أروح أو ما أروح ........ تلك هي المشكلة
قصتي هي انه بنت اخو زوجي " بنت سلفي " تزوجت جديد .... عقبال عند بناتكم
ابو هذي البنت عمره ما حكى معي " رغم انه اخو زوجي " وما بحب بناتي وحتى لما تزوجت ما باركلي وصار عندي كتير مناسبات وما دخل بيتي رغم اني كنت منيحة كتير معهم وكنت اروحلهم بالمناسبات وآخد هدايا كمان
تزوجت وولدت 3 مرات وعملت عملية وسافرت 12 مرة وما زاروني ..... هلأ حماي مجنني : روحوا عالبنت ، روحوا عالبنت
وأنا محتارة ... أروح أو لأ
والله يا أخوات اني ماقصرت معهم حتى في يوم بنته أجت طلبت مني مصاري وأعطيتها وما رجعتهم
وأبوها أخد من زوجي 500 شيكل = 500 ريال وما رجعهم
وانا وزوجي ما طلبنا الفلوس
المشكلة انه ابوها مش مقدر ......... يعني مرات بتأخر عند حماي وبكون هو موجود وسيارته معه وطبعا انا ما عندي سيارة وما بكلف خاطره يوصلني
ومش مستعد يلعب وحدة من بناتي أو يحكس معها ولما يشتري شي لابنه ما بشتري بنتي معه
زوجي طيب وبشتري للكل وبحكيلي يعمل بأصلي
طيب انا محتارة دلوني....مواقف ابوها كتيرة وكلها غلط

la trouhi ahsenlk

اهلا اختي
موقفك صعب وبعز على نفسك انك تروحي بعد كل التجاهل هادا

واكيد حتكوني في صراع مع نفسك انو حابة تكوني كويسة واحسن منهم وتروحي


بس نفسك البشرية حتقلك لا ليش اروح بعد كل الي عملوه؟؟؟

ويمكن معك حق

لكن لو حتحسبيها من ناحية دينية و تفكري برضا رب العالمين

حتلاقي انو ثوابها كتير عند الله

وحتكون صلة رحم وصلة الرحم تطيل العمر وتجلب الرزق بإذن الله

وتزكري حديث الرسول عليه الصلاة والسلام

(ليس الواصل بالمكافئ ولكن الواصل الذي إذا قطعت رحمه وصلها)

يعني صلة الرحم تعني انو الي قطعك تروحي توصليه

اصلا كلمة صلة لوحدها شو بتعني

لما تقولي بدي اوصل طرف الحبل بالطرف الاخر مش لانو مقطوعين عن بعض
ولو كان الحبل هادا حبل واحد ومانقطع بحتاج وصل اكيد لا

حاولي تاخديها صلة رحم و من باب مقابلة الاساءة بالاحسان

وقتها هوة حيخجل ويحس بالزنب وانك احسن منهم ولو مابين مستحيل هالاحساس مايتولد داخلو

بس اختي هوة مافي سبب للقطيعة هاي؟

وكيف كانت علاقتك مع سلفتك و بنته الي تزوجت

لانو لو هما كويسين مالهم زنب تقاطعيهم عشان ابوهم

نانا فلسطين متل ما قال زوجك كل واحد بعمل بأصلو وال 500 شيكل بالناقص منهم الله بعوضكم ولا تسوى هيك مشان اخو زوجك ولا مشان بنتو سوى هيك لترضى الله وعمك ويا ستى اجرك على الله وهى زيارة والسلام ولا تطولى اقعدى شى ساعة ورفع عتب وانتى كدا بتكونى سويتى الى عليكى والله يوفقك ويحفظلك زوجك واولادك

انا لو كنت محلك ما بروح بدو جوزك يروح خليه يروح مع اهله و ازا صار نقاش احكي لعمك انو في مناسبات كتير صارت عندك و ما اجا خلينا مره ما نعمل الواجب معه

كتبت بواسطة toma2

انا لو كنت محلك ما بروح بدو جوزك يروح خليه يروح مع اهله و ازا صار نقاش احكي لعمك انو في مناسبات كتير صارت عندك و ما اجا خلينا مره ما نعمل الواجب معه

بدك الصراحة أنا من رأيك لانه الشاعر قال : اذا انت اكرمت الكريم ملكته واذا انت اكرمت اللئيم تمردا
وأنا والله الشاهد اني ما قصرت معهم وحاولت اكون احسن منهم بس هم ما بقدروا
وعشان هيك انا بتحز ببالي
يعني مثلا يوم عرس بنته وصل مرة اخوه بالسيارة وانا ما حكالي تعالي اوصلك وروحت بتكسي .... يعني هي مرة اخوه هداك احسن مني؟؟؟

