مساء الخير.......

حبيت اطرح لكم موضوع كثير ما يتضايق منه النساء.........وهو كثره تواجد الزوج خارج منزله !!!
الزوج في بدايه زواجه تلاقيه مايطلع من بيته وجالس مع زوجته ضحك.......سواليف.......لعب......تسمع منه كلام رومانسي......عاطفي...........حب..........تدليع.... ...حوار عن حياته.........يعني مخلي حياتها اكثر من رائعه........بس بعد مايمر هالشهر........وبعضهم اسبوع!!!!بحسب المزاج!!!.......تنقلب الآيه.......تلاقي الزوج تكثر طلعاته برى.......لدرجه انه بعضهم يطلع من الصباح للدوام يرجع يتغدى ينوم بعدين يطلع بعد صلاه العصر اللين الساعه 12 بالليل أو 1 الليل.....من غير مايحط أي اعتبار بانه فيه انسانه من دم ولحم تحس بانها فاقده انسان؟؟؟؟وبعد العصر تلاقيه يطلع للاصدقاه ضحك..... لعب بلووووووت....شيشه........انترنت......وبعضهم للاسف يروح للاسواق واماكن تمجمعات البنات علشان (...........)مع انه متزوج هذا الحقير.....
ولا واللي يقهر ويزيد قهر بانه يزعل لو رجع حضره الاستاذ الزوج وماحصل زوجته منتظرته!!!!يعني بصراحه من جد شين وقوي عين....
هنا وش تتوقع من زوجتك!!!!!تتوقع منها بانها راح تهتم فيك.......راح تحبك........راح تخاف عليك.......لا ومليون لا وشيل هذي الفكره من راسك.........ولا تزعل ابدا أو تحط اللوم على زوجتك لو لقيت معاملتها تغيرت عليك..........لالالالالالا لانه مالك أي وجه تزعل أو تحاسبها على أي شيء لانه الغلط منك انت من ساسك الى راسك انت اللي حديتها على تصرفها هذا هي كانت معك زي الفل........لانه هي شافت زوج فقط علشان انجاب الاولاد......والمطبخ........و(.........).........م القت منك حب......أو حنان...أو رومانسيه.......زي ماشافتها منك اول زواجها.........أو معامله حسنه زي ما امرك الرسول ......وحط مليون خط تحت الرسول........
عزيزي الرجل الزوج......
حاسب نفسك قبل ما يحاسبك الخالق.........فزوجتك لها عليك حق....زي ما انت لك عليها حق.....وشوف كيف كانت معامله الرسول عليه السلام لزوجاته وكيف يحترمهم.......ويداعبهم......ويضحك معهم....ويلعب معهم.......ويطلعهم....و.و.و.و.و.و.
تتوقع انت تسوي هذا كله معها........اتحداك بانك تسويه لو مهما كذبت على نفسك.........ولا تحسب بانك لو سويت كذا راح تقلل من شخصيتك وروجولتك قدامها بالعكس بتزيد نظرتها لك وبتحبك وبتصير عندها تسوى الدنيا وبتدافع عنك قدام الخلق.......
وحط في بالك دايما قول الرسول عليه الصلاه والسلام قال(خيركم خيركم لأهله,وانا خيركم لأهلي)........وقوله(ما اكرم النساء الا الكريم,وما اهانهن الا الئيم)
واخيرأً........
كلماتي هذي........تعاني منها كثير من الزوجات.......ودائما اسمع كلماتهم وانينهم من قوه الآمهن........ولا تقول باني افعل وافعل.......بس ارجع لنفسك وحاسبها ولو لعشر دقايق وبتشوف انت تسوي معها هذا؟؟؟؟
اتمنى من الرجال مايزعلون مني........لانه كلامي واقعي........وآلآم تتألم منه زوجات كثر......فايليت تحسون بزوجاتكم......وتخلونهم في عيونكم وعقلكم وقلبكم..وتكون هي الوحيده في قلبك وفكرك........لانه قبل ماتسوي أي شيء......حط الله في بالك اول شيء واعرف بانه راح يحاسبك على كل شيء تسويه........ولو ما سامحتك راح تنال عقابك بالدنيا وقبرك واخرتك.......فترضى يصير لك كذا؟؟؟؟فايليت تفوق لنفسك قبل فوات الآوان.......وتتقرب لزوجتك اكثر واكثر وتحببها فيك.....وتكون فعلا هي الوحيده في قلبك.......وتترك عنك حركات المراهقه لانك انت كبرت عليها وصار تحت يديك اسره لاتهدمها بيدينك علشان حركات صبيانيه........
وهذا كتاب جدا رائع عن معامله الرسول عليه السلام لزوجاته....
(عشره النساء)للامام النسائي........

