اخواتي اطلب منكم الماشورة والراي
انا بقالي للاستغراب شهرين او اقل كمان بس من يوم ما اتجوزت مشاكل للركب
انا زوجي انسان كويس وبيحبني مئدرش انكر بس احنا مختلفين علي طول الخط لسانة حاد جدا في الكلام الازع والتأنيب عمال علي بطال علي كل صغيرة وكبيرة مع العلم انة مش مراعي اني سافرت معاة في الغربة وبقيت وحيدة واختلافنا الرئيسي علي السجاير للاسف مكنش بيشرب اصلا بقالة 6 شهور ولاد الحرام علموة ربنا ينتقم من الي علمة وبيشرب بشراهة وجربت كل السبل معاة بيزداد عند وبيزيد وانا بكراها جدا وبكرة ريحيتها والمدهش اكتر انا بيزعل اني مش عاوزة اشرب معاة وانا كدة راجعية ومتخلفة ومش بروش ونكدية وعاوزني اشرب معاة وخاليكي صحبي عشان مروحش برة عاوز اكون معاكي عاوزك انتي صاحبي مع العلم مرة اتحايل علية كتير جدا اني اشرب وخدتها وحطيتها في بقي مقلكوش كان سعيد للغاية وعامل زي البيبي وكان مروش جدا

كان حصل مشاكل بينة وبين اهلي وانا وقفت علي الحياد ازاي مقفش جنبة وبيقولي اني مليش دعوة بس بحس انة بيعاقبني في عقلة الباطن وفي كل تصرفاتة وبيدبحني بلسانة
بقولة لو شفت حاجة غلط بعملها قولي براحة مفيش كلة كلام من تحت الحزام لما جنابي ورمت
وبيطلب مني طلبات خاصة انا مبئدرش اعملها يزعل ويتورم ويقولي يا ريتني كنت اتجوزت واحدة تعملي كل الي نفسي فية مش زيك لخمة ومش عارفة تعملي حاجة مع العلم اني بحاول جاهدة اني ارضية بس بتالم جدا وانا من النوع البارد شوية بقالنا شهر كل يوم لازم نينام زعلانين لما خلاص تعبت امبارح كلمت امي وقعدت انا وهي نعيط مع بعض علي حظي

والي تعبني اكتر انة لما حصلت مشاكل بينة وبين اهلي وخصوصا والدي (بس هو مكبر الموضوع) قالي لو رجعتي مصر هاتقعدي في بيتي ومش هاتروحي تقعدي عند ماماتك عاوزني اقعد عند مامتة بيت عيلة وانا عاريضتة طبعا وهو زعق وحلف وكلام كتير اعمل اة
نصيحة لكل بنت محدش يتنازل عن حقة الرجالة مش بيتئدر هو مجبليش شقة الي انا عاوزاها وقلت هانعمل نفسنا دلوقتي بيتحكم وبس وبيجبرني علي الاشياء الي بكرها هو عاوز يكون مرضي وبس وانا طز اعمل اة يا جماعة انا مش ممكن اقعد في بيتهم واسيب امي ومامتة كمان سيت صعبة وانا مش برتاح معاهم خالص احنا محترمين مع بعض لكن مش بينرتاح في بعض كا نقعد مع بعض
انا نفسيتي تعبانة جدا وحاسة اني بنهار وحياتي بيتنهار
اعمل اة اعمل اة

اولا نصيحة واحدة لا تنجبى الآن

ثانيا انتوا متجوزين من شهرين وارد جدا الخلافات و المشاكل

لان كل واحد جاى بيت متعود على حاجات فكل واحد له ميوله

و تفكيره وله طباعه الخاصة

ثالثا الصبر ثم الصبر ثم الصبر ثم الدعاء و اجتهدى فى الدعاء

ان يهدى زوجك لكى وان يوفق بينكما و يبعد عنكم الشيطان

هذا ما حضرنى الآن و اذا وجدت افكار تانية سارد عليكى

الله يكون في عونك ,,, وأن شاء الله ربنا يسير أمورك ,,

ربنا يهدى زوجك ويعينك عليه ويفرج همك

الصبر ثم الصبر ثم الصبر ثم الدعاء و اجتهدى فى الدعاء

بصي حبيبتى اولا خدي الموضوع بهدوء مش على اعصابك عشان تعرفي تحلي الموضوع .
ثانيا حاولى لا تنجبي الان وده افضل حتى تستقر الامور وتعرفي تتصرفي صح بدل ما تجبري علي شيئ.
ثالثا حولي تقنعيه انكم تشترو شقه قسط اي شقه احسن من مافيش بدل العيشه في بيت اخله حتى ولو كانو ملايكه . ولو ما اقتنعش اهلك يدخلو بالاجازه.
رابعا في علاقتكم الخاصه انتى لسه عروسه والرجاله ليهم طلبات غريبه شويه حولي ترضيه طالما في الحلال. وبكره اى الم حيروح وفهميه انك واحده واحده كل ما يتمنه سيحدث طالما انت بتحبنى يبقى اكيد عايزنى استمتع مثلك من غير الم وكده يعنى...
خامسالا تسبقى الاحداث وحولى تفرحى المفروض دي اسعد ايامك وربنا يوفقك.

حبيبتى والله حاسه بيكى جدا وخصوصا انتى فى الغربه ...طولى بالك وزى ما الاخوات قالو متستعجليش فى الانجاب خالص لحد لما تتظبط الامور امامك وبلنسبه للسجاير قوليله انا عمرى ما عملت كده وانصحيه انها مضره جدا حاولى معاه عارفه ان الوضع صعب بس حاولى شويه شويه على ما تفهموا بعض وخليكى دايما فرش حتى لو زعلانه البسى وخليكى دايما فرفوشه كده يمكن دا يقلل من الزعل اللى بينكم واصبرى وحاولى معاه وربنا يسهلك الحال يا رب ...

الله يكون في عونك
وأن شاء الله ربنا يسير أمورك
ربنا يهدى زوجك ويعينك عليه ويفرج همك

اختي الله يصبرك و يهدي زوجك ...لكن اياك و الحرام لا طاوعيه بالحرام ابدا ...لا طاعة لمخلوق في معصية الخالق ..تاكدي ان الخمر ام الخبائث ...التجءي الى الله ....صلي كتير و ادعي الرحمان يفرج عليك هذا الضيقة ....ادعيه للاكثار من الصلاة ...اما عن موضوع السكن مع امه هذا و لا اشي مقارنة مع المصيبة اللى هو فيها (الخمر) حاولي انك تتوددي لها و حايليها عشان ترق.......................الله يكتبلك اللي فيه الخير.

هوه بيدخن مش بيشرب خمر يا أختي !!!

شوفي يا عزيزتي انت لسه متزوجة جديد وهاي الخلافات متوقعة وطبيعية في الأول حاولي تاخديه بالمحايله تلاقيكي بتعصبي وبتشدي على حالك كل ما صارت بينكم خناقة لا يا بنتي خديه بالحيلة يا بنتي وما تعصبي ولا تتنرفزي ولا شي مش عيب ولا غلط انك تعملي الشي اللي بسعد زوجك معلش حاولي وما تحسسيه انك مضايقة وقرفانه بس الدخان طبعاً لأ ما تردي عليه قوليله لو الله رزقنا وحملت هاد خطر كبير على البيبي ومن هالحكي
وما تاخدي كل كلمة بقولها زوجك على انها إهانة طولي بالك وحطي أعصابك بتلاجة وبالحلم والعقل رح توصلي لنتيجة بس انت توكلي على الله وصلي وادعيله ربنا يهديه