بسم الله الرحمن الرحيم

موقف مر على منذ يومين

اثر فى مشاعرى بشدة

اخى الغالى زارنى صباحا فجاه لامر ما و قضى معى بعض النهار

و انتصف اليوم و عاد الاولاد تباعا و انا اجهز الطعام

غيروا ملابسهم بسرعه ثم جلسوا الى مائدة الطعام

ودعوت اخى للجلوس معنا

فنظر الى ببراءه ثم نظر الى الاولاد و سألهم

مش حتستنوا بابا ؟؟؟!!!!

فضحك الاولاد و هم يظنون انه يمزح معهم و قالوا

لا طبعا

و بداوا فى تناول الطعام

فقال لهم وهو متعجب

علام تضحكون ؟ انا لا امزح

فنظر اليه الاولاد ثم نظروا الى باستفهام

فقلت له

عزيزى

الاولاد عندهم دروس بعد شوية

يعنى لازم يتغدوا علشان يقدروا يفهموا ويواصلوا

فهز راسه مستنكرا

و لماذا اذن تريدين منى ان اتزوج!!

حتى اعود الى منزلى و به زوجتى و اولادى و اتناول الطعام وحدى
!!

فعدت بذاكرتى الى زمن بعيد

ايام كنت فى مثل عمر اولادى

و طافت امامى صورتنا نحن الثلاثه عائدين من المدرسة

و رائحة طعام امى الشهيه تملا اجواء المنزل

و نصرخ

جعانين ياماما

فتقول لنا

مش حتستنوا بابا ؟؟؟

فنبستم على الفور قائلين

طبعا

و يعود ابى

و نتجمع حول مائدة الطعام

و نشعر بالحماس و الفخر وهو يوزع علينا قطع اللحم او الدجاج بيده

ثم نقوم الى واجباتنا

و هو جالس مع امى يتناولان الشاى

كان التعليم يتم فى المدرسة فقط

و كان العمل ينتهى فى الثالثه

و بقية اليوم للاسرة
اما الان
فالتعليم بعد المدرسة
و مواعيد الشغل 24 ساعه فى اليوم
و الحياة اصبحت شبيهه بالمطحنة
الاطفال مطلوب منهم فوق ال100% حتى يجدوا مكانا تحت الشمس
و الرجال محاطون بالتحديات فى العمل و الاسرة
و النساء يقودون اسرهم كالبهلوانات وسط الاهوال و المخاطر
فهل يمكن بعد كل هذا
ان اقول لاولادى
مش حتستنوا بابا ؟؟؟؟

ييااااااااااااااااااااااااه
موقف صعب اوى
بجد هزنى من جوا

انا حتى الان بستنى جوزى على الغدا لان ياسين لسا صغير ممكن ااكله اى وقت و انا استنى
بس مش عارفة لما يكبر ايه اللى ممكن يحصل


بس انا و اختى كنا ممكن ناكل سندويتش او اى حاجة عشان نستنى ماما


فعلا الدنيا بقت مليانة صعوبات و فرقت بين الناس و غيرت كل قواعد المجتمع


جزاه الله خيرا اخوكى على التذكير

موقف ممكن من أول وهله يُفهم إنه بسيط
لكن مهم للغايه

اما الان
فالتعليم بعد المدرسة
و مواعيد الشغل 24 ساعه فى اليوم
و الحياة اصبحت شبيهه بالمطحنة
الاطفال مطلوب منهم فوق ال100% حتى يجدوا مكانا تحت الشمس
و الرجال محاطون بالتحديات فى العمل و الاسرة
و النساء يقودون اسرهم كالبهلوانات وسط الاهوال و المخاطر

كل كلامك صحيح ويحدث في الغالبية الساحقه من الأســر العربيه
والجمله بالأحمر جعلت رأسي يدور لأنها الحقيقه .. ما أصعب دور الأب
والأصعب منه - حالياً - دور الأم
سبحان الله المفروض مع التقدم التكنولوجي الناس تجد الراحه أكثر مما مضى
ولكن يحدث العكس !
نتعب ونشقى أكثر
أقول لك رأيي يا أعــز سحوره .. الراحه يوم القيامه .. فهل حتكون راحه ولاااااااااا
اللهم أسألك أعلى الجنان لكِ ولي ولكل من مرت بموضوعك

موضوعك في غاية الروعة غاليتي سحر

يتناول معظلات التواصل والحميمية الاسرية

ليس الموضوع انتظار الاب على الغذاء
انه اكبر بكثير ..

