اخواتى انا عضوة جديدة وليس لى مشاركات كثرة وطبعا عايزة اقول انا حبتكم فالله كثيرا جدا والله على ما اقول شهيد فهذا المنتدى اكثر من رائع ويكفى انه ملتزم بمبادىء الاسلا م الصحيحة وان معظم الاخوات ملتزمات ولا نزكى على الله احدا كما ان رد الاخوات على المشاكل كلها عقلانية غير متهورة كما يشاع عن النساء ولكن يا جماعة عندى استفسار صغير بما انى جديدة فى الموضوع وهو انى ارى ان لكل قسم مشرفات عليه كيف اختيرت هؤلاء المشرفات هل هم اصحاب الموقع و الممولين له ام ماذا وايضا ارى مجموعات احس انهم اخوات يعرفون بعض هل يعرفو بعض فعلا ام على النت فقط ولى ملاحظة اخرى وهى ان كثير من المواضيع بتكرر وهى بتعتبر مشاكل شخصية عندما اقراها اتاثر بيها وارد عليها الاقى الرد راح فى الصفحة الاخيرة مثلا وعندما تفتح اجد ان الموضوع اتحل او ان الموضوع حصل فيه تطور فاجد ان ردى ليس له معنى فيريت ان المواضيع المهمة اللى تفيد ااكل هى اللى تتكرر وفيه حاجة تانية معلش انا حتعبكو معايا ازاى اعمل دكوريشن للموضوع بتاعى وازاى اعمل امضاء خاصة بيا مثل البنات سامحونى على كتر الاسئلة انا طولت عليكو وتحياتى لكل الاخوات

اهلا بك اخت امل في منتدانا الحبيب اما الاستفسارات التي طرحتيها فاتركها للمشرفات المختصات

اهلا بيك معانا يا امولة منوراانا وفعلا المنتدى اكثر من رائع
انا هحاول اقولك شوية على اللى اعرفة والباقى على اخواتى
بالنسبة للمشرفات اعتقد والله اعلم انهم حصلو على اللقب لما وصلتردودهم رقم معين وعلى مدى تاثيرهم فى المنتدى
بالنسبة لاحساسك بان فية اخوات يعرفو بعض فدول بيعفو بعض من خلال المنتدى وبيتحابو فى الله انا نفسى اصبح لى اخوات اعز من اخواتى هنا فى المنتدى
وبالنسبه للامضاء اختارى لوحة تحكم العضو من اعلى الصفحة وانت هتعرفى تكملى انشاء الله

حبيبتي اولا اسمحيلي اقولك انك منورة المنتدي وطبعا احنا كمان بنحبك في الله ويا رب ربنا يحبك ويحبب فيكي خلقه بالنسبة لأسئلتك يا قمر انا هاجاوبك علي اللي اعرفه ويا رب لو فيه غلط المشرفات يساعدوني بصي يا سيتي اختيا المشرفات بيبقي عن طريق نشاطهم وتأثيرهم وخدمتهم لأعضاء المنتدي يعني الادارة بتلاقي عضوة معينه بتساعد العضوات وبتحل مشاكلهم فتقوم ترشحها للاشراف والادارة تبعت للعضوة دي تطلب منها تمسك اشراف قسم معين ومن حق المشرفة انها توافق او ترفض ولما توافق تقوم تبقي مشرفة ويضاف اللقب ده ليها وعلي فكرة انا متهيألي ان المشرفات بيبقي ليها مكان يتكلموه فيه يعني بيبقي ليهم حاجة شبه الصفحة بتاعتنا بيدخلوها ويقترحوا فيها مواضعهم ويتناقشوا فيها بس طبعا محدش بيشوف الصفحة دي غير المشرفات وكمان من حق المشرفات انهم يقفلوا او يمسحوا الموضوع اللي شايفينه غير مناسب وكمان منحقهم يدخلوا لساحة الحذف ويشوفوا المواضيع المحذوفة وبالنسبة لسؤالك انك بتكتبي رد وتلاقيه بقي في الصفحة الاخيرة بده لأن الردود ماشية بالترتيب وكمان بالنسبة لسؤالك ان فيه مواضيع بترجع للصفحة الاولي فده بيعتمد علي الرد علي الموضوع يعني اي موضوع في الصفحات الاخيرة حد رد عليه هيتنقل فورا للصفحة الاولي وبالنسبة لسؤالك عن التوقيع فده يا قمر بيكون عن طريق انك تدخلي لوحة تحكم العضو وتختاري خاصية تغيير التوقيع وتحطي التوقيع اللي يعجبك.
وبالنسبة انك بتسألي ان في عضوات بتحسي انهم بيعرفوا بعض ففعلا في عضوات بييكونوا عارفين بعض قبل ما يدخلوا المنتدي يعني مثلا عضوة واختها او عضوة وصاحبتها وفي عضوات بيعرفوا بعض من المنتدي وبيبقوا اصحاب.
يا رب اكون رديت علي اسئلتك يا قمر واي سؤال تاني احنا تحت امرك