اختكم

كلام مرة حلو ويدل على مستوى تفكير صاحبة والي نادر نلقاهم في هذا الزمان 00لكن عني ملاحظة بسيطة وهي ان هذا الموقع 90%من داخلاتة هم الزوجات00

موضوع جميل ..

يرفع

بسم الله الرحمن الرحيم
اخت الكريمه zen
السلام عليكم ورحمة الله وبركاته اما بعد :
وش فيك الله يهديك شوي شوي علينا افاااا وش سوينا تصدقين انا اكتب الحين وانا فحمان من كلامك بس ولا يهمك بكلمك بنفس الاسلوب وحده بوحده والبادي اظلم لانك بصراحه جايه مندفعه واحس انك تكتبين بقوة وتضربين على الكيبور من القهر والله يانت شكلك حاقده علينا (: شوف يا اخت الكريمه ترى الناس يختلفون اصابعك مو سوى الله يسلمك انا رجل والحمد لله واطلع واروح واجي وانام العصر والعب بلوت بس ما اشيش شفت وزوجتي مبسوطه مني يعني لاني مرتب جدولي حتى الشباب اللي اقعد معهم بعد مرتبين نظامهم مو كل الشباب يطلعون ويسهرون ومهملين زي منت متخيله اذا انت مثلا تعرفين احد كذا او شي انا احلف لك يا بنت الحلال انه في شباب وكثير بعد مرتبين جدولهم ومتفاهمين مع زوجاتهم يعني مثلا يجون من الدوام الساعه 2.30 الا هي مضبطه الغدا (هذا اذا صارت مضبطه الغدا بعد ) (: بعدين يصلون العصر ينامون شوي بعد المغرب قهوه شاهي جلسه عائليه بعدين شي طبيعي انه بيطلع مشاوير شغل او زياره لاحد بعدين اذا صار فيه طلعه او سهره يعني مطوله تصير ليلة الخميس او ليلة الجمعه وتصير الزوجه عند اهلها يعني هي مبسوطه وهو مبسوط وبنفس الوقت يغيرون جو ويبعدون عن بعض شوي على شان يحسون بعضهم حكمه : (ولو لا اليل ما عرفنا النهار ) اغلب الناس ماشين على النظام هذا بدون مشاكل اصلا يا اخت الفاضله لازم الواحد يصير له ربع وناس يغير ويكسر معهم روتين الحياة يعني مو معقوله ضغط عمل وضغط بيت وبعد ما يطلع لا لالا لازم يصير فيه روحات وزيارات وبعدين لو الواحد ساجن نفسه في البيت انا متاكد انه بتمل منه زوجته ويمكن هي تقوله (هيه انت مالك ربع تروح عندهم ) يعني وجه في وجهها طول الوقت وشرايكم انتم واحد اربع وعشرين ساعه مقابل زوجته ؟؟؟؟؟ لكن اذا انه فيه ناس كل يوم على الحال هذا وسهر الى الفجر والا الساعه وحده ثنتين كل يوم كل يوم هذي حاله شاذه مالها اعتبار النقطه الثانيه اخت الكريمه انت تقولين الرسول صلى الله عليه وسلم وتبين من الرجال يقتدون فيه صح ما افيه احد يقدر يصير مثله ولا حتى ربع اخلاقه بابي هو وامي لاكن انا بعد بسالك هل كل الحريم مثل عائشه رضي الله عنها بعد هاه جاوبوا اتحدى اي وحده تقول ايه يعني اذا فرضنا انه فيه واحد يروح وكثير الطلعات يمكن تلقونه المسكين متحطم نفسيا حزين باسباب زوجته تلقونها طويلة لسان وانا اقولكم بكل صراحه اكره شي يشوفه الرجال بحياته الحرمه طويلة السان الحرمه هذي اعوذ بالله تجيب الهم والغم وتسد النفس . او تلقونها لا تعرف تلبس ولا تتطيب ولا تنظف بيتها وريحتها وريحة بيتها يمكن الفيران ما يدخلون من القرف والله صحيح فيه حريم كذا يعني