انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 9 من 9

الموضوع: مرة حسيتى بالغربة فى بلدك ووسط اهلك؟مشكلة شخصية

  1. #1
    تاريخ التسجيل
    Apr 2007
    الموقع
    مصر
    الردود
    4,337
    الجنس
    أنثى

    مرة حسيتى بالغربة فى بلدك ووسط اهلك؟مشكلة شخصية

    السلام عليكم ورحمة اللة وبركاتة
    محدش يستغرب من السؤال اوى
    لانى بصراحة فى مرات كتير بحس الاحساس دة
    مش عارفة اية السبب
    بس مع ان الحمد لله ربنا يباركلى فى جوزى واولادى واهلى بس كتير اوى بحس الاحساس دة واحس انى فاجاة لوحدى ولو انا فى غربة كانت هتبقى ارحم لانى بعيدة بس الغريب انى فى بلدى وسط اهلى وحاسة الاحساس دة اوى
    محدش يستغرب اعتبرونى بفضفض او متديقة شوية
    ساعات من كتر المواقف اللى بتصدمنى مش ببقى عايزة اعرف حد او اتكلم مع حد حتى فى الوقت اللى ببقى فى اشد الحاجة لانسانة تكون جامبى
    ببعد لانى بخاف من المشاكل وان الناس كلها مبيجيبوش لبعض غير المشاكل انا مش بتكلم من فراغ اكيد مواقف كتير اوى حصلت لى خلتنى مثقش فى حد ابدا كل الناس عندى شبة بعض بحاول افكر غير كدة بس كل ما اتغير و كل ما احاول اتعامل بيطبعتى مع الناس الاقى صدمة تفوقنى وتخلينى ابعد وابقى لوحدى تانى ومش عايزة اعرف حد تانى انا متاكدة ان الانسان لازم لغاية ما يموت هيتعلم بس المشكلة ان المواقف دية بتعملى عقدة وتخلينا ابقى مش عايزة اتعامل بطبيعتى ولازم ابقى حازرة جداااا زيادة
    للدرجة ادى الدنيا بقت كدة
    عينى فى وسط راسى
    ولا الطيب فى الدنيا ملوش مكان
    هى دية بقى الغربة من وجه نظرى
    ولا حد شايف حاجة تانى يقولى ويساعدنى انى اتغير


  2. #2
    تاريخ التسجيل
    Nov 2006
    الموقع
    دمشقيه تعيش في USA far far away
    الردود
    2,047
    الجنس
    امرأة
    انا معاكي 100 بالميه...
    الناس اتغيرو وما صار في محبه بين الناس الشاطر الي بدو ينهش بلحم التاني يا لطيف..والغيرة عاميه عيون الناس...الله يجيرنا بس

  3. #3
    تاريخ التسجيل
    Apr 2007
    الموقع
    مصر
    الردود
    4,337
    الجنس
    أنثى
    حبيبتى اكيد مش هتصدقى مع ان كلامك مؤشر خطر بس ريحتينى ان مش انا بس اللى حاسة كدة
    ربنا يعينا على الحياة دية خايفة على اولادى اوىى من الدنيا دية عليهم
    ربنا يحرسهم من الحقد والحسد

  4. #4
    تاريخ التسجيل
    May 2008
    الموقع
    في بلد الفراعنه المزدحمه أعيش وحدتي وغربتي
    الردود
    5,544
    الجنس
    أنثى
    التكريم
    • (القاب)
      • محررة بمجلة انا ورحلة الامومة
      • مبدعة صيفنا إبداع1431هـ
      • المثقفة الماهرة
      • متميزة صيف 1430هـ
    (أوسمة)
    معاك حق
    انا كتير بيحصل معايا كده للاسف جوزي دايما بيقلي ان مفيش فالزمن ده حسن نيه
    وان ده هبل وعبط دايما بيقلي ان الطيبه الزايده الي انا فيها بتخلي الناس توقعني فالغلط
    وكل معامل الناس بطبيعتي
    تجيلي مشاكل ملهاش حد
    وانا مبقتش عارفه اعمل ايه

    لكن برجع واقول اعمل خير وارمي فالبحر واكيد مش كل الناس كده
    لازم يبقى في حد عادي لابيشيل ولابيستنى كلمه علشان يحورها ويفهمها بطريقته ويعمل منها مشكله
    زي الي بيصطاد

    يارب عفوك



    .

  5. #5
    تاريخ التسجيل
    Apr 2007
    الموقع
    مصر
    الردود
    4,337
    الجنس
    أنثى
    عارفة دايما جوزى يقولى كدة ومؤخرا اكتشفت انة صح وان لما مش بسمع كلامة واعمل خير وارمية البحر باخد صدمات مع انن انا اللى مصممة انى اعمل الخير دة فلما بلاقية شر دة بيخلينى اقدم على الخطوة دية بس حقيقى الواحد مش عارف يعمل اية بالظبط
    ربنا يستر
    شكرا على مشاركتك حبيبتى

  6. #6
    تاريخ التسجيل
    Feb 2008
    الموقع
    In My Lover Heart
    الردود
    3,453
    الجنس
    امرأة
    التكريم
    (أوسمة)
    حبيبتى ام ملك
    تسلمى كتير
    انا دوما اقول ان الغربه مش غربه المكان لا
    الغربه هى انك تحس انك لوحدك ولو كل الناس حواليك