انها ازمة تواصل في زحمة الانشغالات ..

يكون الاولاد جاهزون ..اما الاب فلم يرجع بعد

جاء الاب ..اما الاولاد فذهبوا لمذاكراتهم او الى النوم

والزوجة طحنتها متاعب الشغل ..

ظروف صعبة تعيشها الكثير من الاسر في زحمة الحاجات المادية

التي تدفع لاغفال الحاجات المعنوية .

مش حنتستنى بابا لها دلالة كبيرة على نوعية الحياة الجديدة .
ذكرني موضوعك بالماضي حيث لا شيء يبدا دون وجود الاب.

والحمد لله ان الام موجودة
لتسد شيئا من الفراغ.

بارك الله فيك اختي على ما خطته يداك

عزيزتى
مدام سحر
بلاش نبعد
خليها أمبارح
___________
تليفون
______________
الزوجة ....هتيجى على الغدا
الزوج ....موش هقدر عندى شغل
الزوجة ....طيب أستناك
الزوج.....لأ موش هينفع
الزوجة ....خلاص تيجى بالسلامة
___________________
اليوم
___________
تليفون
الزوجة ....أنت فين
الزوج ....أنا خرجت من الشركة
الزوجة ...أكلت
الزوج .....انا حتى مفطرتش
الزوجة..... خلاص هستناك ماشى
الزوج .....ماشى
____________
بعد أنتظار
____________
وصل الزوج والحمد لله
الزوجة...وضعنا الأكل
الزوج ...تسلم تليفون
الزوجة ....يالا عاوزة أكل
الزوج .....مازال على التليفون
الزوجة......أنا أكلت
الزوج ....مازال على التليفون
الزوج ...وصل ألى الطعام
الزوجة .....خلاص أكلت
_____________
حتى بعد طول الأنتظار
أكلت لوحدى
!!!!!!
ًًًًًًً ًًًًًًً ًًً
ًًًًًًًً
أيوه أنا الزوجة
___________-
حتى لو تجمعنا
بتلاقى الأولاد فى وادى وهو فى وادى أخر
لدرجة أنهم ممكن ياخدوا الأكل ويطلعوا
دور أخر من البيت كى يأكلوا ويذاكروا
ولكنى أعتقد أن يوم الجمعة فقط
هو اللى بنقدر نتجمع كلنا على مائدة واحدة
ودمتم
أن ما يحدث هو طبع العصر الذى نعيشه
أولاد أثقلهم مشوار المدرسة وهمه الوحيد هو العودة كى
يأكلوا وينالوا قسطا من الراحة
وبعدها يأتى دور الواجبات
أب أثقله العمل فى الشركة وخارجها يأتى ليجد أبنائه نائمين
ويصحو من نومه ليجدهم ذهبوا ألى المدرسة
أم محتارة ما بين أبنائها وزوجها
وبيتها
كل فى دائرته
شكرا لكى عزيزتى
وياريت أخيكى يتفهم الوضع المستقبلى ويعيشه من الأن

السلام عليكم ورحمة الله

احسنتي اخيتي بطرح موضوع غاية في الهمية
وبمنتهى البساطة والتلقائية
فعلا غاليتي
لقد طحنتنا الدنيا بكل ما تعنيه الكلمة من معنى
وفرقت شملنا رغم وجودنا تحت سقف واحد
وانقطعت انفاسنا من اللهث خلفها ومحاولة ان نجاريها
حتى لا نملك لها سوى كلمة واحدة " تعبنــــــــــــــا "
فاللهم لا تجعل الدنيا أكبر همنا ولا مبلغ علمنا ولا الى النار مصيرنا
اللهم أمين

