السلام عليكم ..
يابنات مالي غيركم اتكلم معاه وافضفض واحكي اللي بقلبي بكل صدق
انا حاسه اني صرت حساسه مره ودمعتي دايم على خدي ب ابكي وابكي بحرقه على اسباب ماتستاهل كل البكى ( عيوني تنفخت خشمي احمر وجهي بقع )
وكل هذا على اشياء بااااااااايخه بس مو بيدي
هل معقوله الحمل والشهر الاخير هو السبب ؟؟
الله اعلم
بنات انا مقصره كثييييييييييير في بيتي وبزوجي وهالشي يخليني اتضايق اكثر واكثر
وكل ماحاولت اني احسن من نفسي مااقدر ودي اقوم اطبخ طبخه حلوه خاصه ان زوجي يحب اكل البيت ويحب اكلي بس اذا قمت اتوجع واتالم من بطني وظهري وركبتي وارجع للسرير ويجي وانا ماسويت شي
وشغالتي مابعد خليتها تطبخ تنظيف وبس لاني اوديها لبيت اهلي تتعلم الطبخ من شغالات اهلي ..
وعلى فكره زوجي مقدر ولله الحمد بس انا اللي تعبانه من هالشي مو هو احسه يكتم مايبي يقول انه متضايق
كل شي ابيه يسويه واذا في مره نسى زعلت وقعدت ابكي وحاله واعرف اني غلطانه بس اعيد واقول نفسيتي تعبانه احس اني مو قادره اتحكم بنفسي
طبعا كثير منكم يعرف اني ادرس وهالشي متعبني زياده تعرفون الجامعه والمحاضرات ومن قاعه لقاعه وقعده ساعات ويايجي الدكتور ولا تقعدين ماعندك شغل الا المحاضره اللي بعدها وكل هذا يتعب
مااعرف كم مره قلت تعب ويتعب وتعبانه بالموضوع
برضوا احس اني صرت مل العجوز بس اتشكى ااااااااه بطني ااااااااااااه ظهري تعبانه مابي اطلع مااقدر امشي ابي مابي ودي وعطني لاتعطيني كلمني لاتكلمني لاتروح لاتجي
يعني العاقل بيقلب مجنون
انا كتبت هالموضوع عشان افضفض وافك من نفسي شوي اعذروني اذا ازعجتكم وغثيتكم بموضوعي اللي كله تعب في تعب
ايه بقول شي
انا حاسه اني بولد بدري مااعرف ليش بعدين حركه البيبي كثيره مره مره ماشاء الله هل هالشي يسرع بالولاده غير الاعراض اللي ذكرتها قبل والله من الالم تلقوني ماسكه اسفل بطني ونازله شوي وانا امشي
والله احبكم واعزكم وماعندي غيركم افضفض له
بس
الروابط المفضلة