السلام عليكم و رحمة الله و بركاتة
كل عام و انتم بخير اخواتى الفاضلات أعاد الله عليكم ايام الشهر الفضيل و أسركم بالخير و اليمن و البركات . وحشتونى جدا جدا و قلت النهاردة اكتبلكم و اصدعكم شوية و نتكلم فى شوية حاجات يا ريت نعملها مش بس فى رمضان لكن ننتهز فرصة التعود عليها فى رمضان و نخليها طول السنة كمان .

طول اليوم فى فضائل احنا حريصين عليها و منها مثلا ( كظم الغيظ - التسامح و الهدومء و دايما لما حد يغلط فينا نقول اللهم انى صائم - غض البصر - كف الاذى - الابتعاد عن المحرمات عموما كالنميمة و الغيبة و الكذب و غيرة - قراءة القران - صلة الرحم - الصلاة فى مواقيتها ) لية منحرصش على كل الفضائل دى بعد انتهاء رمضان باذن الله .

حقيقى احزننى جدا جدا ما قريتة فى المنتدى من المشاكل اللى بتواجةبعض الاخوات الفاضلات مع ازواجهم و لذلك بطلب من جميع قارىء موضوعى ان يدعو بظهر الغيب لجميع المسلمين و المسلمات ان يهديهن الله لما يحبة و يرضاة .

رمضان يا جماعة فرصة للثواب و الحسنات فلكل اخت مننا راجعى نفسك و راجعى علاقتك بكل من حولك و خصوصا والدك و والدتك و اخواتك و ابنائك و زوجك و اصدقائك و اليك عزيزى الزوج ايضا اتق الله اتق الله يجعل لك مخرجا اتق الله فى زوجتك و ابنائك و جميع تعاملاتك .

الزوجة هذة فرصتك للابتعاد نهائيا عن النم و الغيبة و الغضب و الغيرة و الحسد و التبزير و
مشاهدة التلفزيون و خصوصا المسلسلات المدبلجة و فرصتك تقربى من زوجك و ابنائك و اهلك و احبائك و تحاسبتى نفسك و تسمى بيها .

الزوج هذة فرصتك للابتعاد نهائيا عن نفس السلبيات اللى قلتها للزوجة فانا لا اختص السيدات بهذة العيوب و لنضيف لك عزيزى الرجل النظر للمحرمات و مشاهدة النت و المواقع السيئة و التدخين
و لتكف نهائيا عن اهانة زوجتك بكل ما يجرحها نفسيا و جسمانيا و الابتعاد عن رفقاء السوء و مجالس الفساد و الرشوة و التربح و الربا و الزنا و لتقترب من زوجتك و ابنائك فأنت راعى و كل راعى مسئول عن رعيتة .
و فى النهاية عايزين نخرج من رمضان باحلى ما فية و نحقق الهدف اللى عشان ربنا فرض علينا صوم هذا الشهر الكريم و نبقى فعلا ناس تانين مسلمين على حق و عارفين اللى لينا و اللى علينا و نستقبل العيد بعد رمضان بنفوس صافية و قلوب مليئة بالايمان و منتظراكم فى العيد و معاكم العيديات ههههههههههههه

موضووووووووووع في قمة الروعة
ربنا يسعدك

أهلا يا براديس رمضان كريم و كل سنة و أنت طيبة

طول اليوم فى فضائل احنا حريصين عليها و منها مثلا ( كظم الغيظ - التسامح و الهدومء و دايما لما حد يغلط فينا نقول اللهم انى صائم - غض البصر - كف الاذى - الابتعاد عن المحرمات عموما كالنميمة و الغيبة و الكذب و غيرة - قراءة القران - صلة الرحم - الصلاة فى مواقيتها ) لية منحرصش على كل الفضائل دى بعد انتهاء رمضان باذن الله .

لللأسف هاته الأشياء نفتقدها بعد انتهاء هذا الشهر المبارك
إنني دائمة السؤال هناك فئة من الناس تتغير في هذا الشهر و تصبح ماشاء الله
استقامة و صلاة في وقتها ......و لكن بمجرد ما ينتهي الشهر ينقلب حالها
يا رب تصلح حالنا و تهدينا الى الطريق المستقيم .
حتى المساجد لن تجدي مكانك فيها و لكن بعد رمضان ؟؟؟؟؟؟؟؟؟
لا أعرف هل هناك من يضع اعتبار للأخر أي الذهاب الى المسجد من المظاهر... ؟
أو حتى يقول فلان يصلي بالمسجد ؟؟؟؟؟؟؟؟؟؟
الله يصلح حالنا و حال الأمة الاسلامية .
شكرا لك على الطرح

اهلا بيكى براديس الغاليه وحشتينا موضوع رائع كعادتك دائما ...
اعاننا الله واياكى على الصيام والقيام ...ولا تنسينى من دعائك...