أختى ياناس هتجننى كلها كام شهر وهيكون عندها 25 سنة وهيه تعليم على وتعمل فى مكان جيد براتب جيد جداً وعلى قدر متوسط من الجمال ( وهذا ليس إعلان زواج ) المشكلة ان كل ما جاها عريس تقبل الأمر وبعدين كام يوم وتبدأ تطلع العيوب اللى من وجهة نظرها دا مش مستريحاله دا قصير وانا طويلة معندوش امكانيت دا مشغول بأمه واخوات لسة هيجوزهم ومش يفضالها إلخ إلخ لحد ما جاء لها عريس مهذب محترم سنه مناسب أمكانياته فى ظل الغم اللى فى مصر جيده جداً مكافح بنى نفسة بنفسة وجاء ابن الحلال بموافقتها وعلمها وبدأ يتردد على أن يتم تعارف تام فى أطار أسرى إلى ان يقتنع كل الأطراف أختى تيجى تقول هو أسمر قوى وكأنها أول مره تاخد من ذلك بالها هو لا أسمر قوى ولاحاجة زى راشد الماجد كده
وهيه خايفة أطفالها يطلعو كدة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!! !!!!!!! طيب هى مرفضتوش بس بنحسها أكنها هتاكل اكله مش على مزاجها طب وبعدين أختى دى على طول مذبذبه مترددة متقلبة إلى أبعد الحدود طب وبعدين هتبدأ حياتها أمته بقى ولسه أصلاً فى أى جوازه فتره خطوبه سنه أو أتنين مش عارفة مصلحتها أزاى أقنعها أعقلها بدون متنفر غلبت مش عارفة أعمل أيه

انا ما اتوقع انه السمار سبب للرفض ...يمكن هي مو مقتنعه فيه لاسباب اخرى ..اقعدي معها وحاولي تعرفين السبب
وتبينين لها انه العمر يجري وهي مو صغيره وانه اذا كان صاحب دين واخلاق المفروض تستخير واذا فيه خير توافق
..وبيني لها انه اذا رفضت بدون سبب ممكن ربي يعاقبها وما يجيها احد افضل منه,,
ويمكن انه اختك رافضه لاحساسها با الستقلال المادي وانها ممكن ما تفكر با الزواج في هذا الوقت ..لاكن قوليالها انه العمر يجري
والله يوفقها لما فيه الخير ..وان شاء الله قريبا تعزمينا لزواجها

النحلة الحلوة أشكرك على كلامك العسل
واللهى بقولها ربنا يهديها يارب

السلام عليكم ورحمة الله وبركاته

أختي العزيزة ... حبيبة قلب امها

حياك الله غاليتي


أختي معك حق تقلقي من موقف أختك حفظها الله و هداها
فالرفض الغير مبرر لكل عريس أو اختلاق الأسباب الغير منطقية
أمر يقلق و خصوصا ان العمر يتقدم بها و فرص الزواج تقل

و كما ذكرت ايضا
ان الزواج في حد ذاته قد اصبح عملة نادرة
بسبب الأوضاع الاقتصادية المتردية في أغلب الدول العربية


أنصحكم غاليتي ..بعمل رقية شرعية لأختك الكريمة
ثم اطلبي من أحد والديك
ان يجلس معها و يطلب منها ان تستخير الله قبل رفض اي عريس يتقدم لها
ثم يتحدث بكل عقلانية و ود
عن مستقبلها و ضرورة الاختيار من أحد المتقدمين لها
على ان يكون اختيار مبنيا على أساس الدين و الخلق
كما وصانا الرسول الحبيب صلى الله عليه و سلم حيث قال

"اذا أتاكم من ترضون دينه و خلقه فزوجوه إلا تفعلوا تكن فتنة في الأرض و فساد كبير "

و انا أحبذ ان يحدثها والدك .فكلام الأب أكبر وقعا على الابنة في هذه المسائل
من كلام الأم .