السلام عليكم هلا بامولة وغلا نورتي المنتدى حبيبتي واسئلتك باذن الله سيردون عليها الاخوات المشرفات واهلا فيكي مرة ثاني والسلام عليكم

حبيباتى جزاكم الله خيرا على اجابتكم

السلام عليكم ورحمة الله و بركاته

أختي العزيزة ..امل سعد
أحبك الله الذي احببتنا فيه
و أهلا و مرحبا بك بيننا أخت و صديقة عزيزة
أتمنى أن تجدي بصحبتنا كل المتعة و الفائدة

بارك الله فيك غاليتي على الاطراء الجميل و الاشادة بمنتدانا الغالي و عضواته الكريمات
جعلنا الله دائما عند حسن ظنكم بنا

الأخت الرائعة أنجل جزاها الله عنا كل خير أجابة على استفساراتك
و أنا ايضا ساقوم بدوري الذي يحتمه علي موقعي كمشرفة في الركن

انى ارى ان لكل قسم مشرفات عليه كيف اختيرت هؤلاء المشرفات هل هم اصحاب الموقع و الممولين له ام ماذا

حبيبتي المشرفات الأوائل في الموقع تم اختيارهم من قبل الادارة
و بعد ذلك اصبحت المشرفات يخترن من بين العضوات ,,العضوة الأكثر نشاط و التي تتعاون
مع الأخوات بشكل طيب و فعال
يرشحونها للاشراف بالاتفاق مع بعضهم البعض في ركن الاشراف
..ثم يتم مراسلة المشرف العام الأخت أسيرة الغربة
وهي بدورها ..اما تقبل بالترشيح او ترفضه و تطلب اختيار عضوة أخرى

وايضا ارى مجموعات احس انهم اخوات يعرفون بعض هل يعرفو بعض فعلا ام على النت فقط

هناك العديد ممن هم صديقات من خارج المنتدى أو اقارب
و هناك من تربطهم علاقة أخوة في الله من خلال المنتدى فقط لا غير و لكن مع العشرة
الطويلة اصبحن أكثر من أهل

ولى ملاحظة اخرى وهى ان كثير من المواضيع بتكرر وهى بتعتبر مشاكل شخصية عندما اقراها اتاثر بيها وارد عليها الاقى الرد راح فى الصفحة الاخيرة مثلا وعندما تفتح اجد ان الموضوع اتحل او ان الموضوع حصل فيه تطور فاجد ان ردى ليس له معنى فيريت ان المواضيع المهمة اللى تفيد ااكل هى اللى تتكرر

المشاكل لا تتكرر غاليتي فكل عضوة لها مشكلة تختلف عن مشكلة غيرها
حتى لو كانت تحمل نفس المضمون و ترتيب الردود يتم حسب توقيت الرد
اي أنه لا يمكن لأي رد ان يتقدم رد أخر و لا بأي شكل من الأشكال
و الموضوع يستمر في الصفحة الأولى للنافذة طالما انه يستقبل ردود
و ما أن تتوقف الردود ينزل في الصفحة الى أسفل ثم ينتقل بعد ذلك الى الصفحات الخلفية

وفيه حاجة تانية معلش انا حتعبكو معايا ازاى اعمل دكوريشن للموضوع بتاعى

وازاى اعمل امضاء خاصة بيا مثل البنات

عذرا يا غالية فاجابة هذين السؤالين يطول شرحها
و الأفضل ان تطرحي سؤالك في ركن التصاميم هم لهم اسلوبهم الخاص في شرح هذه المسائل
افضل منا بكثير

أرجو أن أكون قد افدتك و مرة أخرى أهلا بك بيننا

اهلا" ومراحب بيكى يا اموله ومنوره المنتدى
واحب اقولك على معلومه مش حتتخيليها
تصورى من يوم ما واظبت على تصفح الموقع
وانا معظم وقتى فيه
وبقى من النادر انى افتح مواقع تانيه
اقولك ليه
لأنى بلاقى كلللللللللللللللللل اللى انا عاوزاه هنا وزياده
يعنى الموقع شامل عام
والاهم زى ما قولتى ان الاخوات هنا الغالبيه العظمى ولله الحمد ملتزمات وربنا يبارك فيهم وفيكى

وماشاء الله انجل جاوبت ووفت جزاكى الله خير انجل