حبايبى الحلوين
هاحكى لكم النهاردة حدوتة غريبة شوية
زماااااااااااااااااااان
بس مش زمان قوى
زمان اللى من قريب ده
كان فيه حاجة موجودة اسمها
العيب والحرام
تلاقى العيل الصغير عارف العيب والحرام
دلوقتى العيل كبر
وبقى راجل
وخلف عيال
ولا هو ولا عياله
فاكرين حاجة اسمها العيب والحرام
صحيح كل وقت وله آدان
بس مش فى العيب والحرام
والناس الناسية دى تبص تلاقى كل حاجة عندهم
سهلللللللللللللللللللللللللللللة
تلاقى البنت قاعدة فى المواصلات بعلو صوتها تتباهى انها على علاقة بولد
لأ والانيل
تقول لك انا صاحبته بعد ما كان عاوز . . . . . .
بس عذرته اصل يومها كان مبرشم
عرفت منين مبرشم دى
مع انها لا تتجاوز 20 سنة
ولا موظفة محترمة تلاقيها بتحكى للى فى المكتب معاها ـ رجال ونساء ـ
امبارح لما كان ابو العيال عاوز . . . والواد دخل علينا
ههههههههههههههههههه
وصمم ينام فى النص
يقوم رئيس القسم يقولها خلاص استأذنى ساعة بدرى عشان خاطر ابو العيال
والقسم كله يضحك
حتى بياع الطماطم
بيتفاخر انه قضى ليلة
ودفع قد كده
ومراته غضبت عند اهلها
والمصيبة ان الستات اللى واقفين بيشاركوه الحوار
كانه بيقول جالى دور برد
والبنت اللى خارجة قدام امها وابوها لابسة اللى مش هدوم
وهمه فرحانين وفاتحين بقهم
وبنات المفروض فى عمر البراءة تلاقيها واقفة فى شارع ضلمة
تستنى حبيب القلب
طيب لو قلنا ان الرقابة الداخلية من الشخص نفسه منعدمة
مفيش حد بيحزن على اللى بيسمعه
مفيش حد يثور للحرمات
مفيش ست تتكسف
هو فيه ايه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
!!!!!!!!!!!!!!!!!!!!!!!!!!!!!!!!!!!!!
بس يا حلوين العيب والحرام اللى مشيوا من مجتمعنا دول
احنا لسه مستنينهم يرجعوا تانى
وربنا يقرب البعيد
على فكرة كل المواقف دى مرت عليه فى حصاد خروجى لمدة
3 ايام
وربنا يستر لو خرجت كل يوم
الروابط المفضلة