده شقته بس طبعا لسه مش متوضبه خالص


المهم يعنى المشكله دى بسبب موضوع الشقه وتوضيبها

انا هديلكم فكره عن طباعه الاول

يعنى هو عصبى جدا وخلقى زى ما بيقولوا عندنا فى مصر خلقه ضيق

وبعدين كتوم بدرجه مستفزه الصراحه

يعنى تخيلوا انا وهو مكتوب كتابنا يعنى انا زوجته

عمره ما جه حكالى حاجه مضايقه فى شغله ولا فتحنا موضوع عن مستقبلنا الا وقفله وعمره ما اخد وعطى معايا فى كلام خاص بمستقبلنا وحياتنا


المهم الشهر الى فات سألته بطريقه غير مباشره يعنى هيبتدى يوضب فى الشقه امته وكده لان الايام بتجرى ومش عايزين نتزنق يعنى تكون قبل الفرح بمده جاهزه بحيث نكون على راحتنا

معطنيش عقاد نافع كل رده هو ربنا يسهل
ربنا ييسر الامور
سبيها على الله لسه بدرى


حتى لما اقوله مثلا انا عايزه اعمل فى الشقه كذا
يرد ربنا يسهل
الى انا اعمله ارضى بيه وخلاص

من يومين كنت بقوله عايزه اعمل حاجه معينه فى الشقه لما تتوضب

رد عليه بنفس الكلمات
وفى الاخر قلى الى انا اعمله ارضى بيه


انا بصراحه المرادى مسكتش
رحت قولتله الكلام بكل هدوء ازاى يعنى الى انت تعملع ارضه بيه
هو انا مش هنقى حاجاتى الى هعيش فيها وانا الى هقعد فيها اكبر وقت انت هتكون فى شغلك

وبعدين ده من حقى

رد عليه وقالى هو كل حاجه هتبقى عايزع تنقيها وتقليلى ده من حقى لا انا معنديش كده

بصراحه انا اضيقت وسكت مردتش عليه تانى فى الموضوع ده

حسيت انى مجرد جماد هياخده يعيش معاه زى ما هيشترى كل حاجه لوحده

ووالله يا جماعه معرفش عنه اىىى حاجه

ومش بيرضه يحكيلى حاجه عن نفسه

بمعنى اصح انه عايش مع نفسه زى كأنه مرتبطش بواحده

انا بشوف اصحابى اسرار خطبهم وخلى بالكم من خطابهم يعنى الى بينهم مجرد خطوبه مش اتنين بينهم عقد نكاح شرعى

كل اسرارهم معاهم

وعارفين عنهم كل حاجه

وبيخططوا مستقبلهم مع بعضهم

انا مش عارفه ليه هو كده

مع انه عارف كويس جدا انه عمره ما هيحكيلى حاجه وححكيها لحد وهو واثق من كده

وبصراحه عندى فى البيت قلقنين من انه لسه مبتداش فى الشقه

وماما دايما تقلى انت كده الوقت هيسرقكم

قولتها طيب خلى بابا يكلمه فى الموضوع ده

ماما قالتلى معنى ان بابا يكلمه انه كده هيبينله اننا قلقنين من عدم ابتدائه فيها
وبابا مش هيتكلم فى الموضوع ده الى لما يحس ان ده الوقت المناسب والى فعلا يبقى لازم نتكلم احنا فيه

قلتلى لكن الفتره دى خاصه بيكم المفروض تفكروا هتعملوا فيها ايه وتقرروا كل حاجه


والمشكله انه حتى مش بيدينى الفرصه انى اكلمه لما اجى افاتحه فى اى موضوع خاص بمستقبلنا وخاصه انى الحمد لله بعرف اختار الوقت المناسب جدا انى افاتحه فيه
وجربت كل الطرق المباشر والغير مباشر والجد وبالهزار ومفيش فايده فيه

يصدنى برضه ساعات بربنا يسهل واوقات تانيه يتنرفز ويقولى متوجعليش دماغى بقى

انا اتخنقت والله مش عارفه اتصرف معاه ازاى

انا معرفش عنه اى حاجه ولا بيخطط لمستقبلنا ازاى ولا اى حاجه

ولا بيتكلم معايا فى حاجه


انا زهقت بجد خاصه اننا يعنى الحمد لله بعد كتب الكتاب حصل بينا اولفه وبنحب بعض ما شاء الله لا قوه الا بالله

