بدايه اختى انا اشعر بكل ما تحكيه وعارفه يعنى ايه ناس بتفرض نفسها عليكى بس بعد مساعدتك طبعا او بمعنى اخر زوجك اداهم الفرصه لكده بصى حبيبتى اتكلمى مع زوجك براحه بس اختارى وقت مناسب لذلك يعنى يكون هادى وقولى له ان مش معنى ان صديقه له جمايل عليه ان حياتنا تكون بهذا الشكل معاهم وفهميه انك زهقتى ومليتى من كده وفهميه ان الاحسن انك تبداى تبعدى بس هوه ميدخلش يعنى قوليله عوزاك توافقنى من حيث مبدا ان حياتنا معاهم تاخد شكل الخصوصيه شويه ومالكش دعوه بالباقى انتى حتعرفى تسوى امورك معاها وبالنسبه ليها حاولى على قد ما تقدرى تبعدى شويه بشويه باى حجه بحجه انشغالك باى شىء ولعلمك اختى انتى ممكن فعلا تشغلى نفسك باى حاجه تانيه عشان كمان جوزك يقتنع انك مشغوله ومش فاضيه لخروجهم ونزهاتهم وقوليله انك عاوزه حياتك تبقى خاصه ومحدش يعرف عنك حاجه والحى عليه بهذا الطلب بس ده محتاج وقت يعنى مش بين يوم وليله ويا ريت تتابعنى واعرف ايش سويتى

نور انا فعلا مصريه ولكن زوجي في السعوديه وبالتحديد في الرياض وانا استفدت من قصتك لاني خائفه فعلا من الاختلاط بزوجات اصدقائه لانه له فعلا اصدقاء من مصر في السعوديه
انا احب الناس ولكن لا احب ان يفرض عليا احد واحب اختيار اصدقاءي بنفسي واحب ان لا تكون خروجاتي مع نفس الاسره كل مره بل احب اساسا ان اخرج انا وزوجي واطفالي وحدنا هذه طبيعتي
احب الناس ولا احب الاختلاط الشديد ولا احب ان يعرف احد بعينه كل صغيره وكبيره في حياتي وكانت حماتي تسالني يوميا عن ماذا اكلنا وكنت اتضايق من هذا ايما ضيق

لكن طبعا هذه الصديقه ليست طبيعيه ولا يتوفر نها كثيرا
المهم احببت ان اعرف اين تسكنين مع زوجك في السعوديه ايضا واين انتي من مصر انا من الاسماعيليه
ارجو الا اكون متطفله واذا لم تحبي ان تجاوبي فلن ازعل ولكن احببت ان اتعرف عليكي فقط

