السلام عليكم

احنا اسرة مكونه من اب و ام و اربع اطفال و مغتربين في دولة غربية

و نفكر بجدية بالنزول النهائي لمصر ولكننا لا نعلم بعد موجة ارتفاع الاسعار , هل سنقدر على الاقامة في مصر؟؟؟؟.

انا عايزة ان العضوات يكتبو لي ايه هو الدخل المناسب لاسرة من 6 افراد لتحيا حياة كريمة؟؟؟؟؟؟؟

ويا ترى تنصحونا بالرجوع لمصر ام لا, انا اصحاب زوجي بينصحوه مينزلش لان الحاله الاقتصادية صعبة ؟ واننا هنعاني كتير ودا مخوفنا

يا ريت الردود تكون عن تجربه

وجزاكم الله خيرا

بصى انتو اصلا كده ولا كده مش هتعيشو عمركم بره
لازم مسيركو ترجعو بلدكم فرجعوكم دلوقتى ارحم من بعدين
انا عشت ذات الظروف مع اهلى فالكويت وفضلنا ناجل السفر لحد ماكلنا خلصنا الثناويه العامه ماعدى اختى الصغيره
والنتيجه كانت ان بابا وماما ملهومش شغل هنا ولا عارفين يتاقلمو مع العيشه مع الناس على الاقل واحنا كمان بنعانى من عدم مقدرتنا على التعايش والتعامل حتى مع اقرب المقربين
وبابا مش عارف ينزل بيقول هيقعد يعمل ايه لانو معندوش خبره انو يعمل اى مشروع الغربه بتسحب الواحد
فاعتقد انك تصلى استخاره
وبالنسبه للوضع المادى وارتفاع الاسعار هى فى ازدياد وبالذات فى الصيف لان كتير من المغترين بنزلو والاسعار كل مدى بتزيد ده شىء فكل العالم حتى فالدول العربيه
انا خالى دكتور فامريكا بيعانى نفس الوضع ومحتار ينزل ولا لا المهم انو قرر ينزل خوفا على الولاد من المستوى الاخلاقى والاجتماعى وانهم مش بيتكلمو عربى ولا يعرفو قربيهم كويس والحاجات اللى انتى اكيد عارفاها كويس
فالخطوره هى خطوره اجتماعيه اكتر من هى ماديه وبجد ده عن تجربه
واهم حاجه تصلى استخاره واذا فى مقدره انكو تامنو دخل دايئم عن طريق مشروع او وديعه والحلول كتييييير وربنا يوفقك للى فيه الخير

السلام عليكم أختى
أنا مقدرة لحيرتكِ
بس قرار نزولكم لمصر بيعتمد على حاجات كتير أهمها: وظيفة وراتب الزوج اوالزوجة أو هما معاً إذا كان كليهما يعملان
كمان المرحلة الدراسية التى وصل إليها الابناء يعنى صعب تنزلي حد منهم على شهادة ، أيضا المبلغ المُدخر الللى ممكن تستعينوا بجزء بسيط منه كل شهر
وحاجات تانية انتى تقدريها بس دى اهم الاشياء
انا حاليا مقيمة مع والديَّ بره مصر بس ماما نزلت مصر عشرة ايام ورجعت الاسبوع الماضي لظروف
ورجعت بتقول والله أنا حاسة إن الحياة مش صعبة اوى زى ما الواحد بيقرا ويسمع يعنى ممكن الواحد يقدر يعيش حياة كريمة لابأس بها.

وعموما صلي استخارة كتييييييييير زى ما الاخت "loooooza"قالت لك
وربنا يوفقك ويهديك للى فيه الخير بإذن الله

اوعوا تنزلوا غيراما باباكى ومامتك يطلعوا معاش عندكوا وانتوا تبقوا خلصتوا كلكوا دراسه وفى سن جواز تنزلوا وقتها باباكى ومامتك يقعدوا فى البيت يتمتعوا بحياتهم ويجوزوكوا ناس كويسه وبس غير كده مالوش اى لازمه

حبيبتى اولا صلى استخارة
اما رأيى ان عدم النزول افضل مادمتم اسرة كاملة معا بالخارج انا زيك مغتربة مع زوجى وبسمع ان ظروف الحياه بقت صعبة وغالية فى مصر واكيد سمعتى واكيد هيكون فيه اختلاف فى مستوى المعيشة اللى تعودتوا عليه فى السفر
اونتى اكيد ادرى بظروفك فان كانت فى الغربة اضرار عليكم فانزلوا مصر واهم شئ الاستخارة
وفقك الله للخير

شكرا حبيباتي
ولكني اريد معرفة مقدار الدخل اللي يناسب عدد افراد اسرتنا؟؟؟ حتى تكون الصورة اوضح
و بالنسبة للاطفال هما 2 بس في المرحلة الابتدائية

