كتبت بواسطة
فرح1983
بصي يا حبيبتي اول حاجة تدعيله ربنا يهديه لان القصة دي داء وبلاء، تاني شيء ما تصاريحوش مباشرة عشان ما يتجرحش منك ويضايق، ويحس انه اتعرى قدامك وتخليه يعند ويقول ماهي خلاص عرفت، بالعكس قربيه منك، اعملي اللي بيقولك عليه وبيشوفه دة طبعا لو مش حرام، اجذبيه ناحيتك بكل الطرق، ممكن يكون زهق من رتابة الحياة اليويمة فبيدور على التجديد والكويس في الموضوع انه بيجدد معاكي، صدقيني انا بقالي 3 سنين متجوزة واوقات بالرغم من اني ست بازهق، وباتمنى لو يبقى في تغيير في حياتي الخاصة، فبدور واقرا واجرب، حاولي مثلا تودي ولادك عند والدتك يومين وتعدي انت وهو وبس ، فيه افكار كتير للرومانسيات الزوجية هتلاقيها على المنتدى هنا، شوفي اللي يناسبك انت وجوزك وطبقيها، انزلي جيبي لبس جديد ولانجري من اللي بيحبه جوزك، اكيد بعد عشرة ماشاء الله لا قوة الا بالله عشر سنين بقيتي عارفة ايه اللي بيحبه هو. خليه يبقى جاي من برة مش عارف هتعمليله ايه وهيستنى ايه، احلى اكل ، احلى لبس، واحلى دلع، ارجعوا زي ما اول ما تجوزتوا، روحي للكاوفيرة ، اصبغي شعرك مثلا، اي تجديد، اي فرقعة كدة وتكون جميلة ومناسبة ليكي، هو انا هعلمك يا جميل، ماشاء الله الست بطبيعتها زكية وفيها فتنة ودلال ما يقدر الراجل يقاومها وخصوصا لو بيحبها وحلاله، انتي عارفة عاوزة منك ايه؟ عاوزاه طول ماهو مش موجود يفكر فيكي، اشغليه زي زمان، مرة تبعدي ومرة تقربي، اعزميه برة، من الاخر عاوزاة كل ما يشوف غيرك في اي مكان سواء برة البيت او على الكمبيوتر، خليه يحس بتأنيب الضمير من غير ولا كلمة منك، خليه يفكر، لا مراتي اجمل، مراتي دلوعة اكتر، ايه الهيافة دي، وهكذا، واهم حاجة الدعااااااااااااااااااااااااااء ليه وليكي ان ربنا يوفقك، وتاني حاجة استخلاص النية لله، يعين شهدي ربنا انك بتعملي كدة عشانه وعشان تحافظي على جوزك، واوعدك باذن الله انك هتتبسطي لما تلاقي جوزك كدة، يعني اعملي اللي هتعمليه مش عشان لازم، عشان تتبسطي انت كمان.
وربنا يوفقك يارب وابقي طمنينا عنك، وما تنسيناش في صالح دعائك.
الروابط المفضلة