السلام عليكم ورحمه الله وبركاته
بالله عليكم كل اخت تدخل تقرأ الموضوع تكتبلى حل للمشكله
حتى لو شايفه انه نفس اقتراحات الاخرين برضه تساعدنى
جزاكم الله خيرا احبائى
انا هقولكم الموضوع من البدايه
انا كنت من سنه بنت عاديه
لسه داخله الكليه جديد واول سنه
الحمد لله محترمه والله عمرى ما عملت حاجه غلط او حرام
المهم انى اتصحبت على بنتين
البنتين دول كانوا بيحبوا ولدين
كانوا علطول بقى بيحكولى عنهم وعن كلام الحب بينهم
والمشاعر وكل الحاجات دى
وانا زى اى بنت مشاعرى تحركت
واتمنيت انى احب زو كل البنات والاقى حد يحبنى
ولقيت الشخص ده
ولد هو محترم بصراحه وكل حاجه لكن عيه مستهتر جدااا
وطلب منى انه يكلم اهلى على اساس انى لو اتقدملى حد يرفضوا لحد ما انا وهو نخلص دراسه ونرتبط رسمى ببعض
وقالى انه عايز اهله يكلموا اهلى علشان يكون ربط كلام يعنى
المهم انا بصراحه كنت بحبه جدا وهو يعنى مقدرش اوصفلكم هو بيحبنى قد ايه ومتعلق بيه قد ايه
تقريبا مخلينا انا اهم وكل حاجه فى حياته
لكن انا جت عليه فتره وقطعت علاقتى بالبنات دى
وابتديت اراجع نفسى على كل حاجه بعملها
لقيت نفسى انا انسقت وراء تيار اصحاب السوء لا غير
لقيت انهم قدروا يحركوا مشاعرى وغرزتى الى كانت مستقره تحت الحياء والعفاف التى تتصف بيه كل فتاه مسلمه
وكل ما احمله لهذا الشاب من مشاعر مجرد عاطفه متحره كانت تريد ان ترتوى وخلاص
لقيت نفسى قادره استغنى عنه
وانى نفسى ارتبط بواحد تقريبا مختلف تماما عن صفاته
وبدءت احاسب نفسى
وقررت انى لازم ارجع زى ما كنت الاول
رجعت تانى لاصحابى الصحبه الصالحه
وبقيت اذهب معهم لحفظ القرآن
واحضر دروس العلم
والحمد لله فى طريقى للالتزام
ولكن المشكله هى
الشاب ده انا اعمل معاه ايه
طلبت منه اكتر من مره يسبنى ويبعد عنى
وكل مره يقولى حرام عليكى انتى ليه بتعملى كده
انا مقدرش اسيبك
لدرجه انه بكى فى التليفون والله لما طلبت منه يسبنى
ولما قولتله علاقتنا دى حرام طلب منى انه يطمئن عليه من خلال التليفون فقط
وفعلا بيتصل بيه لمجرد لسؤال عنى فقط ولا يوجد بيننا كلام تانى
لكن بصراحه انا تعبانه
وعايزه اقطع العلاقه دى
لانه فعلا مش الانسان الى هيقدر يتحمل مسئوليه
هو مستهتر جدا
حتى الدراسه سقط فيها
والسنين الى كنا محددنها زادت سنه
وانا والله بتعب كل يوم عن الى قبله
انا عايزه اسبه بس مش عارفه ازاى
انا عارفه انى علقته بيه
بس والله انا اتعلقت بيه برضه وحبيته لكن الالتزام وحبى لله ورسوله كان اقوى منى
ساعدونى اعمل ايه
واقطع العلاقه دى ازاى
قولولى اقتراحات اقطع العلاقه دى بيها
جزاكم الله خيرا

انا هكلمك بصراحه ويمكن يكون رايى صح ويمكن يكون غلط
انتى ليه بعدى عنه مع انك بتحبيه وهو شكله بيحبك بجد؟
يا ترى بعدى عنه عشان ده حرام زى ما بتقولى !؟
ولا عشان هو مستهتر؟
ها انا هفضل معاكى لحد منلاقى حل
اختك ملك

بصراحة اختي انا وعاش في انش تقطعين علاقتش بهذا الشاب اذا كان ليس على قدر المسؤولية
انتي تكلمي معاه بصراحة تامة و قولي له عن الاسباب و اذا اصر على موقفه خلاص قوليله يتقدم و يشوف رد اهلش
و انا متأكدة اذا لقى الرفض من اهلش بيحس باحباط و بيبتعد و اذا ما رضى يبتعد
غيري رقمش و ادعي ان الله يهديه و ان شاء الله ما يصير الا كل خير

و انا ايضا معاكي حبيبتي
انا اقترح انك طالما ما مقتنعة به سواء كان السبب انك حسيتي ان هذه العلاقة حرام او لانه مستهتر
ما تردي عليه حتى بالتلفون طالما انك فهمتيه بالاول انك ما تقدري تكملي معاه
و شوية شوية ممكن ينسى

كتبت بواسطة ملك الارض

انا هكلمك بصراحه ويمكن يكون رايى صح ويمكن يكون غلط
انتى ليه بعدى عنه مع انك بتحبيه وهو شكله بيحبك بجد؟
يا ترى بعدى عنه عشان ده حرام زى ما بتقولى !؟
ولا عشان هو مستهتر؟
ها انا هفضل معاكى لحد منلاقى حل
اختك ملك