سوف اعود مرة اخرى لارد على كل اخت ان شاء الله

بصى والله همه هنا فمصر الناس عايشه وباقل المرتبات كمان
على حسب الناس وطريقتهم فالانفاق وكده
شوفى بالنسبه ليه انا مثلا هقلك احنا اسره انا وزوجى وعندى بيبي واحد
وانا بدرس فالجامعه
المفروض راتب زوجى 900 جنيه فالشهر
بصراحه يعنى يدوووووووووووووووووووووووبك وعلى قد مبقدر بحاول اووفر
طبعا من كام سنى ال900 جنيه كانوا يعيشواا اى حد زى الفل
المهم على حسب توفيركم انتوا وعلى حسب مصاريف كل مدرسه مهو فى مدارس بعشر تلاف وخمس تلاف والفين او الف فالسنه
يعنى على حسب نوعية المدرسه غير باص المدرسه ومصاريف الاولاد الى طبعا بيختلف من ظرف لظرف
بس عمتا متوسط الدخل هنا فمصر تقريبا الفين جنيه فالشهر
بيمشي الحال
وفالاول والاخر استخيروا ربنا

كتبت بواسطة looooza

بصى انتو اصلا كده ولا كده مش هتعيشو عمركم بره
لازم مسيركو ترجعو بلدكم فرجعوكم دلوقتى ارحم من بعدين
انا عشت ذات الظروف مع اهلى فالكويت وفضلنا ناجل السفر لحد ماكلنا خلصنا الثناويه العامه ماعدى اختى الصغيره
والنتيجه كانت ان بابا وماما ملهومش شغل هنا ولا عارفين يتاقلمو مع العيشه مع الناس على الاقل واحنا كمان بنعانى من عدم مقدرتنا على التعايش والتعامل حتى مع اقرب المقربين
وبابا مش عارف ينزل بيقول هيقعد يعمل ايه لانو معندوش خبره انو يعمل اى مشروع الغربه بتسحب الواحد
فاعتقد انك تصلى استخاره
وبالنسبه للوضع المادى وارتفاع الاسعار هى فى ازدياد وبالذات فى الصيف لان كتير من المغترين بنزلو والاسعار كل مدى بتزيد ده شىء فكل العالم حتى فالدول العربيه
انا خالى دكتور فامريكا بيعانى نفس الوضع ومحتار ينزل ولا لا المهم انو قرر ينزل خوفا على الولاد من المستوى الاخلاقى والاجتماعى وانهم مش بيتكلمو عربى ولا يعرفو قربيهم كويس والحاجات اللى انتى اكيد عارفاها كويس
فالخطوره هى خطوره اجتماعيه اكتر من هى ماديه وبجد ده عن تجربه
واهم حاجه تصلى استخاره واذا فى مقدره انكو تامنو دخل دايئم عن طريق مشروع او وديعه والحلول كتييييير وربنا يوفقك للى فيه الخير

شكرا يا حبيبتي على ردك
انا معلش عايزة اعرف اخبار اولاد خالك ايه الان بعد الاستقرار في مصر يعني قدروا يتغلبوا على مشكلة اللغة و مستواهم الدراسي ايه الان؟؟؟؟ وايه انطباعهم عن المدارس المصريه؟؟؟؟؟؟؟

كتبت بواسطة قطرات الندى 14

السلام عليكم أختى
أنا مقدرة لحيرتكِ
بس قرار نزولكم لمصر بيعتمد على حاجات كتير أهمها: وظيفة وراتب الزوج اوالزوجة أو هما معاً إذا كان كليهما يعملان
كمان المرحلة الدراسية التى وصل إليها الابناء يعنى صعب تنزلي حد منهم على شهادة ، أيضا المبلغ المُدخر الللى ممكن تستعينوا بجزء بسيط منه كل شهر
وحاجات تانية انتى تقدريها بس دى اهم الاشياء
انا حاليا مقيمة مع والديَّ بره مصر بس ماما نزلت مصر عشرة ايام ورجعت الاسبوع الماضي لظروف
ورجعت بتقول والله أنا حاسة إن الحياة مش صعبة اوى زى ما الواحد بيقرا ويسمع يعنى ممكن الواحد يقدر يعيش حياة كريمة لابأس بها.

وعموما صلي استخارة كتييييييييير زى ما الاخت "loooooza"قالت لك
وربنا يوفقك ويهديك للى فيه الخير بإذن الله

جزاكي الله خيرا و شكرا على الدعاء وربنا يهدينا للي فيه الخير

كتبت بواسطة تردد

اوعوا تنزلوا غيراما باباكى ومامتك يطلعوا معاش عندكوا وانتوا تبقوا خلصتوا كلكوا دراسه وفى سن جواز تنزلوا وقتها باباكى ومامتك يقعدوا فى البيت يتمتعوا بحياتهم ويجوزوكوا ناس كويسه وبس غير كده مالوش اى لازمه

مش عارفة استوقفني ردك

بصراحة انا مش فاهمة انتي بتهزري


ولا بتتكلمي جد؟؟؟؟؟؟

على فكرة انا الام في الاسرة يعني انتي عاوزاني اقعد 30 سنه كمان؟؟؟؟؟

والله لو كانت دولة عربية مكنتش هتفرق معايا كتير الغربة في بلد عربي مش غربه
هنا العادات مخالفة تماما لعاداتنا والفتن كثيرة