السلام عليكم ورحمة الله وبركاته
انا كنت عايزة اخد أيكم في موضوع كنت بفكر فيه من فترة باعتباركم نعم الاخوات الفضليات ربات البيوت
انا مصرية عايشة في جدة في حي العزيزية وخريجة كية اداب قسم وثائق ومكتبات ومعايا طفلة عمرها 9 شهور
انا كنت بفكر في اني اشتغل فكرت اني اقدم سي في بتاعتي في المدارس الي حواليا على اني اشتغل مدرسة عربي او مدرسة مكتبة مش عارفة هنا في حاجة اسمها مدرسة مكتبة زي مصر ولا ايه النظام وكنت عرفت ان بيكون في زي دادا في المدرسة بتاخد بالها من الطفلة مقابل مبلغ كل شهر
لكن انا الي شاغل بالي ان خايفة ماعرفش ادرس او ماعرفش انظم الدنيا يعني من دروس وتحضير من الاخر خايفة اني ماعرفش ادرس واكون لخمة وابوظ الدنيا او ماعرفش اتأقلم واركز بين البيت والشغل لكن ارجع واقول ان هنا المدارس بتخلص بدري وانا كدة كدة بعمل اكلي من باليلوان شاء الله تتظبط طيب وهل العائد يستاهل وهل سهل اني الاقي فرصة بسهولة بصراحة مش عايزة اضيع الوقت هباءا وحابة اني استفيد منه بدل ما كمان شوية ااقعد اقول ياريتني كنت اشتغلت من زمان
بجد محتارة ياريت لو حد يفيدني برأيه او خبرته في مجال التدريس هنا
كنت سمعت حتى اني ممكن ادي دروس وانا في البيت لكن للأسف انا علاقاتي هنا محدودة وفي نفس الوقت مش عارفة المناهج هنا نظامها ايههاعرف ادرسها ولا لا
ياريت تفيدوني ربنا يجازيكو عني كل خير يارب وانا عارفة انك مش هاتخذلوني
الروابط المفضلة