كتبت بواسطة maramn

أنا ياحبيبتي مشكلتي بدأت من يوم ماتزوجت قبل أربع سنوات يعني كنت لسه عروسه برضو زيك ياحبيبتي للأسف نفس البداية.. زوجي كان عنده صديق مقرب جدل قبل زواجي وكان صديقه متزوج من سبعة شهور وجاب زوجته السعودية ، المهم زوجي قال يعرفني عليها ونصير أصحاب عشان يبقى قريب من صاحبه مع أني أن تربية السعودية ومواليد السعودية ومابحب الاختلاط بس وافقت على مضض لانه ماكان يطلعني مشاوير ولايمشيني إلا لو هم موجودين عشان ينبسط مع صاحبه ، المهم لاحظت أنها هي وزوجها كل مايكون في خميس وجمعة يتصل هو على زوجي ويقولوا "ها.. إيش المخطط.. فين حنخرج بكره؟؟" وكانه زي فرض الصلاة لازم يخرجوا معانا ، وانا كنت لسه عروسه ونفسي نخرج انا وزوجي لحالنا بس مافي فايدة لما كنت أرفض يزعل زوجي ويقولي انت بتحرميني من أصحابي ، أو أحيانا أتكسف أرفض لانهم واحنا لسه في السيارة مروحين من الخرجة الأولى بقعدوا يخططوا للخرجة التالية أو الزيارة وبقولولي ايش رايك كذا كذا فكنت اتكسف ، حتى لما بدي أروح السوبر ماركت مع زوجي اشتري أغراض بعدي عليهم عشان هم يشتروا أغراض يعني صاروا يعرفوا احنا ايش بناكل وايش بنشرب وكم بننفق في الشهر(وطبعا الغلطان الأول والاخر هو زوجي، شو رايكم يااخواتي صح كلامي) ، وكان اذا صار مشكلة بيني وبين زوجي على طول يقولوا لي انت غلطانه ولازم تعتذري حتى لو كان هو الغلطان ومرت الأيام على هذه الحال وحملنا وخلفنا انا وهي وطبعا زادت الزيارات وكان في إحدى المرت حصلت لي ظروف مرضية وليس لي أهل في الغربة فتركت أولادي عندها ولما رجعت وجدتها قد ضربت أولادي قال شو مابيسمعوا الكلام؟؟ مع اني لما تترك عيالها عندي مهما يطلعوا عيني ويضربوا أولادي حتى بس بصبر عليم وبقول حرام اطفال بعيد عن امهم ولابعمل معاهم شيء يضايقهم..هي يمكن آخذه الموضوع انه الكلفة مرفوعة بيننا بس أنا معرفاها هي وغيرها انه مابحب حد يضرب أولادي حتى لو أبوهم..
طبعا الكل حيسألني مثلماأنا سألتك في الأول ليش ماقطعت علاقتك فيها من الأول ؟؟ صح كلامكم بس المشكلة إنه زوجي مابطلعني ولابعمللي شيء ألا إذا كانوا موجودين .. قد تستغربوا وتقولوا ليش ، أو تحسبوا أنه زوجي مش طبيعي.. حسب كلامه أنه هذا الصديق له جمائل كثيرة جدا عليه ولايستطيع الاستغناء عنه أبدا.. وأنا قلت له كثير انت وصاحبك شوفوا بعض وزورا بعض بس طلعني أنا من الموضوع .. فكان يزعل ويقولي انه مش لائق يروح بيت واحد متزوج وزوجته معاه في البيت بدون مايأخذ مرته تقعد مع الحرمه التانية..
طبعا يوجد أحداث كثيرة بس مستحية أكتبها في المنتدى تقوم الست تعرف أنا بحكي عن مين..
آسفه طولت عليكم بس ايش رايكم في مشكلتي..

بجد شيء يخنق والله يكون في عونك حاجه لا تنطاق زوجي له صديق يعمل بالسعوديه وعندما جاء اجازة لمصر وكان زوجي معي لم يسافر بعد كان يكثر من الاتصال بزوجي انت فين كل شويه وحسيت اني مخنوقه بجد يتصل عالموبيل 15 مره ورا بعض لمجرد انه فاضي ولما يكون مشغول او خارج مبيعبرناش طبعا
اتخنقت خاصه اني كنت بخرج اتفسح يوميا مع زوجي لان الدنيا كانت صيف ونحب نقعد علي البحر كل يوم لان زوجي كان هيسافر وعاوزة اغتنم كل لحظه معه ولا اريد ان يقطع احد علينا خلوتنا ولكن هذا الصديق كان يزهقنا كنت اشجع زوجي انه يتنصل منه بلباقه
ايوة نخرج مع بعض بس مش كل يوم انا كنت برجع واحس ان زوجي غاب عني كتير اوي بيقعدو يسهرو للساعه 3 بالليل وحاجات مش عاجباني
المشكله ان هذا الصديق موجود الان في السعوديه هوا ومراته ويا خوفي من الاختلاط الشديد بيهم
مشكلتك صعبه لكن حاولي تخلعي منهم بالزوق واحده واحده وفعلا زي ماقالت نور اشغلي نفسك باي شيء وفهمي زوجك انك بتحبيه وتحبي تخرجي معاه لوحدك
والله المستعان

شكرا لكم ياحبيباتي الأخت نور والخت نايس1 والله انه ردودكم فرحتني وحسستني بتفاعلكم معاي ، وأنا كتير حاولت مع زوجي بالهدوء وبالراحة وهو عارف اني مشغولة لأني موظفة ولدي أولاد ، بس هذا كله لم يشفع في زنهم علينا لانه في خميس وجمعة وأعياد .. أنا بس بدعي ربنا يفرجها علي ، وأأختي نايس1 نصيحة إذا جيت السعودية مع زوجك من أولها لاتعطي فرصة لحد يلزق فيكم .. أنا ماقدرت لأنه زوجي عصبي جدا جدا بدرجة ماتتخيلوها يعني لو زعل مني كتير ممكن يمد إيده فأنا بحاول أحفظ كرامتي وماأناقشه كتير لانه أنا اللي حتتبعتر كرامتي في الآخر ومابقدر عليه..