روحي لتكسب الاجر عالاقل

وبعدسين البنت المتزوجة تفتخر بزيارات اهلها عليها

كتبت بواسطة E_M_A

نانا فلسطين متل ما قال زوجك كل واحد بعمل بأصلو وال 500 شيكل بالناقص منهم الله بعوضكم ولا تسوى هيك مشان اخو زوجك ولا مشان بنتو سوى هيك لترضى الله وعمك ويا ستى اجرك على الله وهى زيارة والسلام ولا تطولى اقعدى شى ساعة ورفع عتب وانتى كدا بتكونى سويتى الى عليكى والله يوفقك ويحفظلك زوجك واولادك

والله العظيم قبل فترة رحت عندهم لانه بنته عملت عملية واخدت للبنت هدية بس انا ولدت قبل اربع شهور وامها ما كلفت خاطرها تقلي الحمد لله عالسلامة
انا حابة اني اروح كرمال البنت بس بجد انا انجرحت اكتر من مرة من ابوها
يعني اذا انا رحت على بيتهم وابوها شافني ما برد السلام
والله العظيم اني لحد هاللحظة مش عارفة اخد قرار

كتبت بواسطة سوسو1983

اهلا اختي
موقفك صعب وبعز على نفسك انك تروحي بعد كل التجاهل هادا

واكيد حتكوني في صراع مع نفسك انو حابة تكوني كويسة واحسن منهم وتروحي


بس نفسك البشرية حتقلك لا ليش اروح بعد كل الي عملوه؟؟؟

ويمكن معك حق

لكن لو حتحسبيها من ناحية دينية و تفكري برضا رب العالمين

حتلاقي انو ثوابها كتير عند الله

وحتكون صلة رحم وصلة الرحم تطيل العمر وتجلب الرزق بإذن الله

وتزكري حديث الرسول عليه الصلاة والسلام

(ليس الواصل بالمكافئ ولكن الواصل الذي إذا قطعت رحمه وصلها)

يعني صلة الرحم تعني انو الي قطعك تروحي توصليه

اصلا كلمة صلة لوحدها شو بتعني

لما تقولي بدي اوصل طرف الحبل بالطرف الاخر مش لانو مقطوعين عن بعض
ولو كان الحبل هادا حبل واحد ومانقطع بحتاج وصل اكيد لا

حاولي تاخديها صلة رحم و من باب مقابلة الاساءة بالاحسان

وقتها هوة حيخجل ويحس بالزنب وانك احسن منهم ولو مابين مستحيل هالاحساس مايتولد داخلو

بس اختي هوة مافي سبب للقطيعة هاي؟

وكيف كانت علاقتك مع سلفتك و بنته الي تزوجت

لانو لو هما كويسين مالهم زنب تقاطعيهم عشان ابوهم

علاقتي مع البنت وامها سطحية
ما بتزكر ولا مرة صارت عندي مناسبة وامها اجت عندي
ما في سبب للقطيعة الا انه ابو البنت جدا لئيم .... وعلى فكرة حتى خواته زعلانات منه ... واله 4 اخوة غير زوجي ولا واحد لحد الآن زار البنت
يعني بالعربي ما بتزكرونا الا عند لمصالح
والله انا ما بحب القطيعة بس ابوها الله يسامحه التعامل معه كتير صعب

اختي العزيزة نانا فلسطين
اهلا و سهلا بك

اختي اذهبي طبعا و جاملي البنت
هي ليس لها اي ذنب في تصرفات والدها
عدا عن ذلك يجب ان تذهبي و الا سيقع اللوم عليك
احتسبي زيارتك لوجه الله
خاصة ان ما حصل و يحصل بينك و بين سلفك
امور حتى لو كانت مزعجة الا انها بسيطة و لا تستحق المقاطعة
اعملي بأصلك مثل ما قال زوجك وجامليهم
و ربما تكون مبادرتك هذه
وسلية او سبب في اصلاح الامور
و حتى لو لم يرحبوا بك
عاملي الناس باخلاقك انت و ليس اخلاقهم هم

مبارك على بنت سلفك
ان شاء الله تتوفق و تسعد بحياتها الجديدة
و اتمنى لك كل التوفيق