    ياااااااااه احساس صعب جدا الحمد لله
    لكن اقولك عمر اللى بيعمل خير مهيبطل لان طبعه كده وكون ان الناس بتستغله ده عمره ما هيخليه يغير من طريقته ونهجه

    الحل مش ان الطيبين يبطلوا طيبه

    الحل اننا نعمل كل شئ لله ومنستناش شكر او رد من حد هنبطل نزعل ونتوجع ونتغرب واحنا بين اهلنا

    تقبلى مرورى
    سبحــان الله وبحمده***سبحــان الله العظيم**
    ولادتى كمان اسبوع فتحملونى شويه




  7. #7
    تاريخ التسجيل
    May 2006
    الموقع
    القاهرة
    الردود
    1,718
    الجنس
    أنثى
    كلامك با لولو انت وام الحلوين كانه عليا بالظبط وكلام جوزي نفس كلام ازواجكم
    دايما باقى عاوزة اثبتله ان الدنيا بخير ويتثبتلي انا العكس ان النفوس بقت وحشة قوي ربنا يعافينا ويعفو عنا
    انا لدرجة ما بقاليش صحاب والاقارب ماعدا ماما وبابا واخواتي بخاف منهم ومش بشوفهمولا بحب اشوفهم غير في المناسبات
    فيه دعاء حلو للحالات دي
    اللهم اكفنيهم بما شئت وكيف شئت اللهم اجعل كيدهم في نحورهم

  8. #8
    تاريخ التسجيل
    Apr 2007
    الموقع
    مصر
    الردود
    4,337
    الجنس
    أنثى
    تعقيب كتبت بواسطة Nonatmohra عرض الرد
    حبيبتى ام ملك
    تسلمى كتير
    انا دوما اقول ان الغربه مش غربه المكان لا
    الغربه هى انك تحس انك لوحدك ولو كل الناس حواليك

    ياااااااااه احساس صعب جدا الحمد لله
    لكن اقولك عمر اللى بيعمل خير مهيبطل لان طبعه كده وكون ان الناس بتستغله ده عمره ما هيخليه يغير من طريقته ونهجه

    الحل مش ان الطيبين يبطلوا طيبه

    الحل اننا نعمل كل شئ لله ومنستناش شكر او رد من حد هنبطل نزعل ونتوجع ونتغرب واحنا بين اهلنا

    تقبلى مرورى
    حبيبتى ام يوسف طبعا مرورك
    نورنى وكلامك جميل جدااا
    وعندك حق لانى كل ما اجى اغير نفسى الطيبة تغلب على الحزر وان بتعامل بالعاطفة
    انا عمرى ما فكرت استنى شكرا من معروف عملتة
    المشكلة ان اللى بتعملى معاهم المعروف دة
    بيبقوا كدبين هى دية المشكلة ودة اللى بيزعل
    بس طبعا انا بعامل ربنا
    وهما منهم لله

  9. #9
    تاريخ التسجيل
    Apr 2007
    الموقع
    مصر
    الردود
    4,337
    الجنس
    أنثى
    تعقيب كتبت بواسطة فرح1983 عرض الرد
    كلامك با لولو انت وام الحلوين كانه عليا بالظبط وكلام جوزي نفس كلام ازواجكم
    دايما باقى عاوزة اثبتله ان الدنيا بخير ويتثبتلي انا العكس ان النفوس بقت وحشة قوي ربنا يعافينا ويعفو عنا
    انا لدرجة ما بقاليش صحاب والاقارب ماعدا ماما وبابا واخواتي بخاف منهم ومش بشوفهمولا بحب اشوفهم غير في المناسبات
    فيه دعاء حلو للحالات دي
    اللهم اكفنيهم بما شئت وكيف شئت اللهم اجعل كيدهم في نحورهم
    عارفة لية لانهم عندهم حق
    بجد
    الراجل طبعا بيحتكوا اكتر بالناس ويفهموا عننا
    كتير
    ربنا يهدى
    شكرا مرورك حبيبتى

مواضيع مشابهه

  1. مشكلة شخصية
    بواسطة mera_k في نافذة إجتماعية
    الردود: 10
    اخر موضوع: 28-01-2009, 04:07 PM
  2. كيف ننشط نمو اطفالنا غذائيا
    بواسطة فرح فايز المرضع في الأمومة والطفولة
    الردود: 14
    اخر موضوع: 09-03-2008, 09:42 AM
  3. شعور بالغربة
    بواسطة مدينية في ملتقى الإخــاء والترحيب
    الردود: 7
    اخر موضوع: 07-11-2005, 01:04 PM
  4. ماد تعملي او تشتغلي بالغربة
    بواسطة صبيحة في نافذة إجتماعية
    الردود: 0
    اخر موضوع: 09-09-2004, 02:20 PM
  5. مشكلة ضعف شخصية الزوج وحلول مقترحة :
    بواسطة الخنساء في نافذة إجتماعية
    الردود: 0
    اخر موضوع: 20-11-2001, 09:10 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