موضوع قريته وعجبنى دمه خفيف وحبيت تشاركونى فيه

ماتزعلش مني ياحبيبي

طب ??????(بالله عليك)ماتاخد على خاطرك مني
دانتا نور عينى
خلاص بقى ماتزعلش

*******
تعالى نقعد فى الفراندا.. دا الهوا الليلة يرد الروح ياحبة عيني
ايه يعني لما أفضفض بكلمتين واقفين فى زوري.. مش لازم أقولك اللي مزعلني عشان أصفى
هوّ انا ليا مين غيرك يعني؟
طب دانا عاملالك الرز بلبن اللي بتحبه ...
طب تعدمني لتاكل الطبق ده.. دانا عاملاهولك بايدي.. ياسيدي

*******
دانا كنت عايزاك تاخد بالك بس انى تعبانة من الشغل والعيال.. وشغل البيت.. مانا برضك بحس
كنت عايزاك تعذرني لو ليلة دخلت من برّه ومالقتنيش متوضّبالك زي مابتحب
كنت عايزاك تطبطب عليا لو لقيتني رابطة راسي من الصداع
كل اللي أنا كنت عايزاه شوية حنيّة.. حنية ياراجل من بتوع زمان .. فاكرها ياحبيب قلبي؟

*******
هوّ أنا ليا بركة الا انت؟ هيّ الضحكة بتطلع من قلبي الا معاك؟
طب (بالله عليك) لتضحك بقى.. يووه مستخسرها فيّا؟
أهو بتضحك.. و ربنا بتضحك.. ماتكتمهاش .. افرجها بقى عشان ربنا يفرجها
طب قوم البس جلابيتك.. دانا غاسلاهالك وكاوياها بنفسي و معطراهالك
قوم ياخويا.. يابويا.. ياسندي.. ياحبة قلبي من جوة
يالاّ كل الرز بلبن بقى عشان أجيبلك الشاى أبو نعناع المعتبر

*******
على فكرة انا دمي خفيف (والله)؟؟؟؟؟.. أخف من دم صحابك بتوع القهوة.. انكشني بس واتفرج
ادّيني انت الأمان كده وأنا أعيّشك في جنة.. وأخليلك بيتك ده بيرقص من الفرحة
لأ مش بيتك.. أخليلك دنيتك كلها ترقص
يالاّ تعالى.. ورحرح.. مش بقولك الهوا يرد الروح

*******
دانا مش عايزة غير ريق حلو.. كلمة حنيّنة
ايدك على كتفي كفاية عليا
قوللي سلامتِك.. تسلم ايدِك.. متحرمش منِّك.. بس قولها من قلبك
.. ياحبيبي

هههههههههههه
حلوين
مشكووره حبيبتى

هههههههههههههههههههههههههههههههههههههه والله حلوه الله يسعدك

ههههههههههههههههههههههههههههههههههههههه
حلوه يا منمن بس مين فاضى يرغى الرغى ده كله ههههههههههههههههههههههه

هههههههههههههههههههههههههه حلووه ياقلبي عليها

تسلمين غاليتي نداء الحياه

كتبت بواسطة نداء الحياه

طب ومقام الشهر الفضيل ماتاخد على خاطرك مني

أختي الله يرضى عليك , حرام القسم بغير الله
لا يجوز القسم بمقام رمضان و لا غيره من المخلوقات
ارجو الانتباه .. القسم بغير الله شرك

و اليكم هذه الفتاوى

http://www.islam-qa.com/index.php?ref=1074&ln=ara&txt=الحلف

http://www.islam-qa.com/index.php?ref=13019&ln=ara&txt=الحلف

بارك الله فيك أختى الكريمة
موضوعك دمه خفيف

ولكن كما تفضلت الأخت أم نبيل بان القسم بغير الله يعتبر شرك
أرجو التنبه لهذا الأمر العظيم
جزاك الله خيرا
سأقوم بتعديل بعض الكلمات التى جاءت فى موضوعك بعد إذنك

شكرا لكم جميعا على المرور

وجزاكى الله خيرا اختى ام نبيل وام بدر وشكرا لكى على التعديل

فى الحقيقه انا اعلم جيدا ان القسم بغير الله حرام

ولكنى لم انتبه جيدا لتعديل الكلمات

شكرا لكم على التنيه والتعديل

وجزاكم الله خيرا

وجزاك أختى الكريمة نداء بالخير و الإحسان

بارك الله فيك