السلام علينا وعلي عباد الله الصالحين
السؤال هو ما الفرق بين زوجك وبين بباكي؟؟
أكيد كل واحدة بسرعة هتعمل مقارنة
متتعبيش نفسك الاجابة هي.........




الستات غلبانة وقعدتها مع باباها احسن لها ميت مره



مع بابا.. دخلتى المطبخ ما دخلتيش .. كله واحد وممكن باباكى يساعدك
انما مع جوزك ..مش بمزاجك .. ها تدخلى .. هاتدخلى

مع بابا .. فى العيد بيديلك العيديه وفوقيها بوسه ..
لكن مع جوزك .. بيقول انت خلاص كبرتى على الحاجات دى

مع بابا.. بتنامى وتصحى وقت ما انتى عايزه ..
مع جوزك .. وقت ماهو عايز .. او مع مواعيد شغله.

مع بابا.. بتشترى هدومك ومكياجك وكل اللى انتى عايزاه .. ويقولك حلو قوى عليكى
مع جوزك .. بيشترى لك برضه .. لكن ما قل ودل .. ويقولك .. فلوووووووووووووووووسى والمرتب

مع بابا لو حصل حاجه مثلا و كنتى زعلانه .. بيزعل عشانك ..
مع جوزك .. بيزعل منك .. ويلومك ازاى تزعلى اصلا

باباكى .. كلمه حلوه ترضيه ..
وجوزك .. طول الليل تحايلى فيه

باباكى وانتى عيانه .. سهران جنبك طول اليوم
انما جوزك بيروح ينام فى الاوضه التانيه.

بابا .. لما تدلعى عليه .. بيفرح بيكى
انما جوزك .. بيقولك ..اكيد عايزه حاجه

باباكى.. لما تقولى له .. ده حصل كذا وكذا .. بيهتم ويصدقك
انما جوزك .. بيقولك .. الموضوع دا وراه ان .. ويشك فى كلامك

بابا .. لو شافك بتعيطى ها يمسح دمعتك
انما جوزك .. ها يقولك يادى النكد

مع بابا .. لو حاطه ماكياج فاقع شويه.. ها يقول لك الهادى عليكى احلى .. وانت احلى من غيره خالص
لكن جوزك .. ها يقولك شكلك زى عروسة المولد

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟

بابا .. لو طلب منك كوباية ميه .. بيقولك لو سمحتى عايز ميه
انما الباشا يقولك قومى هاتى ميه


join us now to crazy crazy Group

لو بتتفرجى مع بابا على التليفزيون ... ها يسيب لك الحريه تتفرجى على اللى انتى عايزاه
لكن المحروس .. مافيش قدامك غير يا الاخبار يا الكوره .. يا ميلودى

بابا لو نازل مشوار .. بيعمل ليكى اعتبار ويديكى خبر
لكن جوزك .. بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل البابا بسرعه

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو جالك مكالمه غلط على موبايلك.. بابا ها يقولك حصل خير
لكن جوزك .. ها يتهمك بالخيانه ...

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو نفسك تغيرى مكان السجاده ..باباكى ها يقوللك عنك دى تقيله عليكى
لكن جوزك ها يقولك مش ضرورى وجع القلب دا

لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

لو حكيتى ل بابا على واحد عاكسك .. ها يقولك معلش .. وبعدين عنده حق . مانتى جميله
انما جوزك .. ها يقولك انتى اللى ماشيه مش محترمه

لو مقدمه على شغل ..باباكى.. ها يوصى عليكى طوب الارض
لكن جوزك .. مش ها يتعب نفسه ولا يهمه اصلا وها يقولك يعنى انتى ها تشتغلى وزيره

باباكى لو لاحظ انك متخانقه مع اختك .. ها يصالحكوا على بعض
لكن جوك هيقولك خليهم يولعوا دول عيله عجب

مهما باباكى كان متضايق .. لا يمكن تكلميه وتلاقيه مكشر
لكن جوزك.. لو متضايق .. مصر كلها هتنكد عليكي استحملى بقى