شكرا حبيباتي.. مجرد فضفضة..

الله يكون في عونك حبيبتي وبلاش طبعا تستفزي زوجك
وكل واحده ادري بطريقه التعامل المثلي مع زوجها
وارجع اقول حاول لكن اهم حاجه برضه تسعدي زوجك وربنا يهنيكو
وشكرا علي نصيحتك

كتبت بواسطة نايس1

نور انا فعلا مصريه ولكن زوجي في السعوديه وبالتحديد في الرياض وانا استفدت من قصتك لاني خائفه فعلا من الاختلاط بزوجات اصدقائه لانه له فعلا اصدقاء من مصر في السعوديه
انا احب الناس ولكن لا احب ان يفرض عليا احد واحب اختيار اصدقاءي بنفسي واحب ان لا تكون خروجاتي مع نفس الاسره كل مره بل احب اساسا ان اخرج انا وزوجي واطفالي وحدنا هذه طبيعتي
احب الناس ولا احب الاختلاط الشديد ولا احب ان يعرف احد بعينه كل صغيره وكبيره في حياتي وكانت حماتي تسالني يوميا عن ماذا اكلنا وكنت اتضايق من هذا ايما ضيق

لكن طبعا هذه الصديقه ليست طبيعيه ولا يتوفر نها كثيرا
المهم احببت ان اعرف اين تسكنين مع زوجك في السعوديه ايضا واين انتي من مصر انا من الاسماعيليه
ارجو الا اكون متطفله واذا لم تحبي ان تجاوبي فلن ازعل ولكن احببت ان اتعرف عليكي فقط

حبيبتى ليه ازعل من سؤالك احنا هنا اخوات بس انا مقلتش انى فى السعوديه انا قلت فى دوله عربيه حبيبتى انا مصريه من القاهره ومعى ليسانس حقوق ودبلومه فى القانون الدولى وبعمل ماجستير فى اداره الاعمال وعايشه مع زوجى فى دبى وعندى طفله اسمها نور الهدى عندها سنه وشهرين وكان نفسى اكون فى السعوديه ونتعرف على بعض بس ممكن تراسلينى عالخاص وعلى فكره انا بحب اسماعيليه وبحب القنطره اوى وبموت فى المانجا اللى عندكم هههههههههههههههه
خدى بالك من نفسك فى الغربه انا فهمت من كلامك انك تقريبا حتعيشى مع زوجك من اولها كده اعملى حدود فى التعامل مع الناس هذا افضل واحسن والكرم المفرط معاهم بيطمعهم فينا مش بس الكرم المادى لا كرم فى كل حاجه فى الطيبه والاهتمام ودى مشكلتى اللى بداتها مع جارتى كنت طيبه وكريمه معاها زياده عن اللزوم لدرجه انى حسيت انها بتستغلنى ماديا ومعنويا بس الحمد لله على كل حال متنسيش تردى عالخاص

اهلا بيكي نور الهدي وانا سعيده بالتعرف عليكي ويا ريتك فعلا كنتي في السعوديه اهو كنا نحج مع بعض هههههههههه
ربنا يخليلك بنتك يا قمر وانا عندي ولدين عمر كي جي وان
ومعاذ 3 سنين
وخريجه صيدله
المانجا عندنا فعلا حلوة اوي ههههههههه لو عاوزة في موسمها ابعتلك قفص ابعت بس انتي اامري
المهم فعلا بالنسبه للموضوع المفروض الواحد يعمل حدود من الاول لانه لو سابها مفتوحه عالبحري في الاول وبعدين قفلها هيحصل زعل ومشاكل
لكن لو من الاول الطرف الي قدامك هيفهم ان ده طبعك وهيتقبله
واستنيني عالخاص يا قمر

شكرا لكل من شارك فى الرد ونا فى انتظار المزيد من ردودكن اخواتى

اختى نايس 1 حاولت ابعتلك عالخاص بس تقريبا فى مشكله مش عارفه ليه

اين انت يا نايس 1