يا اخواتي الفضليات
مش عارفة انا محتارة للغاية وحزينة جدا ومش عارفة اوصل لقرار
كرامت زوجي ولا كرامت اهلي وكرامتي
باختصار زوجي في مزايا وعيوب
هو صادق مبيكدبش ممكن يخبي لكن لو اتسال ميكدبش
كريم مش بخيل جدع جدا مع الانسان الكويس
بس عقلة صغير جدا جدا سعات كتيير بيتطاول علية وانا مبحبش كدة كا انتي غبية بينتخانق كتيير جدا وانا للاسف بقالي 5 شهور جواز
بعد الفرح حصلت مشاكل بينة وبين اهلنا لاننا قرايب وخنقات فظيعة بينة وبين عمامنا وبما ان والدي عمة فا كان واخد من الحب جانب طبعا بدون قصد بس المشاكل الي بينة وبين بابا انا بضغط علية فيها جامد بس هي للاسف بيتتطور وهاتيطور كمان الفترة الي جية عشان هايدخلو في ميراثات والدنيا هاتولع وجوزي اكيد هايزعل من بابا اكتر وهيتاجهلة اكتر واكتر وهايقطعة خالص
بس يا جماعة سعات تصرفات بابا تخلي الواحد يشد شعرة بس بقولة بابايا مش هاتبرء منة ولو مش عاجبك رجعني لية
الدنيا مولعة جدا منهم ومامت جوزي هي الي مقوياة وشحناة علي عمامة وعماتة وهو واخد موقف رهيب ومش معني الكلام انهم كويسين لا هما مقصرين جدا وعماتي كلهم محراك شر ومش بيجي من وراهم غير المشاكل وعمامي بيعملو منظرة قدام الناس دا لو عملو بس انا خايفة من قطيعة الرحم وهو مش موافق خالص بيقول هما اصل مفيش ود من ناحيتهم اصلا وهما مقاطعين بعض دلوقتي خالص وللاسف مفيش حد عاقل يقعد يحل كلهم اغبية التصرفات
هو كل شوية يقولي انتي مش معايا انتي مش واقفة جانبي وهو دة الي مبوظ العلاقات بينا بيتخلي الناس كلها تهني وتستابحني وخناقات
انا حاسة اني هاخسر حد فيهم اخسر مين فيهم
والحياة مع جوزي حزينة ومع بابا حزينة اكتر لان والدي وانا بقولها وانا في غاية الحزن مش حكيم بالمرة وضيع حقنا في حجات كتييير وبيضغط علية انا واخواتي بعصبيتة والمخ الترباس علي الغلط وعدم التفاهم وللاسف فاكر انة احسن اب في الدنيا ومبيغلطش
وانا بقف لجوزي لما بحس انة تطاول واقولة مش عجبك راجعني لبابا بس مش عارفةاعمل اة انا حاسة اني مظلومة من الطرفين بابا غلط وجوزي عندة حق بعض الشي بس بردة غلط لان مكنش في حسني
اعمل اة
اخسر مين فيهم لو حققت الايام نبواتتي الطرفين وقفو لبعض والدي وجوزي وللاسف والدي العم وجوزي ابن اخوة والاتنين مش حكمة وعقلهم صفر
ارجوكم دلوني
الروابط المفضلة