السلام عليكم ورحمة الله وبركاتة
ماكذبش عليكم انا اترددت كثير قبل كتابة هذا الموضوع لكني لم اجد سواكم كي اتكلم براحتي واحس اني بكلم نفسي
انا ربنا من علينا بزوج ونعم الزوج والحمد لله
ولكن انجبت من هذا الزوج ولد وبنت من اجمل ما يكون ولكن قدرة ربي ورحمتة وسعت كل شي فـ الله قدر ان يتوفي صغاري في اعمر صغيرة جدا جدا شهور
الولد عاش شهران والبنت ثلاث شهور ونصف
بعد وفاة الولد ذهبنا الي طبيب امراض وراثية وقال ان الطفل لم يحمل اية امراض وراثية واتكلو علي الله واحملي تاني ومفيش غير الخير
وبالفعل كنت متلهفة جدا علي طفل وحملت وحصل اللي حصل وان البنت مرضت وتوفت ايضا
دلوقتي ناس تقوللي اتكلي علي الله ودة اختبار من ربنا وربنا هيعوضكم
وناس تقول لي ولية تحملي وتولدي تاني والبيبي يموت سبية وروحي اتجوزي واحد تاني عشان تخلفي اطفال متعافين
طب لية اسيب زوج اتحملني علي الحلوة والمرة شالني في تعبي وجري معايا علي اولادة
اعاقبة عشان ذنب مش ذانبة
بيني وبينكم انا فكرت في الطلاق بس بعد كدة راجعت نفسي وقلت دة هو اللي حقة انة يتجوز واحدة تانية وهو اللي يسبني وانا اللي افكر في كدة
لكن انا فكرت وقلت ان الصابرين بخير وكل واحدة او واحد صبرو علي ابتلاء ربنا عوضهم خير والامثلة كثيييييييييير (وان مع العسر يسر) (واصبر وما صبرك الا بالله)
انا دوشتكم
بس عندي رجاء اوجهة لكل واحدة سولت لها نفسها انها تقول كلمة تخرب بيها بيت عمران
اتقي الله في كلامك قبل ما تقولية ممكن الست اللي انت بتوجهي لها النصيحة طبعا دة من وجهة نظرا يكون عقلها صغير وتخرب بيتها بايديها ويضيع منها كل حاجة الزوج والبيت والذرية اللي بتبحث عنها
اتقي الله ولا تقولي الا ما يرضي الله
وادعي لاختك المكروبة ان ربنا يفك كربها ويرزقها وحطي نفسك دايما مكانها
الدانيا دوارة يوم ليك ويوم عليك
انا عن نفسي فضلت اعيش مع جوزي وانا كلي يقين ان ربنا هيكرمنا ويعوضنا خير ويرزقنا علي قدر صبرنا ان شاء الله
اللهم ارزقني رزقنا واسعا
اللهم فك كربنا وكرب المسلمين
اللهم هب لي من لدنك ذرية طيبة مباركة
اللهم عمر بيتي بالذرية المسلمة الطيبة
رب لا ترني فردا وانت خير الوارثين
سبحانك اللهم وبحمدك اشهد ان لا اله الا انت استغفرك واتوب اليك
الروابط المفضلة