ازيكوا يابنات انا كنت كاتبه ليكوا من كام يوم بس محدش رد تانى عليا انا كنت فى فرح واحده قريبتى المهم واحده شافنى فى الفرح واخد شريط الفديو وشافنى تانى فيه المهم :جه لينا البيت ودخلت قعدت معاه شويه صغيرين لانى كنت مكسوفه مووووووووت المهم انوا جه من من حوالى كام يوم ومحولشى يكلمنا تانى هو دا الطبيعى ولا ايه ولا كده هو صرف نظر انا بجد مكسوفه اوى اتكلم مع حد ادعولى ربنا يرزقنى بالزوج الصالح عاجلا وليس اجلا واللى عرفناه عنه انوا متدين اوى ودا اللى عجبنى فيه مع انوا مش امور ولا حاجه بس والله انا نفسى فى واحد متدين يارب ارزقنى انا وبنات المسلمين اجمعين عاجلا وليس اجلا يااااارب
قولولى رئيكم ايه وبالذات اللى مرت بتجربه تشبه تجربتى هو دا الطبيعى ولا كده خلاص
انا عارفه ان الحمد لله على كل شئ وانا صليت كتير واكيد دا خير ليا بس قولولى رئيك ؟؟؟؟؟؟؟؟؟؟ ربنا يجازيكم خير


:

حبيبتي ان شاء الله ربنا يسهلك الخير
و يرزقك بالزوج الصالح قريبا
يعني حبيبتي الموضوع يعتمد على كم المدة من يوم ما اجا
يعني هل صار فترة طويلة
و المفروض ان بعد ما الشاب و البنت يشوفو بعض
كل واحد يفكر
و ازا العريس وافق
يتصل او يخلي امه تتصل
عشان يعرف راي العروسة
و يحددود ميعاد للمقابلة الجاية
هدا اللي انا اعرفه و ان شاء الله خير
و ربنا يفرحك قريبا يا رب
و طمنينا عنك يا قمر

الله يوفقك ان شالله برجع اذا كان نصيبك

لتسلمى يارب mahmouds angel ,هو بقالوا اربع ايام بس بس معرفشى بقى
وتسلمى على ردك يا ريم الشرق
ربنا يعمل الخير

هلا فيكي حبيبتي
المهم انك صليتي وعملتي اللي عليكي واتركي الباقي لربك واكيد زي ما قلتي اللي حيحصل حيكون هو الخير ليكي
بس انا حسب معرفتي انه المدة اللي مضت (4 أيام) مش كتير ومش يعني انه مش عايزك او كدة
انا صحيح ما اعرفش بالحاجات دي بس بفتكر لما اخويا ربنا يصلحه خطب مرة بنت ما ردش عليها الا بعد اسبوع مع انها كانت عاجباه بس قال مش عايز يقولوا عنه دالق نفسه اوي !!!
والله اعلم بالنهاية
بس يعني راجل متدين زي ما بتقولي ما بيخطبش بالطريقة دي انه يشوفك وبعد كدة يشوفك عالفيديو بعدين ييجي يخطبك !!!!!!!
يمكن ربنا اعلم بيه وهو مش متدين ولا حاجة وربنا عايز يعوضك بواحد احسن منه؟؟!!!
وبعدين يعني مادام زي ما بتقولي شافك عالطبيعة وبعد كدة شافك عالفيديو واتأكد من ملامحك وبرضو جه وخطبك معناته انك عاجباه فايه اللي حيغير رأيه بعد كدة بعد ما جه وطلب ايدك
عموما ربنا يرزقك الزوج الصالح انا وانتي وكل بنات المسلمين آآآآآمين

السلام عليكم ورحمة الله وبركاته


أختي العزيزة .... رنيوتا
أهلا بيك يا غالية
أسأل الله ان ييسر ك أمرك و أن يرزقك الخير اينما كان

حبيبتي ... أربعة ايام ليست بفترة طويلة لكي تقلقي من رد العريس

فقد تكون لديه بعض الحسابات الآخرى التي يجب ترتيبها قبل
الاعلان عن الموافقة
حيث انه لابد بعدها ان يبدأ في اجراءات الخطبة و الزواج

فلا تكفي عن الدعاء و الاستغفاار
و صلي استخارة أكثر من مرة
فأنت بذلك تفوضي امرك لله
و تطلبي منه أن يبعد عنك الشر و أن ييسر لك الخير

و اذا كان لك نصيب في الزواج منه ...سيتم الأمر باذن الله
و اذا لم يكن مقدرك لك
فالله يعوضك خيرا منه


و الله يوفقك و يرزقك الزوج الصالح عاجلا غير آجلا

جزاكى الله الف خير يا سميره 34 بس على فكره احنا سئلنا عنوا كتير اوى وهو كان صاحب جوز اختى وجوز اختى افتكره وبيقولى انوا ايه ده محترم اوى ما شاء الله ومتدين اوى وبابا دكتور فى الجامعه وكويس وهو قبل ما يجيلى سئل عليا كتير وعلى عيلتى والحمد لله اطمن اوىىى الحمد لله بس بصراحه ريحيتينى لما قولتيلى على اخوكى اللى مرديش يرد الا بعد اسبوع ههههه
وانتى كمان يا noran5تسلمى على ردك وعلى دعوتك ليا على ظهر الغيب بجد انتوا احلى اخوات فى الدنيا ربنا يجازيكوا الف خير يارب يعملى الخير يارب ولكل المسلمين اجمعين

ربي يوفقك وعليك بالاستخارة والدعاء واسألي عنه ...

تسلمى يا حور العين ادعولى من قلوبكم يارب

الله يوفقك يا اختي و يكتبلك كل خير
و كوني اكيدة اذا ربنا كاتب النصيب بينكما، سيعود حتما"
و اذا ربنا مش كاتب النصيب ، فالله حكمة بكل شيء، و ان شاء الله يعوضك بأحسن منه
و عموما" فترة 4 ايام ، ليست طويلة، ربما هو ايضا" يستخير الله ، او يريد ان يعطيك الوقت الكافي لتفكري قبل ان يخطو خطوة جديدة و انت لست جاهزة بعد، الغائب حجته معه، و الله العليم
الله يرزقك الزوج الصالح في القريب العاجل و يكتبلك كل خير