السلام عليكم و الرحمة....
أخواتي العزيزات ...
أبدأ موضوعي بسؤال يمكن يكون راودكم ... وهو وين نصائح الأزواج (الرجال )؟؟؟؟؟
دائما نسمع او نقرأ عن النصائح اللي بصالح الرجل و دائما يطلعوان الخطأ من المراة ..
اسمعي كلام زوجي لا تعارضينه لا تقولين له اف .. لا و المشكلة انهم يستعينون بالأحاديث و الآيات اللي في صالحهم ..
النساء و الله انهم مساكين .. كل مظلومات . أصلا الرجل لازم إن المرأة كائن رقيق و رومانسي و حساس جدا و اشبه بالزجاج لو انكسر ما يتصلح ممكن نقدر نركبه لكن الشروخ بتظل باقية .. و كما قال الرسول (ص) : رفقا بالقوارير ....
ليش الرجل ما يفكر إلا بحاله و رغباته ( مااقصد كل الرجال ) ... يطلع و يسهر و يشوف ربعه و اصدقائه .. و يكشخ و على الموضة و يتعطر وأخ على العط......زر لو طلع من البيت تظل الريحة باقية ... .. و يسير الكوفيات و السينمات و الأعراس و كل مكان في خاطره و يوصل نص الشهر إلا المعاش طار...
و النقيض من هذا كله .. ما يبي زوجته تكشخ و لا تلبس حالها حال البنات اللي في سنه ... يبيها صورة مصغرة من أمه (أو جدته بالأحرى ) لأن الأمهات هذي الأيام كاشخات ..ما يبغيها تتعدل ولا تتمكيج في البيت بس..و يبيها محتشمه من راسه إلى صبع قدمها و ما يبين منها إلا عيونها ...و يوم تمشي معاه و الله كأنها أمه مب زوجته و الله و تلاقونها هي صغيرة في العمر في العشرين...
و يوقفها عند الحد اللي يبى من التعليم و يحدد لها حتى مواعيدها .. ما يباها اجتماعية لا تزور صديقة و لا أهلها و تتفق مع حد إلا و كسر كلامها ...و ما يطلعها و لا يوديها أماكن يرفه عن نفسها ..السينما اللي يسيرها ممنوعه عليها أعراس الأهل و الصديقات ممنوعة ..المراكز التجارية ممنوعة و المهرجانات ممنوعة .. بس مصرحة له بنفسه ..ولو قالتله حاجة .. يضيع كل اللي سوته.. و يعصب عليها ..و يتطنز ..
و الله الحرمة مل البركان يظل كاتم غضبه ويغلي و يغلي لين ما ينفجر .. و آه لو انفجر و بينهم أولاد.. و بعد هذا كله يقول أنا ما اباج انتي ما تهتمين بحالج و إلا فيني .. طاعي شيفتك ( وهي كانت في يوم من الأيام أحلى وحده في نظره و نظر الجيميع).. أنا خلاص لقيت لي بنت الحلال ..
والله أنا ما أحب الرجل اللي ينزل دموع المرأة .. أنا و الله أقول لكل الأزواج اعدلوا و اصلحوا حالكم مع بنات الناس علشان ينصلح الحال مع أخواتهم ويا أزواجهم ترى الدنيا دواره ...
كل النصايح للمرأة لكن ويــــــــن نصايح الرجل الاناني اللي ما يسمع لا زوجة و أمه و لا حد من العايلة؟؟؟؟؟؟؟؟؟؟؟؟؟؟؟؟؟؟؟؟؟ ...
وشو رايكم يا جماعة ...
الروابط المفضلة