و أيضا أن يتوكل باقناعها شخص واحد من الأسرة
و أما الباقين فيشعرونها ان لها مطلق الحرية في الرفض أو القبول
حتى لا تزداد عنادا و اصرار على موقفها

ثم اذا كانت لها صديقة أو قريبة تثق في كلامها و تقتنع برايها
يمكنكم الاستعانة بها في اقناع أختك بأن لا ترفض من أجل اسباب ليس لها
دور مهم في الحياة الزوجية
كالشكل أو اللون ...او حتى الطول
يكفي ان يكون شخصا شكله مقبول و كفى
و أن تبحث عن من يتق الله و يعرف حقوق الزوجة
و أن للفتاة عمر بعده يصعب الزواج أو ايجاد من يتقدم لها

و ان شاء الله تقتنع و تستجيب لكلماتكم و نصائحكم

و أنت غاليتي لا تكفي عن الدعاء لها بتيسير الحال
خاصة في الثلث الأخير من الليل و لا تقلقي كثيرا فنصيبها لم يأتي بعد
فاذا جاء النصيب .. لن ترى اي عيوب وستشعر بالرضا و القبول
ان شاء الله


أسأل الله ان ييسر لكم أمركم
و ان يرزق اختك الزوج الصالح عاجلا غير آجلا

السلام عليكم
الصراحه مشرفتنا الجميله نوران جابت م الاخر
وقالت مافيه المفيد
وانصحها بالاستخاره فى اوقات الاستجابه
والله يقدم لها الى فيه الخير

اول شي الله يوفقها ويبعتلها ابن الحلال المناسب
لا كتير تغصبوها لانه هادي حياتها وهي من حقها تختار زوج العمر
مش بعدين تحملكم العواقب وانتو وانتو وانتو
هي مو شايفته مناسب فعادي وهيه مش كبيره لسى قدامها وقت

انا رايى ماحدش يغصبها على حاجة
و ماتفضلوش تزنوا عليها فى موضوع الجواز
هى باين عليها بتتدلع اوى
و بتركز على حاجات غير هامة و ناسية جوانب الشخصية الهامة
انتوا الفتوا انتبهاها بس للصفات الكويسة فى اللى بيتقدملها و بس
و هى بقى اللى تقرر
هى اللى هاتتجوز مش انتوا

شكرا لكل ردودكم الجميلة والهى يا اخواتى اختى دى كلنا قلقانين عليها من طريقة تفكيرها هى مش عارفة هى عايزة ايه بالظبط والغريب انها بتعترف انها متقلبة ويا جماعة الزواج صعب جدا اليومين دول عندنا وصعب نلاقى شخص كويس أقول ايه بس غير ربنا يهديها

الاخوات ما قصروا بالردود 0 لكن السمرة ما مشكله

والله كل كلام الاخوات منطقى وهما نصايحهم كويسه
بس فى حاجة ممكن ما تكونوش واخدين بالكم منها
ممكن اوى تكون متعلقة بحد ومنتظرة انه يتقدم لها
ممكن تكون مرتبطة عاطفيا وعلى الاساس ده بتطلع عيوب تافهه فى كل اللى بيتقدموا ليها عشان كدة حاولى انتى تتكلمى معاها بصراحة وحسسيها انك معاها مش ضدها حسسيها انك مستعدة تفهمى موقفها مش تحسسيها بالذنب اعذرينى بس طول ماانتى محسساها انها مذنبه عمرها ما حتقولك السبب الحقيقى ورا رفضها للعرسان وخصوصا انه واضح من كلامك انها عنيدة
وزى ما انتى قولتى عندنا فى مصر الجواز صعععب بسبب الظروف الاجتماعية يبقى لازم فى سبب اكبر من انها متدلعة

حبيبتى حاولى تحسسيها بالامان معاكى لانك اقرب واحدة ممكن تحكيلها وربنا يوفقها ويوفقنا جميعا