السلام عليكم و رحمة الله وبركاته

اخواتي فى الله ساعدونى انا حائرة جدا كتب كتابى قرب ولم احدد مكان انعقاده ياريت تشاركوني برأيكم فخطيبي يعرض علي ان اكتبه بمسجد السيدة نفيسة و انا بصراحة محضرتش كتب كتاب قبل كدة هناك فما رأيكم ياريت اللى كتبت كتابها هناك او حتي حضرت كتب كتاب هناك تقولى و انا اخواتي عملوا كتب كتبهم فى قاعة مسجد الازهر الشريف وفي مسجد الشرطة بصراحة الاتنين حلوين جدا بس انا حابة اكون في مكان مختلف عنهم شوية يلا يا بنات مستنيه رأيكم افيدوني .
وكمان ياريت تقولولى اكتب كتابى في يوم لوحده قبل الزواج ولا افضل انه يكون فى يوم الزواج اللى ان شاء الله هيكون بعد عيد الفطر المبارك
شاركونى بتجاربكم وكمان افكركم لهذا اليوم ربنا يجعله مباركاً بأذنه . و شكرا

ربنا يتمم لك الخير
انا كتبت الكتاب رسمي في البيت قبل الزواج بيوم وكان اقارب محدودين جدا اما (الاشهار )كان في قاعة الفرح بمعنى ان اعاده صياغه صيغة العقد مره ثانيه امام الناس وكانت فكره جميله جدا انه امام المعازيم كلهم يقعد العريس والوكيل والشيخ او رجل كبير وتقال الصيغه مره اخرى

ليه مش عايزه تكتبي كتابك فى مسجد الشررطه حلو اوى واحلى من المشيخه كمان فيه نظام اكتر

ربنا يتمم لك الخير

رب يتمم لك الخير

ربنا يتمملك على خير

فعلا مسجد الشرطة منظم كتييييييييييييير و احلى من المشيخة بكتير انا كمان كتبت كتابى هناك و من فترة طويلة حضرت كتب كتاب في السيده نفيسة مكنش حلو خاااااااااااااااااااااااااااااااااالص خاااااااااااااااااالص ربنا يتملك على خير يارب

كتبت فى مشيخه الازهر فى يوم يسبق الزواج ب اربع ايام لم انفضل اطلاقا ان اكتبه فى نفس اليوم حبيت احس انى مراته فعلا قبل الزواج لان الايام الخيره القليله قبل الزفاف باربع ايام كنا نذهب وحدنا للشقه نظطر لذلك لاتمام بعض الاغراض فى الشقه ولم يكن اح
د من اهلى فاضى خالص فى الفتره دى عشان يفضل رايح جاى معانه للشقه فا ارتحت كتير انى كتبت الكتاب عشان انا وهو ندخل ونطلع شقتنا براحتنا مش براحتنا قوى خخخخخخخخخ بس يدوب نحط وتوضب حجاتنا بدون مايكون ده حرام او حد يقول كلمه
وكتب الكتاب فى المشيخه كان كويس جدا بس عليكى الالتزام بالميعاد اللى بتاخديه منهم وشكرا ومبروك مقدما

الله يتمم بالخير

مبروك مقدما يا احلى عروسه
انا كتبته فى مشيخه الازهر وكانت القاعه جميله

بس كان نفسى اكتبه فى مسجد الشرطه لانه خطييييييير
بصراحه الاتنين حلوين

انا افض القاعات لان احيانا تكون بين الحاضرات من لا تستطيع دخول المسجد بسبب الظروف الشهريه وبتكون فضيحه وخاصه لو من اهلك المقربين
واحدة قريبتى كانت هى العروسه وحصل معاها كدة وجلست هى واللى زيها فى غرفه خارج المسجد ثم دخلت لدقائق وخرجت