سحوره الجميله
اموضوع ده بيحصل على طول وكل يوم وفى البيوت كلها تقريبا للأسف
زمان كانت العيله تجتمع على الفطار والغدا والعشا وكل وجيه كانت بمعاد
دلوقتى صعب تحددى المعاد ولو قلتى مثلا الغدا الساعه 3 الكل يضحك عليكى لان بقى موضوع غريب ان الاكل يبقى بمواعيد
انا لسه نور صغيره والامور عندى منظمه بنستنى بباها لما ييجى نتغدى سوا والعشا سوا
وممكن اوقات كتير نفطر سوا
لكن بعد ما تكبر الله اعلم الظروف حتبقى ازاى
ياريت فعلا نحاول نلم شمل الاسره ونجتمع كلنا على مائده واحده ده بيخلق نوع من الالفه والود بين الاسره كلها

رائع موضوعك يا سحر

لمة العائلة و لا أحلى منها

أنا أحس بطعمها و الحمد لله بالرغم من أن زوجي أحيانا يأكل بسرعة رهيبة ليلحق صلاة العِشاء في المسجد

و لكن عندما نجلس حول المائدة أحيانا <<<<<<<< خدو بالكم من أحيانا حتى لا ننحسد و نبطل الله يرضى عليكم ههه

نحب أنا نختار موضوع معاً

مرة عن حق الجار و مرة عن الحسنات و مرة نذكر فيها الصحابة

و مرة نتكلم من مشاكل أولادنا و حلمهم و طموحاتهم

لمّة العائلة على الغداء و تجاذب أطراف الحديث لها نكهة مميزة

و بالذات حينما يشاركنا الأطفال

بالأمس كنا نذكر طفلة و مشروع صغير بدأت به أنا أختان من صديقاتي لا نجني منه مالاَ إنما ألماساً و ياقوت
نعلم أطفالنا العربية و القرآن .
و بدأنا نتكلم عن مقالب الأطفال بنا و أنهم قلبوا المدرسة رأساً على عقب و لا يريدون التعليم و بدأت أخبر زوجي و الأطفال محمد و بشر و مالك عن مقالب مالك و طقلة إسمها سارة و عماليها نضحك عليها

هذه النكهة رائعة جدا فأستمسكوا فيها و لا تفقدوها

و أن كنتم تعتبروني "دقة قديمة " فأحمد الله أني

" دقة قديمة "

بس لحظة قلت أحيانا و قولوا ما شاء الله لا قوة إلا بالله حتى لا أنحسد ترا إحنا واقفين على نكشة هههههههههههههههه

يا فلسطينيات ترجمولنا نكشة لإني ما بعرف ترجمتها هذا لغير الناطقين بالفلسطيني هههههه

كتبت بواسطة azmiralda000

ييااااااااااااااااااااااااه
موقف صعب اوى
بجد هزنى من جوا

انا حتى الان بستنى جوزى على الغدا لان ياسين لسا صغير ممكن ااكله اى وقت و انا استنى
بس مش عارفة لما يكبر ايه اللى ممكن يحصل


بس انا و اختى كنا ممكن ناكل سندويتش او اى حاجة عشان نستنى ماما


فعلا الدنيا بقت مليانة صعوبات و فرقت بين الناس و غيرت كل قواعد المجتمع


جزاه الله خيرا اخوكى على التذكير

حبيبة قلب خالتو

نعم حبيبتى

كلما كبر الاولاد

كلما كبرت التحديات

وربما هذا ما دفع بالشباب للعزوف عن الزواج

لاحساسه بانه لن يساير متغيرات العصر

الامر لله من قبل و من بعد

أقولك أيه يا سحر..كاااان زمان...انا بالنسبه لي يدوب مفيش غير انا وجوزي يعني الوجبات التلاته الحمد لله متجمعين...بس انا بشوف فبيوت كتير والله يا سحر كل واحد لواحده زي ما يكونو متفقين ميتجمعوش أبدا...فين أيام زمان والواحد صغير كنا لازم نتلم كلنا علي الاكل ... والواحد بطنه تصوصو من الجوع وماما تقول استنوا بابا فاته علي وصول...بعد ما كبرنا ودخلنا الكليه بقي يوم الجمعه ده فرصه متتعوضش علشان العيله تتلم..نفسي أقول حاجه تانيه بس أحتراما للصفحه هقول الله يجازي اللي كان السبب ....وقال ايه بيعلمونا ...