مين جوزها بيخبى موبيله على طول

اختي الغالية والله انا معكي في هذه الدعوة ربنا يخفي الكارثة اللي اسمه الموبيل اللي اتسبب في خراب بيوت كتير ومشاكل كتير قلبتي علي المواجع وفكرتني بالعام الماضي من حياتي حيث كنت ساجن بس مع الاسف انا زوجي لانه ملتزم دينيا كان تزوج بدون علمي ويمكن بعضكم عرف قصتي مع الاسف ولما عرفت قرر يطلقها وطلقها امامي ورجعت معه للسفر وطبعا طلاقها كان خدعة علشان اوافق ارجع معه وهو رجعها باختصار بس طبعا بقيت زي المجنونة على الموبيل مغير اسمها وقافل الموبيل وفضلت ادور وابحث وهي طبعا لان النوعية ده من الستات كل هدفه هدم البيت وخروج الزوجة منه علشان توصل لهدفها الدنئي وفضلت ادور واقوم نص الليل وهو قافله وعمل له مفتاح وفضلت 6 اشهر في عذاب ومرار وتاتي رنات اسئله مين يقول اي اسم غيرها طبعا تاتي رسائل اسمع صوتها مين بنت اختي يعمل الموبيل على الصامت لما حاس اني شاكة في الرنات لانها منها لله كانت ماترن الا ما يوصل للبيت وكانها بتحرق دمي وفضلت وراه وورا الموبيل اللي كان حيذهب عقلي لحد ما عرفت انها هي وغيرت رقمها الاول وطبعا قلبت الدنيا ونزلت وسيبته وحصلت مشاكل كتير هي الوحيدة اللي كانت مستفيدة لانها جت مكاني هنا بس الحمد لله ربنا ما بيرضي بالظلم وطبعا صدمت لما عرفت وقلبت عليه الدنيا لدرجة انه طلقنا طلقة وانا كنت كرهت كل شئ من طرفه وفضلت اربع شهور في مصر وهي بمنتهي البساطة جت في بيتي وعلي فرشي وعلى سرير وهو الله يسامحه افتكر انه لقي كنز بس ان ربك لبلمرصاد بانت على حقيقتها ولم يتحملها اكثر من شهرين وطبعا معرفتش ايه اللي حصل لانه رافض يقولي وعمل المستحيل معي ومع اهلي حتي تصالحنا ورجعت وهي على وشك طلاق وفعلا طلقها وهي معه هنا وردها المهم اختي طولت عليكي زوجك فيه شئ غير طبيعي حاولي ترجعي زوجك قبل ما تقع الفاس في الراس ومن الواضح انك مثلي عصبية لا تعرفي تتحملي ان تعرفي شئ وتخفيه لكن حاولي وتمسكي ببيتك ولا تعطي فرصة لاي واحدة ان تهدم بيتك وطبعا لازم تشوفي حل له علشان تعرفي هو في ايه غامض معه مش عارفة ازاي بس اتصرفي باقصي سرعة ما تسيبش نفسك يحصلك كل اللي حصلي خدي موقف ما تتكلمي معه وحسسه انك مقتنعة ان فيه حاجة والله زوجي كان يعطيني مبررات واقتنع لاني احبه وكل مرة اشك في شي يبرر واسكت علشان بحبه بس انت لازم تاخدي موقف ليس طلاق طبعا ولا ترك البيت بس شوفي زوجي بيحس بزعلك ازاي انك تسكتي خالص تعملي له طلبات ولا تزيدي عليها شئ حتي لو قدرت تذهبي لاهلك على انك بتغير جو دون اخبارهم بشئ وفي نفس الوقت تقول له لازم من حل ولو على الاقل تغير الموبيل حتي لا تتصل من تتصل به معرفش مع ان الراجل لو عايز يعمل حاجةب يعلمها مش عارفة اقولك ايه طبعا نسيت اكدعليك على الدعاء والاستغفار وقيام الليل حتي يفرج الله كربك حسبي الله ونعم الوكيل في كل واحدة تستحل زوج وتخرب بيت من اجل نفسها وعلى فكرة النوعية ده لو اتصلتي بيها ممكن تسمعي كلامي لا تتخيليه لاني عملت كده وسمعت منها كلامي لم اسمعه في حياتي وهي بتبقي فرحانة اوي انها وصلتك لكده لانهم بيحسوا انهم خلاص قربوا يوصلوا لهدفهم وهو خراب البيت علشان يبقي الزوج لهم لوحدهم طولت عليكي بس والله من اللي شوفته واللي حاسه بيك ربنا معاكي والله المستعان ملاحظة اخري بلاش الثقة العمياء ده والله انا بتكلم عن نفسي وبنبهك الصدمة بتبقي شديدة اوي لما نثق زيادة عن اللازم وبرضه بقولك انا كنا بنحب بعض جدا لحد ما تزوج وهو يقول لي لن اجد امراة على وجه الارض مثلك قصتي تشبهي ماساتي كثير بس ان شاء الله تلحقي قبل ما تقع الفاس بالراس وترد زوجك اليك بالعقل وبالدعاء باذن الله

اختي والله قصتك زعلتني