وهو يعنى مش بخيل خااااالص بالعكس والله يعنى الحمد لله زى اى راجل طبيعى معندهوش نقطه البخل دى


مش عاااااااارفه اعمل ايه ؟؟؟؟؟؟

بالله عليكم ساعدونى

هنتظر ارائكم برك الله فيكم

سلام عليكم ورحمه الله وبركاته

واسفه على الاطاله

انا في راي تكلمي اهلك بكل شيئ تحسي انو مش طبيعي واي شيئ بدك تعرفي عنو لو ما رضى يقول لازم تخلي حد من اهلك يسالك منو
وربنا يوفقك

بصى يانسمه

أنا خطيبى زيه بس مش أوى كده

حاولى تحسسيه إنك قلقانه عليه وبتحبيه من قلبك وبعديها بشويه هيبدأ يفتح معاكى فى الكلام حركه زى لما قالك اللى أنا أعمله أرضى بيه غيرى معاملتك معاه عشان يحس بالفرق ويحاول يرضيكى وممكن وانتم سوا لما يبدأ يلين معاكى بعد موضوع الحنيه والإهتمام والحب اللى من قلبك بجد إتكلمى معاه بدلع وقولى له إنك عايزه تتكلمى معاه شويه أو هاتيه تلقائيا بدون مقدمات دخليها له فى وسط الكلام مش أنا هبقى مراتك حبيبتك طيب ينفع أكون أقرب حد لك ومالناش غير بعض وماعرفش عنك حاجه وعرفيه أن ده لمصلحته إنك تبقى فاهماه وتريحيه ومصلحة حياتكم ومصلحة ولادكم لما تنجحوا سوا فى علاقتكم

وإن ما إستجابش خلى باباكى يتكلم معاه وفى أقرب وقت

وأبقى طمنينا وربنا معاكى

بصراحه يا اختي عدم الحوار مع الزوج مشكله كبيرة جدا هتعاني منها كتير

بالنسبه لامور الشقه مش مشكله خالص لما هو يختار وانت ترضي باللي يجيبه

اكيد انه مش هيجيب حاجه وحشه انا عن نفسي مش مشكله عندي الحاجات دي

لكن كونه لا يتكلم معك في شيء والكلام عنده وجع دماغ هذا شيء صعب وهيتعبك

لي زوج اختي كده لكن لانه جاهل ومش متعلم وهي متعلمة ووالله بتعاني منه جدا

لانه ايضا مش بيتكلم ف اي حاجه زي زوجك بالضبط ولا بيشارك في تربية عيال

ولا اي حاجه ولما تحاول تتكلم معاه في اي حاجه تخص حياتهم او عيالهم يقول لها بلاش وجع دماغ انا بحكي لك عشان اقولك ان اختي اعصابها تعبت جدا بسبب كده وعانت كتير

انت هتحسي انك عايشه لوحدك بعد الزواج حياه جافه فهميه لاهمية الحوار وانه لازم يحكي لك عشان انت تحكيله وتشعري انكم قريبين من بعض عرفيه انك زعلانه ف نفسك جدا وانه لازم يحس بيك ولازم تحكوا مع بعض وحاولوا تسالوا عليه كويس واعملي استخارة تاني

الحياه الزوجيه مش حب وجنس وبس في حاجات كتير ممكن تقضي على الحب بل ان الحوار والتفاهم والاحترتم اهم من الحب للحياه المستقرة وكم من ازواج قضوا على الحب في قلوب زوجاتهم بسبب رعونتهم وتصرفاتهم

خلي ابوك يكلمه ولا يتحرج لكي تحددوا موعد الزواج متي ولا يكون مفتوح لعدة سنوات

وضعي في اعتبارك صعوبة تكاليف المباني وانه ممكن لا يكون معه فلوس يخلص بسرعه

واكيد انه يتمني انه يخلص بسرعه ويتزوج

لا تسكتي على ما يضايقك منه وحاولي تاني وتالت تفهميه ان طبعه هذا يضايقك

وانه يحاول يغير من نفسه من اجل سعادتكم ولا تتكلمي معه في اختيار العفش وامور الشقه