هههههههههههههههههههههه شنو اقولك والله تنو ضحكت من قلبي مقارنه حلوه
لكن يجب الا نظلم دايما الازواج ننسى مرات طباعهم ووقفاتهم الحلوه معنا اشكرك اختي الغاليه

اول موضوع خفيف الدم و بيضحك اقرأه فى النافذه
دمك خفيف جدا
جزاكى الله خيرا .... اولادى عمالين يسألوا : ماما بتضحكى على ايه ؟
بارك الله فيك

[QUOTE=رضى الروح;5569921]هههههههههههههههههههههه شنو اقولك والله تنو ضحكت من قلبي مقارنه حلوه
لكن يجب الا نظلم دايما الازواج ننسى مرات طباعهم ووقفاتهم الحلوه معنا اشكرك اختي الغاليه[/QUOTE]
أختي جزاكي الله كل خير
أوفقك الرأي يجب ألا نظلم الازواج لأننا لسنا ملائكة
وأظن أن كاتب هذه المقارنة يكون رجل يقوم بوصف حاله مع زوجته وأيضا حاله مع ابنته

كتبت بواسطة سحر66

اول موضوع خفيف الدم و بيضحك اقرأه فى النافذه
دمك خفيف جدا
جزاكى الله خيرا .... اولادى عمالين يسألوا : ماما بتضحكى على ايه ؟
بارك الله فيك

أختي جزاكي الله كل خير
وعلي فكرة الموضوع منقول من ايميلي ولما عجبني وضحكت منه قلت لازم ولابد اخواتي يشاركوني
وكمان نقدر نناقش الموضوع لو حبيتم لان هناك تشابه بين بعض هذه المواقف ومولقف حقيقية من الازواج
مع العلم اننا ياستات مش ملائكة احنا كمان لنا تصرفات تغيظ صح ؟؟

هههههههه...

دمك عسل يا عسل..

حلوووووووووووووووووووووووووووووووووووووووووووووووو وووووه وتسلمي ..

جمييييييييييييل
بجد ضحكت من قلبى
حلو التغيير والفرفشة دى
تسلمي

هههههههههههههههههههههههههههه
موضوع خفيف ولطيف
شوفى الفرق بين بيت باباكى وبيت زوجك :
بيت باباكى : كنتى بتتدلعى
بيت زوجك : المفروض انتى اللى تدلعى

حتى الزوج اللى بيدلع زوجته محتاج هو كمان انها تدلعه ، ولو هى معملتش كده يبقى عنده نقص فى حياته الزوجيه

بس ما تنسيش ان كلللللللل المسئوليات دى بتؤجرى عليها

وفى حاجه اسمها " حسن التبعل " بس مفيش " حسن التبنت " ههههههههههههه
فى بر الوالدين طبعا"

كمان فى رجال شغلها بياخد كتير من وقتهم بحكم طبيعه الشغل ولازم نعذر الزوج ونقدر احنا بقى ،
يعنى الحياه مشاركه ولازم نقدرهم

شكرا" كتيييير ليكى

كلهم عجبونى بس دول ضحكونى موووت

مع بابا .. لو طلبتى دوا من الصيدليه . جرى ها ينزل يجيبه
لكن جوزك ها يسالك بكام الأول؟

لو محتاجه فلوس فى حاله طارئه .. بابا ها يديكى من عينيه
لكن جوزك .. ها يقولك خدى من بابا

لو ما فيش فى التلاجه غير ازازة بيبسى واحده ..بابا ها يسيبها لك بنفس راضيه
لكن جوزك ها يقول معلش انا لازم ابلع او ها يقسمها معاكى

لو اتزحلقتى على الارض ..باباكى ها يجرى يشيلك
جوزك ها يقعد يضحك ويقولك ما انتى اللى مش منشفه الارض كويس

لو العربيه عطلت بيكى .. بابا.. ها يقولك اقفليها وتعالى وانا ها اتصرف
جوزك .. ها يقولك متركبيش العربيه تانى

الله يسعدك