السلام عليكم ورحمه الله وبركاته
كل عام وانتم جميعا بخير
بنات انا اول مره اكتب موضوع هنا بس بجد مخنوقه ونفسي اتكلم مع حد
انا من 5 ايام حصلي اجهاض وكنت حامل في خمس شهور قدر الله وما شاء فعل
ويعلم الله كم كنت احافظ علي هذا الحمل لاني كنت منتظراه لان حصلي اجهاض في حمل قبل كدا بس كان في اول شهرين وبعد سنه ونصف من الزواج وبعد علاج
والحمد لله انا راضيه بقضاء ربنا وعارفه ان ربنا بيقدر لنا الاحسن بس بجد مش عارفه اخرج من الشعور بالهم والاكتئاب وتذكر اللي حصل وساعات ابقي كويسه وفجاه اعيط والمشكله ان انا خايفه من الحمل تاتي بجد انا حاسه ان انا انكسرت
نفسي انسي وارجع زي الاول والله يا بنات انا راضيه بحكم الله بس مش عارفه
حزني دا يعتبر نقص في ايماني بس انا بحاول ابعده عني واشغل نفسي باي حاجه بس مشقادره وحاسه اني تاعبه كل اللي حواليا بسبب اللي انا فيه دا وكمان عندي احساس بالذنب مع اني مقصرتش في حاجه
سامحوني اني طولت عليكم وارجوكم محتاجه نصيحتكم عشان اطلع من الحاله دي

اولا اهلا وسهلا بك اخت دعاء في هذه النافذه بين اخواتك
ثانيا:
حبيبتي الحمدلله وقدر الله وماشاء فعل هذا قضاء الله وقسمة ونصيب
وحمدلله على سلامتك اولا واخيرا
وربنا يعوضك بخير يارب
اما حالتك فاعتقد بانها شيء طبيعي اكتئاب ما بعد (الاجهاض )
لانك فجأه فقدتي طفلك
لاكن اهم شيء الدعاء بالعوض (وادعي الله بان يلهمك الصبر)
ثانيا عليكي بالاستغفار (اللهم اجعل لي من كل هما فرجا ومن كل ضيقا مخرجا)
وحاولي تطلعي تغيري جو يعني لا تحبسي نفسك بالبيت اطلعي وتنزهي
وزري اصدقائك لان لو لا سمح الله ممكن يتحول لاكتئاب مزمن لو مانتبهتي على حالك
ولا تفكري كثير لاني مريت بتجربه مشابهه لاكن الحمدلله لم استسلم وكل من حولي ساندوني وساعدوني ولله الحمد
واقرائي قران وشغلي قران في البيت
وربك كريم يرزق الطيور في اعشاشها
وتفألي بالخير تجديه باذن المولى

ربنا يعوضك خير يارب والله بأدعى لكل محروم من قلبي اللهم تقبل دعائنا
بس حبيت اقولك قصة واحدة صاحبتى باختصار كده ... هى كانت حامل ومن الشهر الرابع والحمل فيه مشاكل يعنى نزيف وما الى ذلك ولكن ربنا أراد ان الحمل يتم وفعلا ولدت ولكن البيبي لم يعش على وجه الدنيا غير ساعة واحدة بس وبعدها انتقل الى جوار ربه وكانت الأم فى الساعة دى لسه لم تفق من البنج يعنى الولد اتولد واندفن من غير ما تشوفه .
هل أكتئبت ؟؟ هل بكت ؟ .....

لا والله ... اللهم الا دمعة واحدة عند خروجها من المستشفى لأنها كانت المفروض تخرج وهى شايلاه ولكن خرجت زى ما دخلت ولكنها تقول انها ارداة الله وانا متقبلة منه كل حاجة وانا عايزة ايه اكتر من ان ابنى يكون مع سيدنا ابراهيم وستنا خديجة . ودايما تقول الحمد لله الحمد لله

قارنى حالتك بحالتها ... واحمدى الله على كل حال وخدى وقتك فى الزعل ولكن لا تطولى ولا تخافى من الحمل تانى لان خفتى او لا ارداة الله هى اللى هتحصل