لو فرضنا انه فيه رجال مايحب يطلع ولا له ربع يمكن يطلع يروح لمقهى يجلس لحاله من كرهه للبيت باسباب زوجته الغبيه لا تلبس لا تنظف لا تعرف تتكلم مثل الناس او تلقونها ثرثاره بس ماعندها الا فلانه وفلانه وفلان وفلان وخذ ياقرق وخذ يابربره والرجال المسكين يقول في نفسه اففففففففف يا من شرا له من حلاله عله يقول لزوجته يابنت الحلال قولي كلام يوسع الصدر شوفوا والله اني اكلمكم من جد وانا بقولكم سر طبقوه وتشوفون النتيجه (اذا بغيتوا الرجال يحب البيت الله الله بالكلام الحلو تراه يسحر الرجال يلعب فيه لعب ) اما كلماجاء انت وانت ماعندك احساس ماعندك قلب انت من زوجتك ليه ما تتحمل المسؤليه وفيك مالا فيك اكيد المسكين انه بيطلع اجل يقعد بالبيت وينهبل اهم شي الزوجه تعرف تتلبس مو فالحه بس في العروس والمناسبات تلبس احسن ماعندها وتصير ملكة جمال واذا رجعت للبيت صارت ملكة القرود (: اهم شي اللبس عند الزوج اللبس هذا يهبل فيه تلبس تتطيب تكشخ مكياج على الطاير كحل واقول كحل واوكد عليه لانه الكحل مو للنقاب والطرحه يعني هو فتنه بس لازم يصير فتنه للزوج مو لغير الزوج الظاهر فهمتوا كلامي . المهم ملخص الكلام هذا كله انه طلعت الرجل مافيها شي وبالعكس تجدد الحياة وتزيد الاشتياق اذا صارت في حدود المعقول ومو كل يوم اما اذا صارت زايده عن الحد فقبل كل شي نشوف الاسباب وش هي يمكن نلقاها من الزوجه نفسها يعني فيها خلل تشوف نفسها وطريقتها في التعامل هل هي صح والا خطاء اذا كانت هي صح وكل شي سليم تحاول معه بالاسلوب الحسن وتحاول تشوف وش الاشياء اللي يحبها هو وتحاول تقرب له فيها والرجال احيانا يكون فيه شي بسيط جدا ما تتوقعه الزوجه يرضيه ويزيد حبه لها ييمكن كلمه يمكن يشوفها تحب امه خلاص لو ايش ما تسوي يقبل منها كل شي ويحب يجلس معها علشان امه يعني انا مثلا واعوذ بالله من كلمة انا اول سنتين من زواجي الصراحه ما احس في داخلي شي لزوجتي ما فيه حب بالعربي بس كل ما شفتها تقدر امي وتحترمها اتمسك فيها ويزيد اعجابي فيها مع الايام الحمد لله احس انه كل يوم يزيد غلاها عندي .
يعني اقولكم الرجال والله ما يطلعون ويسهرون كذا كل يوم الا فيه سبب داخل البيت خلاه يفضل الخروج وانتم حريم وشوفوا بعضكم واللي زوجها كذا تشوف .وتجرب اسمعوا كلامي بس وانتم تفلحون ان شاء الله قولوا ان شاء الله وانت اخت zen رجاءا رجاءا لاتزعلين علي والله مو قصدي ارد عليك والا انتقم لبني جنسي والا شي بالعكس بس حبيت اشارك وانت طلبت راي الرجال وهذا رايي ان صواب فمن الله وان كان غير ذلك فمن نفسي والشيطان اكرر اعتذاري لك ولجميع النساء .
وانتم عاد هدواء اللعب وامسكوا اعصابكم مع ازواجكم وعليك بالصبر والله كريم .
المهم خلاص وسعوا صدوركم واضحكوا للدنيا تضحك لكم تبون اقولكم نكته على شان تنسون كلامي اللي يمكن زعلكم يقولون فيه واحد غبي حط ايده في موية نار طلعها ما لقاها دخل راسه يدورها اضحكوا
وتقبلوا تحياتي ......