اختى طبعا انا السبب الاول والاخير انه علشان العلاقه حرام
لكن من ناحيه مستهتر دى كانت من الاسباب العاديه الى انا بقولها لانى بعرفكم عليه مش اكتر
لكن انا عايزه اقطع علاقتى بيه لانها علاقه حرام
وهو مش قادر يفهم كده
عارف انها حرام وعايز يكمل ومفيش مشكله عنده
وهو بيتصل بيه وانا خليت حدود للكلام معاه يعنى سلام وعامله ايه وخلاص
ولما بيجى يتجاوز الحدود دى انا بوقفه وطبعا بتقلب بخناقه
مستنيه ردك يا اخت ملك

كتبت بواسطة safy727

بصراحة اختي انا وعاش في انش تقطعين علاقتش بهذا الشاب اذا كان ليس على قدر المسؤولية
انتي تكلمي معاه بصراحة تامة و قولي له عن الاسباب و اذا اصر على موقفه خلاص قوليله يتقدم و يشوف رد اهلش
و انا متأكدة اذا لقى الرفض من اهلش بيحس باحباط و بيبتعد و اذا ما رضى يبتعد
غيري رقمش و ادعي ان الله يهديه و ان شاء الله ما يصير الا كل خير

جزاكى الله خيرا اختى على مرورك بس طبعا انه يتقدم صعب جدا لانه لسه فى الدراسه
واهله عمرهم ما هيقبلوا لانه سقط السنه الى فاتت والسنادى بيعدها يعنى صعب جدا

و انا ايضا معاكي حبيبتي
انا اقترح انك طالما ما مقتنعة به سواء كان السبب انك حسيتي ان هذه العلاقة حرام او لانه مستهتر
ما تردي عليه حتى بالتلفون طالما انك فهمتيه بالاول انك ما تقدري تكملي معاه
و شوية شوية ممكن ينسى

اختى زهره البنفسج مشكوره على ردك
وانا فعلا حاولت اعمل كده لكن مفيش فايده
مبيفقدش الامل
مشكوره حبيبتى

كتبت بواسطة safy727

بصراحة اختي انا وعاش في انش تقطعين علاقتش بهذا الشاب اذا كان ليس على قدر المسؤولية
انتي تكلمي معاه بصراحة تامة و قولي له عن الاسباب و اذا اصر على موقفه خلاص قوليله يتقدم و يشوف رد اهلش
و انا متأكدة اذا لقى الرفض من اهلش بيحس باحباط و بيبتعد و اذا ما رضى يبتعد
غيري رقمش و ادعي ان الله يهديه و ان شاء الله ما يصير الا كل خير

انا مع الراى ده وفعلا لازم تكلميه وتفهميه بصراحه عن كل الاسباب عشان متبقيش ظلمتيه
وشوفى هو هيقول وهيعمل ايه

كتبت بواسطة ملك الارض

انا مع الراى ده وفعلا لازم تكلميه وتفهميه بصراحه عن كل الاسباب عشان متبقيش ظلمتيه
وشوفى هو هيقول وهيعمل ايه

والله كلمته
قولتله العلاقه حرام ومفيش فايده
حتى لما اتحججت بانه مستهتر وكده
وعدنى انه هيتغير
وطبعا كله كلام فى كلام مفيش فعل
والله والله انا همى كله ان العلاقه حرام مفيش اى سبب اخر
يا ريت تكونى قدرتى تفهمينى

اختى الكريمة انا نفسى افيدك واساعدك هقولك احساسى وانتى ممكن تردى عليا
انتى اولا محبتيش الانسان دا انتى يمكن اتشديتى للتجربه وبس كلامك معناه انك محبتهوش وعلشان كده انتى لما فكرتى تانى ورجعتى نفسك عرفتى انك غلطى وان دا حرام انا شايفه انك لو كنتى حبتيه كنتى هتنسى كل عيوبه دى وكنتى هتساعدية وتحاولى تغيريه وانا رأى انك النهارده قبل بكرة تكلمية بصراحة وتعرفيه انه مش فى قلبك وتوضحى له بصراحة ومن غير مبررات انك مبتحبهوش وصدقينى بعدها هيبعد عنك لان من كلامك شخصيتة هوائية وممكن ينساكى بسرعه ويعرف بنات غيرك دا رأى وبتمنى اكون فيدتك اختى

والله فعلا صعب اوى انك تفتكري انك بتحبي شخص
وبعدين تكتشفي العكس
طب انا عندي ليكي كام سؤال
انتى حاسة انك لو كملتي معاه هو اللى ممكن يسعدك؟
هو فى صفات كتير مش عجباكي؟
هل تقدري تغيريها؟
انا عندي ليكي الحل
وفعلا كتير من صحابي طبقوة وكان ليهم نفس مشكلتك
الحب وبعدين الندم وانك متقدريش تبعدي
قوليلة واقنعية انك معندكيش غير حل طريق واحد عشان يوصلك
هو انة يتقدم لاهلك رسمي ويكون الموضوع بينكم رسمي
وطبعا هو مش هيقدر يعمل دة غير لما يتخرج
صدقيني وقتها هتقدري تكوني حددتي هل فعلا بتحبية
وهل فعلا هو يقدر يتغير عشانك ويبقى الانسان اللى بتتمنية ولا لا؟
يارب اكون افدتك
وربنا يوفقك بجد