طالما لا يرغب في ذلك ولا تزعلي من هذا الامر اهم حاجه يكون بينكم حوار وتوافق في الطباع بقدر المستطاع

مش هقدر اقولك غير ربنا معاكي
بس مدام انتى شايفاة كدة لية كتبتي الكتاب وانتى شايفة اد دة عيب مش هتقدري تستحملية

عارفة لية؟
عشان اكيييييييد شايفة مميزات ياما مخلية العيب دة صغير وكنتي فاكراة هيتغير بعد كتب الكتاب
بس هقولك

هو خايف يا اختى
قلقان
مش منك لا
خايف من الجواز والمسؤلية والطلبات وهات هات هات
وهو خايف تكوني من الستات الى بتطلب ياما مع انك ممكن تكوني مش مبينالة حاجة من دي خالص
بس هو خايف يطاوعك تتعودي على كدة
ممكن تكون والدتة كدة او حد قريب منة كدة وهو مش عايز الوضع دة
وممكن يكون خايف انك تتسلطي علية وبيدبحلك القطة زي ما بيقولوا عندنا

بس الكلام والالحاح والزعيق والقمص فى الحالة دي مش هيجيب نتيجة
بلعكس بقى هيزود الطين بلة
انتي حاولي توصلي لاحاسيسة

يعني مثلا يكون مرة زعلان تقوليلة انا حاسة بيك اوي النهردة وتسكتي متساليهوش
مرة يكون مبسوط تقوليلة انا حساك طاير كدة
هيحس انك اكتر حد بيفهمة وهيرتاح للكلام معاكي ولوحدة هيقولك

واكبر غلط تعملية انك تسالية وتلحي علية

جربي وابقى طمنينا

الحوار اهم شي مشان الحياة الزوجية تستمر بسعادة
أنصحك حتى لو عصب فهميه انه في حوار للزم يكون بينكم وكل شي مشترك بينكم
انتوا بقيتم واحد و
من هالحكي اللي تحاوري فيه وبنفس الوقت تحسسيه
بقيمت
وانكم خلاص حتتزوجوا حتصيروا شخص واحد
كل شي مشترك بينكم
حتى كاسة المي

لماذا كتبت كتابك عليه قبل أن تعرفوه جيدا .. سامحك الله ..

بقولك الله يعينك
وما تتسرعي بالزواج بالعكس سيبية يوضب الشقة على مهله عشان توخذي وقتك
وتفكري كويس بالخطبة ويكون امامك وقت اطول للتقرب منه وفهم شخصيتة اكثر
فترة الخطوبة بتكون اصلا فترة تعارف والمفروض يكون بالفترة هذة بيحب الكلام معك والحديث معك0000
اختي فكري وادرسي شخصيتة منيح لانة هذا زواج مش لعبة
والله يوفقك يا رب

ربنا يساعدك ويقدملك اللي فيه الخير وانا مش مع البنات اللي قالوا انه حد من اهلك يساله لانه بكره لما تتزوجوا راح تخلي كمان حد من اهلك يسالوا متى راح تسكنو في بيت العمر متى راح تفسح زوجتك متى راح تشتري حاجيات البيت بجد مشكلة عويصه ربي يكون بعونك

كتبت بواسطة باحثه عن الحب

لماذا كتبت كتابك عليه قبل أن تعرفوه جيدا .. سامحك الله ..

لا يا اختى انا مكتبتش كتابى عليه قبل ما اعرفه

بالعكس احنا سألنا عليه وعارفينه كويس جدا جدا

وهو بصراحه شخص رااااااااائع بس دى النقطه الى مضايقانى فيه
وده لان طبعه انطوائى شويه
ومش بيحب يحكى حاجه الا لما تحصل فعلا وده بيضيقنى بكون عايزه اعرف قبل ما الحاجه دى تحصل

.................................................. .................................................. .........................

الاخوات الى ردوا عليه وقدمولى اقتراحات جزاكم الله خيرا

وربنا يبارك فيكم
والله كل يوم بثبتولى انكم اخواتى بجد

نفع الله بكم الاسلام