السلام عليكم ورحمة الله
يا ناس يا عالم يا هوه ليه ما فيه احد يرد يعلق يكتب يقول شي حول مائتين واحد قرا الموضوع ليه ما فيه تعليق وش السالفه بسرعه اكتبوا شي
تحياتي

ياجماعه وين الردود وش السالفه

يااخت zen انتي تبغين راي الرجال ومثل ماقالت غزاله الغالبيه العظمى
حريييييييييييييييييييييييييييييم
واحنا زيك يااخ حبيب منتظرين الردود لان 80% من الزوجات يعانون من البيت الثاني او مثل مايسمونها بعضهم الضرة
ونبغى راي الرجال علشان الوحده منا تنتبه لنفسها يمكن تكون مقصره من ناحيه معينه
والمسكينه غافله

هلا اخت طباخه
السلام عليكم ورحمة الله وبركاته
مافيه شي جديد اقوله على ما قلت هي نفس الاشياء اللي تخلي الزوج يخرج خارج البيت ويفضل السهر خارج البيت . هي نفس الاشياء بعد اللي تخليه يفكر يتزوج . بل يمكن زواجه من ثانيه هو نتيجه خروجه خارج المنزل لان الانسان اذا صار غير مرتاح في منزله شي طبيعي انه مع الوقت راح يفكر في منزل ثاني يرتاح فيه ولا فيه بيت يريحه غير الزواج من وحده ثانيه تسعده اذا صارت زوجته الاوله موريته نجوم الظهر انت وحدك ايتها الزوجه التي تستطيعين ان تملكين زوجك بصريقتك الخاصه .
وكل وحده تعرف زوجها ايش يحب وايش يكره
والسلام مسك الختام
تقبلوا تحياتي

مساء الخيرات انا اسفه على التاخير بالرد

اولا احب اوجه شكري على كل من تجاوب معي.........

ثانيا اخوي حبيب الحبايب

اولا انا ما تهجمت على الرجال ابدا زي ماقلت.........

انا قلت وووووووووووووووووواقع تعيشه كثير من الزوجات مو من عندي..........والله تعاملهن مع ازواجهن من اروع مايكون ومع ذلك يتصرف ازواجهن معهن زي ماذكرت انا في البدايه............للاسف الزوج يعاني من الفراغ العاطفي والجفاء مع الزوجه

اختك

مرحباااااااااا

احب اضم صوتي لصوت الاخ حبيب

فعلا الرجال ماينحاش من البيت الا بسب الزوجة

ومو شرط يكون السبب ظاهري لذا يجب على الزوجة ان تجلس مع زوجها جلسة مصارحة

وتعرف الاسباب الي تخلية يطلع من البيت

وهذي كلمة اهتفها بأذن كل زوجة >>>>>>>>>>بس لايسمعونها الرجاااااال

ترى الرجل طفل برئ يعني على وجهه وانت تقدرين تغرسين فية كل الاشياء الي تحبينها

بس ترى الاسلوووووووب يلعب دور كبير هنا وايضا الزمان والمكان .

واذكر ان وحدة قالت لي بالحرف الواحد انا الي ربيت زوجي على القسوة علي قلتلها كيف قالت

باسلوبي وعدم ملاطفتي له والسؤال عن مشاكلة حتى تعود على الجفاء وصار طبعة !!!!!!!

وآسفة على الاطالة